ᐅᐸᓓᑭᔅ ᒑᓐ 5:19 - ᐅᔅᑭ ᑎᔅᑌᒥᓐᑦ

¹⁹ ᐁᑯ ᓀᔥᑴᐗᔑᐋᑦ ᒋᓴᔅ, ᓀᔥᑕ ᑮ ᐃᑌᐤ, ᑖᐺ, ᑖᐺ ᑭᑦ ᐃᑎᓇᐗᐤ, ᐅᑯᓯᓯᒫᐤ ᐁ ᐯᔭᑯᑦ ᓇᒪᐎᓚ ᑫᒀᓕᐤ ᑲᑕ ᑮ ᑐᑕᒻ, ᐱᑯ ᑫᒀᓕᐤ ᐁ ᐙᐸᒫᑦ ᐅᑖᐎᒫᐗ ᐁ ᑐᑕᒥᓕᒋ, ᐅᐅ ᓀᔥᑕ ᑐᑕᒻ ᐅᑯᓯᓯᒫᐤ᙮

ᐅᐸᓓᑭᔅ ᒑᓐ 5:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:39

ᐊᐙᓯᑌᔑᔥ ᒫᑲ ᑮ ᐃᑐᑌᐤ, ᑮ ᐅᑎᑕᐱᐸᓕᐅ ᒫᑲ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ ᑮᔥᐱᓐ ᑮ ᑐᒋᑳᑌᒃ, ᐁᑯᔑ ᓂ ᑳ ᒥᔮᔥᑳᑯᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ᙮

ᐅᐸᓓᑭᔅ ᓘᒃ 21:15

ᐌᓴ ᓂᓚ ᑭ ᑳ ᒥᓕᑎᓇᐗᐤ ᒥᑐᓐ ᓀᔥᑕ ᑲᑫᑕᐌᓕᑕᒧᐎᓐ ᐁᑳ ᑫ ᑮ ᐋᓉᑕᑭᒃ ᐁᑳ ᓀᔥᑕ ᑫ ᑮ ᔖᑯᒋᑖᒋᒃ ᒥᓯᐌ ᐊᓂᑭ ᑳ ᐸᒀᑎᑖᑾᒃ᙮

ᐅᐸᓓᑭᔅ ᒑᓐ 10:18

ᓇᒪᐎᓚ ᐊᐌᓇ ᓂ ᒪᔅᑲᒥᒃ, ᒫᑲ ᓂ ᐱᒥᑎᑖᓐ ᓂᓚ ᑫᒋᐙᒃ᙮ ᓂᑦ ᐋᔮᓐ ᑲᔥᑭᐅᐎᓐ ᑭᒋ ᐱᒥᑎᑖᔮᓐ, ᓀᔥᑕ ᓂᑦ ᐋᔮᓐ ᑲᔥᑭᐅᐎᓐ ᒥᓇ ᑭᒋ ᐅᑎᓇᒫᓐ᙮ ᐅᒪ ᐅᓚᔓᐌᐎᓐ ᓂ ᑮ ᒥᓕᒃ ᓄᑖᐎ᙮

ᐅᐸᓓᑭᔅ ᒑᓐ 12:49

ᐌᓴ ᓇᒪᐎᓚ ᓂ ᑮ ᐋᔭᒥᓐ ᓂᓚ ᑫᒋᐙᒃ: ᒫᑲ ᐅᑖᐎᒪᐤ ᑳ ᑮ ᐯᒋᑎᔕᐅᑦ, ᓂ ᑮ ᒥᓕᒃ ᐅᓚᔓᐌᐎᓂᓕᐤ, ᑫ ᐃᑗᐗᒃ, ᓀᔥᑕ ᑫ ᐃᔑ ᐋᔭᒥᐗᒃ᙮

ᐅᐸᓓᑭᔅ ᒑᓐ 12:50

ᓂ ᑭᔅᑫᓕᑌᓐ ᒫᑲ ᐅᑦ ᐅᓚᔓᐌᐎᓐ ᐁ ᑳᑭᑫ ᐱᒫᑎᓯᐎᓂᐗᓂᓕᒃ: ᐁᐗᑯ ᐌᒋ ᒥᓯᐌ ᑫᒀᓐ ᑳ ᐋᔭᒥᔮᓐ, ᑖᐱᔅᑯᒡ ᐅᑖᐎᒪᐤ ᐁ ᑮ ᐃᔑᑦ, ᐁᑯ ᐃᔑ ᐋᔭᒥᔮᓐ᙮

ᐅᐸᓓᑭᔅ ᒑᓐ 14:10

ᓇᒪ ᓈ ᑭ ᑖᐺᑌᓐ ᐅᑖᐎᒪᐤ ᐁ ᐱᒋᔅᑲᐗᒃ, ᓀᔥᑕ ᐅᑖᐎᒪᐤ ᐁ ᐱᒋᔅᑳᐎᑦ? ᐋᔭᒥᐎᓇ ᑳ ᐃᑎᑕᑾᒃ ᓇᒪᐎᓚ ᓂᓚ ᑫᒋᐙᒃ ᓂᑦ ᐋᔭᒥᓐ: ᒫᑲ ᐅᑖᐎᒪᐤ ᑳ ᐱᒋᔅᑲᐎᑦ, ᐁᐗᑯ ᑳ ᑐᑕᒃ ᐋᔨᑎᐎᓇ᙮

