ᐅᐸᓓᑭᔅ ᒑᓐ 3:13 - ᐅᔅᑭ ᑎᔅᑌᒥᓐᑦ

¹³ ᓀᔥᑕ ᒫᑲ ᓇᒪᐎᓚ ᐊᐌᓇ ᐅᒋ ᐅᐱᔅᑲᐤ ᑭᒋᑭᔑᑯᒃ, ᐱᑯ ᐊᓇ ᑭᒋᑭᔑᑯᒃ ᑳ ᑮ ᐅᒋ ᐯᒋ ᓛᔑᑦ ᑭᒋᑭᔑᑯᒃ, ᐃᓕᓕᐎᑯᓯᓵᓐ ᐅᑎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒑᓐ 3:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᒫᑎᐤ 8:20

ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 13:3

ᒋᓴᔅ ᐁ ᑭᔅᑫᓕᑕᒃ ᐅᑖᐎᒪᐗ ᐁ ᑮ ᒥᓕᑯᑦ ᒥᓯᐌ ᑫᒀᓇ ᐅᒋᒌᒃ, ᓀᔥᑕ ᑭᒋᒪᓂᑐᒃ ᐁ ᐅᒌᑦ, ᓀᔥᑕ ᑭᒋᒪᓂᑐᐗ ᐁ ᓈᑖᑦ;

ᐅᐸᓓᑭᔅ ᒑᓐ 17:5

ᐁᑯ ᒫᑲ, ᐅ ᓄᑖ, ᑭᔅᑌᓕᑖᑯᐃᓐ ᐊᓯᒋ ᑭᓚ ᓀᔥᑕ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᑮ ᐋᔮᔮᓐ ᐁᔥᑾ ᐁ ᐎᒋᑕᔑᑫᒥᑖᓐ ᐸᒧᔑ ᐃᑕᑾᒃ ᐊᔅᑭ᙮

ᐅᐸᓓᑭᔅ ᒑᓐ 3:12

ᑮᔥᐱᓐ ᐁ ᐎᑕᒫᑕᑾᒃ ᐊᔅᑭᐎ ᑫᒀᓇ, ᐁᑳ ᒫᑲ ᐁ ᑖᐺᑕᒣᒃ, ᑖᓐᑌ ᑫ ᑭ ᐃᔑ ᑖᐺᑕᒣᒃ ᑮᔥᐱᓐ ᐎᑕᒫᑕᑾᑫ ᑭᒋᑭᔑᑳᐎ ᑫᒀᓇ?

ᐅᐸᓓᑭᔅ ᒑᓐ 3:31

ᐊᓇ ᐃᔥᐱᒥᒃ ᑳ ᐅᒌᑦ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᒥᓯᐌ: ᐊᓇ ᐊᔅᑮᒃ ᑳ ᐅᒌᑦ, ᐊᔅᑭᐎ ᐃᑖᑎᓯᐤ, ᓀᔥᑕ ᐊᔅᑭᓕᐤ ᐋᓕᒧᑕᒻ: ᐊᓇ ᑭᒋᑭᔑᑯᒃ ᑳ ᐅᒌᑦ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᒥᓯᐌ᙮

ᐅᐸᓓᑭᔅ ᒑᓐ 6:33

ᐌᓴ ᑭᒋᒪᓂᑐ ᐅᑦ ᐊᓚᑯᓈᒪ ᐁᐗᒀᓇ ᑳ ᐯᒋ ᓛᔑᑦ ᑭᒋᑭᔑᑯᒃ ᐅᒋ, ᓀᔥᑕ ᑳ ᒥᓕᐌᑦ ᐱᒫᑎᓯᐎᓂᓕᐤ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 6:38

ᐌᓴ ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ, ᓇᒪᐎᓚ ᑭᒋ ᑐᑕᒫᓐ ᓂᓚ ᑎᐱᓚᐌ ᓂᑦ ᐃᑌᓕᑕᒧᐎᓐ, ᒫᑲ ᐊᓇ ᑳ ᐯᒋᑎᔕᐅᑦ ᐅᑦ ᐃᑌᓕᑕᒧᐎᓐ᙮

ᐅᐸᓓᑭᔅ ᒑᓐ 6:42

ᑮ ᐃᑗᐗᒃ ᒫᑲ, ᓇᒪᔦᐤ ᓈ ᐊᐗ ᒋᓴᔅ, ᒍᓯᑉ ᐅᑯᓯᓴ, ᐅᑖᐎᔭ ᓀᔥᑕ ᐅᑳᐎᔭ ᑳ ᑭᔅᑫᓕᒥᒪᑯᒃ? ᑖᓐᑌ ᒫᑲᐌᒋ ᐃᑗᑦ, ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ?

