36 ᒫᑲ ᑭ ᑮ ᐃᑎᑎᓇᐗᐤ, ᑭ ᑮ ᐙᐸᒥᓇᐗᐤ ᓀᔥᑕ, ᓇᒪᐎᓚ ᒫᑲ ᑭ ᑖᐺᑌᓇᐗᐤ᙮
ᑮ ᐃᑌᐤ ᒫᑲ, ᑮᔥᐱᓐ ᐁᑳ ᓇᑐᑕᐙᑡᐌ ᒧᓯᓴ ᓀᔥᑕ ᐅᑭᔅᑭᐙᐃᑫᐗ, ᓇᒪᐎᓚ ᓀᔥᑕ ᑲᑕ ᔖᑯᒋᒫᐗᒃ ᐋᑕ ᐁ ᑮ ᐗᓂᔥᑳᓕᒋ ᐊᐌᓕᐗ ᐅᓂᐱᐗ ᐅᒋ᙮
ᐋᑕ ᒫᑲ ᐃᔅᐱᒋ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᐁ ᑮ ᑐᑕᒃ ᐁ ᐙᐸᒥᑯᑦ, ᐁᓕᐌᒃ ᒫᑲ ᓇᒪᐎᓚ ᐅᒋ ᑖᐺᔦᓕᒥᑯ᙮
ᑮᔥᐱᓐ ᐁᑳ ᐅᒋ ᑐᑕᒶᒃ ᑭᒋ ᐙᐸᑕᑭᒃ ᐋᔨᑎᐎᓇ ᐁᑳ ᑯᑕᒃ ᐊᐌᓇ ᑳ ᑮ ᑐᑕᒃ, ᓇᒪᐎᓚ ᑲᑕ ᐋᔮᐸᓇᒃ ᒪᒋᑣᐎᓂᓕᐤ: ᒫᑲ ᐊᓄᒡ ᓂ ᑮ ᐙᐸᒥᑯᓈᓇᒃ ᓀᔥᑕ ᓂ ᑮ ᐸᑾᑎᑯᓈᓇᒃ ᓂᓚ ᓀᔥᑕ ᓄᑖᐎ᙮
ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᑭ ᓈᓇᑕᐌᓕᒥᓇᐗᐤ, ᐁᑳ ᐁ ᑮ ᐙᐸᑕᒣᒃ ᒫᒪᔅᑳᒋ ᐃᓯᒋᑫᐎᓇ, ᒫᑲ ᐁ ᑮ ᒧᐌᑾᒃ ᐊᓚᑯᓈᐗᒃ ᓀᔥᑕ ᐁ ᑮ ᑭᔥᐳᔦᒃ᙮
ᐁᐗᑯ ᐌᒋ ᐃᑖᒋᒃ, ᑫᑯ ᑭᔅᑭᓄᐙᒋ ᐙᐸᑎᓕᐌᐎᓐ ᒫᑲ ᐎᐋᐸᑎᓕᐌᔭᓐ, ᑭᒋ ᑮ ᐋᐸᑕᒫᒃ, ᓀᔥᑕ ᑖᐺᑖᑖᒃ? ᑫᒀᓐ ᐁ ᑐᑕᒪᓐ?
ᒥᓯᐌ ᐊᓂᐃ ᑳ ᒥᓕᑦ ᐅᑖᐎᒪᐤ ᓂ ᑳ ᐯᒋ ᓈᑎᑾᒃ: ᐊᓇ ᓀᔥᑕ ᑳ ᐯᒋ ᓈᔑᑦ ᔮᓕᑌᓪ ᓇᒪᐎᓚ ᓂ ᑳ ᐗᓚᐎᐌᐱᓇᐤ᙮
ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮
ᒫᑲ ᐃᑖᐗᒃ ᐋᑎᑦ ᐁ ᐃᑕᓯᔦᒃ ᐁᑳ ᑳ ᑖᐺᑕᑭᒃ᙮ ᐌᓴ ᒋᓴᔅ ᓃᔥᑕᒻ ᐅᒋ ᑮ ᑭᔅᑫᓕᒣᐤ ᐊᐌᓕᐗ ᐊᓂᐃ ᐁᑳ ᑖᐺᑕᒥᓕᒋ, ᓀᔥᑕ ᐊᐌᓕᐗ ᑫ ᐙᔦᔑᐸᑭᑎᓂᑯᑦ᙮
