ᐅᐸᓓᑭᔅ ᒑᓐ 5:23 - ᐅᔅᑭ ᑎᔅᑌᒥᓐᑦ

²³ ᒥᓯᐌ ᐃᓕᓕᐗᒃ ᑭᒋ ᑭᔅᑌᓕᒫᒋᒃ ᐅᑯᓯᓯᒪᐗ, ᑖᐱᔅᑯᒡ ᐁ ᐃᔑ ᑭᔅᑌᓕᒫᒋᒃ ᐅᑖᐎᒫᐗ᙮ ᐊᓇ ᐁᑳ ᑳ ᑭᔅᑌᓕᒫᑦ ᐅᑯᓯᓯᒫᐗ, ᓇᒪᐎᓚ ᑭᔅᑌᓕᒣᐤ ᐅᑖᐎᒪᐗ ᑳ ᑮ ᐯᒋᑎᔕᐙᓕᒋ᙮

ᐅᐸᓓᑭᔅ ᒑᓐ 5:23 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:37

ᐊᓇ ᐊᐙᓯᑌ ᑳ ᓵᑭᐋᑦ ᐅᑖᐎᔭ ᓀᔥᑕᐱᑯ ᐅᑳᐎᔭ ᐃᔥᐱᔥ ᓂᓚ ᓇᒪᐎᓚ ᑌᐸᑫᓕᑖᑯᓯᐤ ᑭᒋ ᐎᒉᐎᑦ: ᐊᓇ ᓀᔥᑕ ᐊᐙᓯᑌ ᑳ ᓵᑭᐋᑦ ᐅᑯᓯᓴ ᓀᔥᑕᐱᑯ ᐅᑖᓂᓴ ᐃᔥᐱᔥ ᓂᓚ, ᓇᒪᐎᓚ ᑌᐸᑫᓕᑖᑯᓯᐤ ᑭᒋ ᐎᒉᐎᑦ᙮

ᐅᐸᓓᑭᔅ ᒫᑎᐤ 11:27

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ, ᐎᓚ ᐱᑯ ᐅᑖᐎᒪᐤ; ᓇᒪ ᓀᔥᑕ ᐊᐌᓇ ᑭᔅᑫᓕᒣᐤ ᐅᑖᐎᒫᐗ, ᐎᓚ ᐱᑯ ᐅᑯᓯᓯᒪᐤ, ᐊᓂᐃ ᓀᔥᑕ ᐅᑯᓯᓯᒪᐤ ᑫ ᐙᐸᑎᓛᑴ᙮

ᐅᐸᓓᑭᔅ ᒫᑎᐤ 12:21

ᐎᓚ ᐅᑦ ᐃᔑᓂᑳᓱᐎᓂᒃ ᒫᑲ ᑲᑕ ᐊᔅᐯᓕᒧᓕᐗ ᒉᓐᑖᐃᓚ᙮

ᐅᐸᓓᑭᔅ ᒫᑎᐤ 15:8

ᐅᑯ ᐃᓕᓕᐗᒃ ᓂ ᐯᒋ ᓈᑎᑾᒃ ᐅᑐᓂᐗᐤ ᐅᒋ, ᓀᔥᑕ ᓂ ᑭᔅᑕᒋᒥᑾᒃ ᐅᑐᓂᐙᒃ; ᒫᑲ ᐅᑌᐃᐙᐗ ᓈ ᓚᐙᐸᒥᑯᐙᓐ᙮

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᓘᒃ 10:16

ᐊᓇ ᑳ ᓇᑐᑖᑖᒃ ᓂᓚ ᓂ ᓇᑐᑖᒃ; ᐊᓇ ᓀᔥᑕ ᑳ ᐋᑕᐌᓕᒥᑖᒃ ᓂᓚ ᓂᑦ ᐋᑕᐌᓕᒥᒃ; ᐊᓇ ᒫᑲ ᑳ ᐋᑕᐌᓕᒥᑦ, ᐋᑕᐌᓕᒣᐤ ᐊᓂᐃ ᑳ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 14:1

ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ: ᑭ ᑖᐺᔦᓕᒪᐗᐤ ᑭᒋᒪᓂᑐ, ᑖᐺᔦᓕᒥᒃ ᓂᓚ ᓀᔥᑕ᙮

