ᐅᐸᓓᑭᔅ ᒑᓐ 15:21 - ᐅᔅᑭ ᑎᔅᑌᒥᓐᑦ

²¹ ᒫᑲ ᒥᓯᐌ ᐅᐅ ᑫᒀᓇ ᑭ ᑳ ᑐᑖᑯᐙᐗᒃ ᓂᑦ ᐃᔑᓂᑳᓱᐎᓂᓕᐤ ᐅᒋ, ᐁᑳ ᐁ ᑭᔅᑫᓕᒫᒋᒃ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 15:21 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:18

ᑭ ᑳ ᐃᑐᑕᐃᑲᐎᓇᐗᐤ ᒫᑲ ᐅᑎᔥᑲᐤ ᐅᑎᐯᓕᒋᑫᐗᒃ ᓀᔥᑕ ᑭᒋᐅᑭᒫᐗᒃ ᓂᓚ ᐅᒋ, ᐎᓚᐗᐤ ᓀᔥᑕ ᒉᓐᑖᐃᓚᒃ ᑭᒋ ᑭᔅᑫᓕᑕᒥᐋᑲᓂᐎᒋᒃ᙮

ᐅᐸᓓᑭᔅ ᒫᑎᐤ 10:22

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ; ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᑎᐤ 10:39

ᐊᓇ ᑳ ᒥᔅᑲᒃ ᐅ ᐱᒫᑎᓯᐎᓐ ᑲᑕ ᐗᓂᑕᐤ: ᐊᓇ ᒫᑲ ᑳ ᐗᓂᑖᑦ ᐅ ᐱᒫᑎᓯᐎᓐ ᓂᓚ ᐅᒋ ᑲᑕ ᒥᔅᑲᒻ᙮

ᐅᐸᓓᑭᔅ ᒫᑎᐤ 24:9

ᐁᑯ ᑫ ᐸᑭᑎᓂᑖᑾᒃ ᑭᒋ ᑲᒀᑕᑭᐃᑳᐎᔦᒃ, ᑭ ᑳ ᓂᐹᐃᑯᐙᐗᒃ ᒫᑲ: ᓀᔥᑕ ᑭ ᑳ ᐸᒀᑎᑯᐙᐗᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒫᑎᐤ 5:11

ᑭ ᔕᐌᓕᑖᑯᓯᓇᐗᐤ ᐁ ᓈᔦᑕᐎᐃᑎᑖᑾᒃ ᐃᓕᓕᐗᒃ, ᓀᔥᑕ ᑲᒀᑕᑭᐃᑖᑾᒃ, ᓀᔥᑕ ᒥᓯᐌ ᐃᔑ ᑭᓛᔅᑭ ᐋᓕᒧᒥᑖᑾᒃ ᓂᓚ ᐅᒋ᙮

ᐅᐸᓓᑭᔅ ᒫᕐᒃ 13:13

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ: ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐃᔥᒀᔭᒡ ᐃᔅᑯ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᓘᒃ 21:17

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒑᓐ 15:24

ᑮᔥᐱᓐ ᐁᑳ ᐅᒋ ᑐᑕᒶᒃ ᑭᒋ ᐙᐸᑕᑭᒃ ᐋᔨᑎᐎᓇ ᐁᑳ ᑯᑕᒃ ᐊᐌᓇ ᑳ ᑮ ᑐᑕᒃ, ᓇᒪᐎᓚ ᑲᑕ ᐋᔮᐸᓇᒃ ᒪᒋᑣᐎᓂᓕᐤ: ᒫᑲ ᐊᓄᒡ ᓂ ᑮ ᐙᐸᒥᑯᓈᓇᒃ ᓀᔥᑕ ᓂ ᑮ ᐸᑾᑎᑯᓈᓇᒃ ᓂᓚ ᓀᔥᑕ ᓄᑖᐎ᙮

ᐅᐸᓓᑭᔅ ᒑᓐ 16:3

ᐅᐅ ᑫᒀᓇ ᒫᑲ ᑭ ᑳ ᑐᑖᑯᐙᐗᒃ ᐁᑳ ᑳ ᐅᒋ ᑭᔅᑫᓕᒫᒋᒃ ᐅᑖᐎᒪᐗ ᓀᔥᑕ ᓂᓚ᙮

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅᐸᓓᑭᔅ ᒑᓐ 8:19

ᐁᑯ ᐁᑖᒋᒃ, ᑖᓐᑌ ᐁᑖᑦ ᑯᑖᐎ? ᒋᓴᔅ ᑭ ᓇᔥᑴᐗᔑᐃᐌᐤ, ᓇᒪᐎᓚ ᑭ ᑭᔅᑫᓕᒥᓇᐗᐤ, ᓇᒪ ᓀᔥᑕ ᓄᑖᐎ: ᑮᔥᐱᓐ ᑮ ᑭᔅᑫᓕᒥᐌᑯᐸᓀ, ᑭ ᑳ ᑮ ᑭᔅᑫᓕᒫᑕᐗᐤ ᓄᑖᐎ ᓀᔥᑕ᙮

