19 ᓀᔥᑕ ᐎᓚᐗᐤ ᐅᒋ ᓂ ᐸᓓᑭᐃᑎᓱᓐ, ᐎᓚᐗᐤ ᐊᓯᒋ ᑭᒋ ᐸᓓᑭᐃᑯᒋᒃ ᑖᐺᐎᓂᓕᐤ᙮
ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?
ᓇᒪᐎᓚ ᐊᐌᓇ ᐋᔭᐤ ᓵᑭᐃᐌᐎᓂᓕᐤ ᐊᐙᓯᑌ ᐁ ᐃᑌᓕᑖᑾᓂᓕᒃ ᐃᔥᐱᔥ ᐅᒪ, ᐃᓕᓕᐤ ᑭᒋ ᐱᒥᑎᑖᑦ ᐅ ᐱᒫᑎᓯᐎᓐ ᐅᑐᑌᒪ ᐅᒋ᙮
ᐁᑯ ᐯᔦᑭᓯᔦᒃ ᐋᔭᒥᐎᓐ ᐅᒋ ᑳ ᑮ ᐎᑕᒫᑕᑾᒃ᙮
ᑭ ᑖᐺᐎᓂᓕᐤ ᐅᒋ ᐸᓓᑭᐃᒃ: ᑭᑦ ᐋᔭᒥᐎᓐ ᑖᐺᐎᓂᐗᓐ᙮
ᓇᒪᐎᓚ ᐅᑯ ᐱᑯ ᓂᑦ ᐋᔭᒥᐁᔅᑕᒪᐙᐗᒃ, ᒫᑲ ᐊᓂᐃ ᐊᓯᒋ ᑫ ᑖᐺᔦᓕᒥᓕᒋ ᐅᑦ ᐋᔭᒥᐎᓂᐗᐤ ᐅᒋ;
ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓂᐃ ᑳ ᐸᓓᑭᐋᑲᓂᐎᓕᒋ ᙭ ᒋᓴᓯᒃ, ᑳ ᑮ ᓇᑐᒫᑲᓂᐎᓕᒋ ᑭᒋ ᐅᐸᓓᑭᓯᐎᓕᒋ, ᐊᓯᒋ ᒥᓯᐌ ᐃᑌ ᑳ ᑌᑆᑕᒸᓕᒋ ᐅᑦ ᐃᔑᓂᑳᓱᐎᓂᓕᐤ ᒋᓴᔅ ᙭ᑕ ᑭ ᑎᐯᓕᒋᑫᒥᓇᐗ, ᐊᓇ ᑳ ᑎᐯᓕᒫᑦ ᐊᓂᐃ ᓀᔥᑕ ᑭᓚᓈᓇᐤ᙮
ᐌᓴ ᒥᓯᐌ ᑫᒀᓇ ᑭᓚᐗᐤ ᐅᒋ ᐃᑭᓋ, ᐊᓂᒪ ᐁ ᒥᒉᑎᒃ ᔕᐌᓕᒋᑫᐎᓐ, ᐅ ᓇᓈᔅᑯᒧᐎᓂᐗᐤ ᐁ ᒥᒉᑎᒋᒃ ᐅᒋ, ᑭᒋ ᐃᔅᐸᓕᓕᒃ ᑭᒋ ᐅᒋ ᑭᔅᑌᓕᑖᑯᐋᑲᓂᐎᑦ ᑭᒋᒪᓂᑐ᙮
ᐌᓴ ᑮᔥᐱᓐ ᑮ ᒫᒪᑖᑯᒧᔅᑕᐗᒃ ᑫᒀᓐ ᑭᓚᐗᐤ ᐅᒋ, ᓇᒪᐎᓚ ᓂ ᓇᓀᐯᐎᓰᓐ; ᒫᑲ ᑳ ᑮ ᐃᔑ ᐃᑕᒫᑕᑾᒃ ᒥᓯᐌ ᑫᒀᓇ ᑖᐺᐎᓂᒃ, ᐁᑯ ᑖᐱᔅᑯᒡ ᓂ ᒫᒪᑖᑯᒧᐎᓂᓈᓐ ᑳ ᑮ ᐃᔑ ᒫᒪᑖᑯᒧᔅᑕᐗᒃ ᑕᐃᑕᔅ, ᒥᔅᑭᑳᑌᐤ ᐁ ᑖᐺᐎᓂᐗᒃ:
ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮
ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:
ᐌᓴ ᑭᒋᒪᓂᑐ ᓇᒪᐎᓚ ᑭ ᑮ ᐅᒋ ᓇᑐᒥᑯᓇᐤ ᐎᓂᓯᐎᓂᒃ ᐃᔑ ᒫᑲ ᐸᓓᑭᓯᐎᓂᒃ᙮
ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮
ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮
ᑖᓀᓕᑯᒃ ᒫᑲ ᐊᐙᓯᑌ ᐁᑌᓕᑖᑯᓯᑦ ᑭᒋ ᑲᒀᑕᑭᐋᑲᓂᐎᑦ, ᑭᑦ ᐃᑌᓕᑌᓇᐗᐤ, ᐊᓇ ᑳ ᑮ ᑕᑕᑯᔅᑳᐃᒫᑦ ᑭᒋᒪᓂᑐ ᐅᑯᓯᓴ, ᓀᔥᑕ ᐁᑳ ᐁ ᐸᓓᑲᒃ ᑳ ᑮ ᐃᑕᑭᑕᒃ ᓇᔅᑯᒥᑐᐎᓂ ᒥᑯᓕᐤ, ᐊᓂᐁᓕᐤ ᐅᒋ ᑳ ᑮ ᐸᓓᑭᐃᑯᑦ, ᓀᔥᑕ ᑳ ᐋᔭᓵᒋᐋᑦ ᔕᐌᓕᒋᑫᐎᓂ ᐊᒑᑾ?
ᐌᓴ ᐊᓇ ᑳ ᐸᓓᑭᐃᐌᑦ, ᐊᓂᑭ ᓀᔥᑕ ᑳ ᐸᓓᑭᐋᑲᓂᐎᒋᒃ ᐯᔭᑯᔭᑭᓯᐗᒃ: ᐁᐗᑯ ᐅᒋ ᓇᒪᐎᓚ ᓇᓀᐯᐎᓯᐤ ᓂᒋᔖᓇᒃ ᑭᒋ ᐃᔑᓂᑳᑖᑦ,
ᐌᓴ ᑮᔥᐱᓐ ᒥᔅᑐᓴᒃ ᓀᔥᑕ ᑯᑕᒃ ᐅᒥᑯᐗᐤ, ᓀᔥᑕ ᓄᔐ ᒥᔅᑐᔅ ᐅ ᐱᑯᑌᐤ, ᐁ ᐅᒋ ᐗᓴᓶᐱᓇᒫᒋᒃ ᑳ ᐎᓕᐱᓯᒋᒃ, ᐯᓓᑭᐃᐌᒪᑲᓄᑴ ᑭᒋ ᐸᓓᑲᒃ ᒥᔮᔅ;
ᐁᐗᑯ ᐌᒋ ᐊᓂᒪ ᓃᔥᑕᒻ ᒪᓯᓇᐃᑲᓐ ᓇᒪᐎᓚ ᑮ ᐅᒋ ᐸᓓᑭ ᐸᑳᓐ ᐊᔅᑖᓂᐗᓐ ᐁᑳ ᐁ ᓯᑲᐃᑳᑌᒃ ᒥᑯ:
ᐌᓴ ᐅᒣᓕᐤ ᑮ ᑐᑕᒧᑯᐸᓀ ᒥᒉᑡᐤ ᑲᑕ ᑮ ᐎᓴᑫᓕᑕᒧᐸᓐ ᐃᔅᑯᓈᒃ ᑳ ᒫᒋ ᐊᔅᑭᐗᒃ: ᒫᑲ ᐊᓄᒡ ᐯᔭᑾᐤ ᐁ ᒫᒋᒡ ᑭᔑᑳᑭ ᑮ ᓄᑯᓯᐤ ᑭᒋ ᐃᑲᑌᓇᒃ ᒪᒋᑣᐎᓂᓕᐤ ᐁ ᓵᓵᑭᐎᓕᐌᐎ ᐸᑭᑎᓂᑎᓱᑦ᙮
ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮
ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮
