ᐅᐸᓓᑭᔅ ᒑᓐ 16:33 - ᐅᔅᑭ ᑎᔅᑌᒥᓐᑦ

³³ ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐅᐸᓓᑭᔅ ᒑᓐ 16:33 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 9:2

ᒫᑎᑲ, ᒫᑲ, ᑮ ᐯᑐᐌᐗᒃ ᐃᓕᓕᐗ ᐁ ᓇᓇᒫᔅᐱᓀᓕᒋ, ᐁ ᐱᒥᔑᓂᓕᒋ ᓂᐯᐎᓂᒃ: ᒋᓴᔅ ᒫᑲ ᐁ ᐙᐸᑕᒸᑦ ᐅ ᑖᐺᔦᓕᑐᒧᐎᓂᓕᐤ, ᑮ ᐃᑌᐤ ᐅᓇᓇᒫᔅᐱᓀᐗ; ᓂᑯᓯᔅ, ᒥᓜᓕᑕ ᐃᓴ; ᑭ ᒪᒋᑐᑕᒧᐎᓇ ᑭ ᐌᐯᓕᑕᒫᑲᐎᓐ᙮

ᐅᐸᓓᑭᔅ ᓘᒃ 19:38

ᐁ ᐃᑗᒋᒃ, ᔕᐌᓕᑖᑯᓯᐤ ᐊᓇ ᑭᒋᐅᑭᒪᐤ ᑳ ᐯᒋ ᐃᑐᑌᑦ ᐅᑎᐯᓕᒋᑫᐗ ᐅᑦ ᐃᔑᓂᑳᓱᐎᓂᓕᒃ; ᑳᔮᒣᓕᑕᒧᐎᓐ ᑭᒋᑭᔑᑯᒃ, ᒫᒥᒋᒥᑯᓯᐎᓐ ᒫᑲ ᒫᐗᒋ ᐃᔥᐱᒥᒃ ᑭᔑᑯᒃ᙮

ᐅᐸᓓᑭᔅ ᓘᒃ 2:14

ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅᐸᓓᑭᔅ ᒑᓐ 14:1

ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ: ᑭ ᑖᐺᔦᓕᒪᐗᐤ ᑭᒋᒪᓂᑐ, ᑖᐺᔦᓕᒥᒃ ᓂᓚ ᓀᔥᑕ᙮

ᐅᐸᓓᑭᔅ ᒑᓐ 14:27

ᑳᔮᒣᓕᑕᒧᐎᓐ ᑭ ᓇᑲᑕᒫᑎᓇᐗᐤ, ᓂ ᑳᔮᒣᓕᑕᒧᐎᓐ ᑭ ᒥᓕᑎᓇᐗᐤ: ᓇᒪᐎᓚ ᑖᐱᔅᑯᒡ ᐊᔅᑭ ᑳ ᐃᔑ ᒥᓕᐌᒪᑲᒃ, ᑭᑦ ᐃᔑ ᒥᓕᑎᓂᐗᐤ᙮ ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ, ᐁᑳᐎᓚ ᓀᔥᑕ ᑲᑕ ᑯᔅᑖᒋᒪᑲᓐ᙮

ᐅᐸᓓᑭᔅ ᒑᓐ 16:11

ᑎᐹᔅᑯᓂᑫᐎᓂᓕᐤ ᐅᒋ, ᐁ ᑎᐹᔅᑯᓈᑲᓂᐎᑦ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 23:11

ᐊᓂᐁᓕᐤ ᒫᑲ ᐁ ᑎᐱᔅᑳᓕᒃ ᑮ ᐎᒋᑳᐸᐎᔅᑖᑯ ᐅᑎᐯᓕᒋᑫᐗ, ᑮ ᐃᑎᑯ ᒫᑲ, ᒥᓜᓕᑕ, ᐹᓪ: ᐌᓴ ᑖᐱᔅᑯᒡ ᑳ ᑮ ᐃᑖᒋᒥᔭᓐ ᒋᕉᓴᓚᒥᒃ, ᐁᑯ ᓀᔥᑕ ᑫ ᐃᑖᒋᒧᔭᓐ ᕈᒥᒃ᙮

