ᐅᐸᓓᑭᔅ ᒑᓐ 18:37 - ᐅᔅᑭ ᑎᔅᑌᒥᓐᑦ

³⁷ ᐁᐗᑯ ᐌᒋ ᐹᐃᓚᑦ ᐃᑖᑦ, ᑭ ᑭᒋᐅᑭᒫᐎᓐ ᓈ? ᒋᓴᔅ ᑮ ᓇᔥᑴᐗᔑᐁᐤ, ᑭᑦ ᐃᑣᓐ ᐁ ᑭᒋᐅᑭᒫᐎᔮᓐ᙮ ᐁᐗᑯ ᐅᒪ ᐌᒋ ᑮ ᓂᑕᐎᑭᔮᓐ, ᓀᔥᑕ ᐁᐗᑯ ᐅᒪ ᐌᒋᑮ ᐯᒋ ᐃᑐᑌᔮᓐ ᐊᔅᑮᒃ, ᑭᒋ ᑎᐹᑐᑕᒫᓐ ᑖᐺᐎᓐ᙮ ᒥᓯᐌ ᑕᑐ ᐊᐌᓇ ᑖᐺᐎᓂᒃ ᑳ ᐃᑖᑦ ᐱᔑᒋᑕᒻ ᓂᑦ ᐋᔭᒥᐎᓇ᙮

ᐅᐸᓓᑭᔅ ᒑᓐ 18:37 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᑎᐤ 27:11

ᒋᓴᔅ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐅᑎᐯᓕᒋᑫᐗ; ᑮ ᑲᑴᒋᒥᑯ ᒫᑲ ᐅᑎᐯᓕᒋᑫᐗ, ᐁ ᐃᑎᑯᑦ, ᑭᓚ ᓈ ᐅ ᑭᒋᐅᑭᒫᒥᐙᐗ ᒎᐗᒃ? ᒋᓴᔅ ᒫᑲ ᑮ ᐃᑌᐤ, ᑭᑦ ᐃᑣᓐ᙮

ᐅᐸᓓᑭᔅ ᒫᕐᒃ 14:62

ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 15:2

ᐹᐃᓚᑦ ᒫᑲ ᑮ ᑲᑴᒋᒣᐤ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ? ᐎᓚ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑭᑦ ᐃᑣᓐ᙮

ᐅᐸᓓᑭᔅ ᓘᒃ 22:70

ᐁᑯ ᐁᑗᒋᒃ ᒥᓯᐌ, ᑭᓚᓍ ᑭᒋᒪᓂᑐ ᐅᑯᓯᓴ? ᑮ ᐃᑌᐤ ᒫᑲ, ᑭᑦ ᐃᑣᓇᐗᐤ ᐁ ᐋᐎᔮᓐ᙮

ᐅᐸᓓᑭᔅ ᓘᒃ 23:3

ᐹᐃᓚᑦ ᒫᑲ ᑮ ᑲᑴᒋᒣᐤ, ᐁ ᐃᑗᑦ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ? ᑮ ᓇᔥᑴᐗᔑᐃᑯ ᒫᑲ, ᐁ ᐃᑗᓕᒋ, ᑭᓚ ᑭᑦ ᐃᑣᓐ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 3:32

ᐊᓂᐁᓕᐤ ᒫᑲ ᑳ ᑮ ᐙᐸᑕᒃ ᓀᔥᑕ ᑳ ᑮ ᐯᑕᒃ ᐁᐗᑴᓕᐤ ᑳ ᑎᐹᑐᑕᒃ; ᓇᒪᐎᓚ ᐊᐌᓇ ᒫᑲ ᐅᑎᓇᒬᐤ ᐅ ᑎᐹᒋᒧᐎᓂᓕᐤ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᐅᐸᓓᑭᔅ ᒑᓐ 8:14

ᒋᓴᔅ ᐁ ᓇᔥᑴᐗᔑᐋᑦ ᑮ ᐃᑌᐤ, ᐋᑕ ᐁ ᑎᐹᒋᒥᑎᓱᔮᓐ, ᐁᓕᐌᒃ ᓂ ᑎᐹᒋᒧᐎᓐ ᑖᐺᒪᑲᓐ: ᐌᓴ ᓂ ᑭᔅᑫᓕᑌᓐ ᐃᑕ ᐌᒋᔮᓐ, ᓀᔥᑕ ᐃᑕ ᐁᑐᑌᔮᓐ; ᒫᑲ ᑭᓚᐗᐤ ᓇᒪᐎᓚ ᑭ ᑭᔅᑫᓕᑌᓇᐗᐤ ᐃᑕ ᐌᒋᔮᓐ ᓀᔥᑕ ᐃᑕ ᐁᑐᑌᔮᓐ᙮