ᐅᐸᓓᑭᔅ ᒑᓐ 16:14

ᓂ ᑳ ᑭᔅᑌᓕᑖᑯᐃᒃ: ᐌᓴ ᑲᑕ ᐅᑎᓇᒻ ᓂᑦ ᐋᔮᓂᒃ ᐅᒋ, ᑭ ᑳ ᐙᐸᑎᓕᑯᐗᐤ ᒫᑲ᙮

ᐅᐸᓓᑭᔅ ᒑᓐ 17:10

ᓀᔥᑕ ᒥᓯᐌ ᓂᑦ ᐃᓕᓕᒪᒃ ᐁᐗᒀᓂᑭ ᑭᑦ ᐃᓕᓕᒪᒃ, ᓀᔥᑕ ᑭᑦ ᐃᓕᓕᒪᒃ ᐁᐗᒀᓂᑭ ᓂᑦ ᐃᓕᓕᒪᒃ; ᓀᔥᑕ ᓂ ᑭᔅᑌᓕᑖᑯᐃᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:7

ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:12

ᒥᓇ ᒫᑲ ᐋᐃᓭᔭ ᐃᑗᐤ, ᐅᒉᐱᒃ ᒉᓯᒃ ᑲᑕ ᐅᒋᐸᓕᐤ, ᐊᓇ ᒫᑲ ᑫ ᑕᑯᔑᒃ ᑭᒋ ᑎᐯᓕᒫᑦ ᐊᓂᐃ ᒉᓐᑖᐃᓚ, ᐁᐗᒀᓇ ᑫ ᐊᔅᐯᓕᒧᑕᒫᑯᑦ ᒉᓐᑖᐃᓚ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:22

ᒫᑲ ᐊᓄᒡ ᐁ ᑮ ᐎᑾᒋᐃᑲᐎᔦᒃ ᒪᒋᑣᐎᓂᒃ ᐅᒋ, ᓀᔥᑕ ᐁ ᐅᑦᐊᑑᔅᑫᓛᑲᓂᒥᑖᒃ ᑭᒋᒪᓂᑐ, ᑭ ᒥᓂᔑᐎᓇᐗᐤ ᐸᓓᑭᓯᐎᓂᒃ ᐃᔑ ᑳ ᐃᑕᒧᒃ ᑳᑭᑫ ᐱᒫᑎᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:9

ᒫᑲ ᑭᓚᐗᐤ ᓇᒪᐎᓚ ᐎᔮᓯᐎᓂᒃ ᑭᑦ ᐃᑖᓇᐗᐤ, ᒫᑲ ᐊᒑᑯᒃ, ᑮᔥᐱᓐ ᐅᑎ ᑭᒋᒪᓂᑐ ᐅᑦ ᐊᒑᑾ ᐱᒋᔅᑳᒥᑖᒃ, ᑮᔥᐱᓐ ᒫᑲ ᐊᐌᓇ ᐁᑳ ᐃᐋᔭᐙᒋ ᙭ᑕ ᐅᑦ ᐊᒑᑯᓕᐗ, ᐊᐗ ᓇᒪᐎᓚ ᐙᐙᒡ ᑎᐯᓕᒥᑯ᙮

ᓂᔥᑕᒻ ᑯᕆᓐᑎᐊᓇ 1:3

ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔥᑕᒻ ᑯᕆᓐᑎᐊᓇ 10:31

ᑮᔥᐱᓐ ᒫᑲ ᒥᒋᓱᔦᑴ, ᓀᔥᑕᐱᑯ ᒥᓂᑴᔦᑴ, ᓀᔥᑕᐱᑯ ᑯᑕᒃ ᑫᒀᓐ ᑐᑕᒣᑴ, ᒥᓯᐌ ᐃᑐᑕᒧᒃ ᑭᒋ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 16:22

ᑮᔥᐱᓐ ᐊᐌᓇ ᐃᓕᓕᐤ ᐁᑳ ᓯᐋᑭᐋᑴ ᐅᑎᐯᓕᒋᑫᐗ ᒋᓴᔅ ᙭, ᐁᑯᔑ ᑲᑕ ᐊᓈᑎᒪ ᒫᕋᓈᑕ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 1:9