ᐅᐸᓓᑭᔅ ᒑᓐ 6:46

ᓇᒪᐎᓚ ᐊᐌᓇ ᐁ ᑮ ᐙᐸᒫᑦ ᐅᑖᐎᒪᐗ, ᐱᑯ ᐊᓇ ᑭᒋᒪᓂᑐᒃ ᑳ ᐅᒌᑦ, ᐁᐗᑯ ᑳ ᑮ ᐙᐸᒫᑦ ᐅᑖᐎᒪᐗ᙮

ᐅᐸᓓᑭᔅ ᒑᓐ 6:51

ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐅᐸᓓᑭᔅ ᒑᓐ 6:62

ᑫᒀᓐ ᒫᑲ ᑮᔥᐱᓐ ᑫ ᐙᐸᒣᑴ ᐃᓕᓕᐎᑯᓯᓵᓐ ᐁ ᐅᐱᔅᑳᑦ ᐃᑕ ᓃᔥᑕᒻ ᑳ ᑭ ᐃᑖᑦ᙮

ᐅᐸᓓᑭᔅ ᒑᓐ 8:42

ᒋᓴᔅ ᑮ ᐃᑌᐤ, ᑮᔥᐱᓐ ᑭᒋᒪᓂᑐ ᐌᑖᐎᔦᑯ, ᑭ ᑳ ᓵᑭᐃᑕᐗᐤ: ᐌᓴ ᑭᒋᒪᓂᑐᒃ ᓂᑦ ᐅᒌᓐ ᓀᔥᑕ ᓂᑦ ᐅᑐᑖᓐ; ᓇᒪᐎᓚ ᓀᔥᑕ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂᑦ ᐅᒋ ᐯᒋ ᐃᑐᑖᓐ, ᒫᑲ ᓂ ᑮ ᐯᒋᑎᔕᐅᒃ᙮

ᐊᐸᔅᑕᓚᒃ 2:34

ᐌᓴ ᐊᓇ ᑌᐱᑦ ᓇᒪᐎᓚ ᐅᒋ ᐅᐱᔅᑲᐤ ᑭᒋᑭᔑᑯᒃ ᒫᑲ ᐎᓚ ᑫᒋᐙᒃ ᐃᑗᐤ, ᐅᑎᐯᓕᒋᑫᐤ ᑮ ᐃᑌᐤ ᓂ ᑭᒋᐅᑭᒫᒪ, ᑭᓚ ᐊᐱ ᓂ ᑭᒋᓂᔅᑭᒃ,

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:6

ᒫᑲ ᐊᓂᒪ ᒀᔭᔅᑭᑖᑎᓯᐎᓐ ᑖᐺᔦᓕᑕᒧᐎᓂᒃ ᑳ ᐅᒋᐸᓕᒃ ᐅᒪ ᐃᑗᒪᑲᓐ, ᐁᑳ ᐎᓚ ᐃᑗ ᑭᑌᐃᒃ, ᐊᐌᓇ ᑭᒋᑭᔑᑯᒃ ᑫ ᐃᔑ ᐅᐱᔅᑳᑦ? ᐁᐗᑯ ᑭᒋ ᓛᔑᐯᔑᐙᑦ ᙭ᑕ ᑭᒋᑭᔑᑯᒃ ᐅᒋ:

ᓂᔥᑕᒻ ᑯᕆᓐᑎᐊᓇ 15:47

ᐊᓇ ᓃᔥᑕᒻ ᐃᓕᓕᐤ ᐊᔅᑮᒃ ᐁ ᐅᒌᑦ, ᐊᔅᑭᐎᐤ: ᐊᓇ ᑯᑕᒃ ᐃᓕᓕᐤ ᐁᐗᑯ ᐅᑎᐯᓕᒋᑫᐤ ᑭᒋᑭᔑᑯᒃ ᐅᒋ᙮

ᐃᐱᓯᔭᓇ 1:23

ᐁᐗᑯ ᑳ ᐅ ᐎᔭᐎᑦ, ᐅ ᓵᑲᔅᑭᓀᐎᓐ ᐊᓇ ᒥᓯᐌ ᑳ ᓵᑲᔅᑭᓇᑫᑦ ᒥᓯᐌ ᐃᔑ᙮