ᐅᐸᓓᑭᔅ ᒑᓐ 8:45

ᐁ ᐃᑡᒫᑕᑾᒃ ᒫᑲ ᑖᐺᐎᓐ, ᓇᒪᐎᓚ ᑭ ᑖᐺᑕᐎᓇᐗᐤ᙮

ᐅᐸᓓᑭᔅ ᒑᓐ 8:46

ᐊᐌᓇ ᐁ ᐃᑕᔑᔦᒃ ᑫ ᑮ ᐙᐸᑎᓕᐌᑦ ᐁ ᒪᒋᑐᑕᒫᓐ? ᑮᔥᐱᓐ ᒫᑲ ᑖᐺᐎᓐ ᐁᑗᐗᓀ, ᑖᓀᑭ ᐌᒋ ᐁᑳ ᑖᐺᑕᐎᔦᒃ?

ᐅᐸᓓᑭᔅ ᒑᓐ 8:47

ᐊᓇ ᑭᒋᒪᓂᑐᒃ ᑳ ᐅᒌᑦ ᐯᑕᒬᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᑭᓚᐗᐤ ᒫᑲ ᓇᒪᐎᓚ ᑭ ᐯᑕᒸᓇᐗᐤ ᐁᑳ ᑭᒋᒪᓂᑐᒃ ᐁ ᐅᒋᔦᒃ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᒑᓐ 2:21

ᓇᒪᐎᓚ ᑭ ᑮ ᒪᓯᓇᐊᒫᑎᓇᐗᐤ ᐁᑳ ᐁ ᑭᔅᑫᓕᑕᒣᒃ ᑖᐺᐎᓐ, ᒫᑲ ᐁ ᑖᐺᑕᒣᒃ, ᓀᔥᑕ ᐁᑳ ᐁ ᑭᓛᔅᑭᐎᓂᐗᒃ ᑖᐺᐎᓐ᙮

ᓂᔥᑕᒻ ᒑᓐ 3:14

ᑭ ᑭᔅᑫᓕᑌᓈᓇᐤ ᐁ ᑮ ᒥᔮᔥᑲᒪᒃ ᓂᐱᐎᓐ ᐱᒫᑎᓯᐎᓐ ᐁ ᐅᑎᑕᒪᒃ, ᐁ ᓵᑭᐊᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᓂᐱᐎᓂᒃ ᑕᔑᑫᐤ᙮

ᓂᔥᑕᒻ ᒑᓐ 3:19

ᐁᑯᑕ ᓀᔥᑕ ᑳ ᐅᒋ ᑭᔅᑫᓕᑕᒪᒃ ᑖᐺᐎᓂᒃ ᐁ ᐅᒋᔭᒃ, ᓀᔥᑕ ᑭ ᑳ ᑫᒋᓇᐅᓈᓇᐤ ᑭᑌᐃᓈᒃ ᑫᓇᐗᐸᒥᑕᑯ᙮

ᓂᔥᑕᒻ ᒑᓐ 4:6

ᑭᓚᓈᓇᐤ ᑭᒋᒪᓂᑐᒃ ᑭᑦ ᐅᒋᓈᓇᐤ; ᐊᓇ ᑳ ᑭᔅᑫᓕᒫᑦ ᑭᒋᒪᓂᑐᐗ ᓂ ᓇᑐᑖᑯᓈᓐ; ᐊᓇ ᐁᑳ ᑭᒋᒪᓂᑐᒃ ᑳ ᐅᒌᑦ ᓇᒪᐎᓚ ᓂ ᓇᑐᑖᑯᓈᓐ᙮ ᐁᐗᑯ ᑳ ᐅᒋ ᑭᔅᑫᓕᒪᒃ ᑖᐺᐎᓂ ᐊᒑᒃ, ᓀᔥᑕ ᐗᓂᔑᓄᐎ ᐊᒑᒃ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;

ᑭᔅᑫᓕᑖᑯᑖᑫᐎᓐ 3:14

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐊᐗ ᓓᐅᑕᓯᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᐁᒣᓐ, ᐊᓇ ᑳ ᒀᔭᔅᑭᑎᑦ ᓀᔥᑕ ᑳ ᑖᐺᐎᑦ ᐅᑎᐹᒋᒧ, ᐊᓇ ᒫᐗᒋ ᓃᔥᑕᒻ ᑳ ᑮ ᐃᑖᑦ ᐁ ᑮ ᒫᒋ ᐅᔑᒋᑫᑦ ᑭᒋᒪᓂᑐ;