ᐅᐸᓓᑭᔅ ᒑᓐ 7:28 - ᐅᔅᑭ ᑎᔅᑌᒥᓐᑦ

²⁸ ᐁᑯ ᒋᓴᔅ ᑎᐁᐺᑦ ᑭᒋᐋᔭᒥᐁᐎᑲᒥᑯᒃ ᒣᒀᒡ ᐁ ᑭᔅᑭᓄᐊᒫᑫᑦ, ᐁ ᐃᑗᑦ, ᑭ ᑭᔅᑫᓕᒥᓇᐗᐤ, ᓀᔥᑕ ᑭ ᑭᔅᑫᓕᑌᓇᐗᐤ ᐃᑕ ᐌᒋᔮᓐ: ᓇᒪᐎᓚ ᒫᑲ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂ ᐅᒋ ᑕᑯᔑᓂᓐ, ᒫᑲ ᐊᓇ ᑳ ᑮ ᐯᒋᑎᔕᐅᑦ ᑖᐺᐎᓂᐎᐤ, ᐁᑳ ᑳ ᑭᔅᑫᓕᒣᒃ᙮

ᐅᐸᓓᑭᔅ ᒑᓐ 7:28 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:27

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ, ᐎᓚ ᐱᑯ ᐅᑖᐎᒪᐤ; ᓇᒪ ᓀᔥᑕ ᐊᐌᓇ ᑭᔅᑫᓕᒣᐤ ᐅᑖᐎᒫᐗ, ᐎᓚ ᐱᑯ ᐅᑯᓯᓯᒪᐤ, ᐊᓂᐃ ᓀᔥᑕ ᐅᑯᓯᓯᒪᐤ ᑫ ᐙᐸᑎᓛᑴ᙮

ᐅᐸᓓᑭᔅ ᒫᑎᐤ 2:23

ᑮ ᑕᑯᔑᓐ ᒫᑲ, ᓀᔥᑕ ᑮ ᑕᔑᑫᐤ ᐃᑖᐎᓂᒃ ᓈᓴᕆᑦ ᑳ ᐃᔑᓂᑳᑌᒃ: ᑭᒋ ᑎᐱᐸᓕᓕᒃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ, ᓈᓴᕇᓐ ᑲᑕ ᐃᔑᓂᑳᑖᑲᓂᐎᐤ᙮

ᐅᐸᓓᑭᔅ ᒫᑎᐤ 26:55

ᒣᒀᒡ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᒋᓴᔅ ᑮ ᐃᑌᐤ ᒥᔮᒪᐎᒥᒉᑎᓕᒋ ᐃᓕᓕᐗ, ᑭ ᐯᒋ ᐃᑐᑖᓇᐗᐤ ᓈ ᑖᐱᔅᑯᒡ ᐁ ᓈᑌᒃ ᑭᒧᑎᔉ, ᐁ ᐋᔮᔦᒃ ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐎ ᐅᑎᓂᔦᒃ? ᑭ ᑮ ᐎᑕᐱᒥᑎᓇᐗᐤ ᑕᑡᐤ ᑳᔑᑳᑭ ᐁ ᑭᔅᑭᓄᐊᒫᑫᔮᓐ ᑭᒋᐋᔭᒥᐁᐎᑲᒥᑯᒃ, ᓇᒪᐎᓚ ᒫᑲ ᑭ ᐅᒋ ᐅᑎᓂᓇᐗᐤ᙮

ᐅᐸᓓᑭᔅ ᓘᒃ 10:22

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ ᐊᐌᓕᐗ ᐃᐋᐎᓕᒋ, ᐱᑯ ᐅᑖᐎᒪᐤ; ᓀᔥᑕ ᐊᐌᓕᐗ ᐃᐋᐎᓕᒋ ᐅᑖᐎᒫᐗ ᐱᑯ ᐅᑯᓯᓯᒫᐤ, ᓀᔥᑕ ᐊᓇ ᑫ ᑭᔅᑫᓕᑕᒥᐃᑯᑦ ᐅᑯᓯᓯᒫᐗ᙮