ᐅᐸᓓᑭᔅ ᒑᓐ 2:19

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᓂᔑᐗᓈᒋᑖᒃ ᐅᒪ ᑭᒋᐊᔭᒥᐁᐎᑲᒥᒃ, ᑮ ᓂᔅᑐ ᑭᔑᑳᑫ ᒫᑲ ᓂ ᑳ ᐗᓂᔥᑳᓀᓐ᙮

ᐅᐸᓓᑭᔅ ᒑᓐ 3:3

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 5:21

ᐌᓴ ᑖᐱᔅᑯᒡ ᐅᑖᐎᒫᐤ ᐁ ᐃᔑ ᐗᓂᔥᑳᓈᑦ ᑳ ᓂᐱᓕᒋ, ᓀᔥᑕ ᐁ ᐋᐱᓯᐋᑦ: ᐁᑯ ᓀᔥᑕ ᐅᑯᓯᓯᒪᐤ ᐁ ᐃᔑ ᐋᐱᓯᐋᑦ ᐊᓂᐃ ᐙᑐᑕᐙᑦ᙮

ᐅᐸᓓᑭᔅ ᒑᓐ 6:38

ᐌᓴ ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ, ᓇᒪᐎᓚ ᑭᒋ ᑐᑕᒫᓐ ᓂᓚ ᑎᐱᓚᐌ ᓂᑦ ᐃᑌᓕᑕᒧᐎᓐ, ᒫᑲ ᐊᓇ ᑳ ᐯᒋᑎᔕᐅᑦ ᐅᑦ ᐃᑌᓕᑕᒧᐎᓐ᙮

ᐅᐸᓓᑭᔅ ᒑᓐ 8:28

ᐁᑯ ᒋᓴᔅ ᐁᑖᑦ, ᐃᔅᐱ ᑮ ᐅᐱᓀᑴ ᐃᓕᓕᐎᑯᓯᓵᓐ, ᐁᑯ ᑫ ᑭᔅᑫᓕᑕᒣᒃ ᓂᓚ ᐁᐗᑯ ᐁ ᐋᐎᔮᓐ, ᓀᔥᑕ ᐁᑳ ᐁ ᑐᑕᒫᓐ ᑫᒀᓐ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᐅᒋ; ᒫᑲ ᐁ ᑮ ᐃᔑ ᑭᔅᑭᓄᐊᒪᐎᑦ ᓄᑖᐎ, ᓂᑦ ᐋᔭᒥᓐ ᐅᐅ ᑫᒀᓇ᙮

ᐅᐸᓓᑭᔅ ᒑᓐ 9:4

ᓂ ᑳ ᑐᑕᒸᓐ ᐅᑦ ᐋᔨᑎᐎᓇ ᐊᓇ ᑳ ᑮ ᐯᒋᑎᔕᐅᑦ ᐁᔥᑾ ᐁ ᑭᔑᑳᒃ: ᐹᐸᓕᐤ ᐁ ᑎᐱᔅᑳᒃ, ᐃᔅᐱ ᐁᑳ ᐊᐌᓇ ᑫ ᑮ ᐋᐸᑎᓯᑦ᙮

ᐊᐸᔅᑕᓚᒃ 2:24

ᑭᒋᒪᓂᑐ ᒫᑲ ᒥᓇ ᑮ ᐗᓂᔥᑳᓀᐤ, ᐁ ᑮ ᐋᐸᐊᒪᐙᑦ ᓂᐱᐎ ᐎᓴᑫᓕᑕᒧᐎᓇ; ᐌᓴ ᓇᒪᐎᓚ ᑲᑕ ᑮ ᐃᑭᓐ ᑭᒋ ᑮ ᒥᒋᒥᓂᑯᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:4

ᐁᐗᑯ ᐌᒋ ᓇᐃᑳᑲᐎᔭᒃ ᐊᓯᒋ ᐎᓚ ᓯᑲᐋᑖᑫᐎᓐ ᐅᒋ ᓂᐱᐎᓂᒃ ᐃᔑ: ᑖᐱᔅᑯᒡ ᙭ ᐁ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ ᐅᑖᐎᒪᐤ ᐅ ᓱᑳᑎᓯᐎᓂᓕᐤ, ᐁᑯ ᓀᔥᑕ ᑭᓚᓈᓇᐤ ᑭᒋ ᐱᒧᑌᔭᒃ ᐅᔥᑭ ᐱᒫᑎᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᓂᔥᑕᒻ ᑯᕆᓐᑎᐊᓇ 15:12

ᑮᔥᐱᓐ ᒫᑲ ᐃᔑ ᑲᑫᔅᑭᒥᐙᓂᐗᒃ ᙭ ᐅᓂᐱᐗ ᐁ ᑮ ᐅᒋ ᐗᓂᔥᑳᑦ, ᑖᓀᑭ ᐌᒋ ᐃᑗᒋᒃ ᐋᑎᑦ ᐁ ᐃᑕᔑᔦᒃ ᐁᑳ ᒥᑐᓂ ᑭᒋ ᐗᓂᔥᑳᒋᒃ ᐊᓂᑭ ᑳ ᓂᐱᒋᒃ?

