ᐅᐸᓓᑭᔅ ᒑᓐ 17:11 - ᐅᔅᑭ ᑎᔅᑌᒥᓐᑦ

¹¹ ᐊᓄᒡ ᒫᑲ ᓇᒪᐎᓚ ᑫᔮᐸᒡ ᐊᔅᑮᒃ ᓃᑦ ᐃᑖᓐ, ᒫᑲ ᐅᑯ ᐊᔅᑮᒃ ᐃᑖᐗᒃ, ᓂᓚ ᒫᑲ ᑭ ᐯᒋ ᓈᑎᑎᓐ᙮ ᐯᓓᑭᓯᔭᓐ ᐅᑖᐎᒪᐤ, ᑲᓇᐌᓕᒥᒃ ᑭᓚ ᑭᑦ ᐃᔑᓂᑳᓱᐎᓐ ᐅᒋ ᐊᓂᑭ ᑳ ᑮ ᒥᓕᔭᓐ, ᑭᒋ ᐯᔭᑯᒋᒃ, ᑖᐱᔅᑯᒡ ᑭᓚᓈᓇᐤ᙮

ᐅᐸᓓᑭᔅ ᒑᓐ 17:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:16

ᒫᑎᑲ, ᑭᑦ ᐃᑎᔕᐅᑎᓇᐗᐤ ᑖᐱᔅᑯᒡ ᒫᓂᔥᒑᓂᔕᒃ ᐃᑕ ᐁ ᐃᑖᓕᒋ ᒪᐃᑲᓇ: ᐁᐗᑯ ᐅᒋ ᓕᑆᑳᒃ ᑖᐱᔅᑯᒡ ᑭᓀᐱᑾᒃ, ᓀᔥᑕ ᓗᔅᐹᑎᓯᒃ ᑖᐱᔅᑯᒡ ᐅᒥᒥᐗᒃ᙮

ᐅᐸᓓᑭᔅ ᒫᑎᐤ 5:48

ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮

ᐅᐸᓓᑭᔅ ᒫᑎᐤ 6:9

ᐅᒪ ᐃᔑ ᒫᑲ ᐋᔭᒥᐋᒃ: ᓄᑖᐎᓈᓐ ᑭᒋᑭᔑᑯᒃ ᑳ ᐃᑖᔭᓐ, ᑲᑕ ᐎ ᐸᓓᑫᓕᒋᑳᑌᐤ ᑭᑦ ᐃᔑᓂᑳᓯᐎᓐ᙮

ᐅᐸᓓᑭᔅ ᒑᓐ 13:1

ᐸᒧᔑ ᒫᑲ ᒥᔮᔥᑳᑫᐎ ᒪᑯᔖᓂᐗᓂᓕᒃ, ᐃᔅᐱ ᒋᓴᔅ ᑫᔅᑫᓕᑕᒃ ᐅ ᑎᐹᔨᑲᓐ ᐱᓯᒧᑳᓂᒃ ᐁ ᐅᑎᒋᐸᓕᓕᒃ ᐅᑕ ᐊᔅᑮᒃ ᑭᒋ ᐅᒋ ᑭᑐᑌᑦ ᐅᑖᐎᒪᐗ ᑭᒋ ᓈᑖᑦ, ᐁ ᑮ ᓵᑭᐋᑦ ᐊᓂᐃ ᑳ ᑎᐱᓚᐌᐎᓯᑦ ᐊᔅᑮᒃ ᑳ ᐃᑖᓕᒋ, ᑮ ᓵᑭᐁᐤ ᐱᓕᔥ ᐃᔅᒀᔮᒡ᙮

ᐅᐸᓓᑭᔅ ᒑᓐ 13:3

ᒋᓴᔅ ᐁ ᑭᔅᑫᓕᑕᒃ ᐅᑖᐎᒪᐗ ᐁ ᑮ ᒥᓕᑯᑦ ᒥᓯᐌ ᑫᒀᓇ ᐅᒋᒌᒃ, ᓀᔥᑕ ᑭᒋᒪᓂᑐᒃ ᐁ ᐅᒌᑦ, ᓀᔥᑕ ᑭᒋᒪᓂᑐᐗ ᐁ ᓈᑖᑦ;