ᐅᐸᓓᑭᔅ ᓘᒃ 2:11

ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮

ᐅᐸᓓᑭᔅ ᓘᒃ 2:39

ᐃᔅᐱ ᒫᑲ ᑳ ᑎᐱᑐᑕᑭᒃ ᒥᓯᐌ ᑫᒀᓇ ᐁ ᐃᑗᒪᑲᓂᓕᒃ ᐅᑦ ᐅᓚᔓᐌᐎᓐ ᐅᑎᐯᓕᒋᑫᐤ, ᑳᓕᓖᒃ ᑮ ᐃᔑ ᑭᐌᐗᒃ, ᑎᐱᓚᐌ ᐅᑦ ᐃᑖᐎᓂᐙᒃ ᓈᓴᕆᑦ᙮

ᐅᐸᓓᑭᔅ ᓘᒃ 2:4

ᒍᓯᑉ ᓀᔥᑕ ᑳᓕᓕᒃ ᐁ ᐅᑐᑌᑦ, ᓇᔅᕆᑦ ᐃᑖᐎᓂᒃ ᐅᒋ, ᑮ ᐃᑐᑌᐤ ᒎᑎᐊᐃᒃ, ᑌᐱᑕᑦ ᐅᑦ ᐃᑖᐎᓂᓕᒃ, ᐯᑦᓕᔭᒻ, (ᑌᐱᑕ ᐎᑭᓕᒃ ᓀᔥᑕ ᐅ ᐯᔭᑯᑌᒥᓕᒃ ᐁ ᐅᒌᑦ,)

ᐅᐸᓓᑭᔅ ᓘᒃ 2:51

ᑮ ᑭᐌ ᐎᒉᐌᐤ ᒫᑲ, ᑮ ᑕᑯᔑᓋᒃ ᒫᑲ ᓈᓴᕆᑎᒃ, ᓀᔥᑕ ᑮ ᑕᐸᑌᓕᒥᑎᓱᔅᑕᐌᐤ: ᒫᑲ ᐅᑳᐎᔭ ᑮ ᑲᓇᐌᓕᑕᒥᓕᐗ ᒥᓯᐌ ᐅᐅ ᐃᑗᐎᓇ ᐅᑌᐃᓕᐤ᙮

ᐅᐸᓓᑭᔅ ᒑᓐ 1:46

ᓇᑕᓂᔭᓪ ᒫᑲ ᑮ ᐃᑌᐤ, ᑫᒀᓐ ᓈ ᐁ ᒥᓨᔑᒃ ᑲᑕ ᑮ ᐅᒋᒪᑲᓐ ᓈᓴᕋᑎᒃ? ᐱᓕᑉ ᐃᑌᐤ, ᐯᒋ ᐙᐸᑕ᙮

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 12:49

ᐌᓴ ᓇᒪᐎᓚ ᓂ ᑮ ᐋᔭᒥᓐ ᓂᓚ ᑫᒋᐙᒃ: ᒫᑲ ᐅᑖᐎᒪᐤ ᑳ ᑮ ᐯᒋᑎᔕᐅᑦ, ᓂ ᑮ ᒥᓕᒃ ᐅᓚᔓᐌᐎᓂᓕᐤ, ᑫ ᐃᑗᐗᒃ, ᓀᔥᑕ ᑫ ᐃᔑ ᐋᔭᒥᐗᒃ᙮

ᐅᐸᓓᑭᔅ ᒑᓐ 14:10

ᓇᒪ ᓈ ᑭ ᑖᐺᑌᓐ ᐅᑖᐎᒪᐤ ᐁ ᐱᒋᔅᑲᐗᒃ, ᓀᔥᑕ ᐅᑖᐎᒪᐤ ᐁ ᐱᒋᔅᑳᐎᑦ? ᐋᔭᒥᐎᓇ ᑳ ᐃᑎᑕᑾᒃ ᓇᒪᐎᓚ ᓂᓚ ᑫᒋᐙᒃ ᓂᑦ ᐋᔭᒥᓐ: ᒫᑲ ᐅᑖᐎᒪᐤ ᑳ ᐱᒋᔅᑲᐎᑦ, ᐁᐗᑯ ᑳ ᑐᑕᒃ ᐋᔨᑎᐎᓇ᙮

