ᐅᐸᓓᑭᔅ ᒑᓐ 6:27 - ᐅᔅᑭ ᑎᔅᑌᒥᓐᑦ

²⁷ ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐅᐸᓓᑭᔅ ᒑᓐ 6:27 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 17:5

ᒣᒀᒡ ᑫᔮᐸᒡ ᐁ ᐋᔭᒥᐤ, ᒫᑎᑲ, ᐁ ᐙᓭᔮᒃ ᐗᔅᑯ ᑮ ᐊᑳᐙᔅᑌᐅᑯᐗᒃ: ᒫᑎᑲ, ᒫᑲ, ᐯᑖᑯᓯᐎᓐ ᐗᔅᑯᒃ ᐅᒋ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ; ᓇᑐᑖᐎᒃ᙮

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒫᑎᐤ 3:17

ᒫᑎᑲ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ᙮

ᐅᐸᓓᑭᔅ ᒫᑎᐤ 6:19

ᐁᑳᐎᓚ ᓈᐋᔅᑣᓱᒃ ᒥᔕᑭᓯᐎᓇ ᐅᑕ ᐊᔅᑮᒃ, ᐊᓐᑕ ᐁ ᐃᔑ ᓂᔑᐗᓈᒋᑖᑦ ᒪᓂᒍᔥ, ᓀᔥᑕ ᐁ ᐊᒀᒀᐱᔅᑳᒃ, ᐊᓐᑕ ᓀᔥᑕ ᑭᒧᑎᔅᑲᒃ ᑳ ᐸᔅᐱᐱᑯᐊᑭᒃ ᐁ ᑭᒧᑎᒋᒃ:

ᐅᐸᓓᑭᔅ ᒫᑎᐤ 8:20

ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮

ᐅᐸᓓᑭᔅ ᒫᕐᒃ 1:11

ᐯᑖᑯᓯᐎᓐ ᒫᑲ ᑭᒋᑭᔑᑯᒃ ᑫ ᐅᒋᐸᓕᐤ, ᐁ ᐃᑗᒪᑲᒃ, ᑭᓚ ᓂᑯᓯᔅ ᓈᔅᐱᒡ ᑳ ᓵᑭᐃᑖᓐ, ᓈᔅᐱᒡ ᑳ ᓇᐃᓚᐌᐃᔭᓐ᙮

ᐅᐸᓓᑭᔅ ᒫᕐᒃ 9:7

ᑮ ᐃᑕᑾᓐ ᒫᑲ ᐗᔅᑯ ᑳ ᐊᑲᐙᔅᑌᐅᑯᒋᒃ: ᓀᔥᑕ ᐯᑖᑯᓯᐎᓐ ᐗᔅᑯᒃ ᑮ ᐅᒋᐸᓕᐤ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ; ᓇᑐᑖᐎᒃ᙮

ᐅᐸᓓᑭᔅ ᓘᒃ 3:22

ᑮ ᐯᒋ ᓛᔑᔅᑖᑯ ᒫᑲ ᐸᓓᑭ ᐊᒑᑾ, ᐁ ᐎᔭᐎᓕᒋ, ᑖᐱᔅᑯᒡ ᐅᒥᒦᒃ, ᐯᑖᑯᓯᐎᓐ ᒫᑲ ᑭᒋᑭᔑᑯᒃ ᑮ ᐅᒋᐸᓕᐤ, ᐁ ᐃᑗᒪᑲᒃ, ᑭᓚ ᓂᑯᓯᔅ ᑳ ᓵᑭᐃᑖᓐ, ᑭᓚ ᓈᔅᐱᒡ ᑭ ᓇᐃᓚᐌᐃᓐ᙮

ᐅᐸᓓᑭᔅ ᓘᒃ 9:35

ᓀᔥᑕ ᐗᔅᑯᒃ ᑮ ᐅᒋᐸᓕᐤ ᐯᑖᑯᓯᐎᓐ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ; ᓇᑐᑖᐎᒃ᙮

