ᐅᐸᓓᑭᔅ ᒑᓐ 5:36 - ᐅᔅᑭ ᑎᔅᑌᒥᓐᑦ

³⁶ ᒫᑲ ᓂᑦ ᐋᔮᓐ ᑎᐹᒋᒧᐎᓐ ᐊᐙᓯᑌ ᐁ ᑭᔅᑌᓕᑖᑾᒃ ᐃᔥᐱᔥ ᒑᓐ ᐅ ᑎᐹᒋᒧᐎᓐ: ᐌᓴ ᐊᓂᐃ ᐋᔨᑎᐎᓇ ᐅᑖᐎᒪᐤ ᑳ ᑮ ᒥᓕᑦ ᑭᒋ ᑭᔑᑖᐗᒃ, ᐁᐗᒀᓂᐃ ᐋᔨᑎᐎᓇ ᑳ ᐃᑐᑕᒫᓐ, ᓂ ᑎᐹᒋᒥᑯᓐ, ᐁ ᑮ ᐯᒋᑎᔓᐅᑦ ᐅᑖᐎᒪᐤ᙮

ᐅᐸᓓᑭᔅ ᒑᓐ 5:36 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:4

ᒋᓴᔅ ᐁ ᓇᔥᑴᐗᒋᐋᑦ ᑮ ᐃᑌᐤ, ᒫᒑ ᑭᐌᒃ ᐙᐸᑎᓕᒃ ᒫᑲ ᒑᓐ ᐅᐅ ᑫᒀᓇ ᑳ ᐯᑕᒣᒃ ᓀᔥᑕ ᑳ ᐙᐸᑕᒣᒃ:

ᐅᐸᓓᑭᔅ ᓘᒃ 2:49

ᑮ ᐃᑌᐤ ᒫᑲ, ᑖᓀᑭ ᐌᒋ ᓈᓇᑕᐙᐸᒥᔦᒃ? ᓇᒪ ᓈ ᑭ ᐅᒋ ᑭᔅᑫᓕᑌᓇᐗᐤ ᐁ ᐃᑌᓕᑖᑯᓯᔮᓐ ᑭᒋ ᑐᑕᒶᒃ ᓄᑖᐎ ᐅᑦ ᐃᑖᐸᑎᓯᐎᓐ?

ᐅᐸᓓᑭᔅ ᒑᓐ 10:25

ᒋᓴᔅ ᑮ ᓇᔥᑴᐗᔑᐁᐤ, ᑭ ᑮ ᐎᑕᒫᑎᓇᐗᐤ, ᓇᒪᐎᓚ ᒫᑲ ᑭ ᐅᒋ ᑖᐺᑌᓇᐗᐤ: ᐊᓂᐃ ᐋᔨᑎᐎᓇ ᑳ ᑐᑕᒫᓐ ᓄᑖᐎ ᐅᑦ ᐃᔑᓂᑳᓱᐎᓂᒃ ᓂ ᑎᐹᒋᒥᑯᓐ᙮

ᐅᐸᓓᑭᔅ ᒑᓐ 11:37

ᐋᑎᑦ ᐁ ᐃᑕᓯᒋᒃ ᒫᑲ ᑮ ᐃᑗᐗᒃ, ᓇᒪ ᓈ ᐊᐗ ᐃᓕᓕᐤ, ᑳ ᑮ ᐋᐸᐊᒸᑦ ᐅᔅᑭᔑᑯᓕᐗ ᐁᑳ ᑳ ᐙᐱᓕᒋ, ᑲᑕ ᑮ ᑐᑕᒧᐸᓐ ᐁᑳ ᑭᒋ ᓂᐱᓕᒋ ᐅᐅ ᐃᓕᓕᐗ?

ᐅᐸᓓᑭᔅ ᒑᓐ 15:24

ᑮᔥᐱᓐ ᐁᑳ ᐅᒋ ᑐᑕᒶᒃ ᑭᒋ ᐙᐸᑕᑭᒃ ᐋᔨᑎᐎᓇ ᐁᑳ ᑯᑕᒃ ᐊᐌᓇ ᑳ ᑮ ᑐᑕᒃ, ᓇᒪᐎᓚ ᑲᑕ ᐋᔮᐸᓇᒃ ᒪᒋᑣᐎᓂᓕᐤ: ᒫᑲ ᐊᓄᒡ ᓂ ᑮ ᐙᐸᒥᑯᓈᓇᒃ ᓀᔥᑕ ᓂ ᑮ ᐸᑾᑎᑯᓈᓇᒃ ᓂᓚ ᓀᔥᑕ ᓄᑖᐎ᙮

