ᐅᐸᓓᑭᔅ ᒑᓐ 21:7 - ᐅᔅᑭ ᑎᔅᑌᒥᓐᑦ

⁷ ᐊᓇ ᒫᑲ ᑭᔅᑭᓄᐊᒪᐙᑲᓐ ᑳ ᓵᑭᐃᑯᑦ ᒋᓴᓴ ᐃᑌᐤ ᐱᑕᕋ, ᐁᐗᑯ ᐅᑎᐯᓕᒋᑫᐤ᙮ ᐃᔅᐱ ᒫᑲ ᓵᐃᒪᓐ ᐱᑕᕐ ᐱᐁᑕᒃ ᐁ ᐋᐎᓕᒋ ᐅᑎᐯᓕᒋᑫᐗ, ᑮ ᐸᑾᑌᐅᑐᑕᒻ ᐅ ᓄᑕᒣᓭᐗᑯᑉ, (ᐌᓴ ᑮ ᒧᔐᔥᑲᑌᐤ,) ᑮ ᐸᑲᔅᑕᐌᐸᓕᐅ ᒫᑲ ᑭᒋᑲᒦᒃ᙮

ᐅᐸᓓᑭᔅ ᒑᓐ 21:7 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 11:3

ᑮᔥᐱᓐ ᒫᑲ ᐊᐌᓇ ᐃᑎᑖᑴ, ᑖᓀᑭ ᐌᒋ ᐅᒪ ᑐᑕᒣᒃ? ᐃᑗᒃ, ᑌᐯᓕᒋᑫᑦ ᓇᑕᐌᓕᒣᐤ; ᐁᑯ ᒫᑲ ᑣᔦᒃ ᐅᑕ ᑫ ᐯᒋᑎᔕᐙᑦ᙮

ᐅᐸᓓᑭᔅ ᓘᒃ 12:35

ᐁᑯᔑ ᐸᑾᑌᐅᒃ ᐃᑕ ᐁ ᑭᑲᔭᐌᔦᒃ, ᐁᑯᔑ ᓀᔥᑕ ᑭ ᐙᔅᑌᓇᒫᑲᓂᐙᐗ ᐁ ᓴᔅᑲᐃᑳᑌᑭ᙮

ᐅᐸᓓᑭᔅ ᓘᒃ 2:11

ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮

ᐅᐸᓓᑭᔅ ᓘᒃ 7:47

ᐁᐗᑯ ᐅᒋ ᑭᑦ ᐃᑎᓐ, ᐅ ᒪᒋᑐᑕᒧᐎᓇ ᑳ ᒥᒉᓂᓕᑭ, ᐌᐁᓕᒋᑳᑌᓕᐗ; ᐌᓴ ᒥᔅᑕᐃ ᑮ ᓵᑭᐃᐌᐤ: ᒫᑲ ᐊᓇ ᐋᐱᔑᔥ ᑳ ᐌᐯᓕᑕᒪᐙᑲᓂᐎᑦ, ᐁᐗᒀᓇ ᐋᐱᔑᔥ ᓯᐋᑭᐃᐌᑦ᙮

ᐅᐸᓓᑭᔅ ᒑᓐ 13:23

ᑮ ᐋᔅᐸᒋᔑᓂᓕᐗ ᒫᑲ ᐯᔭᒃ ᐅ ᑭᔅᑭᓄᐊᒪᐙᑲᓇ ᒋᓴᔅ ᐅᔅᑳᔅᑭᑲᓂᒡ, ᐊᓂᐃ ᒋᓴᔅ ᑳ ᓵᑭᐋᑦ᙮

ᐅᐸᓓᑭᔅ ᒑᓐ 19:26

ᐃᔅᐱ ᒫᑲ ᒋᓴᔅ ᐎᐋᐸᒫᑦ ᐅᑳᐎᔭ, ᓀᔥᑕ ᐊᓂᐃ ᑭᔅᑭᓄᐊᒪᐙᑲᓇ ᑳ ᓵᑭᐋᑦ ᐊᓐᑕ ᐁ ᓂᐸᐎᓕᒋ, ᐃᑌᐤ ᐅᑳᐎᔭ, ᐃᔅᑴᐤ, ᐙᐸᒻ ᑭᑯᓯᔅ!

ᐅᐸᓓᑭᔅ ᒑᓐ 20:2

ᐁᑯ ᑫᒋᐸᑖᑦ, ᐅᑎᑌᐤ ᒫᑲ ᓵᐃᒪᓐ ᐱᑕᕋ, ᓀᔥᑕ ᐊᓂᐃ ᑯᑕᑭᔭ ᑭᔅᑭᓄᐊᒪᐙᑲᓇ ᒋᓴᔅ ᑳ ᓵᑭᐋᑦ, ᐃᑌᐤ ᒫᑲ, ᑮ ᐅᑎᓀᐗᒃ ᑌᐯᓕᒋᑫᓕᒋ ᒋᐹᔨᑲᒥᑯᒃ ᐅᒋ, ᓇᒪᐎᓚ ᓀᔥᑕ ᓂ ᑭᔅᑫᓕᑌᓈᓐ ᑖᓐᑌ ᑳ ᐱᒥᔑᒫᒋᒃ᙮

ᐅᐸᓓᑭᔅ ᒑᓐ 20:20

ᐃᔅᐱ ᒫᑲ ᐅᒣᓕᐤ ᑳ ᑮ ᐃᑗᑦ, ᑮ ᐙᐸᑎᓓᐤ ᐅᒋᒋᔭ ᓀᔥᑕ ᐅᔅᐱᑳᔾ᙮ ᐁᑯ ᑭᔅᑭᓄᐊᒪᐙᑲᓇᒃ ᑳ ᓯᑭᓓᓯᒋᒃ ᐃᔅᐱ ᐎᐋᐸᒫᒋᒃ ᐅᑎᐯᓕᒋᑫᐗ᙮