ᐅᐸᓓᑭᔅ ᒑᓐ 10:28

ᓀᔥᑕ ᓂ ᒥᓛᐗᒃ ᑳᑭᑫ ᐱᒫᑎᓯᐎᓂᓕᐤ; ᓇᒪᐎᔅᑳᑦ ᒫᑲ ᑲᑕ ᓂᔑᐗᓈᑎᓯᐗᒃ, ᓇᒪᐎᓚ ᓀᔥᑕ ᐊᐌᓇ ᓂ ᑳ ᑮ ᒪᔅᑲᒥᒃ ᓂᒌᒌᒃ ᐅᒋ᙮

ᐅᐸᓓᑭᔅ ᒑᓐ 11:42

ᓂ ᑭᔅᑫᓕᑌᑖᔾ ᒫᑲ ᒧᔕᒃ ᐁ ᓇᑐᑕᐎᔭᓐ: ᒫᑲ ᐃᓕᓕᐗᒃ ᑳ ᐙᔅᑲᑳᐸᐎᒋᒃ ᐌᒋ ᐃᑗᔮᓐ ᑭᒋ ᑖᐺᑕᑭᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 15:24

ᑮᔥᐱᓐ ᐁᑳ ᐅᒋ ᑐᑕᒶᒃ ᑭᒋ ᐙᐸᑕᑭᒃ ᐋᔨᑎᐎᓇ ᐁᑳ ᑯᑕᒃ ᐊᐌᓇ ᑳ ᑮ ᑐᑕᒃ, ᓇᒪᐎᓚ ᑲᑕ ᐋᔮᐸᓇᒃ ᒪᒋᑣᐎᓂᓕᐤ: ᒫᑲ ᐊᓄᒡ ᓂ ᑮ ᐙᐸᒥᑯᓈᓇᒃ ᓀᔥᑕ ᓂ ᑮ ᐸᑾᑎᑯᓈᓇᒃ ᓂᓚ ᓀᔥᑕ ᓄᑖᐎ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᐅᐸᓓᑭᔅ ᒑᓐ 3:15

ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒥᑯᑦ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:33

ᐊᓇ ᑳ ᑮ ᐅᑎᓇᒸᑦ ᐅ ᑎᐹᒋᒧᐎᓂᓕᐤ ᓱᑲᔅᑕᐤ ᑭᒋᒪᓂᑐᐗ ᐁ ᑖᐺᐎᓂᐎᓕᒋ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:47

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ ᐋᔭᐤ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:51

ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐅᐸᓓᑭᔅ ᒑᓐ 6:53

ᐁᑯ ᒋᓴᔅ ᐁᑖᑦ, ᑖᐺ, ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᑫ ᒥᒋᐌᑴ ᐃᓕᓕᐎᑯᓯᓵᓐ ᐎᔮᔅ, ᓀᔥᑕ ᐁᑳ ᑫ ᒥᓂᑴᐌᑫ ᐅᒥᑯ, ᓇᒪᐎᓚ ᑭ ᐱᒋᔅᑳᑯᓇᐗᐤ ᐱᒫᑎᓯᐎᓐ᙮

ᐅᐸᓓᑭᔅ ᒑᓐ 6:54

ᐊᓇ ᑳ ᒥᒋᑦ ᓂᔮᓯᓕᐤ ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ; ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:58

ᐁᐗᑯ ᐊᐗ ᐊᓇ ᐊᓚᑯᓇᐤ ᑭᒋᑭᔑᑯᒃ ᑳ ᐯᒋ ᐅᒋᐸᓕᑦ: ᓇᒪᐎᓚ ᑖᐱᔅᑯᒡ ᑯᑖᐎᐙᐗᒃ ᑳ ᑮ ᒧᐙᒋᒃ ᒫᓇᐊ, ᐋᔕᔾ ᒫᑲ ᓇᒪ ᐱᒫᑎᓯᐗᒃ: ᐊᓇ ᑳ ᒧᐙᑦ ᐅᐅ ᐊᓚᑯᓇᐗ ᑳᑭᑫ ᑲᑕ ᐱᒫᑎᓯᐤ᙮

ᐅᐸᓓᑭᔅ ᒑᓐ 6:62

ᑫᒀᓐ ᒫᑲ ᑮᔥᐱᓐ ᑫ ᐙᐸᒣᑴ ᐃᓕᓕᐎᑯᓯᓵᓐ ᐁ ᐅᐱᔅᑳᑦ ᐃᑕ ᓃᔥᑕᒻ ᑳ ᑭ ᐃᑖᑦ᙮

ᐅᐸᓓᑭᔅ ᒑᓐ 6:68

ᐁᑯ ᓀᔥᑴᐗᔑᐃᑯᑦ ᓵᐃᒪᓐ ᐱᑕᕋ, ᑌᐯᓕᒋᑫᔭᓐ, ᐊᐌᓇ ᑫ ᓈᑕᑭᑦ? ᑭᓚ ᑭᑦ ᐋᔮᓐ ᑳᑭᑫ ᐱᒫᑎᓯᐎᓂ ᐋᔭᒥᐎᓇ᙮

ᐅᐸᓓᑭᔅ ᒑᓐ 8:18

ᓂᓚ ᐯᔭᒃ ᐁ ᑎᐹᒋᒥᑎᓱᔮᓐ, ᐅᑖᐎᒪᐤ ᓀᔥᑕ ᑳ ᑮ ᐯᒋᑎᔕᐅᑦ ᓂ ᑎᐹᒋᒥᒃ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 2:22

ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐯᑕᒧᒃ ᐅᐅ ᐋᔭᒥᐎᓇ; ᒋᓴᔅ ᓈᓴᕆᑎᒃ ᑳ ᐅᒌᑦ, ᐊᓇ ᐃᓕᓕᐤ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ ᐃᑕ ᐁ ᐃᑖᔦᒃ ᒫᒪᔅᑳᒋ ᐃᓯᒋᑫᐎᓇ ᐅᒋ, ᓀᔥᑕ ᒫᒪᑖᐎ ᐙᐸᑎᓕᐌᐎᓇ, ᓀᔥᑕ ᑭᔅᑭᓄᐙᒋᒋᑲᓇ, ᐎᓚ ᐅᒋ ᑳ ᑮ ᑐᑕᒃ ᑭᒋᒪᓂᑐ ᐃᑕ ᐁ ᐃᑖᔦᒃ ᑖᐱᔅᑯᒡ ᑭᓚᐗᐤ ᓀᔥᑕ ᐁ ᐃᔑ ᑭᔅᑫᓕᑕᒣᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:11

ᑮ ᒥᓛᑲᓇᐎᐤ ᒫᑲ ᑭᔅᑭᓄᐙᒋᔓᐎᓂᓕᐤ ᑭᒋ ᑭᔅᑫᓕᑕᒥᐗᑲᓂᐎᑦ ᐁ ᒀᔭᔅᑳᑎᓯᒪᑲᓂᓕᒃ ᐅ ᑖᐺᔦᓕᑕᒧᐎᓐ ᑳ ᑮ ᐋᔮᑦ ᐁᔥᑾ ᐁᑳ ᐁ ᑭᔅᑭᓄᐙᒋᔡᑲᓂᐎᑦ: ᑭᒋ ᐅᑦ ᐊᐙᔑᒥᔑᒥᒫᑦ ᒥᓯᐌ ᐊᓂᐃ ᑳ ᑖᐺᑕᒥᓕᒋ, ᐗᑕ ᐁᑳ ᐁ ᑭᔅᑭᓄᐙᒋᔣᑲᓂᐎᓕᒋ; ᒀᔭᔅᑭᑖᑎᓯᐎᓂᓂᐤ ᑭᒋ ᐃᑕᑭᑕᒪᐙᑲᓂᐎᓕᒋ ᐊᓂᐃ ᐊᓯᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑯᕆᓐᑎᐊᓇ 6:13

ᒥᒋᒪ ᒥᔅᑕᑖᔾ ᐅᒋ, ᓀᔥᑕ ᒥᔅᑕᑖᔾ ᒥᒋᒪ ᐅᒋ: ᒫᑲ ᑭᒋᒪᓂᑐ ᑖᐱᔅᑯᒡ ᑲᑕ ᓂᔑᐗᓈᒋᑕᐤ᙮ ᒥᔭᐤ ᒫᑲ ᓇᒪᐎᓚ ᑲᑕ ᐋᐸᒋᑖᓂᐗᓄᐸᓐ ᐱᔑᒀᑎᓯᐎᓂᒃ, ᒫᑲ ᑭᒋ ᐅᒋ ᐊᑑᔅᑫᔅᑕᐙᑲᓂᐎᑦ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓀᔥᑕ ᑭᒋ ᑎᐯᓕᑕᒃ ᒥᔭᐎᓕᐤ᙮

ᓂᔥᑕᒻ ᑯᕆᓐᑎᐊᓇ 9:2

ᑮᔥᐱᓐ ᐁᑳ ᐃᐋᐸᔅᑕᓕᐎᔮᓂ ᑯᑕᑭᔭᒃ ᐅᒋ, ᑫᒋᓈᔥ ᓂᑦ ᐊᐸᔅᑕᓕᐎᓐ ᑭᓚᐗᐤ ᐅᒋ; ᐌᓴ ᐊᓇᒪ ᐁ ᑭᔅᑭᓄᐙᒋᒋᑳᑌᒃ ᓂᑦ ᐊᐸᔅᑕᓕᐎᐎᓐ ᐁᐗᑯ ᑭᓚᐗᐤ ᐅᑎᐯᓕᒋᑫᒃ᙮

ᓂᔓ ᑯᕆᓐᑎᐊᓇ 4:18

ᒣᒀᒡ ᐁᑳ ᐁ ᑲᓇᐙᐸᑕᒪᒃ ᐊᓂᐃ ᑳ ᓄᑾᑭ, ᒫᑲ ᐊᓂᐃ ᐁᑳ ᑳ ᓀᑾᑭ: ᐌᓴ ᐊᓂᐃ ᑳ ᓄᑾᑭ ᐊᒋᓚᐤ ᐃᑕᑾᓋ; ᒫᑲ ᐊᓂᐃ ᐁᑳ ᑳ ᓄᑾᑭ ᑳᑭᑫ ᐃᑕᑾᓋ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐱᓕᐱᔭᓇ 2:13

ᐌᓴ ᑭᒋᒪᓂᑐ ᐁᐗᒀᓇ ᑳ ᑐᑖᑖᒃ ᑭᒋ ᐃᑌᓕᑕᒣᒃ ᓀᔥᑕ ᑭᒋ ᑐᑕᒣᒃ ᐁ ᐃᔑ ᒥᓜᓕᑕᒃ:

ᑯᓚᔑᔭᓇ 1:29

ᐃᑌ ᓀᔥᑕ ᑳ ᐃᔑ ᐊᑑᔅᑫᔮᓐ, ᐁ ᑲᑴᑲᔥᑭᑖᔮᓐ ᐁ ᐃᔑ ᐊᑐᔅᑫᑦ, ᐁᓕᑯᒃ ᑳ ᐊᑐᔅᑫᔅᑳᑯᐗᒃ᙮

ᑯᓚᔑᔭᓇ 2:22

ᒥᓯᐌ ᑫ ᓂᔑᐗᓈᑕᑭ ᐁ ᐋᐸᒋᑖᓂᐗᑭ,) ᑳ ᐃᑕᔅᑌᓕᑭ ᐅ ᑲᑫᔅᑴᐎᓂᐗᐗ ᓀᔥᑕ ᐅ ᑭᔅᑭᓄᐊᒫᑫᐎᓂᐗᐗ ᐃᓕᓕᐗᒃ?

