ᐅᐸᓓᑭᔅ ᒑᓐ 5:17 - ᐅᔅᑭ ᑎᔅᑌᒥᓐᑦ

¹⁷ ᒫᑲ ᒋᓴᔅ ᑮ ᓇᔥᑴᐗᔑᐁᐤ, ᓄᑖᐎ ᐯᒋ ᐋᐸᑎᓯᐤ ᐊᓄᒡ ᐃᔅᑯ, ᓂᓚ ᓀᔥᑕ ᓂᑦ ᐋᐸᑎᓯᓐ᙮

ᐅᐸᓓᑭᔅ ᒑᓐ 5:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:29

ᓇᒪ ᓈ ᓂᔓ ᒥᒋᔥᑯᔑᔕᒃ ᐯᔭᒃ ᔔᓕᐋᓈᐱᔅᑯᔑᔥ ᐃᑕᑭᒪᐗᒃ? ᓇᒪᐎᓚ ᐅᒋ ᐯᔭᒃ ᒫᑲ ᑲᑕ ᐸᑭᔑᓐ ᒧᔅᑕᔅᑲᒥᒃ ᐁᑳ ᐁ ᑭᔅᑫᓕᑕᒃ ᑯᑖᐎᐗᐤ᙮

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 14:10

ᓇᒪ ᓈ ᑭ ᑖᐺᑌᓐ ᐅᑖᐎᒪᐤ ᐁ ᐱᒋᔅᑲᐗᒃ, ᓀᔥᑕ ᐅᑖᐎᒪᐤ ᐁ ᐱᒋᔅᑳᐎᑦ? ᐋᔭᒥᐎᓇ ᑳ ᐃᑎᑕᑾᒃ ᓇᒪᐎᓚ ᓂᓚ ᑫᒋᐙᒃ ᓂᑦ ᐋᔭᒥᓐ: ᒫᑲ ᐅᑖᐎᒪᐤ ᑳ ᐱᒋᔅᑲᐎᑦ, ᐁᐗᑯ ᑳ ᑐᑕᒃ ᐋᔨᑎᐎᓇ᙮

ᐅᐸᓓᑭᔅ ᒑᓐ 5:16

ᐁᐗᑯ ᐌᒋ ᒎᐗᒃ ᑮ ᑯᒋ ᒪᒋᑐᑕᐙᒋᒃ ᒋᓴᓴ, ᓀᔥᑕ ᑮ ᐎ ᓂᐸᐁᐗᒃ, ᐁ ᑮ ᑐᑕᒥᓕᒋ ᐅᐅ ᑫᒀᓇ ᐁ ᐋᔭᒥᐁᑭᔑᑳᓕᒃ᙮

ᐅᐸᓓᑭᔅ ᒑᓐ 5:18

ᐁᐗᑯ ᐌᒋ ᒎᐗᒃ ᐊᐙᓯᑌ ᑮ ᐎ ᓂᐸᐁᐗᒃ, ᓇᒪᐎᓚ ᐱᑯ ᐁ ᑮ ᐱᑯᐱᑕᒥᓕᒋ ᐁ ᐋᔭᒥᐁᑭᔑᑳᓕᒃ, ᐊᓯᒋ ᒫᑲ, ᑭᒋᒪᓂᑐ ᓄᑖᐎ ᐁ ᑮ ᐎᑗᓕᒋ, ᐁ ᑭᒋᒪᓂᑐᑳᓱᓕᒋ᙮

ᐅᐸᓓᑭᔅ ᒑᓐ 9:4

ᓂ ᑳ ᑐᑕᒸᓐ ᐅᑦ ᐋᔨᑎᐎᓇ ᐊᓇ ᑳ ᑮ ᐯᒋᑎᔕᐅᑦ ᐁᔥᑾ ᐁ ᑭᔑᑳᒃ: ᐹᐸᓕᐤ ᐁ ᑎᐱᔅᑳᒃ, ᐃᔅᐱ ᐁᑳ ᐊᐌᓇ ᑫ ᑮ ᐋᐸᑎᓯᑦ᙮

ᐊᐸᔅᑕᓚᒃ 14:17

ᐊᓕᐌᒃ ᓇᒪᐎᓚ ᐅᒋ ᓇᑲᑎᑎᓱ ᐁᑳ ᑭᒋ ᐋᓕᒧᒥᑦ, ᐁ ᑮ ᒥᓗ ᑐᑖᑫᑦ, ᓀᔥᑕ ᐁ ᑮ ᒥᓕᑕᒃ ᑭᒥᐗᓈᐳ ᑭᒋᑭᔑᑯᒃ ᐅᒋ, ᓀᔥᑕ ᐁ ᒥᓂᔑᐗᑭ ᐁ ᑴᔅᑲᔮᐙᑭ, ᐁ ᓵᑲᔅᑭᓇᑖᑦ ᑭᑌᐃᓇᐗ ᒥᒋᓱᐎᓂᓕᐤ ᓀᔥᑕ ᓯᑭᓓᓯᐎᓂᓕᐤ ᐅᒋ᙮

ᐊᐸᔅᑕᓚᒃ 17:28

ᐌᓴ ᐎᓚ ᐅᒋ ᑭ ᐱᒫᑎᓯᓈᓇᐤ, ᓀᔥᑕ ᑭᑦ ᐋᔮᒋᓈᓇᐤ, ᓀᔥᑕ ᑭᑦ ᐃᑕᓈᓇᐤ; ᑖᐱᔅᑯᒡ ᐊᑎᑦ ᓀᔥᑕ ᑎᐱᓚᐌ ᑭ ᑎᐸᒋᒧᐎᓕᓕᒥᐗᐗᒃ ᑳ ᑮ ᐃᑗᒋᒃ, ᐌᓴ ᑭᓚᓈᓇᐤ ᐊᓯᒋ ᐁᐗᒀᓂᐃ ᐅ ᓂᑖᐎᑭᐋᑲᓇ᙮

ᓂᔥᑕᒻ ᑯᕆᓐᑎᐊᓇ 12:6

ᐹᐱᑐᔥ ᓀᔥᑕ ᐁ ᐃᔑ ᐋᔨᑎᓈᓂᐗᒃ, ᒫᑲ ᐁᐗᒀᓇ ᑫᔮᐸᒡ ᑭᒋᒪᓂᑐ ᒥᓯᐌ ᓀᔥᑕ ᒥᓯᐌ ᑳ ᑐᑕᒫᑫᑦ᙮

ᑯᓚᔑᔭᓇ 1:16

ᐌᓴ ᐎᓚ ᐅᒋ ᒥᓯᐌ ᑫᒀᓇ ᑮ ᐅᔑᑖᓂᐗᓋ, ᑭᒋᑭᔑᑯᒃ ᑳ ᐃᑕᑾᑭ, ᓀᔥᑕ ᐊᔅᑮᒃ ᑳ ᐃᑕᑾᑭ, ᑳ ᓄᑾᑭ, ᓀᔥᑕ ᐁᑳ ᑳ ᓄᑾᑭ, ᑮᔥᐱᓐ ᐅᑭᒪᐗᐱᐎᓇ, ᓀᔥᑕᐱᑯ ᐅᑭᒪᐎᐎᓇ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑲᔥᑭᐅᐎᓇ: ᒥᓯᐌ ᑫᒀᓇ ᐎᓚ ᑮ ᐅᒋ ᐅᔑᑖᓂᐗᓋ, ᓀᔥᑕ ᐎᓚ ᑭᒋ ᐋᔮᑦ᙮

ᓂᔥᑕᒻ ᑌᓴᓗᓂᔭᓇ 2:13

ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;