ᐊᐸᔅᑕᓚᒃ 27:22

ᐊᓄᒡ ᒫᑲ ᑭ ᔑᑭᒥᑎᓇᐗᐤ ᑭᒋ ᐗᒉᑲᒣᓕᑕᒣᒃ: ᐌᓴ ᓇᒪᐎᓚ ᐊᐌᓇ ᐁ ᐃᑕᔑᔦᒃ ᑲᑕ ᐗᓂᑕᐤ ᐅ ᐱᒫᑎᓯᐎᓐ, ᐱᑯ ᓈᐱᒀᓐ᙮

ᐊᐸᔅᑕᓚᒃ 27:25

ᐁᐗᑯ ᐅᒋ, ᐅᑭᒫᑐᒃ, ᐗᒉᑲᒣᓕᑕᒧᒃ: ᐌᓴ ᓂ ᑖᐺᑕᐗᐤ ᑭᒋᒪᓂᑐ, ᒬᒋ ᑭᒋ ᐃᑭᒃ ᑳ ᑮ ᐃᔑ ᐎᑕᒫᑲᐎᔮᓐ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᓂᔓ ᑯᕆᓐᑎᐊᓇ 1:3

ᑲᑕ ᐎ ᒫᒥᒋᒪᐤ ᑭᒋᒪᓂᑐ, ᐅᑖᐎᔭ ᐅᑎ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑳ ᐅᑖᐎᒥᑯᑦ ᒥᓯᐌ ᔕᐌᓕᒋᑫᐎᓇ, ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᒥᓯᐌ ᑲᑭᒋᐃᐌᐎᓂᓕᐤ;

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᓂᔓ ᑯᕆᓐᑎᐊᓇ 2:14

ᐁᑯᔑ ᒫᑲ ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ, ᒧᔕᒃ ᑳ ᑐᑖᐎᔭᒥᑦ ᑭᒋ ᔖᑯᒋᐃᐌᔮᒃ ᙭ᑎᒃ, ᓀᔥᑕ ᑳ ᑭᔅᑫᓕᑖᑯᑖᒃ ᐁ ᐃᔑ ᒥᓨᔑᓂᓕᒃ ᐅ ᑭᔅᑫᓕᒥᑯᓯᐎᓐ ᓂᓚᓈᓐ ᐅᒋ ᒥᓯᐌ ᐃᑌ᙮

ᓂᔓ ᑯᕆᓐᑎᐊᓇ 4:7

ᒫᑲ ᐅᒪ ᐌᓗᑎᓯᐎᓐ ᐊᔅᑭᐎ ᐊᓯᐗᒋᑲᓂᒃ ᓂᑦ ᐋᔮᓈᓐ, ᐁ ᐃᔅᐱᒋ ᑭᒋᐃᑌᓕᑖᑾᓂᓕᒃ ᑲᔥᑭᐅᐎᓂᓕᐤ ᑭᒋ ᑎᐱᓚᐌᐎᓯᑦ ᑭᒋᒪᓂᑐ, ᓇᒪᐎᓚ ᓂᓚᓈᓐ᙮

ᓂᔓ ᑯᕆᓐᑎᐊᓇ 6:4

ᒫᑲ ᒥᓯᐌ ᑫᒀᓇ ᐁ ᑐᑕᒫᒃ ᐁ ᐙᐸᑎᓕᐌᔮᒃ ᐁ ᐅᑦ ᐋᔭᒥᐋᐎ ᐊᑑᔅᑫᓛᑲᓂᔭᒥᒋᒃ, ᒥᔅᑕᐃ ᔑᐱᓚᐌᓯᐎᓂᒃ, ᑲᒀᑕᑭᓯᐎᓂᒃ, ᒪᓀᓯᐎᓂᒃ, ᓇᓀᑳᑌᓕᒧᐎᓂᒃ,

ᓂᔓ ᑯᕆᓐᑎᐊᓇ 7:4

ᓈᔅᐱᒡ ᑭ ᓱᑭᑌᐁᐎ ᐋᔭᒥᐃᑎᓇᐗᐤ, ᓈᔅᐱᒡ ᓂ ᒫᒪᑖᑯᒧᓐ ᑭᓚᐗᐤ ᐅᒋ: ᓂ ᓴᑲᔅᑭᓀᔅᑳᑯᓐ ᒥᓜᓕᑕᒧᐎᓐ, ᓈᔅᐱᒡ ᓂ ᒧᒋᑫᓕᑌᓐ ᒥᓯᐌ ᓂᑦ ᐊᓕᒥᓯᐎᓂᓈᒃ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐱᓕᐱᔭᓇ 4:7

ᓀᔥᑕ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ, ᐁᑳ ᑎᐁᐱ ᓂᓯᑐᑖᑲᓂᐗᒃ ᑭ ᑳ ᑲᓇᐌᓕᑕᒫᑯᓇᐗᐤ ᑭᑌᐃᐙᐗ ᓀᔥᑕ ᑭ ᒥᑐᓀᓕᒋᑲᓂᐗᐗ ᐎᓚ ᐅᒋ ᒋᓴᔅ ᙭᙮

ᑯᓚᔑᔭᓇ 1:20

ᓀᔥᑕ ᒫᑲ ᐁ ᑮ ᑳᔮᒣᓕᑕᒧᐎᓂᑫᑦ ᐁ ᒥᑯᐗᓂᓕᒃ ᐅᑦ ᐋᔑᑌᐋᑎᑯᒻ ᐅᒋ, ᐎᓚ ᐅᒋ ᑭᒋ ᐙᑯᐙᒋᑕᒫᓱᑦ ᒥᓯᐌ ᑫᒀᓇ; ᐎᓚ ᐅᒋ, ᓂᑦ ᐃᑣᓐ, ᑮᔥᐱᓐ ᐊᔅᑮᒃ ᑳ ᐃᑕᑾᑭ, ᓀᔥᑕᐱᑯ ᑭᒋᑭᔑᑯᒃ ᑳ ᐃᑕᑾᑭ᙮

ᓂᔥᑕᒻ ᑌᓴᓗᓂᔭᓇ 3:4

ᐌᓴ ᑖᐺ, ᐃᔅᐱ ᒣᒀᒡ ᐁ ᐎᒉᐎᑖᑭᐸᓐ, ᑭ ᑮ ᐎᑕᒫᑎᓈᓐ ᐁ ᐃᑌᓕᑖᑯᓯᔭᒃ ᑭᒋ ᑲᒀᑕᑭᐃᑲᐎᔭᒃ; ᑖᐱᔅᑯᒡ ᑳ ᐃᑭᑯᐸᓐ, ᓀᔥᑕ ᑳ ᑭᔅᑫᓕᑕᒣᒃ᙮

ᓂᔥᑕᒻ ᑌᓴᓗᓂᔭᓇ 3:7

ᐁᐗᑯ ᐅᒋ, ᓂᒋᔖᓂᑐᒃ, ᑭ ᑮ ᑳᑭᒋᐃᓈᓐ, ᒥᓯᐌ ᓂ ᑲᒀᑕᑭᓯᐎᓂᓈᒃ ᓀᔥᑕ ᓂᑦ ᐊᓕᒥᓯᐎᓂᓈᒃ, ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔓ ᑌᓴᓗᓂᔭᓇ 3:16

ᐁᑯ ᑌᐯᓕᑕᒃ ᑳᔮᒣᓕᑕᒧᐎᓂᓕᐤ ᑫᒋᐙᒃ ᒧᔕᒃ ᑭ ᑳ ᐎ ᒥᓕᑯᐗᐤ ᑳᔮᒣᓕᑕᒧᐎᓂᓕᐤ ᒥᓯᐌ ᐃᔑ᙮ ᐅᑎᐯᓕᒋᑫᐤ ᒥᓯᐌ ᐁ ᐃᑕᔑᔦᒃ ᑭ ᑳ ᐎ ᐎᒉᐎᑯᐗᐤ᙮

ᓂᔓ ᑎᒧᑎ 3:12

ᐁᐁ, ᒥᓯᐌ ᐊᓂᑭ ᑫ ᐎ ᒪᓂᑐᐙᑎᓯᒋᒃ ᙭ ᒋᓴᓯᒃ ᑲᑕ ᑲᒀᑕᑭᐋᑲᓂᐎᐗᒃ᙮

ᐦᐃᑉᕉᐗ 11:25

ᐊᐙᓯᑌ ᐁ ᐙᐌᓛᐸᑕᒃ ᑭᒋ ᐎᒋᑲᒀᑕᑭᓰᒪᑦ ᐅᑦ ᐃᓕᓕᒪ ᑭᒋᒪᓂᑐ, ᐃᔥᐱᔥ ᐊᒋᓚᐤ ᐱᑯ ᑭᒋ ᒥᓚᐙᑎᑯᑖᑦ ᐁ ᐃᔑ ᒥᓜᓕᒋᑳᑌᒃ ᒪᒋᑐᑕᒧᐎᓐ;