ᑯᓚᔑᔭᓇ 3:2

ᒫᒥᑐᓀᓕᑕᒧᒃ ᐊᓂᐃ ᑫᒀᓇ ᐃᔥᐱᒥᒃ ᑳ ᐃᑕᑾᑭ, ᐁᑳ ᑫᒀᓇ ᐊᔅᑮᒃ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᐦᐃᑉᕉᐗ 12:16

ᐁᑳ ᑭᒋ ᐃᑖᑦ ᐊᐌᓇ ᐯᔑᒀᑎᓯᔅᑭᑦ, ᓀᔥᑕᐱᑯ ᑳ ᐅ ᒪᒋ ᒥᑐᓀᓕᒋᑲᓂᑦ, ᑖᐱᔅᑯᒡ ᐃᓴᐤ, ᐊᓇ ᐯᔭᑯ ᓴᔅᑲᒧᐎᓐ ᒥᑭᒥᓕᐤ ᑳ ᑮ ᐊᑖᐙᑫᑦ ᐅ ᓃᔥᑕᒧᔖᓂᐎᐎᓐ᙮

ᐦᐃᑉᕉᐗ 4:11

ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:11

ᐌᓴ ᐱᓯᒻ ᐎᐸᒡ ᓯᐋᑳᔅᑕᐌᒋ ᐁ ᑭᔖᓯᑫᑦ, ᓂᐸᑕᐤ ᒪᔅᑯᔑᐊ, ᐁ ᐙᐱᑯᓂᐗᒃ ᒫᑲ ᐸᑭᑎᓐ, ᓀᔥᑕ ᐁ ᐃᔅᐱᒋ ᒥᓗᓈᑾᒃ ᓂᔑᐗᓈᑕᓐ: ᐁᑯ ᑖᐱᔅᑯᒡ ᑳ ᒥᔕᑭᓯᑦ ᐃᓕᓕᐤ ᑫ ᐊᑎ ᐹᔑᑯᓈᑯᓯᑦ ᐅᑦ ᐃᔑᑡᐎᓂᒃ᙮

ᓂᔥᑕᒻ ᐱᑕᕐ 1:24

ᐌᓴ ᒥᓯᐌ ᑳ ᐎᔮᓯᒋᒃ ᓇᔅᐱᑕᒶᒃ ᒪᔅᑯᔑᐊ, ᓀᔥᑕ ᒥᓯᐌ ᐅ ᑭᔅᑌᓕᑖᑯᓯᐎᓐ ᐃᓕᓕᐤ ᐃᔑᓈᑾᓂᓕᐤ ᑖᐱᔅᑯᒡ ᒪᔅᑯᔑᐊ ᐁ ᐙᐱᑯᓂᐗᑭ᙮ ᒪᔅᑯᔑᐊ ᓂᐱᒪᑲᓋ, ᓀᔥᑕ ᐁ ᐃᔑ ᐙᐱᑯᓂᐗᑭ ᐸᑭᑎᓋ;

ᓂᔓ ᐱᑕᕐ 1:17

ᐌᓴ ᑮ ᒥᓕᑯ ᑭᒋᒪᓂᑐᐗ ᐌᐅᑖᐎᒪᐎᓕᒋ ᑭᔅᑌᓕᑕᒧᐎᓂᓕᐤ ᓀᔥᑕ ᑭᔅᑌᓕᑖᑯᓯᐎᓂᓕᐤ, ᐃᔅᐱ ᑳ ᑮ ᐅᑎᑎᑯᑦ ᐁᑯ ᑐᐎ ᐯᑖᑯᓯᐎᓂᓕᐤ ᑭᒋ ᑭᔅᑌᓕᑖᑯᓯᐎᓂᒃ ᐅᒋ, ᐊᐗ ᐁᐗᑯ ᑳ ᓵᑭᐊᒃ ᓂᑯᓯᔅ, ᓈᔅᐱᒡ ᑳ ᓇᐃᓚᐌᐃᑦ᙮