ᐅᐸᓓᑭᔅ ᒑᓐ 16:14 - ᐅᔅᑭ ᑎᔅᑌᒥᓐᑦ

¹⁴ ᓂ ᑳ ᑭᔅᑌᓕᑖᑯᐃᒃ: ᐌᓴ ᑲᑕ ᐅᑎᓇᒻ ᓂᑦ ᐋᔮᓂᒃ ᐅᒋ, ᑭ ᑳ ᐙᐸᑎᓕᑯᐗᐤ ᒫᑲ᙮

ᐅᐸᓓᑭᔅ ᒑᓐ 16:14 ပူးပေါင်းရင်းမြစ်များ

ᐅᐸᓓᑭᔅ ᒑᓐ 14:21

ᐊᓇ ᑳ ᐋᔭᑦ ᓂ ᑲᑫᔅᑴᐎᓇ, ᓀᔥᑕ ᑳ ᑲᓇᐎᑖᑦ ᐁᐗᒀᓇ ᑳ ᓴᑭᐃᑦ: ᐊᓇ ᓀᔥᑕ ᑳ ᓵᑭᐃᑦ ᑲᑕ ᓵᑭᐃᑯ ᓄᑖᐎᔭ, ᓀᔥᑕ ᓂᓚ ᓂ ᑳ ᓵᑭᐊᐤ, ᓂ ᑳ ᓄᑯᓰᔅᑕᐗᐤ ᒫᑲ᙮

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᓂᔥᑕᒻ ᑯᕆᓐᑎᐊᓇ 12:3

ᐁᐗᑯ ᐌᒋ ᑭᔅᑫᓕᑕᒥᐃᑕᑾᒃ, ᐁᑳ ᐊᐌᓇ ᐁ ᐅᒋ ᐋᔭᒥᑦ ᑭᒋᒪᓂᑐ ᐅᑦ ᐊᒑᑾ, ᒪᒋ ᐃᑌᓕᑖᑯᓯᐤ ᒋᓴᔅ, ᑭᒋ ᑮ ᐃᑗᑦ: ᐁᑳ ᓀᔥᑕ ᐊᐌᓇ ᑭᒋ ᑮ ᐃᑗᑦ, ᒋᓴᔅ ᐁᐗᑯ ᐅᑎᐯᓕᒋᑫᐤ, ᐱᑯ ᐸᓓᑭ ᐊᒑᑾ ᐅᒋ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᑲᓓᔕᐊᓇ 5:5

ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮

ᓂᔥᑕᒻ ᐱᑕᕐ 2:7

ᑭᓚᐗᐤ ᒫᑲ ᑳ ᑖᐺᑕᒣᒃ ᑭ ᑭᔅᑕᑭᒫᐗᐤ, ᒫᑲ ᐊᓂᑭ ᑳ ᔑᐱᑕᑭᒃ ᐅᒋ ᐊᓂᐃ ᐊᓯᓂᔭ ᑳ ᑮ ᐋᑕᐌᓕᒫᒋᒃ ᐅᐙᔅᑳᔨᑲᓂᑫᐗ, ᐁᐗᒀᓇ ᑳ ᓂᑳᓀᓕᑖᑯᐋᑲᓂᐎᑦ ᐁ ᑭᑫᔮᒃ;

ᓂᔥᑕᒻ ᒑᓐ 3:23

ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᓂᔥᑕᒻ ᒑᓐ 5:6

ᐊᐗ ᐁᐗᒀᓇ ᑳ ᑮ ᐯᒋ ᐃᑐᑌᑦ ᓂᐱᓕᐤ ᓀᔥᑕ ᒥᑯᓕᐤ ᐅᒋ, ᒋᓴᔅ ᙭ ᐅᑎ; ᓇᒪᐎᓚ ᓂᐱᓕᐤ ᐅᒋ ᐱᑯ, ᒫᑲ ᓂᐱᓕᐤ ᓀᔥᑕ ᒥᑯᓕᐤ ᐅᒋ᙮ ᓀᔥᑕ ᐊᒑᒃ ᐁᐗᒀᓇ ᑳ ᑎᐹᑐᑕᒃ, ᐊᒑᒃ ᐁ ᑖᐺᐎᓂᐎᑦ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