ᐅᐸᓓᑭᔅ ᒑᓐ 5:37 - ᐅᔅᑭ ᑎᔅᑌᒥᓐᑦ

³⁷ ᓀᔥᑕ ᐅᑖᐎᒪᐤ ᑫᒋᐙᒃ ᑳ ᑮ ᐯᒋᑎᔕᐅᑦ, ᓂ ᑮ ᑎᐹᑭᒥᒃ᙮ ᓇᒪᐎᔅᑳᑦ ᑭ ᐅᒋ ᐯᑕᒸᓇᐗᐤ ᐅ ᐯᑖᑯᓯᐎᓐ, ᓇᒪ ᓀᔥᑕ ᑭ ᐅᒋ ᐙᐸᑕᒸᓇᐗᐤ ᐅᑦ ᐃᔑᓈᑯᓯᐎᓐ᙮

ᐅᐸᓓᑭᔅ ᒑᓐ 5:37 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 17:5

ᒣᒀᒡ ᑫᔮᐸᒡ ᐁ ᐋᔭᒥᐤ, ᒫᑎᑲ, ᐁ ᐙᓭᔮᒃ ᐗᔅᑯ ᑮ ᐊᑳᐙᔅᑌᐅᑯᐗᒃ: ᒫᑎᑲ, ᒫᑲ, ᐯᑖᑯᓯᐎᓐ ᐗᔅᑯᒃ ᐅᒋ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ; ᓇᑐᑖᐎᒃ᙮

ᐅᐸᓓᑭᔅ ᒫᑎᐤ 3:17

ᒫᑎᑲ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ᙮

ᐅᐸᓓᑭᔅ ᒫᕐᒃ 1:11

ᐯᑖᑯᓯᐎᓐ ᒫᑲ ᑭᒋᑭᔑᑯᒃ ᑫ ᐅᒋᐸᓕᐤ, ᐁ ᐃᑗᒪᑲᒃ, ᑭᓚ ᓂᑯᓯᔅ ᓈᔅᐱᒡ ᑳ ᓵᑭᐃᑖᓐ, ᓈᔅᐱᒡ ᑳ ᓇᐃᓚᐌᐃᔭᓐ᙮

ᐅᐸᓓᑭᔅ ᓘᒃ 24:27

ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮

ᐅᐸᓓᑭᔅ ᓘᒃ 3:22

ᑮ ᐯᒋ ᓛᔑᔅᑖᑯ ᒫᑲ ᐸᓓᑭ ᐊᒑᑾ, ᐁ ᐎᔭᐎᓕᒋ, ᑖᐱᔅᑯᒡ ᐅᒥᒦᒃ, ᐯᑖᑯᓯᐎᓐ ᒫᑲ ᑭᒋᑭᔑᑯᒃ ᑮ ᐅᒋᐸᓕᐤ, ᐁ ᐃᑗᒪᑲᒃ, ᑭᓚ ᓂᑯᓯᔅ ᑳ ᓵᑭᐃᑖᓐ, ᑭᓚ ᓈᔅᐱᒡ ᑭ ᓇᐃᓚᐌᐃᓐ᙮

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 14:9

ᒋᓴᔅ ᐃᑌᐤ, ᑭ ᑮ ᐎᒉᐎᑎᓇᐗᐤ ᓈ ᐁᑯ ᐃᔥᐱᔥ ᑭᓉᔥ, ᐁᔥᑾ ᓈ ᒫᑲ ᓇᒪ ᑭ ᑭᔅᑫᓕᒥᓐ ᐱᓕᑉ? ᐊᓇ ᑳ ᑮ ᐙᐸᒥᑦ ᑮ ᐙᐸᒣᐤ ᐅᑖᐎᒪᐗ; ᑖᓐᑌ ᒫᑲ ᐌᒋ ᐃᑗᔭᓐ, ᐙᐸᑎᓕᓈᓐ ᐅᑖᐎᒪᐤ?

