ᐅᐸᓓᑭᔅ ᒑᓐ 3:2 - ᐅᔅᑭ ᑎᔅᑌᒥᓐᑦ

² ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 3:2 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 22:16

ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᑎᐤ 23:7

ᓀᔥᑕ ᐊᑕᒥᔅᑳᑯᓯᐎᓇ ᐃᑌ ᐁ ᐊᑖᒥᑐᓈᓂᐗᒃ, ᓀᔥᑕ ᕌᐸᐃ, ᕌᐸᐃ, ᑭᒋ ᐃᑎᑯᒋᒃ ᐃᓕᓕᐗ᙮

ᐅᐸᓓᑭᔅ ᒫᑎᐤ 23:8

ᒫᑲ ᐁᑳᐎᓚ ᑭᓚᐗᐤ ᓇᑕᐌᓕᑕᒧᒃ ᕌᐸᐃ ᑭᒋ ᐃᑎᑳᐎᔦᒃ: ᐌᓴ ᐯᔭᑯ ᑭᑦ ᐅᑭᒫᒥᐗᐤ, ᙭ ᐅᑎ; ᒥᓯᐌ ᑭᓚᐗᐤ ᒫᑲ ᑭ ᐎᒋᔖᓂᑐᓇᐗᐤ᙮

ᐅᐸᓓᑭᔅ ᒫᕐᒃ 12:14

ᐃᔅᐱ ᒫᑲ ᑌᑯᔑᑭᒃ, ᑮ ᐃᑌᐗᒃ, ᑫᔅᑭᓄᐊᒫᑫᔭᓐ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ, ᒫᑲ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ: ᐅᓚᔓᐌᓕᑖᑾᓐ ᓈ ᑭᒋ ᒪᓛᑲᓂᐎᑦ ᓯᓴᕐ ᑎᐯᓕᒋᑫᐎ ᔔᓕᐋᓇ, ᓀᔥᑕᐱᑯ ᐁᑳ?

ᐅᐸᓓᑭᔅ ᒑᓐ 1:38

ᐁᑯ ᒋᓴᔅ ᑶᐁᔅᑭᑳᐸᐎᑦ, ᓀᔥᑕ ᑮ ᐙᐸᒣᐤ ᐁ ᓄᔅᐱᓇᔑᐌᓕᒋ, ᐃᑌᐤ ᒫᑲ, ᑫᒀᓐ ᓂᐋᓇᑕᐌᓕᑕᒣᒃ? ᑮ ᐃᑌᐗᒃ ᒫᑲ, ᕌᐸᐃ, (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᑫᔅᑭᓄᐊᒫᑫᔭᓐ,) ᑖᓐᑌ ᐙᑭᔭᓐ?

ᐅᐸᓓᑭᔅ ᒑᓐ 10:38

ᒫᑲ ᑮᔥᐱᓐ ᐁᑐᑕᒸᐗᑫ, ᐋᑕ ᐁᑳ ᐁ ᑖᐺᑕᐎᔦᒃ, ᑖᐺᑕᒧᒃ ᐋᔨᑎᐎᓇ: ᑭᒋ ᑭᔅᑫᓕᑕᒣᒃ ᓀᔥᑕ ᑭᒋ ᑖᐺᑕᒣᒃ ᐁ ᐱᒋᔅᑲᐎᑦ ᐅᑖᐎᒪᐤ, ᓂᓚ ᓀᔥᑕ ᐁ ᐱᒋᔅᑲᐗᒃ᙮

ᐅᐸᓓᑭᔅ ᒑᓐ 12:37

ᐋᑕ ᒫᑲ ᐃᔅᐱᒋ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᐁ ᑮ ᑐᑕᒃ ᐁ ᐙᐸᒥᑯᑦ, ᐁᓕᐌᒃ ᒫᑲ ᓇᒪᐎᓚ ᐅᒋ ᑖᐺᔦᓕᒥᑯ᙮

ᐅᐸᓓᑭᔅ ᒑᓐ 14:10

ᓇᒪ ᓈ ᑭ ᑖᐺᑌᓐ ᐅᑖᐎᒪᐤ ᐁ ᐱᒋᔅᑲᐗᒃ, ᓀᔥᑕ ᐅᑖᐎᒪᐤ ᐁ ᐱᒋᔅᑳᐎᑦ? ᐋᔭᒥᐎᓇ ᑳ ᐃᑎᑕᑾᒃ ᓇᒪᐎᓚ ᓂᓚ ᑫᒋᐙᒃ ᓂᑦ ᐋᔭᒥᓐ: ᒫᑲ ᐅᑖᐎᒪᐤ ᑳ ᐱᒋᔅᑲᐎᑦ, ᐁᐗᑯ ᑳ ᑐᑕᒃ ᐋᔨᑎᐎᓇ᙮