ᐅᐸᓓᑭᔅ ᒑᓐ 20:28

ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮

ᐅᐸᓓᑭᔅ ᒑᓐ 21:20

ᐁᑯ ᐱᑕᕐ, ᐁ ᑴᔅᑭᑳᐸᐎᑦ ᐙᐸᒣᐤ ᐊᓂᐃ ᑭᔅᑭᓄᐊᒪᐙᑲᓇ ᒋᓴᔅ ᑳ ᓵᑭᐋᑦ ᐁ ᓄᔅᐱᓇᔑᐌᓕᒋ; ᐊᓂᐃ ᑳ ᑮ ᐋᔅᐸᒋᔑᒧᓕᒋ ᐅᔅᑳᔅᑭᑲᓂᒃ ᓂᐯᑴᐎᓂᒃ, ᓀᔥᑕ ᑳ ᑮ ᐃᑗᓕᒋ, ᑌᐯᓕᒋᑫᔭᓐ, ᐊᐌᓇ ᐊᓇ ᑫ ᐙᔦᔑᐸᑭᑎᓂᔉ?

ᐅᐸᓓᑭᔅ ᒑᓐ 21:24

ᐁᐗᑯ ᐊᐗ ᑭᔅᑭᓄᐊᒪᐙᑲᓐ ᑳ ᑎᐹᑐᑕᒃ ᐅᐅ ᑫᒀᓇ, ᓀᔥᑕ ᑳ ᒪᓱᓇᐊᒃ ᐅᐅ ᑫᒀᓇ: ᓀᔥᑕ ᓂ ᑭᔅᑫᓕᑌᓈᓐ ᐁ ᑖᐺᒪᑲᓂᓕᒃ ᐅ ᑎᐹᒋᒧᐎᓐ᙮

ᐅᐸᓓᑭᔅ ᒑᓐ 21:8

ᑯᑕᑭᔭᒃ ᑭᔅᑭᓄᐊᒪᐙᑲᓇᒃ ᒫᑲ ᑮ ᐯᒋ ᐃᔑᒋᒣᐗᒃ ᓈᐱᒀᓂᔑᒃ; ᐌᓴ ᓇᒪᐎᓚ ᑖᐎᒡ ᑮ ᐃᑖᐗᒃ, ᒫᑲ ᓈᓐᑕᐤ ᓂᔡᐤ ᒥᑖᑐᒥᑕᓇᐤ ᑭᐤᐱᑕ, ᐁ ᐅᒋᐱᑖᒋᒃ ᐊᓚᐱᔭ ᐊᓯᒋ ᓇᒣᓴ᙮

ᐊᐸᔅᑕᓚᒃ 10:36

ᐊᓂᒪ ᐋᔭᒥᐎᓐ ᑭᒋᒪᓂᑐ ᑳ ᑮ ᐃᔑᑎᔕᐊᒪᐙᑦ ᐃᔅᕃᐃᓪ ᐅᑦ ᐊᐙᔑᒥᔕ, ᐁ ᐙᐎᑕᒃ ᑳᔭᒣᓕᑕᒧᐎᓂᓕᐤ ᐎᓚ ᐅᒋ ᒋᓴᔅ ᙭; ᐊᓇ ᒥᓯᐌ ᑳ ᑎᐯᓕᒋᑫᑦ᙮

ᐊᐸᔅᑕᓚᒃ 2:36

ᐁᐗᑯ ᐅᒋ ᐁᑯᔑ ᒥᓯᐌ ᐃᔅᕃᐃᓪ ᐅᑦ ᐊᐙᔑᒥᔕ ᑫᒋᓈᔥ ᑲᑕ ᑭᔅᑫᓕᑕᒸᒃ, ᑭᒋᒪᓂᑐ ᐁ ᑮ ᑑᑕᐙᑦ ᐊᓂᐃ ᑫᔮᐸᒡ ᒋᓴᓴ, ᐊᓇ ᑳ ᑮ ᒋᔅᑖᔅᑾᐌᒃ, ᑭᒋ ᑎᐯᓕᒋᑫᑦ, ᓀᔥᑕ ᑭᒋ ᙭ᑎᐎᑦ᙮

ᓂᔥᑕᒻ ᑯᕆᓐᑎᐊᓇ 15:47

ᐊᓇ ᓃᔥᑕᒻ ᐃᓕᓕᐤ ᐊᔅᑮᒃ ᐁ ᐅᒌᑦ, ᐊᔅᑭᐎᐤ: ᐊᓇ ᑯᑕᒃ ᐃᓕᓕᐤ ᐁᐗᑯ ᐅᑎᐯᓕᒋᑫᐤ ᑭᒋᑭᔑᑯᒃ ᐅᒋ᙮

ᓂᔓ ᑯᕆᓐᑎᐊᓇ 5:14

ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:1

ᓂᒋᔖᓂᑐᒃ, ᐁᑳᐎᓚ ᐋᔭᐙᒃ ᐅ ᑖᐺᔦᓕᑕᒧᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑳ ᑎᐯᓕᑕᒃ ᑭᔅᑌᓕᑖᑯᓯᐎᓂᓕᐤ, ᐹᐱᑐᔥ ᑭᒋ ᐃᑌᓕᒣᑾᒃ ᐃᓕᓕᐗᒃ᙮