ᐅᐸᓓᑭᔅ ᒑᓐ 15:5 - ᐅᔅᑭ ᑎᔅᑌᒥᓐᑦ

⁵ ᓂᓚ ᐁᐗᑯ ᔓᒥᓈᑎᒃ, ᑭᓚᐗᐤ ᒫᑲ ᐗᑎᑾᓇ: ᐊᓇ ᑳ ᐱᒋᔅᑲᐎᑦ, ᓀᔥᑕ ᓂᓚ ᑳ ᐱᒋᔅᑲᐗᒃ ᐁᐗᑯ ᑳ ᓂᑕᐎᑭᑖᑦ ᒥᒉᑦ ᒥᓂᔕ: ᐌᓴ ᐁᑳ ᐁ ᐱᒋᔅᑲᐎᔦᒃ ᓇᒪᐎᓚ ᑫᒀᓐ ᑭ ᑳ ᑮ ᑐᑌᓇᐗᐤ᙮

ᐅᐸᓓᑭᔅ ᒑᓐ 15:5 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:21

ᓇᒪᐎᓚ ᒫᑲ ᐅᑕᐱᐎᐤ ᐱᒋᓛᒃ, ᒫᑲ ᐊᒋᓚᐤ ᐱᑯ ᓂᐸᐎᐤ: ᐌᓴ ᐃᔅᐱ ᐊᓕᒥᓯᐎᓂᓕᐤ ᓀᔥᑕ ᑲᒀᑕᑭᓯᐎᓂᓕᐤ ᒥᐋᒋ ᑕᑾᓂᓕᑭ ᐋᔭᒥᐎᓐ ᐅᒋ, ᑭᑭᑳ ᓈᔦᑕᐌᓕᑕᒻ᙮

ᐅᐸᓓᑭᔅ ᒑᓐ 12:24

ᑖᐺ, ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐯᔭᑯᒥᓐ ᐸᑴᔑᑲᓐ ᐁᑳ ᐸᑭᑎᑫ ᐊᔅᑮᒃ ᓀᔥᑕ ᓂᐱᒪᑲᑫ, ᐯᔭᑯ ᐊᔅᑌᐤ: ᒫᑲ ᑮᔥᐱᓐ ᓂᐱᒪᑲᑫ, ᓂᑖᐎᑭᑖᒪᑲᓐ ᒥᔅᑕᐃ ᐸᑴᔑᑲᓂᒥᓇ᙮

ᐅᐸᓓᑭᔅ ᒑᓐ 15:16

ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᐅᐸᓓᑭᔅ ᒑᓐ 5:19

ᐁᑯ ᓀᔥᑴᐗᔑᐋᑦ ᒋᓴᔅ, ᓀᔥᑕ ᑮ ᐃᑌᐤ, ᑖᐺ, ᑖᐺ ᑭᑦ ᐃᑎᓇᐗᐤ, ᐅᑯᓯᓯᒫᐤ ᐁ ᐯᔭᑯᑦ ᓇᒪᐎᓚ ᑫᒀᓕᐤ ᑲᑕ ᑮ ᑐᑕᒻ, ᐱᑯ ᑫᒀᓕᐤ ᐁ ᐙᐸᒫᑦ ᐅᑖᐎᒫᐗ ᐁ ᑐᑕᒥᓕᒋ, ᐅᐅ ᓀᔥᑕ ᑐᑕᒻ ᐅᑯᓯᓯᒫᐤ᙮

ᐅᐸᓓᑭᔅ ᒑᓐ 9:33

ᑮᔥᐱᓐ ᐊᐗ ᐃᓕᓕᐤ ᐁᑳ ᑭᒋᒪᓂᑐᒃ ᐅᒋᑯᐸᓀ, ᓇᒪᐎᓚ ᑫᒀᓕᐤ ᑲᑕ ᑮ ᑐᑕᒧᐸᓐ᙮

ᐊᐸᔅᑕᓚᒃ 4:12

ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:5

ᐁᑯ ᑖᐱᔅᑯᒡ ᑭᓚᓈᓇᐤ ᐁ ᒥᒉᑎᔭᒃ ᑭ ᐯᔭᑯ ᒥᔭᐎᐎᓈᓇᐤ ᙭ᑎᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᐁ ᐸᔅᑫᓯᐎᓂᔅᑖᑐᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:22

ᒫᑲ ᐊᓄᒡ ᐁ ᑮ ᐎᑾᒋᐃᑲᐎᔦᒃ ᒪᒋᑣᐎᓂᒃ ᐅᒋ, ᓀᔥᑕ ᐁ ᐅᑦᐊᑑᔅᑫᓛᑲᓂᒥᑖᒃ ᑭᒋᒪᓂᑐ, ᑭ ᒥᓂᔑᐎᓇᐗᐤ ᐸᓓᑭᓯᐎᓂᒃ ᐃᔑ ᑳ ᐃᑕᒧᒃ ᑳᑭᑫ ᐱᒫᑎᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:4

ᐁᐗᑯ ᐅᒋ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐅᓚᔓᐌᐎᓂᒃ ᑭᑦ ᐅᒋ ᓂᐱᓇᐗᐤ ᙭ ᐎᔭᐤ ᐅᒋ; ᑭᒋ ᑮ ᐎᑭᒣᒃ ᑯᑕᒃ, ᐊᓇ ᐅᑎ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑲᓂᐎᑦ ᒥᓂᔕ ᑭᒋ ᑮ ᓂᑕᐎᑭᑕᒪᐗᒃ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 10:16

ᐊᓂᒪ ᒥᓨᑭᒥᐌᐎ ᒥᓂᒀᑲᓐ ᑳ ᒥᓦᑭᑕᒪᒃ, ᓇᒪ ᓈ ᐁ ᐅᑎᓂᑳᑌᓕᒃ ᐅᒥᑯᒻ ᙭? ᐊᓇ ᐊᓚᑯᓇᐤ ᑳ ᐸᑴᓇᒃ, ᓇᒪ ᓈ ᐁ ᐅᑎᓂᑳᑌᓕᒃ ᐎᔭᐤ ᙭?