ᐦᐃᑉᕉᐗ 7:2

ᐊᓇ ᓀᔥᑕ ᑳ ᑮ ᒥᓕᑯᑦ ᐁᑉᕃᐊᒪ ᐯᔭᒃ ᐃᔥᐱᔥ ᒥᓯᐌ ᐁ ᑮ ᒥᑖᑐᑖᓂᐗᑭ; ᓃᔥᑕᒻ ᐁ ᐃᑗᔅᒋᑳᑌᒃ ᑳ ᐅᑭᒫᑲᑕᒃ ᒀᔭᔅᑭᑖᑎᓯᐎᓂᓕᐤ, ᒥᓇ ᒫᑲ ᐊᓯᒋ ᓭᓕᒻ ᑭᒋᐅᑭᒪᐤ, ᐁᐗᑯ ᐊᓇ ᑳ ᐅᑭᒫᑲᑕᒃ ᑳᔮᒣᓕᑕᒪᐎᓂᓕᐤ;

ᓂᔥᑕᒻ ᐱᑕᕐ 5:9

ᐁᐗᑯ ᓇᔅᑯᔅᑖᒃ, ᐁ ᐋᔨᒋᑳᐸᐎᔦᒃ ᑖᐺᔦᓕᑕᒧᐎᓂᒃ, ᐁ ᑭᔅᑫᓕᑕᒣᒃ ᐊᓂᐃ ᑖᐱᔅᑯᒡ ᐊᓕᒥᓯᐎᓇ ᐁ ᐅᑎᑎᑯᒋᒃ ᑭᒋᔖᓂᐙᐗᒃ ᐊᔅᑮᒃ ᑳ ᐃᑖᒋᒃ᙮

ᓂᔥᑕᒻ ᒑᓐ 2:13

ᑭ ᒪᓯᓇᐊᒫᑎᓇᐗᐤ, ᐅᑖᐎᒪᐎᑐᒃ, ᐌᓴ ᑭ ᑮ ᑭᔅᑫᓕᒪᐗᐤ ᐊᓇ ᒫᐗᒋ ᓃᔥᑕᒻ ᑳ ᐅᒋ ᐃᑖᑦ᙮ ᑭ ᒪᓯᓇᐊᒫᑎᓇᐗᐤ, ᐅᔥᑭᓂᑭᑐᒃ, ᐌᓴ ᑭ ᑮ ᔖᑯᒋᐋᐗᐤ ᒣᒋᑣᑦ᙮ ᑭ ᒪᓯᓇᐊᒫᑎᓇᐗᐤ, ᐊᐱᔅᑕᐙᔑᔑᑐᒃ, ᐁ ᑮ ᑭᔅᑫᓕᒣᒃ ᐅᑖᐎᒪᐤ᙮

ᓂᔥᑕᒻ ᒑᓐ 4:4

ᑭᓚᐗᐤ ᑭᒋᒪᓂᑐᒃ ᑭᑦ ᐅᒋᓇᐗᐤ, ᐊᐱᔅᑕᐙᔑᔑᑐᒃ, ᑭ ᑮ ᔖᑯᒋᐊᐗᐗᒃ ᒫᑲ: ᐌᓴ ᐊᐙᓯᑌ ᑭᔅᑎᓯᐤ ᐊᓇ ᑳ ᐱᒋᔅᑳᑖᒃ ᐃᔥᐱᔥ ᐊᓇ ᐊᔅᑮᒃ ᑳ ᐃᑖᑦ᙮

ᓂᔥᑕᒻ ᒑᓐ 5:4

ᐌᓴ ᒥᓯᐌ ᑫᒀᓕᐤ ᑳ ᓂᑕᐎᑭᑖᑦ ᑭᒋᒪᓂᑐ ᔖᑯᒋᐃᐌᒪᑲᓐ ᐊᔅᑭ: ᓀᔥᑕ ᐁᐗᑯ ᐅᒪ ᔖᑯᒋᐃᐌᐎᓐ ᑳ ᔖᑯᒋᑖᒪᑲᒃ ᐊᔅᑭ, ᑭ ᑖᐺᔦᓕᑕᒧᐎᓂᓇᐤ ᐅᑎ᙮

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