ᐅᐸᓓᑭᔅ ᒑᓐ 14:20

ᐊᓂᒪ ᑫ ᑭᔑᑳᒃ ᑭ ᑳ ᑭᔅᑫᓕᑌᓇᐗᐤ ᓂᓚ ᐁ ᐱᒋᔅᑲᐎᑦ ᓄᑖᐎ, ᓀᔥᑕ ᑭᓚᐗᐤ ᐁ ᐱᒋᔅᑲᐎᔦᒃ, ᓀᔥᑕ ᓂᓚ ᐁ ᐱᒋᔅᑳᑕᑾᒃ᙮

ᐅᐸᓓᑭᔅ ᒑᓐ 16:28

ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐅᐸᓓᑭᔅ ᒑᓐ 17:23

ᓂᓚ ᐁ ᐱᒋᔅᑲᐗᑭᒃ, ᑭᓚ ᒫᑲ ᐁ ᐱᒋᔅᑲᐎᔭᓐ, ᑭᒋ ᒥᑐᓂᐋᑲᓂᐎᒋᒃ ᐁ ᐯᔭᑯᒋᒃ; ᓀᔥᑕ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᑮ ᐯᒋᑎᔕᐅᔭᓐ, ᓀᔥᑕ ᐁ ᑮ ᓵᑭᐊᒋᒃ ᑖᐱᔅᑯᒡ ᐁ ᑮ ᐃᔑ ᓵᑭᐃᔭᓐ᙮

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅᐸᓓᑭᔅ ᒑᓐ 17:6

ᓂ ᑮ ᐙᐸᑎᓚᐗᒃ ᑭᑦ ᐃᔑᓂᑳᓱᐎᓂᓕᐤ ᐊᓂᑭ ᐃᓕᓕᐗᒃ ᑳ ᑮ ᒥᓕᔭᓐ ᐊᔅᑮᒃ ᐅᒋ: ᑭ ᑮ ᐅᑦ ᐃᓕᓕᒥᒫᐗᒃ, ᑭ ᑮ ᒥᓕᓐ ᒫᑲ; ᓀᔥᑕ ᑮ ᑲᓇᐌᓕᑕᒶᒃ ᑭᑦ ᐋᔭᒥᐎᓂᓕᐤ᙮

ᐅᐸᓓᑭᔅ ᒑᓐ 7:33

ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐃᔉ ᑭ ᐎᒉᐎᑎᓇᐗᐤ, ᐁᑯ ᒫᑲ ᑫ ᓇᑕᐙᐸᒪᒃ ᐊᓇ ᑳ ᑮ ᐯᒋᑎᔕᐅᑦ᙮

ᐊᐸᔅᑕᓚᒃ 3:21

ᐊᓇ ᑭᒋᑭᔑᑰᒃ ᒫᑲ ᑫ ᐃᑖᑦ ᐱᓕᔥ ᐅᑎᒋᐸᓕᑫ ᑭᒋ ᐅᔥᑭᑖᓂᐗᑭ ᒥᓯᐌ ᑫᒀᓇ, ᑳ ᐃᔑ ᐋᔭᒥᑦ ᑭᒋᒪᓂᑕ ᐅᑐᓂᐙᒃ ᐅᒋ ᒥᓯᐌ ᐅ ᐸᓓᑭ ᑭᔅᑭᓄᐊᒪᑫᐎᓕᓕᒪ ᐃᔅᑯᓈᒃ ᑳ ᒫᒋ ᐊᔅᑭᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:5

ᐁᑯ ᑖᐱᔅᑯᒡ ᑭᓚᓈᓇᐤ ᐁ ᒥᒉᑎᔭᒃ ᑭ ᐯᔭᑯ ᒥᔭᐎᐎᓈᓇᐤ ᙭ᑎᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᐁ ᐸᔅᑫᓯᐎᓂᔅᑖᑐᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:17

ᐌᓴ ᒪᓯᓇᐃᑫᐎᓂᓕᐤ ᐃᑎᑯ ᐯᕈ, ᐁᐗᑯ ᐅᒪ ᐌᒋ ᐸᓯᑯᓂᑖᓐ, ᑭᓚ ᑭᒋ ᐅᒋ ᓄᑯᑖᔮᓐ ᓂ ᑲᔥᑭᐅᐎᓐ, ᓀᔥᑕ ᓂᑦ ᐃᔑᓂᑳᓱᐎᓐ ᑭᒋ ᐙᐎᒋᑳᑌᒃ ᒥᓯᐌ ᐁᔅᐱᔕᒃ ᐊᔅᑮᒃ᙮

ᓂᔥᑕᒻ ᑯᕆᓐᑎᐊᓇ 1:10

ᐁᑯ ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒥᓯᐌ ᐁ ᐃᑕᔑᔦᒃ ᑭᒋ ᐯᔭᑯ ᐃᑗᔦᒃ, ᐁᑳ ᓀᔥᑕ ᑭᒋ ᐃᑕᑾᑭ ᐸᑳᓂᐃᓱᐎᓇ ᐃᑕ ᐁ ᐃᑖᔦᒃ; ᒥᑐᓂ ᒫᑲ ᑭᒋ ᐎᒉᑐᔦᒃ ᓵᑭᐃᑐᐎᓂᒃ ᐁ ᐯᔭᑯ ᒥᑐᓀᓕᒋᑲᓂᔦᒃ, ᓀᔥᑕ ᐁ ᐯᔭᑯ ᑎᐹᔅᑯᓂᑫᔦᒃ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᐃᐱᓯᔭᓇ 4:4