ᓂᔓ ᑯᕆᓐᑎᐊᓇ 4:14

ᐁ ᑭᔅᑫᓕᑕᒫᒃ ᐊᓇ ᑳ ᑮ ᐗᓂᔥᑳᓈᑦ ᐅᑎᐯᓕᒋᑫᐗ ᒋᓴᓴ, ᐊᓯᒋ ᓀᔥᑕ ᑭᒋ ᐗᓂᔥᑳᓂᔭᒥᑦ ᒋᓴᔅ ᐅᒋ, ᓀᔥᑕ ᑭᒋ ᐸᑭᑎᓂᔭᒥᑦ ᐊᓯᒋ ᑭᓚᐗᐤ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᐃᐱᓯᔭᓇ 2:5

ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᐃᐱᓯᔭᓇ 3:16

ᑭᒋ ᐸᑭᑎᓇᒫᑖᒃ, ᐁ ᐃᔅᐱᒋ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ, ᑭᒋ ᒪᔥᑲᐎᐃᑯᔦᒃ ᓱᑳᑎᓯᐎᓐ, ᐅᑦ ᐊᒑᑾ ᐅᒋ, ᑭ ᐱᒋ ᐃᑖᑎᓯᐎᓂᐙᒃ;

ᐱᓕᐱᔭᓇ 3:21

ᐊᓇ ᑫ ᑴᔅᑭᓈᑯᑖᑦ ᑳ ᐋᐱᔅᑌᓕᑖᑾᒃ ᑭᔭᐎᓈᐤ ᑭᒋ ᐃᔑᑖᓂᐗᒃ ᑖᐱᔅᑯᒡ ᐎᔭᐤ ᑳ ᒪᓂᑐᐎᓈᑾᓂᓕᒃ, ᐁ ᐃᔑ ᐊᑑᔅᑫᒪᑲᓂᓕᒃ ᐅ ᑲᔥᑭᐅᐎᓐ ᒥᓯᐌ ᑫᒀᓇ ᑭᒋ ᔖᑯᒋᑕᒫᓱᑦ᙮

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᑯᓚᔑᔭᓇ 1:16

ᐌᓴ ᐎᓚ ᐅᒋ ᒥᓯᐌ ᑫᒀᓇ ᑮ ᐅᔑᑖᓂᐗᓋ, ᑭᒋᑭᔑᑯᒃ ᑳ ᐃᑕᑾᑭ, ᓀᔥᑕ ᐊᔅᑮᒃ ᑳ ᐃᑕᑾᑭ, ᑳ ᓄᑾᑭ, ᓀᔥᑕ ᐁᑳ ᑳ ᓄᑾᑭ, ᑮᔥᐱᓐ ᐅᑭᒪᐗᐱᐎᓇ, ᓀᔥᑕᐱᑯ ᐅᑭᒪᐎᐎᓇ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑲᔥᑭᐅᐎᓇ: ᒥᓯᐌ ᑫᒀᓇ ᐎᓚ ᑮ ᐅᒋ ᐅᔑᑖᓂᐗᓋ, ᓀᔥᑕ ᐎᓚ ᑭᒋ ᐋᔮᑦ᙮

ᓂᔥᑕᒻ ᑌᓴᓗᓂᔭᓇ 4:14

ᐌᓴ ᑮᔥᐱᓐ ᑎᐋᐺᑕᒪᑴ ᒋᓴᔅ ᐁ ᑮ ᓂᐱᑦ, ᓀᔥᑕ ᒥᓇ ᐁ ᑮ ᐗᓂᔥᑳᑦ, ᐁᑯ ᑖᐱᔅᑯᒡ ᐎᓚᐗᐤ ᓀᔥᑕ ᑳ ᓂᐹᒋᒃ ᒋᓴᓯᒃ ᑭᒋᒪᓂᑐ ᑲᑕ ᐊᓯᒋ ᐯᔑᐌᐤ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᑭᔅᑫᓕᑖᑯᑖᑫᐎᓐ 2:23

ᓂ ᑳ ᓂᐹᐃᒫᐗ ᒫᑲ ᐅᑦ ᐊᐙᔑᒥᔕ ᓂᐱᐎᓐ ᐅᒋ; ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᑲᑕ ᑭᔅᑫᓕᑕᒶᒃ ᓂᓚ ᐁ ᐋᐎᔮᓐ ᐊᓇ ᑳ ᑲᑴᒋᑖᑦ ᐱᒋᓚᐗ ᓀᔥᑕ ᒥᑌᐊ: ᑭ ᑳ ᒥᓕᑎᓇᐗᐤ ᒫᑲ ᒥᓯᐌ ᐁ ᐃᑕᔑᔦᒃ ᑳ ᑭ ᐃᔑ ᐊᔭᑑᔅᑫᔦᒃ᙮