ᐅᐸᓓᑭᔅ ᒑᓐ 17:23 - ᐅᔅᑭ ᑎᔅᑌᒥᓐᑦ

²³ ᓂᓚ ᐁ ᐱᒋᔅᑲᐗᑭᒃ, ᑭᓚ ᒫᑲ ᐁ ᐱᒋᔅᑲᐎᔭᓐ, ᑭᒋ ᒥᑐᓂᐋᑲᓂᐎᒋᒃ ᐁ ᐯᔭᑯᒋᒃ; ᓀᔥᑕ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᑮ ᐯᒋᑎᔕᐅᔭᓐ, ᓀᔥᑕ ᐁ ᑮ ᓵᑭᐊᒋᒃ ᑖᐱᔅᑯᒡ ᐁ ᑮ ᐃᔑ ᓵᑭᐃᔭᓐ᙮

ᐅᐸᓓᑭᔅ ᒑᓐ 17:23 ပူးပေါင်းရင်းမြစ်များ

ᐅᐸᓓᑭᔅ ᒑᓐ 10:38

ᒫᑲ ᑮᔥᐱᓐ ᐁᑐᑕᒸᐗᑫ, ᐋᑕ ᐁᑳ ᐁ ᑖᐺᑕᐎᔦᒃ, ᑖᐺᑕᒧᒃ ᐋᔨᑎᐎᓇ: ᑭᒋ ᑭᔅᑫᓕᑕᒣᒃ ᓀᔥᑕ ᑭᒋ ᑖᐺᑕᒣᒃ ᐁ ᐱᒋᔅᑲᐎᑦ ᐅᑖᐎᒪᐤ, ᓂᓚ ᓀᔥᑕ ᐁ ᐱᒋᔅᑲᐗᒃ᙮

ᐅᐸᓓᑭᔅ ᒑᓐ 13:35

ᐁᑯᑕ ᐅᒪ ᒥᓯᐌ ᐃᓕᓕᐗᒃ ᑫ ᐅᒋ ᑭᔅᑫᓕᑕᑭᒃ ᑭᓚᐗᐤ ᐁ ᐅ ᑭᔅᑭᓄᐊᒪᐙᑲᓂᒥᑖᑾᒃ, ᑮᔥᐱᓐ ᓯᐋᑭᐃᑐᔦᑴ᙮

ᐅᐸᓓᑭᔅ ᒑᓐ 14:10

ᓇᒪ ᓈ ᑭ ᑖᐺᑌᓐ ᐅᑖᐎᒪᐤ ᐁ ᐱᒋᔅᑲᐗᒃ, ᓀᔥᑕ ᐅᑖᐎᒪᐤ ᐁ ᐱᒋᔅᑳᐎᑦ? ᐋᔭᒥᐎᓇ ᑳ ᐃᑎᑕᑾᒃ ᓇᒪᐎᓚ ᓂᓚ ᑫᒋᐙᒃ ᓂᑦ ᐋᔭᒥᓐ: ᒫᑲ ᐅᑖᐎᒪᐤ ᑳ ᐱᒋᔅᑲᐎᑦ, ᐁᐗᑯ ᑳ ᑐᑕᒃ ᐋᔨᑎᐎᓇ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 15:9

ᐅᑖᐎᒪᐤ ᑳ ᐃᔑ ᓵᑭᐃᑦ, ᐁᑯ ᑖᐱᔅᑯᒡ ᑳ ᐃᔑ ᓵᑭᐃᑕᑾᒃ: ᑕᔑᑫᒃ ᓂ ᓵᑭᐃᐌᐎᓂᒃ᙮

ᐅᐸᓓᑭᔅ ᒑᓐ 16:27

ᐌᓴ ᐅᑖᐎᒪᐤ ᑫᒋᐙᒃ ᑭ ᓵᑭᐃᑯᐗᐤ, ᐁ ᑮ ᓵᑭᐃᔦᒃ, ᓀᔥᑕ ᐁ ᑮ ᑖᐺᑕᒣᒃ ᑭᒋᒪᓂᑐᒃ ᐁ ᐅᒋᔮᓐ᙮

ᐅᐸᓓᑭᔅ ᒑᓐ 17:11

ᐊᓄᒡ ᒫᑲ ᓇᒪᐎᓚ ᑫᔮᐸᒡ ᐊᔅᑮᒃ ᓃᑦ ᐃᑖᓐ, ᒫᑲ ᐅᑯ ᐊᔅᑮᒃ ᐃᑖᐗᒃ, ᓂᓚ ᒫᑲ ᑭ ᐯᒋ ᓈᑎᑎᓐ᙮ ᐯᓓᑭᓯᔭᓐ ᐅᑖᐎᒪᐤ, ᑲᓇᐌᓕᒥᒃ ᑭᓚ ᑭᑦ ᐃᔑᓂᑳᓱᐎᓐ ᐅᒋ ᐊᓂᑭ ᑳ ᑮ ᒥᓕᔭᓐ, ᑭᒋ ᐯᔭᑯᒋᒃ, ᑖᐱᔅᑯᒡ ᑭᓚᓈᓇᐤ᙮

