ᐅᐸᓓᑭᔅ ᒑᓐ 15:16 - ᐅᔅᑭ ᑎᔅᑌᒥᓐᑦ

¹⁶ ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᐅᐸᓓᑭᔅ ᒑᓐ 15:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:22

ᒥᓯᐌ ᑫᒀᓇ ᒫᑲ ᑳ ᓇᑐᑕᒫᔦᒃ ᐁ ᐋᔭᒥᐋᔦᒃ, ᐁ ᑖᐺᑕᒣᒃ, ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 7:7

ᓇᑐᑕᒫᑫᒃ, ᑭ ᑳ ᒥᓕᑲᐎᓈᐗᐤ ᒫᑲ; ᓈᓇᑕᐌᓕᑕᒧᒃ, ᑭ ᑳ ᒥᔅᑫᓇᐗᐤ ᒫᑲ ᐹᐸᐙᔨᑫᒃ, ᑭ ᑳ ᐹᔅᑭᑌᓇᒫᑲᐎᓇᐗᐤ ᒫᑲ᙮

ᐅᐸᓓᑭᔅ ᓘᒃ 6:13

ᐃᔅᐱ ᒫᑲ ᐎᐋᐸᓂᓕᒃ, ᑮ ᓇᑐᒣᐤ ᐅ ᑭᔅᑭᓄᐊᒪᐙᑲᓇ: ᐁᐗᒀᓂᐃ ᒫᑲ ᑮ ᐅᒋ ᐙᐌᓛᐸᒣᐤ ᓂᔓᔖᑉ, ᐁᐗᒀᓂᐃ ᓀᔥᑕ ᐊᐸᔅᑕᓚᒃ ᐁᔑᓂᑳᑖᑦ:

ᐅᐸᓓᑭᔅ ᒑᓐ 13:18

ᓇᒪᐎᓚ ᒥᓯᐌ ᐁ ᐃᑕᔑᔦᒃ ᑭᑦ ᐋᓕᒧᒥᑎᓇᐗᐤ: ᓂ ᑭᔅᑫᓕᒫᐗᒃ ᐊᓂᑭ ᑳ ᑮ ᐙᐌᓛᐸᒪᑭᒃ: ᒫᑲ ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᐊᓇ ᑳ ᐎᒋᒥᒋᓱᒥᑦ ᐊᓚᑯᓇᐗ, ᑮ ᐅᐱᓇᒻ ᐅᑐᑕᓐ ᑭᒋ ᒪᒋᑐᑖᐎᑦ᙮

ᐅᐸᓓᑭᔅ ᒑᓐ 15:19

ᑮᔥᐱᓐ ᐊᔅᑮᒃ ᑮ ᐅᒋᐌᑯᐸᓀ, ᐊᔅᑭ ᑲᑕ ᓵᑭᑖᒪᑲᓄᐸᓐ ᐊᓂᒪ ᑳ ᑎᐱᓚᐌᐎᓯᒪᑲᒃ: ᐁᑳ ᒫᑲ ᐊᔅᑮᒃ ᐁ ᐅᒋᔦᒃ, ᐁ ᑮ ᐙᐌᓛᐸᒥᑕᑾᒃ ᒫᑲ ᐊᔅᑮᒃ ᐅᒋ, ᐁᐗᑯ ᐌᒋ ᐸᒀᑎᑯᔦᒃ ᐊᔅᑭ᙮

ᐅᐸᓓᑭᔅ ᒑᓐ 15:5

ᓂᓚ ᐁᐗᑯ ᔓᒥᓈᑎᒃ, ᑭᓚᐗᐤ ᒫᑲ ᐗᑎᑾᓇ: ᐊᓇ ᑳ ᐱᒋᔅᑲᐎᑦ, ᓀᔥᑕ ᓂᓚ ᑳ ᐱᒋᔅᑲᐗᒃ ᐁᐗᑯ ᑳ ᓂᑕᐎᑭᑖᑦ ᒥᒉᑦ ᒥᓂᔕ: ᐌᓴ ᐁᑳ ᐁ ᐱᒋᔅᑲᐎᔦᒃ ᓇᒪᐎᓚ ᑫᒀᓐ ᑭ ᑳ ᑮ ᑐᑌᓇᐗᐤ᙮