ᐅᐸᓓᑭᔅ ᒑᓐ 17:4

ᑭ ᑮ ᑭᔅᑌᓕᑖᑯᐃᑎᓐ ᐊᔅᑮᒃ: ᓂ ᑮ ᑭᔑᑖᓐ ᐊᓂᒪ ᐋᐸᑎᓯᐎᓐ ᑳ ᑮ ᒥᓕᔭᓐ ᑭᒋ ᑐᑕᒫᓐ᙮

ᐅᐸᓓᑭᔅ ᒑᓐ 2:23

ᐃᔅᐱ ᒫᑲ ᒋᕉᓴᓚᒥᒃ ᐁᑖᑦ ᒥᔮᔥᑳᑫᐎ ᒪᑯᔐᐎᓂᒃ, ᐁ ᒪᑯᔐᑭᔑᑳᓕᒃ, ᒥᒉᑦ ᑖᐺᔦᓕᑕᒬᐗᒃ ᐅᑦ ᐃᔑᓂᑳᓱᐎᓂᓕᐤ, ᐃᔅᐱ ᐎᐋᐸᑕᒸᒋᒃ ᒫᒪᑖᐎ ᐃᓯᒋᑫᐎᓇ ᑳ ᑐᑕᒥᓕᒋ᙮

ᐅᐸᓓᑭᔅ ᒑᓐ 3:17

ᐌᓴ ᑭᒋᒪᓂᑐ ᓇᒪᐎᓚ ᐅᒋ ᐯᒋᑎᔕᐌᐤ ᐅᑯᓯᓴ ᑭᒋ ᓂᔑᐗᓈᒋᑕᒥᓕᒋ ᐊᔅᑭᓕᐤ; ᒫᑲ ᐎᓚ ᑭᒋ ᐅᒋ ᐱᒫᒋᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 3:2

ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 4:34

ᒋᓴᔅ ᐃᑌᐤ, ᐁᐗᑯ ᓂ ᒥᒋᒥᒻ ᑭᒋ ᑐᑕᒶᒃ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᓀᔥᑕ ᑭᒋ ᑭᔑᑖᐗᒃ ᐅᑦ ᐊᑑᔅᑫᐎᓐ᙮

ᐅᐸᓓᑭᔅ ᒑᓐ 5:32

ᑯᑕᒃ ᐃᑖᐤ ᑳ ᑎᐹᒋᒥᑦ; ᓂ ᑭᔅᑫᓕᑌᓐ ᒫᑲ ᐁ ᑖᐺᒪᑲᓂᓕᒃ ᐊᓂᐁᓕᐤ ᑎᐹᒋᒧᐎᓂᓕᐤ ᑳ ᐃᑖᒋᒥᑦ᙮

ᐊᐸᔅᑕᓚᒃ 2:22

ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐯᑕᒧᒃ ᐅᐅ ᐋᔭᒥᐎᓇ; ᒋᓴᔅ ᓈᓴᕆᑎᒃ ᑳ ᐅᒌᑦ, ᐊᓇ ᐃᓕᓕᐤ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ ᐃᑕ ᐁ ᐃᑖᔦᒃ ᒫᒪᔅᑳᒋ ᐃᓯᒋᑫᐎᓇ ᐅᒋ, ᓀᔥᑕ ᒫᒪᑖᐎ ᐙᐸᑎᓕᐌᐎᓇ, ᓀᔥᑕ ᑭᔅᑭᓄᐙᒋᒋᑲᓇ, ᐎᓚ ᐅᒋ ᑳ ᑮ ᑐᑕᒃ ᑭᒋᒪᓂᑐ ᐃᑕ ᐁ ᐃᑖᔦᒃ ᑖᐱᔅᑯᒡ ᑭᓚᐗᐤ ᓀᔥᑕ ᐁ ᐃᔑ ᑭᔅᑫᓕᑕᒣᒃ:

ᓂᔥᑕᒻ ᒑᓐ 5:9

ᑮᔥᐱᓐ ᐌᑎᓇᒧᐙᐙᑴ ᐃᓕᓕᐗᒃ ᐅ ᑎᐹᒋᒧᐎᓂᐗᐤ, ᐊᐗᓯᑌ ᑭᔅᑌᓕᑖᑾᓂᓕᐤ ᑭᒋᒪᓂᑐ ᐅ ᑎᐹᒋᒧᐎᓐ: ᐌᓴ ᐁᐗᑯ ᐅ ᑎᐹᒋᒧᐎᓈ ᑭᒋᒪᓂᑐ ᑳ ᑮ ᑎᐹᒋᒫᑦ ᐅᑯᓯᓴ᙮