ᐅᐸᓓᑭᔅ ᒑᓐ 17:21

ᒥᓯᐌ ᑭᒋ ᐯᔭᑯᒋᒃ: ᑖᐱᔅᑯᒡ ᑭᓚ, ᐅᑖᐎᒪᐤ, ᐁ ᐱᒋᔅᑲᐎᔭᓐ, ᓀᔥᑕ ᓂᓚ ᐁ ᐱᒋᔅᑳᑖᓐ ᐎᓚᐗᐤ ᐊᓯᒋ ᑭᒋ ᐯᔭᑯᒋᒃ ᐁ ᐱᒋᔅᑳᑕᑯᒃ: ᐊᔅᑭ ᑭᒋ ᑖᐺᑕᒧᒪᑲᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 17:26

ᓂ ᑮ ᐎᑕᒪᐙᐗᒃ ᒫᑲ ᑭᑦ ᐃᔑᓂᑳᓱᐎᓂᓕᐤ, ᓀᔥᑕ ᓂ ᑳ ᐎᑌᓐ: ᐊᓂᒪ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᔭᓐ ᑭᒋ ᐱᒋᔅᑳᑯᒋᒃ, ᓂᓚ ᓀᔥᑕ ᑭᒋ ᐱᒋᔅᑲᐗᑭᒃ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 17:8

ᐌᓴ ᓂ ᑮ ᒥᓛᐗᒃ ᐊᓂᐃ ᐋᔭᒥᐎᓇ ᑳ ᑮ ᒥᓕᔭᓐ; ᑮ ᐅᑎᓇᒶᒃ ᒫᑲ, ᓀᔥᑕ ᑮ ᑖᐺᑕᒶᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 3:17

ᐌᓴ ᑭᒋᒪᓂᑐ ᓇᒪᐎᓚ ᐅᒋ ᐯᒋᑎᔕᐌᐤ ᐅᑯᓯᓴ ᑭᒋ ᓂᔑᐗᓈᒋᑕᒥᓕᒋ ᐊᔅᑭᓕᐤ; ᒫᑲ ᐎᓚ ᑭᒋ ᐅᒋ ᐱᒫᒋᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 6:56

ᐊᓇ ᑳ ᒥᒋᑦ ᓂᔮᓯᓕᐤ, ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᓂ ᐱᒋᔅᑳᒃ, ᓀᔥᑕ ᓂᓚ ᓂ ᐱᒋᔅᑲᐗᐤ᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᐱᓕᐱᔭᓇ 3:15

ᐁᑯᔑ ᒫᑲ, ᒥᓯᐌ ᐁ ᐃᑕᔑᔭᒃ ᑳ ᒥᑐᓂᐎᓯᔭᒃ, ᐅᒪ ᐃᔑ ᑭ ᑳ ᒫᒥᑐᓀᓕᑌᓇᐗᐤ; ᑮᔥᐱᓐ ᒫᑲ ᓈᓐᑕᐤ ᑫᒀᓐ ᐱᑐᔥ ᐃᔑ ᒫᒥᑐᓀᓕᑕᒣᒃ, ᑭᒋᒪᓂᑐ ᐅᒪ ᐊᓯᒋ ᑭ ᑳ ᐙᐸᑎᓕᑯᐗᐤ᙮

ᑯᓚᔑᔭᓇ 1:28

ᐊᓇ ᑳ ᑲᑫᔅᑭᒥᐌᔮᓐ, ᐁ ᔭᒀᒥᒪᑭᑦ ᒥᓯᐌ ᑕᑐ ᐃᓕᓕᐤ, ᓀᔥᑕ ᐁ ᑭᔅᑭᓄᐊᒪᐗᑭᑦ ᒥᓯᐌ ᑕᑐ ᐃᓕᓕᐤ, ᒥᓯᐌ ᑲᑫᑕᐌᓕᑕᒧᐎᓂᒃ; ᒥᓯᐌ ᑕᑐ ᐃᓕᓕᐤ ᒥᑐᓂ ᐁ ᒥᓦᑎᓯᑦ ᑭᒋ ᐸᑭᑎᓇᒫᐗᑭᑦ ᙭ ᒋᓴᔅ:

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᑯᓚᔑᔭᓇ 3:14

ᐗᔅᑭᒡ ᒫᑲ ᒥᓯᐌ ᐅᐅ ᐳᔅᑎᔥᑲᒧᒃ ᓵᑭᐃᐌᐎᓐ, ᑳ ᒫᒪᐗᐱᑕᒧᒪᑲᒃ ᒥᑐᓂ ᐎᓯᐎᓐ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔥᑕᒻ ᒑᓐ 1:3

ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮

ᑭᔅᑫᓕᑖᑯᑖᑫᐎᓐ 3:9

ᒫᑎᑲ, ᓂ ᑳ ᐃᔑᐋᐗᒃ ᑭᒋ ᐅᑖᔭᒥᐁᐎᑲᒥᒥᑯᒋᒃ ᓭᑕᓇ, ᓂ ᒎᐎᓈᓐ ᑳ ᐃᑗᒋᒃ, ᒫᑲ ᐁᑳ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᑭᓛᔅᑭᒋᒃ; ᒫᑎᑲ, ᓂ ᑳ ᑐᑕᐙᐗᒃ ᑭᒋ ᐯᒋ ᓇᐗᑮᔅᑖᑫᒋᒃ ᑭᓯᑎᒃ, ᓀᔥᑕ ᑭᒋ ᑭᔅᑫᓕᑕᑭᒃ ᐁ ᑮ ᓵᑭᐃᑖᓐ᙮