ᐯᔭᑾᓐ ᒥᔭᐤ, ᓀᔥᑕ ᐯᔭᑯ ᐊᒑᒃ, ᑖᐱᔅᑯᒡ ᐁ ᐃᔑ ᓇᑐᒥᑲᐎᔦᒃ ᑭᒋ ᐯᔭᑯ ᐊᔅᐯᓕᒧᔦᒃ ᑭ ᓇᑐᒥᑯᓯᐎᓂᐙᒃ;

ᐱᓕᐱᔭᓇ 2:9

ᐁᐗᑯ ᐌᒋ ᓈᔅᐱᒡ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᑭ ᒥᓕᑯ ᒫᑲ ᐃᔑᓂᑳᓱᐎᓂᓕᐤ ᐊᐙᓯᑌ ᑳ ᑭᔅᑌᓕᑖᑾᓂᓕᒃ ᐃᔥᐱᔥ ᒥᓯᐌ ᐃᔑᓂᑳᓱᐎᓇ:

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 9:24

ᐌᓴ ᙭ ᓇᒪᐎᓚ ᑮ ᐱᑐᑫᐤ ᐃᑕ ᑳ ᐸᓓᑲᑭ ᒥᒋᒋᔭ ᑳ ᐅᒋ ᐅᔑᑖᓂᐗᑭ, ᑳ ᓇᔅᐱᑕᒧᒪᑲᑭ ᐃᑕ ᑖᐺ ᑳ ᐸᓓᑲᒃ; ᒫᑲ ᑭᒋᑭᔑᑯᒃ ᑫᒋᐙᒃ ᐁᑯᑕ ᐊᓄᒡ ᑭᒋ ᓄᑯᓯᔅᑕᒫᑕᒃ ᐅᑎᔥᑲᐤ ᑭᒋᒪᓂᑐᐗ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᒑᓐ 3:12

ᓇᒪᐎᓚ ᑖᐱᔅᑯᒡ ᑫᓐ ᐊᓂᐃ ᒣᒋᑣᓕᑭ ᑳ ᑮ ᐅᒌᑦ, ᓀᔥᑕ ᐁ ᑮ ᓂᐸᐋᑦ ᐎᒋᔖᓇ᙮ ᑖᓀᑭ ᐌᒋ ᒫᑲ ᓂᐸᐋᑦ? ᑎᐱᓚᐌ ᐅᑦ ᐊᑑᔅᑫᐎᓇ ᐁ ᑮ ᒫᓛᑕᓂᓕᑭ, ᓀᔥᑕ ᐎᒋᔖᓇ ᐁ ᑮ ᒀᔭᔅᑭᑖᑎᓯᒪᑲᓂᓕᑭ᙮

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

ᑭᔅᑫᓕᑖᑯᑖᑫᐎᓐ 19:12

ᐅᔅᑭᔑᑾ ᑖᐱᔅᑯᒡ ᐁ ᐗᓚᑌᒃ ᐃᔥᑯᑌᐤ ᑭ ᐃᔑᓈᑾᓂᓕᐗ, ᓀᔥᑕ ᐅᔅᑎᒀᓂᒃ ᑭ ᑭᑭᔥᑲᒻ ᒥᒋᑦ ᐅᑭᒪᐗᔅᑐᑎᓋ; ᑭ ᐋᔭᐤ ᒫᑲ ᐎᓗᐎᓂᓕᐤ ᐁ ᒪᓯᓇᐃᑳᑌᓕᒃ, ᐁᑳ ᐊᐌᓇ ᑳ ᑭᔅᑫᓕᑕᒃ, ᐎᓚ ᑫᒋᐙᒃ ᐱᑯ᙮

ᑭᔅᑫᓕᑖᑯᑖᑫᐎᓐ 4:8

ᐊᓂᑭ ᓀᐤ ᐅᐱᒫᑎᓴᒃ ᒫᑲ ᑕᑐ ᐁ ᐃᑕᓯᒋᒃ ᓂᑯᑣᔅ ᑮ ᑕᑎᓂᓕᐗ ᐅ ᑕᑲᑾᓇ; ᐱᒋ ᒫᑲ ᒥᓯᐌ ᑮ ᐅᔅᑭᔑᑯᐗᒃ: ᓇᒪᐎᓚ ᒫᑲ ᐋᓜᓯᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐁ ᐃᑗᒋᒃ, ᐯᓓᑭᓯᑦ, ᐯᓓᑭᓯᑦ, ᐯᓓᑭᓯᑦ, ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓰᑦ, ᑳ ᑮ ᐃᑖᑦ, ᑳ ᐃᑖᑦ, ᓀᔥᑕ ᑫ ᐃᑖᑦ᙮