ᐅᐸᓓᑭᔅ ᒑᓐ 15:24

ᑮᔥᐱᓐ ᐁᑳ ᐅᒋ ᑐᑕᒶᒃ ᑭᒋ ᐙᐸᑕᑭᒃ ᐋᔨᑎᐎᓇ ᐁᑳ ᑯᑕᒃ ᐊᐌᓇ ᑳ ᑮ ᑐᑕᒃ, ᓇᒪᐎᓚ ᑲᑕ ᐋᔮᐸᓇᒃ ᒪᒋᑣᐎᓂᓕᐤ: ᒫᑲ ᐊᓄᒡ ᓂ ᑮ ᐙᐸᒥᑯᓈᓇᒃ ᓀᔥᑕ ᓂ ᑮ ᐸᑾᑎᑯᓈᓇᒃ ᓂᓚ ᓀᔥᑕ ᓄᑖᐎ᙮

ᐅᐸᓓᑭᔅ ᒑᓐ 5:32

ᑯᑕᒃ ᐃᑖᐤ ᑳ ᑎᐹᒋᒥᑦ; ᓂ ᑭᔅᑫᓕᑌᓐ ᒫᑲ ᐁ ᑖᐺᒪᑲᓂᓕᒃ ᐊᓂᐁᓕᐤ ᑎᐹᒋᒧᐎᓂᓕᐤ ᑳ ᐃᑖᒋᒥᑦ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐅᐸᓓᑭᔅ ᒑᓐ 8:18

ᓂᓚ ᐯᔭᒃ ᐁ ᑎᐹᒋᒥᑎᓱᔮᓐ, ᐅᑖᐎᒪᐤ ᓀᔥᑕ ᑳ ᑮ ᐯᒋᑎᔕᐅᑦ ᓂ ᑎᐹᒋᒥᒃ᙮

ᓂᔥᑕᒻ ᑎᒧᑎ 1:17

ᐁᑯ ᑭᒋᐅᑭᒪᐤ ᑳᑭᑫ ᑳ ᐃᑖᑦ, ᑳᑭᑫ ᑳ ᐱᒫᑎᓰᑦ, ᐁᑳ ᑳ ᓄᑯᓯᑦ, ᐎᓚ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ, ᑲᑕ ᐎ ᑭᔅᑌᓕᒪᐤ ᓀᔥᑕ ᑲᑕ ᐎ ᑭᔅᑌᓕᑖᑯᐊᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᑎᒧᑎ 6:16

ᐊᓇ ᐱᑯ ᑳ ᐋᔮᑦ ᑳᑭᑫ ᐱᒫᑎᓯᐎᓂᓕᐤ, ᐁ ᑕᔑᑫᑦ ᐙᓭᔮᓯᐎᓂᒃ, ᐃᑕ ᐁᑳ ᐊᐌᓇ ᐃᓕᓕᐤ ᑫ ᑮ ᓈᑕᒃ; ᐊᓇ ᐁᑳ ᑳ ᑮ ᐙᐸᒥᑯᑦ ᐃᓕᓕᐗ, ᐁᑳ ᓀᔥᑕ ᑳ ᑲᔥᑭᑖᓕᒋ ᑭᒋ ᐙᐸᒥᑯᑦ: ᐊᓇ ᑫ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮

ᓂᔥᑕᒻ ᒑᓐ 4:20

ᑮᔥᐱᓐ ᐊᐌᓇ ᐁᑗᑶ, ᓂ ᓵᑭᐊᐤ ᑭᒋᒪᓂᑐ, ᐁ ᐸᒀᑖᑦ ᐎᒋᔖᓇ, ᑭᓛᔅᑭᔅᑭᐤ: ᐌᓴ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᑳ ᑮ ᐙᐸᒫᑦ, ᑖᓂ ᑫ ᑮ ᐃᔑ ᓵᑭᐋᑦ ᑭᒋᒪᓂᑐᐗ ᐁᑳ ᑳ ᑮ ᐙᐸᒫᑦ?

ᓂᔥᑕᒻ ᒑᓐ 5:9

ᑮᔥᐱᓐ ᐌᑎᓇᒧᐙᐙᑴ ᐃᓕᓕᐗᒃ ᐅ ᑎᐹᒋᒧᐎᓂᐗᐤ, ᐊᐗᓯᑌ ᑭᔅᑌᓕᑖᑾᓂᓕᐤ ᑭᒋᒪᓂᑐ ᐅ ᑎᐹᒋᒧᐎᓐ: ᐌᓴ ᐁᐗᑯ ᐅ ᑎᐹᒋᒧᐎᓈ ᑭᒋᒪᓂᑐ ᑳ ᑮ ᑎᐹᒋᒫᑦ ᐅᑯᓯᓴ᙮