ᐅᐸᓓᑭᔅ ᒑᓐ 14:31

ᒫᑲ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᓵᑭᐊᒃ ᐅᑖᐎᒪᐤ; ᓀᔥᑕ ᑖᐱᔅᑯᒡ ᐅᑖᐎᒪᐤ ᑳ ᐃᑕᔓᐙᔑᑦ, ᐁᑯ ᐃᔑ ᑐᑕᒫᓐ᙮ ᐸᓯᑯᒃ, ᑭᑐᑌᑕᐤ᙮

ᐅᐸᓓᑭᔅ ᒑᓐ 16:3

ᐅᐅ ᑫᒀᓇ ᒫᑲ ᑭ ᑳ ᑐᑖᑯᐙᐗᒃ ᐁᑳ ᑳ ᐅᒋ ᑭᔅᑫᓕᒫᒋᒃ ᐅᑖᐎᒪᐗ ᓀᔥᑕ ᓂᓚ᙮

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 3:2

ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 3:33

ᐊᓇ ᑳ ᑮ ᐅᑎᓇᒸᑦ ᐅ ᑎᐹᒋᒧᐎᓂᓕᐤ ᓱᑲᔅᑕᐤ ᑭᒋᒪᓂᑐᐗ ᐁ ᑖᐺᐎᓂᐎᓕᒋ᙮

ᐅᐸᓓᑭᔅ ᒑᓐ 5:32

ᑯᑕᒃ ᐃᑖᐤ ᑳ ᑎᐹᒋᒥᑦ; ᓂ ᑭᔅᑫᓕᑌᓐ ᒫᑲ ᐁ ᑖᐺᒪᑲᓂᓕᒃ ᐊᓂᐁᓕᐤ ᑎᐹᒋᒧᐎᓂᓕᐤ ᑳ ᐃᑖᒋᒥᑦ᙮

ᐅᐸᓓᑭᔅ ᒑᓐ 5:43

ᓂ ᑮ ᐯᒋ ᐃᑐᑖᓐ ᓄᑖᐎ ᐅᑦ ᐃᔑᓂᑳᓱᐎᓂᒃ, ᓇᒪᐎᓚ ᒫᑲ ᑭ ᐱᔑᑭᐃᓇᐗᐤ: ᑮᔥᐱᓐ ᑯᑕᒃ ᐊᐌᓇ ᑫ ᑕᑯᔑᓄᑴ ᐎᓚ ᑎᐱᓚᐌ ᐅᑦ ᐃᔑᓂᑳᓱᐎᓂᒃ, ᐁᐗᑯ ᑫ ᐱᔑᒋᐁᒃ᙮

ᐅᐸᓓᑭᔅ ᒑᓐ 6:42

ᑮ ᐃᑗᐗᒃ ᒫᑲ, ᓇᒪᔦᐤ ᓈ ᐊᐗ ᒋᓴᔅ, ᒍᓯᑉ ᐅᑯᓯᓴ, ᐅᑖᐎᔭ ᓀᔥᑕ ᐅᑳᐎᔭ ᑳ ᑭᔅᑫᓕᒥᒪᑯᒃ? ᑖᓐᑌ ᒫᑲᐌᒋ ᐃᑗᑦ, ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ?

ᐅᐸᓓᑭᔅ ᒑᓐ 7:14

ᐁᑯ ᓈᓐᑕᐤ ᐁ ᐋᐱᑕᐗᓂᓕᒃ ᒪᑯᔐᐎᓂᓕᐤ, ᒋᓴᔅ ᑮ ᐃᑐᑌᐤ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᑭ ᑭᔅᑭᓄᐊᒫᑫᐤ᙮

