ᐅᐸᓓᑭᔅ ᒑᓐ 6:51 - ᐅᔅᑭ ᑎᔅᑌᒥᓐᑦ

⁵¹ ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐅᐸᓓᑭᔅ ᒑᓐ 6:51 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᓘᒃ 22:19

ᑮ ᐅᑎᓀᐤ ᒫᑲ ᐊᓚᑯᓇᐗ, ᑮ ᓇᓇᔅᑯᒧ ᒫᑲ, ᓀᔥᑕ ᑮ ᐱᑯᓀᐤ, ᐁᑯ ᒫᓛᑦ, ᐁ ᐃᑗᑦ, ᐁᐗᑯ ᐅᒪ ᓂᔭᐤ ᑳ ᒥᓕᐙᓂᐗᒃ ᑭᓚᐗᐤ ᐅᒋ: ᐅᒪ ᑐᑕᒧᒃ ᐁ ᑭᔅᑭᓯᑐᑕᐎᔦᒃ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 11:26

ᓀᔥᑕ ᒥᓯᐗ ᑕᑐ ᐊᐌᓇ ᑳ ᐱᒫᑎᓰᑦ ᓀᔥᑕ ᑳ ᑖᐺᔦᓕᒥᑦ, ᓇᒪᐎᓚ ᐎᔅᑳᑦ ᑲᑕ ᓇᐱᐤ᙮ ᑭ ᑖᐺᑌᓐ ᓈ ᐅᒪ?

ᐅᐸᓓᑭᔅ ᒑᓐ 3:13

ᓀᔥᑕ ᒫᑲ ᓇᒪᐎᓚ ᐊᐌᓇ ᐅᒋ ᐅᐱᔅᑲᐤ ᑭᒋᑭᔑᑯᒃ, ᐱᑯ ᐊᓇ ᑭᒋᑭᔑᑯᒃ ᑳ ᑮ ᐅᒋ ᐯᒋ ᓛᔑᑦ ᑭᒋᑭᔑᑯᒃ, ᐃᓕᓕᐎᑯᓯᓵᓐ ᐅᑎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒑᓐ 3:14

ᑖᐱᔅᑯᒡ ᓀᔥᑕ ᒧᓯᔅ ᑳ ᑮ ᐃᔑ ᐅᐱᓈᑦ ᒥᔑᑭᓀᐱᑾ ᐸᑾᑕᔅᑲᒥᑳᒃ, ᐁᑯ ᑖᐱᔅᑯᒡ ᑫ ᐃᔑ ᐅᐱᓈᑲᓂᐎᑦ ᐃᓕᓕᐎᑯᓯᓵᓐ:

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:33

ᐌᓴ ᑭᒋᒪᓂᑐ ᐅᑦ ᐊᓚᑯᓈᒪ ᐁᐗᒀᓇ ᑳ ᐯᒋ ᓛᔑᑦ ᑭᒋᑭᔑᑯᒃ ᐅᒋ, ᓀᔥᑕ ᑳ ᒥᓕᐌᑦ ᐱᒫᑎᓯᐎᓂᓕᐤ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 6:35

ᒋᓴᔅ ᒫᑲ ᑮ ᐃᑌᐤ, ᓂᓚ ᐁᐗᑯ ᐱᒫᑎᓯᐎᓂ ᐊᓚᑯᓇᐤ: ᐊᓇ ᑳ ᐯᒋ ᓈᔑᑦ ᓇᒪᐎᔅᑳᑦ ᑲᑕ ᓄᑌᑲᑌᐤ; ᐊᓇ ᓀᔥᑕ ᑳ ᑖᐺᔦᓕᒥᑦ ᓇᒪᐎᔅᑲᑦ ᑲᑕ ᓄᑌᔮᐸᑴᐤ᙮

ᐅᐸᓓᑭᔅ ᒑᓐ 6:41

ᒎᐗᒃ ᒫᑲ ᑮ ᐙᔦᔥ ᐃᑌᓕᒣᐗᒃ, ᐁ ᑮ ᐃᑗᓕᒋ, ᓂᓚ ᐁᐗᑯ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ᙮

ᐅᐸᓓᑭᔅ ᒑᓐ 6:47

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ ᐋᔭᐤ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:48

ᓂᓚ ᐁᐗᑯ ᐱᒫᑎᓯᐎᓂ ᐊᓚᑯᓇᐤ᙮

ᐅᐸᓓᑭᔅ ᒑᓐ 6:50

ᐁᐗᑯ ᐊᐗ ᐊᓚᑯᓇᐤ ᑭᒋᔑᑯᒃ ᑳ ᐅᒋᐸᓕᑦ, ᐊᐌᓇ ᑭᒋ ᒧᐙᑦ, ᐁᑳ ᓀᔥᑕ ᑭᒋ ᓂᐱᑦ᙮

ᐅᐸᓓᑭᔅ ᒑᓐ 7:38

ᐊᓇ ᑳ ᑖᐺᔦᓕᒥᑦ, ᐁ ᐃᔑ ᐃᑗᒪᑲᒃ ᑭᒋᒪᓯᓇᐃᑫᐎᓐ, ᐗᑖᒃ ᑲᑕ ᐅᒋᒋᐗᓂᓕᐗ ᓯᐱᔭ ᐃᑕ ᐁ ᐃᑕᑾᒃ ᐱᒫᑎᓯᐎ ᓂᐱ᙮

ᓂᔓ ᑯᕆᓐᑎᐊᓇ 5:19

ᑭᒋᒪᓂᑐ ᐁ ᑮ ᐱᒋᔅᑲᐙᑦ ᙭ᑕ, ᐁ ᐅᑐᑌᒥᔅᑕᒫᓯᑦ ᐊᔅᑭ, ᐁᑳ ᐁ ᐃᑕᑭᑕᒪᐙᑦ ᐅ ᒪᒋᑐᑕᒧᐎᓂᓕᐗ; ᓀᔥᑕ ᐁ ᑮ ᐸᑭᑎᓇᒫᑕᒃ ᐅᑐᑌᒥᐃᐌᐎ ᐋᔭᒥᐎᓂᓕᐤ᙮

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐃᐱᓯᔭᓇ 5:25

ᓈᐯᑐᒃ, ᓵᑭᐃᑯᒃ ᑭ ᐎᐙᐗᒃ, ᑖᐱᔅᑯᒡ ᙭ ᑳ ᑮ ᐃᔑ ᓵᑭᐋᑦ ᒫᒪᐎᐋᔭᒥᐊᐗ ᓀᔥᑕ ᑳ ᑮ ᐸᑭᑎᓂᑎᓱᔅᑕᒪᐙᑦ;

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 10:20

ᐅᔥᑭ ᓀᔥᑕ ᐱᒫᑎᓯᐎ ᒣᔅᑲᓈᒃ ᑳ ᐅᔥᑭ ᐅᔑᑕᒫᑕᒃ, ᔖᐳ ᐊᑯᐃᑲᓂᒃ, ᐁᐗᑯ ᐎᔮᔅ;

ᓂᔥᑕᒻ ᐱᑕᕐ 2:4

ᐊᓇ ᐁ ᐯᒋ ᓈᑌᒃ, ᑖᐱᔅᑯᒡ ᐯᒫᑎᓰᑦ ᐊᓯᓂ, ᑖᐺ ᐁ ᐋᑕᐌᓕᒥᑯᑦ ᐃᓕᓕᐗ, ᒫᑲ ᐁ ᐙᐌᓛᐸᒥᑯᑦ ᑭᒋᒪᓂᑐ, ᐁ ᑭᔅᑕᑭᓯᑦ ᓀᔥᑕ,

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