ᐅᐸᓓᑭᔅ ᒑᓐ 3:21 - ᐅᔅᑭ ᑎᔅᑌᒥᓐᑦ

²¹ ᐊᓇ ᒫᑲ ᑳ ᑐᑕᒃ ᑖᐺᐎᓂᓕᐤ ᐯᒋ ᓈᑕᒻ ᐙᔅᑌᐎᓂᓕᐤ, ᑭᒋ ᓄᑯᑖᓂᐗᓂᓕᑭ ᐅᑦ ᐋᔨᑎᐎᓇ, ᑭᒋᒪᓂᑐᐗ ᐁ ᐃᑌᓕᑕᒥᓕᒋ ᐁ ᑐᑕᒃ᙮

ᐅᐸᓓᑭᔅ ᒑᓐ 3:21 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:47

ᒋᓴᔅ ᑮ ᐙᐸᒣᐤ ᓇᑕᓂᔭᓚ ᐁ ᐯᒋ ᓈᑎᑯᑦ, ᐃᑌᐤ ᒫᑲ, ᐙᐸᒥᒃ ᐁ ᑖᐺᐎᓂᐎᑦ ᐃᔅᕃᐃᓚᐃᑦ, ᐁᑳ ᐁ ᐱᒋᔅᑳᑯᑦ ᐙᔦᔑᐃᐌᐎᓂᓕᐤ᙮

ᐅᐸᓓᑭᔅ ᒑᓐ 3:20

ᐌᓴ ᒥᓯᐌ ᑕᑐ ᐊᐌᓇ ᑳ ᒪᒋᑐᑕᒃ, ᐸᒀᑕᒻ ᐙᔅᑌᐎᓂᓕᐤ, ᓇᒪᐎᓚ ᓀᔥᑕ ᐯᒋ ᓈᑕᒻ ᐙᔅᑌᐎᓂᓕᐤ, ᐁᑳ ᑭᒋ ᑭᔅᑫᓕᒋᑳᑌᓕᑭ ᐅᑦ ᐋᔨᑎᐎᓇ᙮

ᐅᐸᓓᑭᔅ ᒑᓐ 5:39

ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᑲᓓᔕᐊᓇ 6:8

ᐌᓴ ᐊᓇ ᐎᔮᓯᐎᓂᒃ ᑳ ᐃᔑ ᐗᓴᓶᐱᓂᑫᑦ, ᐎᔮᓯᐎᓂᒃ ᑲᑕ ᐅᒋ ᒪᐗᒋᑕᐤ ᓂᔑᐗᓈᑎᓯᐎᓂᓕᐤ; ᒫᑲ ᐊᓇ ᐊᒑᑯᒃ ᑳ ᐃᔑ ᐗᓴᓶᐱᓂᑫᑦ ᐊᒑᑯᒃ ᑲᑕ ᐅᒋ ᒪᐗᒋᑕᐤ ᑳᑭᑫ ᐱᒫᑎᓯᐎᓂᓕᐤ᙮

ᐃᐱᓯᔭᓇ 5:9

ᐌᓴ ᐊᓂᒪ ᑳ ᒥᓂᔑᐎᑦ ᐊᒑᒃ ᐃᑕᑾᒃ ᒥᓯᐌ ᒥᓨᑎᓯᐎᓂᒃ, ᓀᔥᑕ ᒀᔭᔅᑭᑖᑎᓯᐎᓂᒃ, ᓀᔥᑕ ᑖᐺᐎᓂᒃ;

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 2:13

ᐌᓴ ᑭᒋᒪᓂᑐ ᐁᐗᒀᓇ ᑳ ᑐᑖᑖᒃ ᑭᒋ ᐃᑌᓕᑕᒣᒃ ᓀᔥᑕ ᑭᒋ ᑐᑕᒣᒃ ᐁ ᐃᔑ ᒥᓜᓕᑕᒃ:

ᑯᓚᔑᔭᓇ 1:29

ᐃᑌ ᓀᔥᑕ ᑳ ᐃᔑ ᐊᑑᔅᑫᔮᓐ, ᐁ ᑲᑴᑲᔥᑭᑖᔮᓐ ᐁ ᐃᔑ ᐊᑐᔅᑫᑦ, ᐁᓕᑯᒃ ᑳ ᐊᑐᔅᑫᔅᑳᑯᐗᒃ᙮

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᒑᓐ 1:6

ᑮᔥᐱᓐ ᐃᑗᔭᒃ ᑭᑦ ᐃᑕᐙᓈᓇᐤ ᐅᑐᑌᒥᐌᐎᓂᒃ, ᓀᔥᑕ ᐱᒧᑖᑕᒪᒃ ᐗᓂᑎᐱᔅᑭᓯᐎᓐ, ᑭ ᑭᓛᔅᑭᓈᓇᐤ, ᓇᒪ ᓀᔥᑕ ᑭ ᑐᑌᓈᓇᐤ ᑖᐺᐎᓐ:

ᓂᔅᑐ ᒑᓐ 1:11

ᓯᐋᑭᐃᑖᓐ ᐁᑳᐎᓚ ᓄᔅᐱᓇᑖ ᐊᓂᒪ ᑳ ᒫᓛᑕᒃ, ᒫᑲ ᐊᓂᒪ ᑳ ᒥᓨᔑᒃ᙮ ᐊᓇ ᑳ ᒥᓗᑐᑕᒃ ᑭᒋᒪᓂᑐᒃ ᐅᒋᐤ; ᒫᑲ ᐊᓇ ᑳ ᒪᒋᑐᑕᒃ ᓇᒪᐎᓚ ᐅᒋ ᐙᐸᒣᐤ ᑭᒋᒪᓂᑐᐗ᙮

ᑭᔅᑫᓕᑖᑯᑖᑫᐎᓐ 3:15

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁᑳ ᐁ ᑕᑭᓯᔭᓐ ᐁᑳ ᓀᔥᑕ ᐁ ᑭᓯᓱᔭᓐ; ᓇᑕᒫᑕ ᑕᑭᓯᔭᓐ ᓀᔥᑕᐱᑯ ᑭᓯᓱᔭᓐ᙮