ᐅᐸᓓᑭᔅ ᒑᓐ 6:39 - ᐅᔅᑭ ᑎᔅᑌᒥᓐᑦ

³⁹ ᐁᐗᑴᓕᐤ ᒫᑲ ᐅᑖᐎᒪᐤ ᐅᑦ ᐃᑌᓕᑕᒧᐎᓐ ᑳ ᑮ ᐯᒋᑎᔕᐅᑦ, ᒥᓯᐌ ᑳ ᑮ ᒥᓕᑦ ᐁᑳ ᑭᒋ ᐗᓂᑖᔮᓐ ᑫᒀᓐ, ᒫᑲ ᑭᒋ ᐗᓂᔥᑳᓇᒫᓐ ᒥᓇ ᒫᒋᒡ ᑭᔑᑳᑫ᙮

ᐅᐸᓓᑭᔅ ᒑᓐ 6:39 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:15

ᑖᐺ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᐊᔅᑭ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᑎᐤ 18:14

ᐁᑯ ᑖᐱᔅᑯᒡ ᓀᔥᑕ ᓇᒪᐎᓚ ᓇᑕᐌᓕᑕᒻ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ, ᐯᔭᒃ ᐅᐅ ᑳ ᐋᐱᔅᑌᓕᑖᑯᓯᓕᒋ ᑭᒋ ᓂᔑᐗᓈᑎᓯᓕᒋ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 12:48

ᐊᓇ ᑳ ᐋᑕᐌᓕᒥᑦ, ᓀᔥᑕ ᐁᑳ ᑳ ᐅᑎᓇᒃ ᓂᑦ ᐋᔭᒥᐎᓇ, ᐋᔭᐌᐤ ᐊᐌᓕᐗ ᑳ ᑎᐹᔅᑯᓂᑯᑦ: ᐊᓂᒪ ᐋᔭᒥᐎᓐ ᑳ ᑮ ᐃᑗᔮᓐ, ᐁᐗᑴᓕᐤ ᑫ ᑎᐹᔅᑯᓂᑯᑦ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 17:12

ᐁᔥᑾ ᐁ ᐎᒉᐗᑭᒃ ᐊᔅᑮᒃ, ᓂ ᑮ ᑲᓇᐌᓕᒪᐗᒃ ᑭᑦ ᐃᔑᓂᑳᓱᐎᓂᒃ: ᐊᓂᑭ ᑳ ᑮ ᒥᓕᔭᓐ ᓂ ᑮ ᑲᓇᐌᓕᒪᐗᒃ, ᓀᔥᑕ ᓇᒪ ᐙᐙᒡ ᐯᔭᒃ ᐁ ᐃᑕᓯᒋᒃ ᐗᓂᐋᑲᓂᐎᐤ, ᐊᓇ ᐱᑯ ᑳ ᐅᑯᓯᓯᒥᑯᑦ ᓂᔑᐗᓈᒋᐅᐎᓂᓕᐤ; ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 17:6

ᓂ ᑮ ᐙᐸᑎᓚᐗᒃ ᑭᑦ ᐃᔑᓂᑳᓱᐎᓂᓕᐤ ᐊᓂᑭ ᐃᓕᓕᐗᒃ ᑳ ᑮ ᒥᓕᔭᓐ ᐊᔅᑮᒃ ᐅᒋ: ᑭ ᑮ ᐅᑦ ᐃᓕᓕᒥᒫᐗᒃ, ᑭ ᑮ ᒥᓕᓐ ᒫᑲ; ᓀᔥᑕ ᑮ ᑲᓇᐌᓕᑕᒶᒃ ᑭᑦ ᐋᔭᒥᐎᓂᓕᐤ᙮

