62 ᑫᒀᓐ ᒫᑲ ᑮᔥᐱᓐ ᑫ ᐙᐸᒣᑴ ᐃᓕᓕᐎᑯᓯᓵᓐ ᐁ ᐅᐱᔅᑳᑦ ᐃᑕ ᓃᔥᑕᒻ ᑳ ᑭ ᐃᑖᑦ᙮
ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮
ᐁᑯᔑ ᒫᑲ, ᐃᔅᐱ ᐅᑎᒪᓕᒋᑫᐤ ᑳ ᑮ ᐋᔭᒥᐋᑦ, ᑭᒋᑭᔑᑯᒃ ᑮ ᐃᔑ ᐅᑎᓇᐤ, ᓀᔥᑕ ᑮ ᐊᐱᐌᐤ ᐅ ᑭᒋᓂᔅᑭᓕᒃ ᑭᒋᒪᓂᑐᐗ᙮
ᑮ ᐃᑭᓐ ᒫᑲ, ᒣᒀᒡ ᐁ ᒥᓦᑭᒫᑦ, ᑮ ᐹᑳᓈᐸᒣᐤ, ᓀᔥᑕ ᑮ ᐃᔑᐎᓚᐤ ᑭᒋᑭᔑᑯᒃ᙮
ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮
ᐊᓄᒡ ᒫᑲ ᓇᒪᐎᓚ ᑫᔮᐸᒡ ᐊᔅᑮᒃ ᓃᑦ ᐃᑖᓐ, ᒫᑲ ᐅᑯ ᐊᔅᑮᒃ ᐃᑖᐗᒃ, ᓂᓚ ᒫᑲ ᑭ ᐯᒋ ᓈᑎᑎᓐ᙮ ᐯᓓᑭᓯᔭᓐ ᐅᑖᐎᒪᐤ, ᑲᓇᐌᓕᒥᒃ ᑭᓚ ᑭᑦ ᐃᔑᓂᑳᓱᐎᓐ ᐅᒋ ᐊᓂᑭ ᑳ ᑮ ᒥᓕᔭᓐ, ᑭᒋ ᐯᔭᑯᒋᒃ, ᑖᐱᔅᑯᒡ ᑭᓚᓈᓇᐤ᙮
ᓀᔥᑕ ᒫᑲ ᓇᒪᐎᓚ ᐊᐌᓇ ᐅᒋ ᐅᐱᔅᑲᐤ ᑭᒋᑭᔑᑯᒃ, ᐱᑯ ᐊᓇ ᑭᒋᑭᔑᑯᒃ ᑳ ᑮ ᐅᒋ ᐯᒋ ᓛᔑᑦ ᑭᒋᑭᔑᑯᒃ, ᐃᓕᓕᐎᑯᓯᓵᓐ ᐅᑎ ᑭᒋᑭᔑᑯᒃ ᑳ ᐃᑖᑦ᙮
ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮
ᑮ ᐃᑗᐗᒃ ᒫᑲ, ᓇᒪᔦᐤ ᓈ ᐊᐗ ᒋᓴᔅ, ᒍᓯᑉ ᐅᑯᓯᓴ, ᐅᑖᐎᔭ ᓀᔥᑕ ᐅᑳᐎᔭ ᑳ ᑭᔅᑫᓕᒥᒪᑯᒃ? ᑖᓐᑌ ᒫᑲᐌᒋ ᐃᑗᑦ, ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ?
ᐁᑯ ᒋᓴᔅ ᐁᑖᑦ, ᑖᐺ, ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᑫ ᒥᒋᐌᑴ ᐃᓕᓕᐎᑯᓯᓵᓐ ᐎᔮᔅ, ᓀᔥᑕ ᐁᑳ ᑫ ᒥᓂᑴᐌᑫ ᐅᒥᑯ, ᓇᒪᐎᓚ ᑭ ᐱᒋᔅᑳᑯᓇᐗᐤ ᐱᒫᑎᓯᐎᓐ᙮
ᐃᔅᐱ ᒫᑲ ᐅᐅ ᑫᒀᓇ ᑳ ᑮ ᐃᑗᑦ, ᒣᒀᒡ ᐁ ᑲᓇᐙᐱᓕᒋ, ᑮ ᐅᐱᓈᑲᓂᐎᐤ, ᓀᔥᑕ ᐗᔅᑯᒃ ᑮ ᐅᑎᓈᑲᓂᐎᐤ, ᑮ ᐹᔑᑯᓈᑯᓰᔅᑖᑯᐗᒃ ᒫᑲ᙮
ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮
