ᐅᐸᓓᑭᔅ ᒑᓐ 16:13 - ᐅᔅᑭ ᑎᔅᑌᒥᓐᑦ

¹³ ᐁᓕᐌᒃ ᒫᑲ, ᐃᔅᐱ ᐎᓚ ᑖᐺᐎᓂ ᐋᒐᒃ ᑕᑯᔑᑫ, ᑭ ᑳ ᑭᔅᑭᓄᑕᐃᑯᐗᐤ ᒥᓯᐌ ᑖᐺᐎᓂᒃ: ᐌᓴ ᓇᒪᐎᓚ ᐎᓚ ᑫᒋᐙᒃ ᑲᑕ ᐅᒋ ᐋᔭᒥᐤ; ᒫᑲ ᑕᑐ ᑫᒀᓕᐤ ᑫ ᐯᑕᒃ ᐁᐗᑴᓕᐤ ᑫ ᑎᐹᑐᑕᒃ: ᑫ ᑳ ᐙᐸᑎᓕᑯᐗᐤ ᓀᔥᑕ ᑫᒀᓇ ᑫ ᐃᑭᓂᓕᑭ᙮

ᐅᐸᓓᑭᔅ ᒑᓐ 16:13 ပူးပေါင်းရင်းမြစ်များ

ᐅᐸᓓᑭᔅ ᒑᓐ 12:49

ᐌᓴ ᓇᒪᐎᓚ ᓂ ᑮ ᐋᔭᒥᓐ ᓂᓚ ᑫᒋᐙᒃ: ᒫᑲ ᐅᑖᐎᒪᐤ ᑳ ᑮ ᐯᒋᑎᔕᐅᑦ, ᓂ ᑮ ᒥᓕᒃ ᐅᓚᔓᐌᐎᓂᓕᐤ, ᑫ ᐃᑗᐗᒃ, ᓀᔥᑕ ᑫ ᐃᔑ ᐋᔭᒥᐗᒃ᙮

ᐅᐸᓓᑭᔅ ᒑᓐ 14:17

ᑖᐺᐎᓂ ᐊᒑᒃ ᐅᑎ, ᐊᔅᑭᓕᐤ ᐁᑳ ᑳ ᑮ ᐅᑎᓂᑯᑦ, ᐁᑳ ᐁ ᐙᐸᒥᑯᑦ, ᐁᑳ ᓀᔥᑕ ᐁ ᑭᔅᑫᓕᒥᑯᑦ; ᒫᑲ ᑭᓚᐗᐤ ᑮ ᑭᔅᑫᓕᒪᐗᐤ, ᓀᔥᑕ ᑭ ᑳ ᐱᒋᔅᑳᑯᐗᐤ᙮

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 16:12

ᓂᑦ ᐋᔮᓐ ᑫᔮᐸᒡ ᒥᒉᑦ ᑫᒀᓇ ᑭᒋ ᐎᑕᒫᑕᑾᒃ, ᒫᑲ ᐊᓄᒡ ᓇᒪᐎᓚ ᑭ ᑳ ᑮ ᐯᑌᓇᐗᐤ᙮

ᐅᐸᓓᑭᔅ ᒑᓐ 3:32

ᐊᓂᐁᓕᐤ ᒫᑲ ᑳ ᑮ ᐙᐸᑕᒃ ᓀᔥᑕ ᑳ ᑮ ᐯᑕᒃ ᐁᐗᑴᓕᐤ ᑳ ᑎᐹᑐᑕᒃ; ᓇᒪᐎᓚ ᐊᐌᓇ ᒫᑲ ᐅᑎᓇᒬᐤ ᐅ ᑎᐹᒋᒧᐎᓂᓕᐤ᙮

ᐅᐸᓓᑭᔅ ᒑᓐ 8:38

ᓂᑦ ᐃᑣᓐ ᐊᓂᒪ ᑳ ᑮ ᐙᐸᑕᒫᓐ ᐁ ᐎᒉᐗᒃ ᓄᑖᐎ: ᑭᓚᐗᐤ ᒫᑲ ᑭᑦ ᐃᑐᑌᓇᐗᐤ ᐊᓂᒪ ᑳ ᑮ ᐙᐸᑕᒣᒃ ᐁ ᐎᒉᐌᒃ ᑯᑖᐎᐗᐤ᙮

ᐊᐸᔅᑕᓚᒃ 11:28

ᑭ ᐸᓯᑯ ᒫᑲ ᐯᔭᒃ ᐁ ᐃᑕᓯᒋᒃ ᐋᑲᐸᔅ ᑳ ᐃᔑᓂᑳᓱᑦ, ᑮ ᐎᑕᒻ ᒫᑲ ᐊᒑᑾ ᐅᒋ, ᓈᔅᐱᒡ ᑭᒋ ᑲᐗᑲᑖᓂᐗᓂᓕᒃ ᒥᓯᐌ ᐁ ᐃᔥᐱᔖᒃ ᐊᔅᑭᒃ: ᐊᓂᒪ ᑳ ᑮ ᐃᑭᓂᓕᒃ ᒣᒀᒡ ᐅ ᑭᔑᑳᒪ ᒃᓚᑎᐊᔅ ᓯᓴᕐ᙮

ᐊᐸᔅᑕᓚᒃ 20:23

ᐱᑯ ᐊᓇ ᑳ ᐸᓓᑭᓯᑦ ᐊᒑᒃ ᐁ ᐎᑕᒃ ᑕᑐ ᐃᑖᐎᓂᒃ, ᐁ ᐃᑗᑦ ᒫᒫᒋᑯᐱᓱᐎᓇ ᓀᔥᑕ ᐋᓕᒥᓯᐎᓇ ᐁ ᐯᐃᑯᔮᓐ᙮

ᐊᐸᔅᑕᓚᒃ 27:24

ᐁ ᐃᑗᑦ, ᐁᑳᐎᓚ ᑯᔅᑖᒋ, ᐹᓪ; ᑭ ᑳ ᐯᔑᑳᐎᓐ ᐁᑖᔅᑕᒪᐱᑦ ᓯᓴᕐ: ᒫᑎᑲ, ᒫᑲ, ᑭᒋᒪᓂᑐ ᑭ ᑮ ᐸᑭᑎᓇᒫᒃ ᒥᓯᐌ ᐊᓂᑭ ᑳ ᐎᒋᐱᒫᔑᒥᔅᑭᒃ᙮

ᓂᔓ ᑌᓴᓗᓂᔭᓇ 2:12

ᒥᓯᐌ ᐁ ᐃᑕᓯᓕᒋ ᑭᒋ ᓂᔑᐗᓈᒋᒫᑲᓂᐎᓕᒋ, ᐁᑳ ᑳ ᑮ ᑖᐺᑕᒥᓕᒋ ᑖᐺᐎᓂᓕᐤ, ᒫᑲ ᑳ ᑮ ᒥᓜᓕᑕᒥᓕᒋ ᒪᒑᑎᓯᐎᓂᓕᐤ᙮

ᓂᔓ ᑌᓴᓗᓂᔭᓇ 2:3

ᐁᑳᐎᓚ ᐊᐌᓇ ᑭ ᑳ ᐙᔦᔑᐃᑯᐗᐤ ᓈᓐᑕᐤ ᐃᔑ: ᐌᓴ ᐊᓂᒪ ᐁ ᑭᔑᑳᒃ ᓇᒪᐎᓚ ᑲᑕ ᐅᑎᒋᐸᓕᐤ ᐹᑎᒫ ᐱᑯ ᑮ ᑕᑯᔑᓄᒪᑲᑫ ᐸᑭᔑᓂᐎᓐ, ᓀᔥᑕ ᐊᓇ ᒪᒋᑣᐎᓂ ᐃᓕᓕᐤ ᑮ ᓄᑯᓯᑌ, ᐊᓇ ᑳ ᐅᑯᓯᓯᒥᑯᑦ ᓂᔑᐗᓈᑎᓯᐎᓂᓕᐤ;

ᐦᐃᑉᕉᐗ 1:1

ᑭᒋᒪᓂᑐ ᓇᓈᑲᐤ ᐃᔅᐱ ᓀᔥᑕ ᐹᐱᑐᔥ ᑳ ᑮ ᐃᔑ ᐋᔭᒥᐋᑦ ᐌᔅᑲᒡ ᑯᑖᐎᓇᐗ ᐅᑭᔅᑭᐙᐃᑫᐗ ᐅᒋ,

ᓂᔥᑕᒻ ᒑᓐ 2:20

ᒫᑲ ᑭᑦ ᐋᔮᓇᐗᐤ ᑐᒥᓂᑯᓯᐎᓐ ᐊᓇ ᐯᓓᑭᓯᑦ ᐅᒋ, ᒥᓯᐌ ᑫᒀᓇ ᒫᑲ ᑭ ᑭᔅᑫᓕᑌᓇᐗᐤ᙮

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᓂᔥᑕᒻ ᒑᓐ 4:6

ᑭᓚᓈᓇᐤ ᑭᒋᒪᓂᑐᒃ ᑭᑦ ᐅᒋᓈᓇᐤ; ᐊᓇ ᑳ ᑭᔅᑫᓕᒫᑦ ᑭᒋᒪᓂᑐᐗ ᓂ ᓇᑐᑖᑯᓈᓐ; ᐊᓇ ᐁᑳ ᑭᒋᒪᓂᑐᒃ ᑳ ᐅᒌᑦ ᓇᒪᐎᓚ ᓂ ᓇᑐᑖᑯᓈᓐ᙮ ᐁᐗᑯ ᑳ ᐅᒋ ᑭᔅᑫᓕᒪᒃ ᑖᐺᐎᓂ ᐊᒑᒃ, ᓀᔥᑕ ᐗᓂᔑᓄᐎ ᐊᒑᒃ᙮

ᓂᔥᑕᒻ ᒑᓐ 5:6

ᐊᐗ ᐁᐗᒀᓇ ᑳ ᑮ ᐯᒋ ᐃᑐᑌᑦ ᓂᐱᓕᐤ ᓀᔥᑕ ᒥᑯᓕᐤ ᐅᒋ, ᒋᓴᔅ ᙭ ᐅᑎ; ᓇᒪᐎᓚ ᓂᐱᓕᐤ ᐅᒋ ᐱᑯ, ᒫᑲ ᓂᐱᓕᐤ ᓀᔥᑕ ᒥᑯᓕᐤ ᐅᒋ᙮ ᓀᔥᑕ ᐊᒑᒃ ᐁᐗᒀᓇ ᑳ ᑎᐹᑐᑕᒃ, ᐊᒑᒃ ᐁ ᑖᐺᐎᓂᐎᑦ᙮

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;

ᑭᔅᑫᓕᑖᑯᑖᑫᐎᓐ 1:19

ᒪᓯᓇᐊ ᐊᓂᐃ ᑳ ᑮ ᐙᐸᑕᒪᓐ, ᓀᔥᑕ ᐊᓂᐃ ᑳ ᐃᑕᑾᑭ, ᓀᔥᑕ ᐊᓂᐃ ᐁᔥᑾ ᑫ ᐃᑕᑾᑭ;