ᐅᐸᓓᑭᔅ ᒑᓐ 3:18 - ᐅᔅᑭ ᑎᔅᑌᒥᓐᑦ

¹⁸ ᐊᓇ ᑳ ᑖᐺᔦᓕᒫᑦ ᓇᒪᐎᓚ ᓂᔑᐗᓈᒋᒪᐤ: ᒫᑲ ᐊᓇ ᐁᑳ ᑳ ᑖᐺᔦᓕᒫᑦ ᐋᔕᔾ ᓂᔑᐗᓈᒋᒪᐤ, ᐁᑳ ᐁ ᐅᒋ ᑖᐺᔦᓕᑕᒸᑦ ᐅᑦ ᐃᔑᓂᑳᓱᐎᓂᓕᐤ ᑳ ᐯᔭᑯᓕᒋ ᐅᑯᓯᓴ ᑭᒋᒪᓂᑐ᙮

ᐅᐸᓓᑭᔅ ᒑᓐ 3:18 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 16:16

ᐊᓇ ᑫ ᑖᐺᑕᒃ ᓀᔥᑕ ᑫ ᓯᑲᐋᑕᐙᑲᓂᐎᑦ ᑲᑕ ᐱᒫᒋᐊᐤ; ᒫᑲ ᐊᓇ ᐁᑳ ᑫ ᑖᐺᑕᒃ ᑲᑕ ᓂᔑᐗᓈᒋᒪᐤ᙮

ᐅᐸᓓᑭᔅ ᒑᓐ 1:12

ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:47

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ ᐋᔭᐤ ᑳᑭᑫ ᐱᒫᑎᓯᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:1

ᐁᐗᑯ ᐅᒋ ᒫᑲ ᑖᐺᔦᓕᑕᒧᐎᓐ ᐁ ᑮ ᐅᒋ ᒀᔭᔅᑭᑖᑎᓯᐃᑲᐎᔭᒃ, ᑳᔮᒣᓕᑕᒧᐎᓐ ᑭᑦ ᐋᔮᓈᓇᐤ ᑭᒋᒪᓂᑐ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:34

ᐊᐌᓇ ᐊᓇ ᑳ ᓂᔑᐗᓈᒋᒥᐌᑦ? ᙭ ᐁᐗᒀᓇ ᑳ ᑮ ᓂᐱᑦ, ᐁᐁ ᐊᐙᓯᑌ, ᒥᓇ ᑳ ᑮ ᐗᓂᔥᑲᑦ, ᐙᐙᒡ ᑭᒋᒪᓂᑐᐗ ᐅ ᑭᒋᓂᔅᑭᓕᒡ ᑳ ᐃᑖᑦ, ᐊᓇ ᓀᔥᑕ ᑳ ᐋᔭᒥᐁᔅᑕᒫᑕᒃ᙮

ᐦᐃᑉᕉᐗ 12:25

ᔮᒀᒃ ᐁᑳ ᐋᑕᐌᓕᒣᒃ ᐊᓇ ᑳ ᐋᔭᒥᑦ, ᐌᓴ ᑮᔥᐱᓐ ᐁᑳ ᑮ ᐱᒫᒋᐅᒋ ᐊᓂᑭ ᑳ ᑮ ᐋᑕᐌᓕᒫᒋᒃ ᐊᓂᐃ ᑳ ᑮ ᐋᔭᒥᓕᒋ ᐅᑕ ᐊᔅᑮᒃ, ᐙᐐᔅ ᓇᒪᐎᓚ ᑭᓚᓈᓇᐤ ᑭ ᑳ ᐱᒫᒋᐅᓈᓇᐤ, ᑮᔥᐱᓐ ᐃᑲᑌᓂᑌᓱᔅᑕᐗᒃ ᐊᓇ ᑭᒋᑭᔑᑯᒃ ᑳ ᐅᒋ ᐋᔭᒥᑦ:

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐦᐃᑉᕉᐗ 3:19

ᑭ ᐙᐸᑌᓈᓇᐤ ᒫᑲ ᐁᑳ ᐁ ᑮ ᐱᑐᑫᒋᒃ ᐁᑳ ᐁ ᑮ ᑖᐺᑕᑭᒃ᙮

ᓂᔥᑕᒻ ᒑᓐ 3:23

ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᒑᓐ 4:9

ᐅᑕ ᑳ ᐃᔑ ᓄᑯᑣᑯᔭᒃ ᑭᒋᒪᓂᑐ ᐅ ᓵᑭᐃᐌᐎᓐ, ᑭᒋᒪᓂᑐ ᐁ ᑮ ᐃᔑᑎᔕᐙᑦ ᑳ ᐯᔭᑯᓕᒋ ᐅᑯᓯᓴ ᐊᔅᑮᒃ, ᐎᓚ ᑭᒋ ᐅᒋ ᐱᒫᑎᓯᔭᒃ᙮

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᓂᔥᑕᒻ ᒑᓐ 5:12

ᐊᓇ ᑳ ᐋᔭᐙᑦ ᐅᑯᓯᓯᒪᐗ ᐋᔭᐤ ᐱᒫᑎᓯᐎᓂᓕᐤ; ᐊᓇ ᒫᑲ ᐁᑳ ᑳ ᐋᔮᐎᒫᑦ ᐅᑯᓯᓴ ᑭᒋᒪᓂᑐ ᓇᒪᐎᓚ ᐋᔭᐤ ᐱᒫᑎᓯᐎᓂᓕᐤ᙮