ᐅᐸᓓᑭᔅ ᒑᓐ 8:14

ᒋᓴᔅ ᐁ ᓇᔥᑴᐗᔑᐋᑦ ᑮ ᐃᑌᐤ, ᐋᑕ ᐁ ᑎᐹᒋᒥᑎᓱᔮᓐ, ᐁᓕᐌᒃ ᓂ ᑎᐹᒋᒧᐎᓐ ᑖᐺᒪᑲᓐ: ᐌᓴ ᓂ ᑭᔅᑫᓕᑌᓐ ᐃᑕ ᐌᒋᔮᓐ, ᓀᔥᑕ ᐃᑕ ᐁᑐᑌᔮᓐ; ᒫᑲ ᑭᓚᐗᐤ ᓇᒪᐎᓚ ᑭ ᑭᔅᑫᓕᑌᓇᐗᐤ ᐃᑕ ᐌᒋᔮᓐ ᓀᔥᑕ ᐃᑕ ᐁᑐᑌᔮᓐ᙮

ᐅᐸᓓᑭᔅ ᒑᓐ 8:16

ᑮᔥᐱᓐ ᒫᑲ ᑌᐹᔅᑯᓂᑫᐙᓀ, ᓂ ᑎᐹᔅᑯᓂᑫᐎᓐ ᑖᐺᒪᑲᓐ: ᐌᓴ ᓇᒪᐎᓚ ᓂ ᐯᔭᑯᓐ, ᒫᑲ ᓂᓚ ᓀᔥᑕ ᐅᑖᐎᒪᐤ ᑳ ᑮ ᐯᒋᑎᔕᐅᑦ᙮

ᐅᐸᓓᑭᔅ ᒑᓐ 8:19

ᐁᑯ ᐁᑖᒋᒃ, ᑖᓐᑌ ᐁᑖᑦ ᑯᑖᐎ? ᒋᓴᔅ ᑭ ᓇᔥᑴᐗᔑᐃᐌᐤ, ᓇᒪᐎᓚ ᑭ ᑭᔅᑫᓕᒥᓇᐗᐤ, ᓇᒪ ᓀᔥᑕ ᓄᑖᐎ: ᑮᔥᐱᓐ ᑮ ᑭᔅᑫᓕᒥᐌᑯᐸᓀ, ᑭ ᑳ ᑮ ᑭᔅᑫᓕᒫᑕᐗᐤ ᓄᑖᐎ ᓀᔥᑕ᙮

ᐅᐸᓓᑭᔅ ᒑᓐ 8:26

ᓂᑦ ᐋᔮᓐ ᒥᒉᑦ ᑫᒀᓇ ᑭᓚᐗᐤ ᑭᒋ ᐅᒋ ᐃᑗᔮᓐ ᓀᔥᑕ ᑭᒋ ᑎᐹᔅᑯᓂᑫᔮᓐ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑖᐺᐎᓂᐎᐤ; ᓀᔥᑕ ᓂ ᐎᑌᓐ ᐅᑕ ᐊᔅᑮᒃ ᐊᓂᐃ ᑫᒀᓇ ᑳ ᑮ ᐎᑕᒫᐎᑦ᙮

ᐅᐸᓓᑭᔅ ᒑᓐ 8:42

ᒋᓴᔅ ᑮ ᐃᑌᐤ, ᑮᔥᐱᓐ ᑭᒋᒪᓂᑐ ᐌᑖᐎᔦᑯ, ᑭ ᑳ ᓵᑭᐃᑕᐗᐤ: ᐌᓴ ᑭᒋᒪᓂᑐᒃ ᓂᑦ ᐅᒌᓐ ᓀᔥᑕ ᓂᑦ ᐅᑐᑖᓐ; ᓇᒪᐎᓚ ᓀᔥᑕ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂᑦ ᐅᒋ ᐯᒋ ᐃᑐᑖᓐ, ᒫᑲ ᓂ ᑮ ᐯᒋᑎᔕᐅᒃ᙮