ᐅᐸᓓᑭᔅ ᒑᓐ 15:24

ᑮᔥᐱᓐ ᐁᑳ ᐅᒋ ᑐᑕᒶᒃ ᑭᒋ ᐙᐸᑕᑭᒃ ᐋᔨᑎᐎᓇ ᐁᑳ ᑯᑕᒃ ᐊᐌᓇ ᑳ ᑮ ᑐᑕᒃ, ᓇᒪᐎᓚ ᑲᑕ ᐋᔮᐸᓇᒃ ᒪᒋᑣᐎᓂᓕᐤ: ᒫᑲ ᐊᓄᒡ ᓂ ᑮ ᐙᐸᒥᑯᓈᓇᒃ ᓀᔥᑕ ᓂ ᑮ ᐸᑾᑎᑯᓈᓇᒃ ᓂᓚ ᓀᔥᑕ ᓄᑖᐎ᙮

ᐅᐸᓓᑭᔅ ᒑᓐ 2:11

ᐁᐗᑯ ᐅᒪ ᐁ ᑮ ᒫᒋ ᒫᒪᑖᐎᐃᔑᒋᑫᑦ ᒋᓴᔅ ᑫᓇᐃᒃ ᑳᓕᓖᒃ, ᓀᔥᑕ ᑮ ᐙᐸᑎᓕᐌᐤ ᐅ ᑭᔅᑌᓕᑖᑯᓯᐎᓐ; ᑮ ᑖᐺᔦᓕᒥᑯ ᒫᑲ ᐅ ᑭᔅᑭᓄᐊᒪᐙᑲᓇ᙮

ᐅᐸᓓᑭᔅ ᒑᓐ 20:16

ᐃᑎᑯ ᒋᓴᓴ, ᒣᕆ᙮ ᑮ ᑴᔅᑭᑳᐸᐎᐤ, ᓀᔥᑕ ᐃᑌᐤ, ᕌᐳᓈᔾ; ᑳ ᐃᑗᒪᑲᒃ, ᑫᔅᑭᓄᐊᒫᑫᔭᓐ᙮

ᐅᐸᓓᑭᔅ ᒑᓐ 3:26

ᓀᔥᑕ ᒫᑲ ᐁ ᐯᒋ ᓈᑖᒋᒃ ᒐᓇ, ᑮ ᐃᑌᐗᒃ, ᕌᐸᐃ, ᐊᓇ ᑳ ᑮ ᐎᒉᐎᔉ ᐊᑳᒥᒃ ᒐᕐᑕᓂᒃ, ᐊᓇ ᑳ ᑮ ᑎᐹᒋᒪᑦ, ᒫᑎᑳ, ᐊᐗ ᓯᑲᐋᑖᑫᐤ, ᓀᔥᑕ ᐯᒋ ᓈᑎᑯ ᒥᓯᐌ ᐃᓕᓕᐗ᙮

ᐅᐸᓓᑭᔅ ᒑᓐ 4:31

ᒣᒀᒡ ᐅᒪ ᐅ ᑭᔅᑭᓄᐊᒪᐙᑲᓇ ᑮ ᔑᑭᒥᑯ, ᐁ ᐃᑗᓕᒋ, ᐅᑭᒪᐤ, ᒥᒋᓱ᙮

ᐅᐸᓓᑭᔅ ᒑᓐ 5:36

ᒫᑲ ᓂᑦ ᐋᔮᓐ ᑎᐹᒋᒧᐎᓐ ᐊᐙᓯᑌ ᐁ ᑭᔅᑌᓕᑖᑾᒃ ᐃᔥᐱᔥ ᒑᓐ ᐅ ᑎᐹᒋᒧᐎᓐ: ᐌᓴ ᐊᓂᐃ ᐋᔨᑎᐎᓇ ᐅᑖᐎᒪᐤ ᑳ ᑮ ᒥᓕᑦ ᑭᒋ ᑭᔑᑖᐗᒃ, ᐁᐗᒀᓂᐃ ᐋᔨᑎᐎᓇ ᑳ ᐃᑐᑕᒫᓐ, ᓂ ᑎᐹᒋᒥᑯᓐ, ᐁ ᑮ ᐯᒋᑎᔓᐅᑦ ᐅᑖᐎᒪᐤ᙮