ᒫᑲ ᓂ ᑮ ᐋᔮᓇᓐ ᐁ ᐱᒋᔅᑳᑯᔮᒃ ᓂᐱᐎᓂ ᓇᔥᑴᐗᔑᐃᐌᐎᓐ, ᐁᑳ ᑭᒋ ᒪᒥᔑᑐᑖᓱᔮᒃ, ᒫᑲ ᑭᒋᒪᓂᑐ ᑳ ᐗᓂᔥᑳᓈᑦ ᐅᓂᐱᐗ;

ᓂᔓ ᑯᕆᓐᑎᐊᓇ 13:14

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐅ ᓵᑭᐃᐌᐎᓐ ᑭᒋᒪᓂᑐ, ᓀᔥᑕ ᐅ ᐎᒋᐃᐌᐎᓐ ᐯᓓᑭᓯᑦ ᐊᒑᒃ ᒥᓯᐌ ᑭ ᑳ ᐎ ᐎᒉᐎᑯᐗᓇᐗᐤ᙮ ᐁᒣᓐ᙮

ᓂᔓ ᑯᕆᓐᑎᐊᓇ 5:14

ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᓂᔓ ᑯᕆᓐᑎᐊᓇ 5:19

ᑭᒋᒪᓂᑐ ᐁ ᑮ ᐱᒋᔅᑲᐙᑦ ᙭ᑕ, ᐁ ᐅᑐᑌᒥᔅᑕᒫᓯᑦ ᐊᔅᑭ, ᐁᑳ ᐁ ᐃᑕᑭᑕᒪᐙᑦ ᐅ ᒪᒋᑐᑕᒧᐎᓂᓕᐗ; ᓀᔥᑕ ᐁ ᑮ ᐸᑭᑎᓇᒫᑕᒃ ᐅᑐᑌᒥᐃᐌᐎ ᐋᔭᒥᐎᓂᓕᐤ᙮

ᐃᐱᓯᔭᓇ 6:24

ᔕᐌᓕᒋᑫᐎᓂᓕᐤ ᑲᑕ ᐎ ᐎᒉᐃᑯᐗᒃ ᒥᓯᐌ ᐊᓂᑭ ᑳ ᓵᑭᐋᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ ᑖᐺᐎᓂᒃ᙮ ᐁᒣᓐ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᐦᐃᑉᕉᐗ 1:6

ᒥᓇ ᒫᑲ, ᐃᔅᐱ ᐱᐁᔕᐙᑦ ᓃᔥᑕᒻ ᓀᑕᐎᑭᓕᒋ ᐅᑕ ᐊᔅᑮᒃ, ᐃᑗᐤ, ᐁᑯᔑ ᒥᓯᐌ ᑭᒋᒪᓂᑐ ᐅᑦ ᐁᓐᒐᓕᒪ ᑲᑕ ᓇᐗᑮᔅᑕᐌᓕᐗ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 2:23

ᐊᐌᓇ ᐃᐋᓉᑕᐙᑴ ᐅᑯᓯᓯᒪᐗ, ᐁᐗᑯ ᓇᒪᐎᓚ ᐋᔭᐌᐤ ᐅᑖᐎᒪᐗ: ᒫᑲ ᐊᓇ ᑳ ᐙᐎᑕᒫᑫᑦ ᐅᑯᓯᓯᒪᐗ, ᐊᔭᐌᐤ ᐅᑖᐎᒪᐗ ᐊᓯᒋ᙮

ᓂᔓ ᒑᓐ 1:9

ᐊᐌᓇ ᐌᓂᑐᑕᒧᑴ, ᓀᔥᑕ ᐁᑳ ᑌᔑᑫᐙᑴ ᐅ ᑭᔅᑭᓄᐊᒫᑫᐎᓂᒃ ᙭, ᓇᒪᐎᓚ ᐋᔭᐌᐤ ᑭᒋᒪᓂᑐᐗ᙮ ᐊᓇ ᑳ ᑕᔑᑫᐙᑦ ᐅ ᑭᔅᑭᓄᐊᒫᑫᐎᓂᒃ ᙭, ᐋᔭᐌᐤ ᐊᓯᒋ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