ᐅᐸᓓᑭᔅ ᒑᓐ 3:16 - ᐅᔅᑭ ᑎᔅᑌᒥᓐᑦ

¹⁶ ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 9:13

ᒫᑲ ᓇᑕᐎ ᑭᔅᑫᓕᑐᒧᒃ ᐊᓂᒪ ᑳ ᐃᑗᒪᑲᒃ, ᓂ ᑳ ᐋᔮᓐ ᔕᐌᓕᒋᑫᐎᓐ, ᓇᒪ ᒫᑲ ᓵᓵᑭᐎᓕᐌᐎᓐ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮

ᐅᐸᓓᑭᔅ ᒫᕐᒃ 12:6

ᑫᔮᐸᒡ ᒫᑲ ᐁ ᐋᔭᐙᑦ ᐯᔭᒃ ᐅᑯᓯᓴ, ᓈᔅᐱᒡ ᑳ ᓵᑭᐋᑦ, ᐁᐗᒀᓂᐃ ᐊᓯᒋ ᒫᒋᒡ ᐁᑎᔕᐊᒪᐙᑦ, ᐁ ᐃᑗᑦ ᑲᑕ ᑭᔅᑌᓕᒣᐗᒃ ᓂᑯᓯᓴ᙮

ᐅᐸᓓᑭᔅ ᓘᒃ 2:14

ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 10:28

ᓀᔥᑕ ᓂ ᒥᓛᐗᒃ ᑳᑭᑫ ᐱᒫᑎᓯᐎᓂᓕᐤ; ᓇᒪᐎᔅᑳᑦ ᒫᑲ ᑲᑕ ᓂᔑᐗᓈᑎᓯᐗᒃ, ᓇᒪᐎᓚ ᓀᔥᑕ ᐊᐌᓇ ᓂ ᑳ ᑮ ᒪᔅᑲᒥᒃ ᓂᒌᒌᒃ ᐅᒋ᙮

ᐅᐸᓓᑭᔅ ᒑᓐ 3:15

ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒥᑯᑦ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:18

ᐊᓇ ᑳ ᑖᐺᔦᓕᒫᑦ ᓇᒪᐎᓚ ᓂᔑᐗᓈᒋᒪᐤ: ᒫᑲ ᐊᓇ ᐁᑳ ᑳ ᑖᐺᔦᓕᒫᑦ ᐋᔕᔾ ᓂᔑᐗᓈᒋᒪᐤ, ᐁᑳ ᐁ ᐅᒋ ᑖᐺᔦᓕᑕᒸᑦ ᐅᑦ ᐃᔑᓂᑳᓱᐎᓂᓕᐤ ᑳ ᐯᔭᑯᓕᒋ ᐅᑯᓯᓴ ᑭᒋᒪᓂᑐ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10

ᐌᓴ ᑮᔥᐱᓐ ᐃᔅᐱ ᑫᔮᐸᒡ ᑳ ᐸᒀᔑᐌᔭᑯᐸᓐ, ᑭ ᑮ ᐙᑯᑕᐃᑲᐎᓈᓇᐤ ᑭᒋᒪᓂᑐ ᐅ ᓂᐱᐎᓂᓕᒃ ᐅᒋ ᐅᑯᓯᓴ, ᐊᐙᓯᑌ ᒫᑲ, ᐋᔕᔾ ᐁ ᑮ ᐙᑯᑕᐃᑲᐎᔦᒃ, ᑭ ᑳ ᐱᒫᒋᐃᑲᐎᓈᓇᐤ ᐅ ᐱᒫᑎᓯᐎᓂᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:8

ᒫᑲ ᑭᒋᒪᓂᑐ ᑭ ᐙᐸᑎᓕᑯᓇᐤ ᐅ ᓵᑭᐃᐌᐎᓐ, ᒣᒀᒡ ᑫᔮᐸᒡ ᐁ ᑮ ᒪᒋᑣᔭᒃ, ᙭ ᑭ ᑮ ᓂᐸᔅᑕᒫᑯᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᐃᐱᓯᔭᓇ 2:4

ᒫᑲ ᑭᒋᒪᓂᑐ, ᑳ ᐌᓗᒋ ᔕᐌᓕᒋᑫᑦ, ᐅ ᑭᒋ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᑕᒃ,

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᑕᐃᑕᔅ 3:4

ᒫᑲ ᐃᔅᐱ ᐁ ᐃᔑ ᑭᔐᐙᑐᑕᐙᑦ ᓀᔥᑕ ᓵᑭᐋᑦ ᐃᓕᓕᐗ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᑮ ᓄᑾᓂᓕᐤ;

ᐦᐃᑉᕉᐗ 2:9

ᒫᑲ ᑭ ᐙᐸᒫᓇᐤ ᒋᓴᔅ, ᐊᓇ ᐋᐱᔑᔥ ᑳ ᑮ ᑖᐸᑌᓕᑖᑯᐋᑲᓂᐎᑦ ᐃᔥᐱᔥ ᐁᓐᒐᓚ ᑭᒋ ᐎᓴᑫᓕᑕᒃ ᓂᐱᐎᓂᓕᐤ, ᐁ ᐳᔅᑕᔅᑐᑎᓂᐋᑲᓂᐎᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ; ᐎᓚ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ ᑭᒋ ᑯᒋᔅᑕᒪᐙᑦ ᓂᐱᐎᓂᓕᐤ ᒥᓯᐌ ᑕᑐ ᐃᓕᓕᐗ᙮

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,