ᐅᐸᓓᑭᔅ ᒑᓐ 8:54

ᒋᓴᔅ ᑮ ᓇᔥᑴᐗᔑᐃᐌᐤ, ᑮᔥᐱᓐ ᑫᔅᑌᓕᒥᑎᓱᐙᓂ ᓂ ᑭᔅᑌᓕᒧᐎᓐ ᓇᒪᐎᓚ ᐎᓛᐸᑲᓐ: ᓄᑖᐎ ᐁᐗᑯ ᑳ ᑭᔅᑌᓕᒥᑦ; ᐊᓇ ᓂ ᑭᒋᒪᓂᑐᒥᓈᓐ ᑳ ᐃᑌᒃ᙮

ᐅᐸᓓᑭᔅ ᒑᓐ 8:55

ᐁᓕᐌᒃ ᒫᑲ ᓇᒪᐎᓚ ᑮ ᐅᒋ ᑭᔅᑫᓕᒪᐗᐤ; ᒫᑲ ᓂᓚ ᓂ ᑭᔅᑫᓕᒪᐤ: ᑮᔥᐱᓐ ᒫᑲ ᐃᑗᔮᓀ, ᓇᒪᐎᓚ ᓂ ᑭᔅᑫᓕᒪᐤ, ᓂ ᑳ ᑭᓛᔅᑭᔅᑭᓐ ᑖᐱᔅᑯᒡ ᑭᓚᐗᐤ: ᒫᑲ ᓂ ᑭᔅᑫᓕᒪᐤ, ᓀᔥᑕ ᓂ ᑲᓇᐎᑕᐙᓐ ᐅᑦ ᐃᑗᐎᓐ᙮

ᐊᐸᔅᑕᓚᒃ 17:23

ᐌᓴ ᒣᒀᒡ ᐁ ᐱᒧᑌᔮᓐ, ᐁ ᑲᓇᐗᐸᑕᒫᓐ ᒫᑲ ᑭᑦ ᐋᔭᒥᐋᐎᓂᐙᐗ, ᓂ ᑮ ᒥᔅᑫᓐ ᐯᔭᒃ ᐸᑭᒋᑲᓈᐱᔉ ᐅᒪ ᐁ ᐃᑕᓯᓇᐃᑳᑌᒃ, ᐊᓇ ᐁᑳ ᑳ ᑭᔅᑫᓕᒥᑦ ᒪᓂᑐ, ᐊᓇ ᒫᑲ ᐁᑳ ᑳ ᑭᔅᑫᓕᒣᒃ ᑳ ᐅᒋᒋᒀᓇᐱᔅᑕᐌᒃ, ᐁᐗᑯ ᑳ ᐊᓕᒧᑕᒪᑕᑾᒃ᙮

ᐊᐸᔅᑕᓚᒃ 26:9

ᑖᐺ ᓂᓚ ᓂ ᑮ ᐃᑌᓕᑕᒫᓱᓐ ᒥᒉᑦ ᑫᒀᓐ ᑭᒋ ᑐᑕᒫᓐ ᐁ ᐋᓉᑕᒶᒃ ᐅᑦ ᐃᔑᓂᑳᓱᐎᓐ ᒋᓴᔅ ᓈᓴᕆᑎᒃ ᑳ ᐅᒌᑦ᙮

ᐊᐸᔅᑕᓚᒃ 3:17

ᐁᑯ ᒫᑲ, ᓂᒋᔖᓂᑐᒃ, ᓂ ᑭᔅᑫᓕᑌᓐ ᐁᑳ ᑮ ᑭᔅᑫᓕᑕᒣᒃ ᐌᒋ ᑮ ᑐᑕᒣᒃ, ᑖᐱᔅᑯᒡ ᓀᔥᑕ ᑳ ᑮ ᑐᑕᑭᒃ ᑭᑦ ᐅᑭᒪᒥᐙᐗᒃ᙮

ᐊᐸᔅᑕᓚᒃ 4:17

ᒫᑲ ᐁᑳ ᐊᐙᓯᑌ ᑭᒋ ᐊᑎ ᐗᓴᓶᐸᓕᒃ ᐃᑕ ᐁ ᐃᑖᒋᒃ ᐃᓕᓕᐗᒃ, ᐁᑯᔑ ᒥᑐᓂ ᔮᒀᒥᐊᑖᓇᒃ, ᐊᓄᒡ ᐅᒋ ᐁᑳ ᐊᐌᓕᐗ ᐃᓕᓕᐗ ᑭᒋ ᐋᔭᒥᐋᒋᒃ ᐅᒪ ᐃᔑᓂᑳᓱᐎᓂᒃ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᐊᐸᔅᑕᓚᒃ 9:14