ᐅᐸᓓᑭᔅ ᒑᓐ 17:9

ᐎᓚᐗᐤ ᓂᑦ ᐋᔭᒥᐁᔅᑕᒪᐙᐗᒃ: ᓇᒪᐎᓚ ᐊᔅᑭ ᓂᑦ ᐋᔭᒥᐁᔅᑕᒫᑌᓐ; ᒫᑲ ᐊᓂᑭ ᑳ ᑮ ᒥᓕᔭᓐ; ᐌᓴ ᑭᑦ ᐅᑦ ᐃᓕᓕᒥᒫᐗᒃ᙮

ᐅᐸᓓᑭᔅ ᒑᓐ 18:9

ᑭᒋ ᑎᐱᐸᓕᓕᒃ ᐊᓂᐁᓕᐤ ᐃᑗᐎᓂᓕᐤ ᑳ ᑮ ᐃᑗᑦ, ᐊᓂᑭ ᑳ ᑮ ᒥᓕᔭᓐ ᓇᒪᐎᓚ ᐙᐙᒡ ᐯᔭᒃ ᐁ ᐃᑕᓯᒋᒃ ᓂ ᑮ ᐗᓂᐊᐤ᙮

ᐅᐸᓓᑭᔅ ᒑᓐ 5:28

ᐁᑳᐎᓚ ᒫᒪᔅᑳᑕᒧᒃ ᐅᒪ: ᐌᓴ ᐹᐸᓕᐤ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᒥᓯᐌ ᐊᓂᑭ ᓕᑾᐊᔅᑳᓂᒃ ᑳ ᐃᑖᒋᒃ ᑫ ᐯᑕᒸᒋᒃ ᐅ ᐯᑖᑯᓯᐎᓂᓕᐤ,

ᐅᐸᓓᑭᔅ ᒑᓐ 6:37

ᒥᓯᐌ ᐊᓂᐃ ᑳ ᒥᓕᑦ ᐅᑖᐎᒪᐤ ᓂ ᑳ ᐯᒋ ᓈᑎᑾᒃ: ᐊᓇ ᓀᔥᑕ ᑳ ᐯᒋ ᓈᔑᑦ ᔮᓕᑌᓪ ᓇᒪᐎᓚ ᓂ ᑳ ᐗᓚᐎᐌᐱᓇᐤ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:44

ᓇᒪᐎᓚ ᐊᐌᓇ ᓂ ᑳ ᑮ ᐯᒋ ᓈᑎᒃ, ᑮᔥᐱᓐ ᐅᑖᐎᒪᐤ ᑳ ᑮ ᐯᒋᑎᔕᐅᑦ ᐁᑳ ᐅᒋᐱᑖᑌ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:54

ᐊᓇ ᑳ ᒥᒋᑦ ᓂᔮᓯᓕᐤ ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ; ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᓂᔥᑕᒻ ᑯᕆᓐᑎᐊᓇ 6:14

ᑭᒋᒪᓂᑐ ᒫᑲ ᑳ ᑮ ᐃᔑ ᐗᓂᔥᑳᓈᑦ ᐅᑎᐯᓕᒋᑫᐗ, ᐁᑯ ᑖᐱᔅᑯᒡ ᑫ ᐃᔑ ᐗᓂᔥᑳᓂᑕᒃ ᑎᐱᓚᐌ ᐅ ᑲᔥᑭᐅᐎᓂᒃ ᐅᒋ᙮

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:15

ᑖᐺᔦᓕᑕᒧᐎᓂ ᐋᔭᒥᐋᐎᓐ ᒫᑲ ᑲᑕ ᐱᒫᒋᐃᑯ ᐊᓇ ᑳ ᐋᑯᓯᑦ, ᐅᑎᐯᓕᒋᑫᐤ ᒫᑲ ᑲᑕ ᐗᓂᔥᑳᓀᐤ; ᑮᔥᐱᓐ ᒫᑲ ᑮ ᒪᒋᑐᑕᒧᑴ ᑲᑕ ᐌᐯᓕᑕᒪᐙᑲᓂᐎᐤ᙮

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