41 ᓀᔥᑕ ᐊᐙᓯᑌ ᒥᒉᑦ ᑮ ᑖᐺᑕᒶᒃ ᐎᓚ ᑫᒋᐙᒃ ᐅᑦ ᐋᔭᒥᐎᓂᓕᐤ ᐅᒋ;
ᑮ ᒫᒪᔅᑳᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ; ᐌᓴ ᐅᑦ ᐋᔭᒥᐎᓐ ᑮ ᓱᑳᑎᓯᒪᑲᓂᓕᐤ᙮
ᐃᔅᐱ ᒫᑲ ᓴᒣᕃᔭ ᐃᓕᓕᐗ ᐌᑎᑎᑯᑦ, ᑮ ᓇᑐᑕᒫᑯ ᑭᒋ ᐎᒋᑕᔑᑫᒫᑦ: ᐁᑯᑕ ᒫᑲ ᑌᔑᑫᑦ ᓂᔓ ᑭᔑᑳᐗ᙮
ᓀᔥᑕ ᑮ ᐃᑌᐗᒃ ᐃᔅᑴᐗ, ᐁᑯ ᑎᐋᐺᑕᒫᒃ, ᓇᒪᐎᓚ ᑭᓚ ᑭᑦ ᐃᑗᐎᓐ ᐅᒋ: ᐌᓴ ᓂᓚᓈᓐ ᑫᒋᐙᒃ ᓂ ᑮ ᐯᑕᐙᓈᓐ, ᓀᔥᑕ ᓂ ᑭᔅᑫᓕᑌᓈᓐ ᐊᐗ ᑖᐺ ᐁᐗᒀᓇ ᙭, ᑳ ᐱᒫᒋᑖᑦ ᐊᔅᑭᓕᐤ᙮
ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮
ᐅᓚᔓᐌᐎ ᐊᑑᔅᑫᓛᑲᓇᒃ ᑮ ᓇᔥᑴᐗᔑᐃᐌᐗᒃ, ᓇᒪᐎᔅᑳᑦ ᐊᐌᓇ ᐃᔑ ᐋᔭᒥᐤ ᑖᐱᔅᑯᒡ ᐊᐗ ᐃᓕᓕᐤ᙮
ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮
ᓀᔥᑕ ᐁ ᑮ ᐎᒋᐃᑯᒋᒃ ᒫᒪᐎᐋᔭᒥᐋᐗ ᐁ ᐊᑎ ᐃᑐᑌᒋᒃ, ᑮ ᔕᐳᔥᑲᒶᒃ ᐱᓂᓯᔭ ᓀᔥᑕ ᓵᒣᕆᔭ, ᐁ ᐙᐎᑕᒫᑫᒋᒃ ᐅ ᑴᔅᑳᑎᓯᐎᓂᓕᐤ ᐊᓂᐃ ᒉᓐᑖᐃᓚ, ᑮ ᐃᑐᑕᐌᐗᒃ ᒫᑲ ᓈᔅᐱᒡ ᑭᒋ ᒥᓨᑕᒥᓕᒋ ᒥᓯᐌ ᑳ ᐎᒋᔖᓂᑐᓕᒋ᙮
ᒫᑲ ᐃᔅᐱ ᑎᐋᐺᑕᐙᒋᒃ ᐱᓕᐸ ᐁ ᐙᐎᑕᒥᓕᒋ ᐊᓂᐃ ᑫᒀᓇ ᑳ ᐃᑕᔅᑌᓕᑭ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᒃ, ᓀᔥᑕ ᐅᑦ ᐃᔑᓂᑳᓱᐎᓂᓕᐤ ᐊᓇ ᒋᓴᔅ ᙭, ᑮ ᓯᑳᐊᑕᐙᑲᓂᐎᐙᒃ, ᑖᐱᔅᑯᒡ ᓈᐯᐗᒃ ᓀᔥᑕ ᐃᔅᑴᐗᒃ᙮
ᐎᓚᐗᐤ ᒫᑲ ᐃᔅᐱ ᑳ ᑮ ᑎᐹᑐᑕᑭᒃ ᓀᔥᑕ ᑭᔅᑭᓄᐊᒫᑫᒋᒃ ᐅᑎᐯᓕᒋᑫᐗ ᐅᑦ ᐋᔭᒥᐎᓂᓕᐤ, ᑮ ᑭᐌᐗᒃ ᒋᕉᓴᓚᒥᒃ, ᓀᔥᑕ ᑮ ᑭᔅᑭᓄᐊᒫᑫᐗᒃ ᒥᓗᐋᒋᒧᐎᓂᓕᐤ ᒥᒉᑦ ᐅᑦ ᐃᑖᐎᓂᐙᒃ ᐊᓂᑭ ᓵᒣᕆᔭ ᐃᓕᓕᐗᒃ᙮
ᓇᒪᐎᓚ ᓀᔥᑕ ᐊᐌᓇ ᐃᑖᐤ ᐁᑳ ᑳ ᐹᔭᑌᓈᑯᓯᑦ ᐁ ᑲᓇᐙᐸᒥᑯᑦ: ᒫᑲ ᒥᓯᐌ ᑫᒀᓇ ᒧᔐᔅᑌᐗ ᓀᔥᑕ ᐸᔭᑕᔅᑌᐗ ᐅᔅᑭᔑᑯᒃ ᐊᓇ ᑳ ᑲᓇᐙᐸᒥᑕᒃ᙮