ᓂᔥᑕᒻ ᑯᕆᓐᑎᐊᓇ 12:12

ᐌᓴ ᑖᐱᔅᑯᒡ ᐁ ᐃᔑ ᐯᔭᑾᒃ ᒥᔭᐤ, ᓀᔥᑕ ᐁ ᐋᔮᒪᑲᒃ ᒥᒉᑦ ᐸᔅᑫᓯᐎᓇ, ᓀᔥᑕ ᒥᓯᐌ ᐸᔅᑫᓯᐎᓇ ᐊᓂᒪ ᐯᔭᒃ ᒥᔭᐎᒃ, ᐁ ᒥᒉᑎᑭ, ᐯᔭᑯ ᒥᔭᐎᐗᓐ; ᐁᑯ ᓀᔥᑕ ᑖᐱᔅᑯᒡ ᙭᙮

ᓂᔥᑕᒻ ᑯᕆᓐᑎᐊᓇ 12:27

ᑭᓚᐗᐤ ᒫᑲ ᐁᐗᑯ ᙭ ᐎᔭᐤ, ᓀᔥᑕ ᐯᐯᔭᒃ ᐁ ᐸᔅᑫᓯᐎᓂᐎᔦᒃ᙮

ᓂᔓ ᑯᕆᓐᑎᐊᓇ 13:8

ᐌᓴ ᓇᒪᐎᓚ ᑫᒀᓐ ᓂ ᑳ ᑮ ᑐᑌᓈᓐ ᑭᒋ ᒫᔑᑖᔮᒃ ᑖᐺᐎᓐ ᒫᑲ ᑭᒋ ᐎᒋᑖᔮᒃ ᑕᐺᐎᓐ᙮

ᓂᔓ ᑯᕆᓐᑎᐊᓇ 9:10

ᐊᓇ ᒫᑲ ᑳ ᐅᑎᓇᒪᐙᑦ ᓯᒥᓇ ᐊᓂᐃ ᑳ ᐗᓴᓶᐱᓂᑫᓕᒋ, ᑭ ᑳ ᐎ ᐅᑎᓇᒫᑯᐗᐤ ᐊᓚᑯᓇᐗ ᑭᒋ ᒧᐎᒣᒃ, ᓀᔥᑕ ᑭ ᑳ ᐎ ᓚᑭᑭᑕᐤ ᑭ ᓯᒥᓂᒥᐗᐗ ᑳ ᐗᓴᓶᐱᓂᑳᑌᑭ, ᓀᔥᑕ ᑲᑕ ᐎ ᓚᑭᑭᑕᐤ ᐊᓂᐃ ᐁ ᐃᔑ ᒥᓂᔑᐗᒃ ᑭ ᒀᔭᔅᑭᑖᑎᓯᐎᓂᐗᐤ:

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐃᐱᓯᔭᓇ 5:9

ᐌᓴ ᐊᓂᒪ ᑳ ᒥᓂᔑᐎᑦ ᐊᒑᒃ ᐃᑕᑾᒃ ᒥᓯᐌ ᒥᓨᑎᓯᐎᓂᒃ, ᓀᔥᑕ ᒀᔭᔅᑭᑖᑎᓯᐎᓂᒃ, ᓀᔥᑕ ᑖᐺᐎᓂᒃ;

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᐱᓕᐱᔭᓇ 4:17

ᓇᒪᐎᓚ ᐁ ᓇᑕᐌᓕᑕᒫᓐ ᒥᓕᐌᐎᓐ; ᒫᑲ ᓂ ᓇᑕᐌᓕᑌᓐ ᑳ ᒥᓂᔑᐗᑭ ᑫ ᐌᓗᒋ ᐃᑕᑭᑕᒫᑲᐎᔦᒃ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:17

ᒥᓯᐌ ᑕᑐ ᒥᓗ ᒥᓕᐌᐎᓐ ᓀᔥᑕ ᑕᑐ ᒫᐗᒋ ᒥᓗ ᒥᓕᐌᐎᓐ ᐃᔥᐱᒥᒃ ᐅᒋᐸᓕᐤ ᐅᒋ ᓛᔑᐸᓕᐤ ᒫᑲ ᐊᓇ ᑳ ᐅᑖᐎᒥᑯᑦ ᐙᔅᑌᐎᓇ, ᐊᓇ ᒥᑐᓂ ᐁᑳ ᑳ ᑳᑭᐌᔦᓕᑕᒃ ᐁᑳ ᓀᔥᑕ ᒥᑐᓂ ᑳ ᑴᔅᑳᑎᓰᑦ᙮

ᓂᔥᑕᒻ ᐱᑕᕐ 2:4

ᐊᓇ ᐁ ᐯᒋ ᓈᑌᒃ, ᑖᐱᔅᑯᒡ ᐯᒫᑎᓰᑦ ᐊᓯᓂ, ᑖᐺ ᐁ ᐋᑕᐌᓕᒥᑯᑦ ᐃᓕᓕᐗ, ᒫᑲ ᐁ ᐙᐌᓛᐸᒥᑯᑦ ᑭᒋᒪᓂᑐ, ᐁ ᑭᔅᑕᑭᓯᑦ ᓀᔥᑕ,

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