ᐅᐸᓓᑭᔅ ᒑᓐ 9:29

ᓂ ᑭᔅᑫᓕᑌᓈᓐ ᑭᒋᒪᓂᑐ ᐁ ᑮ ᐋᔭᒥᐋᑦ ᒧᓯᓴ: ᐊᐗ ᐃᓕᓕᐤ ᒫᑲ ᓇᒪᐎᓚ ᓂ ᑭᔅᑫᓕᑌᓈᓐ ᐃᑕ ᐌᒌᑦ᙮

ᐊᐸᔅᑕᓚᒃ 17:23

ᐌᓴ ᒣᒀᒡ ᐁ ᐱᒧᑌᔮᓐ, ᐁ ᑲᓇᐗᐸᑕᒫᓐ ᒫᑲ ᑭᑦ ᐋᔭᒥᐋᐎᓂᐙᐗ, ᓂ ᑮ ᒥᔅᑫᓐ ᐯᔭᒃ ᐸᑭᒋᑲᓈᐱᔉ ᐅᒪ ᐁ ᐃᑕᓯᓇᐃᑳᑌᒃ, ᐊᓇ ᐁᑳ ᑳ ᑭᔅᑫᓕᒥᑦ ᒪᓂᑐ, ᐊᓇ ᒫᑲ ᐁᑳ ᑳ ᑭᔅᑫᓕᒣᒃ ᑳ ᐅᒋᒋᒀᓇᐱᔅᑕᐌᒃ, ᐁᐗᑯ ᑳ ᐊᓕᒧᑕᒪᑕᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:28

ᓀᔥᑕ ᒫᑲ ᐁᑳ ᐁ ᑮ ᐎ ᒥᒋᒥᓈᒋᒃ ᑭᒋᒪᓂᑐᐗ ᐅ ᑭᔅᑫᓕᑕᒧᐎᓂᐙᒃ, ᑭᒋᒪᓂᑐ ᑮ ᐃᔑ ᐸᑭᑎᓀᐤ ᑭᒋ ᐸᑾᓐᑕᐤ ᒥᑐᓀᓕᒋᑲᓂᓕᒋ, ᑭᒋ ᑐᑕᒥᓕᒋ ᐊᓂᐃ ᑫᒀᓇ ᐁᑳ ᑳ ᓇᐃᐸᓕᓕᑭ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:4

ᓇᒪᐎᓚ ᑲᑕ ᐎ ᐃᑭᓐ: ᐁᐁ, ᐁᑯᔑ ᑭᒋᒪᓂᑐ ᑲᑕ ᑖᐺᐤ, ᒫᑲ ᒥᓯᐌ ᑕᑐ ᐃᓕᓕᐤ ᑲᑕ ᑭᓛᔅᑭᐤ: ᒬᒋ ᐁ ᐃᑕᓯᓇᐃᑳᑌᒃ, ᑭᒋ ᒀᔭᔅᑭᑖᑎᓯᐃᑳᐎᔭᓐ ᑭᑦ ᐋᔭᒥᐎᓂᒃ, ᓀᔥᑕ ᑭᒋ ᔖᑯᒋᐃᐌᔭᓐ ᐃᔅᐱ ᑎᐹᔅᑯᓂᑲᐎᔭᓀ᙮

ᓂᔓ ᑯᕆᓐᑎᐊᓇ 1:18

ᒫᑲ ᐁ ᐃᔑ ᑖᐺᐎᓂᐎᑦ ᑭᒋᒪᓂᑐ, ᓂ ᑲᑫᔅᑭᒥᐌᐎᓂᓈᓐ ᑳ ᑮ ᐅᑎᑎᑯᔦᒃ ᓇᒪᐎᓇ ᑮ ᐃᑗᒪᑲᒃ ᐁᐁ ᓀᔥᑕ ᓇᒪᐎᓚ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐦᐃᑉᕉᐗ 6:18

ᑳ ᓂᔑᑭ ᑫᒀᓇ ᐁᑳ ᑫ ᑴᔅᑭᐸᓕᑭ ᐅᒋ, ᐃᑕ ᐁᑳ ᑫ ᑮ ᐃᑭᒃ ᑭᒋᒪᓂᑐ ᑭᒋ ᑭᓛᔅᑭᑦ, ᑭᒋ ᐋᔮᔭᒃ ᒪᔥᑲᐎ ᑳᑭᒋᐃᑯᓯᐎᓐ, ᑳ ᑮ ᓈᑕᒧᔅᑕᒪᒃ ᓈᑕᒫᑫᐎᓐ ᑭᒋ ᒥᒋᒥᓇᒪᒃ ᐊᓂᒪ ᐊᔅᐯᓕᒧᐎᓐ ᑳ ᓂᑳᓇᔅᑕᒫᑲᐎᔭᒃ:

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