ᐅᐸᓓᑭᔅ ᒑᓐ 6:2

ᑮ ᓄᔅᐱᓈᑎᑯ ᒫᑲ ᒥᔭᒪᐎᒥᒉᑎᓕᒋ ᐃᓕᓕᐗ, ᐁ ᑮ ᐙᐸᑕᒥᓕᒋ ᐅ ᒫᒪᔅᑳᒋ ᐃᓯᒋᑫᐎᓇ ᑳ ᑮ ᑐᑕᐙᑦ ᐊᓂᐃ ᑳ ᐋᑯᓯᓕᒋ᙮

ᐅᐸᓓᑭᔅ ᒑᓐ 7:31

ᒥᒉᑦ ᒫᑲ ᐃᓕᓕᐗᒃ ᑮ ᑖᐺᔦᓕᒣᐗᒃ, ᑮ ᐃᑗᐗᒃ ᒫᑲ, ᐃᔅᐱ ᙭ ᑕᑯᔑᑫ, ᐊᐙᓯᑌ ᓈ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᑲᑕ ᑐᑕᒻ ᐃᔥᐱᔥ ᐅᐅ ᐊᐗ ᐃᓕᓕᐤ ᑳ ᑮ ᑐᑕᒃ?

ᐅᐸᓓᑭᔅ ᒑᓐ 9:16

ᐁᐗᑯ ᐌᒋ ᐃᑗᒋᒃ ᐋᑎᑦ ᐹᕋᓯᔭᒃ, ᐊᐗ ᐃᓕᓕᐤ ᓇᒪᐎᓚ ᑭᒋᒪᓂᑐᒃ ᐅᒋᐤ, ᐁᑳ ᐁ ᑲᓇᐎᑖᑦ ᐁ ᐋᔭᒥᐁᑭᔑᑳᓕᒃ᙮ ᑯᑕᑫᔭᒃ ᑮ ᐃᑗᐗᒃ, ᑖᓐᑌ ᑫ ᑮ ᐅᒋ ᑐᑕᒃ ᐅᒪ ᑐᐎ ᒫᒪᔅᑳᒋ ᐃᓯᒋᑫᐎᓇ? ᐁᑯ ᐹᐱᑐᔥ ᐁᑌᓕᑕᑭᒃ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 2:22

ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐯᑕᒧᒃ ᐅᐅ ᐋᔭᒥᐎᓇ; ᒋᓴᔅ ᓈᓴᕆᑎᒃ ᑳ ᐅᒌᑦ, ᐊᓇ ᐃᓕᓕᐤ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ ᐃᑕ ᐁ ᐃᑖᔦᒃ ᒫᒪᔅᑳᒋ ᐃᓯᒋᑫᐎᓇ ᐅᒋ, ᓀᔥᑕ ᒫᒪᑖᐎ ᐙᐸᑎᓕᐌᐎᓇ, ᓀᔥᑕ ᑭᔅᑭᓄᐙᒋᒋᑲᓇ, ᐎᓚ ᐅᒋ ᑳ ᑮ ᑐᑕᒃ ᑭᒋᒪᓂᑐ ᐃᑕ ᐁ ᐃᑖᔦᒃ ᑖᐱᔅᑯᒡ ᑭᓚᐗᐤ ᓀᔥᑕ ᐁ ᐃᔑ ᑭᔅᑫᓕᑕᒣᒃ:

ᐱᓕᐱᔭᓇ 1:14

ᓀᔥᑕ ᒥᒉᑦ ᐎᒋᔖᓂᒪᐗᒃ ᐅᑎᐯᓕᒋᑫᒃ, ᐁ ᐊᑎ ᑫᒋᓇᑌᐁᒋᒃ ᐁ ᒫᒫᒋᒀᐱᓱᔮᓐ, ᓈᔅᐱᒡ ᐊᐙᓯᑌ ᓱᑭᑌᐁᐗᒃ ᑭᒋ ᐎᑐᑭᒃ ᐋᔭᒥᐎᓂᓕᐤ ᐁᑳ ᐁ ᑯᔅᑖᒋᒋᒃ᙮