ᓀᔥᑕ ᐅᑕ ᐊᔮᐤ ᑲᔥᑭᐅᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐗ ᐅᒋ, ᑭᒋ ᒫᒫᒋᑯᐱᑖᑦ ᒥᓯᐌ ᑳ ᑌᑄᑕᒥᓕᒋ ᑭᑦ ᐃᔑᓂᑳᓵᐎᓂᓕᐤ᙮

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:28

ᓀᔥᑕ ᒫᑲ ᐁᑳ ᐁ ᑮ ᐎ ᒥᒋᒥᓈᒋᒃ ᑭᒋᒪᓂᑐᐗ ᐅ ᑭᔅᑫᓕᑕᒧᐎᓂᐙᒃ, ᑭᒋᒪᓂᑐ ᑮ ᐃᔑ ᐸᑭᑎᓀᐤ ᑭᒋ ᐸᑾᓐᑕᐤ ᒥᑐᓀᓕᒋᑲᓂᓕᒋ, ᑭᒋ ᑐᑕᒥᓕᒋ ᐊᓂᐃ ᑫᒀᓇ ᐁᑳ ᑳ ᓇᐃᐸᓕᓕᑭ;

ᓂᔥᑕᒻ ᑯᕆᓐᑎᐊᓇ 15:34

ᑯᔅᑯᓯᒃ ᒀᔭᔅᑭᑖᑎᓯᐎᓂᒃ ᐃᔑ, ᐁᑳ ᒫᑲ ᒪᒋᑐᑕᒧᒃ; ᐌᓴ ᐋᑎᑦ ᓇᒪᐎᓚ ᑭᔅᑫᓕᒣᐗᒃ ᑭᒋᒪᓂᑐᐗ: ᐅᒪ ᓂᑦ ᐃᑣᓐ ᑭᒋ ᐅᒋ ᓇᓀᐯᐎᓯᔦᒃ᙮

ᓂᔥᑕᒻ ᑯᕆᓐᑎᐊᓇ 2:8

ᐊᓂᑭ ᑳ ᐅᑭᒫᐎᒋᒃ ᐅᑕ ᐊᔅᑮᒃ ᐁᑳ ᑳ ᑮ ᑭᔅᑫᓕᑕᑭᒃ: ᐌᓴ ᑮᔥᐱᓐ ᑮ ᑭᔅᑫᓕᑕᒧᐙᑯᐸᓀ, ᓇᒪᐎᓚ ᑲᑕ ᑮ ᒋᔅᑖᔅᑾᐌᐸᓇᒃ ᑭᔅᑌᓕᑖᑯᓯᐎᓂ ᐅᑎᐯᓕᒋᑫᐗ᙮

ᓂᔓ ᑌᓴᓗᓂᔭᓇ 1:8

ᐁ ᐙᓚᑌᒃ ᐃᔥᑯᑌᒃ, ᐁ ᐊᑯᓚᐌᓰᔅᑕᐙᑦ ᐊᓂᐃ ᐁᑳ ᑳ ᑭᔅᑫᓕᒫᓕᒋ ᑭᒋᒪᓂᑐᐗ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᐅ ᒥᓗᐋᒋᒧᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔅᑐ ᒑᓐ 1:7

ᐌᓴ ᐅᑦ ᐃᔑᓂᑳᓱᐎᓐ ᐅᒋ ᑮ ᑭᑐᑌᐗᒃ, ᐁᑳ ᑫᒀᓐ ᐁ ᐅᑎᓇᑭᒃ ᒉᓐᑖᐃᓚᒃ ᐅᒋ᙮

ᑭᔅᑫᓕᑖᑯᑖᑫᐎᓐ 2:3

ᑭ ᑮ ᔑᐯᓕᑌᓐ ᒫᑲ, ᓀᔥᑕ ᑭ ᔑᐱᓚᐌᓯᓐ, ᓀᔥᑕ ᓂᑦ ᐃᔑᓂᑳᓱᐎᓐ ᐅᒋ ᑭ ᑮ ᐊᑑᔅᑳᓐ, ᓇᒪ ᓀᔥᑕ ᑭ ᑮ ᓄᑌᔑᓐ᙮