ᐅᐸᓓᑭᔅ ᒑᓐ 6:70

ᒋᓴᔅ ᑮ ᓇᔥᑴᐗᔑᐁᐤ, ᓇᒪ ᓈ ᑭ ᑮ ᐙᐌᓛᐸᒥᑎᓇᐗᐤ ᑭᓚᐗᐤ ᐁ ᓂᔓᔖᐱᔦᒃ, ᐯᔭᒃ ᐁ ᐃᑕᔑᔦᒃ ᒫᑲ ᐁ ᒪᒋᒪᓂᑐᐎᑦ?

ᐊᐸᔅᑕᓚᒃ 1:24

ᑮ ᐋᔭᒥᐋᐗᒃ ᒫᑲ, ᐁ ᐃᑗᒋᒃ, ᑭᓚ ᑌᐯᓕᒋᑫᔭᓐ, ᑳ ᑭᔅᑫᓕᑕᒶᑦ ᒥᓯᐌ ᐃᓕᓕᐗᒃ ᐅᑌᐃᐙᐗ, ᐙᐸᑎᓕᐌ ᐊᐌᓇ ᐅᑯ ᑳ ᓂᔑᒋᒃ ᑳ ᐙᐌᓛᐸᒪᑦ,

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 10:41

ᓇᒪᐎᓚ ᒥᓯᐌ ᐃᓕᓕᐗ, ᒫᑲ ᐅᑎᐸᒋᒧᐗ ᓂᔮᑲᓇ ᑳ ᑮ ᐗᐌᓚᐸᒥᑯᓕᒋ ᑭᒋᒪᓂᑐᐗ, ᐙᐙᒡ ᓂᓚᓈᓐ, ᑳ ᑮ ᐎᒋᒥᒋᓱᒪᑭᑦ ᓀᔥᑕ ᐎᒋᒥᓂᑴᒪᑭᑦ ᐸᑎᒪ ᑳ ᐗᓂᔥᑳᑦ ᐅᓂᐱᐗ ᐅᒋ᙮

ᐊᐸᔅᑕᓚᒃ 22:14

ᑮ ᐃᑗᐤ ᒫᑲ, ᐊᓇ ᐅ ᑭᒋᒪᓂᑐᒥᐙᐗ ᑯᑖᐎᓈᐗᒃ ᑭ ᑮ ᐙᐌᓛᐸᒥᒃ, ᑭᒋ ᑭᔅᑫᓕᑕᒶᑦ ᐅᑦ ᐃᑌᓕᑕᒧᐎᓐ, ᓀᔥᑕ ᑭᒋ ᐙᐸᒪᑦ ᐊᓇ ᐅᒀᔭᔅᑭᑎᐤ, ᓀᔥᑕ ᑭᒋ ᐯᑕᒶᑦ ᐅ ᐯᑖᑯᓯᐎᓐ ᐅᑐᓂᒃ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:13

ᓇᒪᐎᓚ ᑭ ᓇᑕᐌᓕᒥᑎᓇᐗᐤ, ᓂᒋᔖᓂᑐᒃ, ᑭᒋ ᐁᑳ ᑭᔅᑫᓕᑕᒣᒃ ᒥᒉᑡᐤ ᐁ ᑮ ᐃᑌᓕᑕᒫᓐ ᑭᒋ ᐯᒋ ᓈᑎᑖᑾᒃ, ᒫᑲ ᐊᓄᒡ ᐃᔅᑯ ᓂ ᑮ ᐅᒋᐃᑲᐎᓐ, ᑭᒋ ᑮ ᐋᔮᔮᓐ ᑳ ᒥᓂᔑᐎᔦᒃ ᑭᓚᐗᐤ ᐊᓯᒋ, ᑖᐱᔅᑯᒡ ᑯᑕᑭᔭᒃ ᒉᓐᑖᐃᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:4

ᐌᓴ ᑫᒀᓇ ᑳ ᑮ ᒪᓯᓇᐃᑳᑌᑭ ᐌᔅᑲᒡ ᑮ ᒪᓯᓇᐃᑳᑌᐗ ᑭᓚᓈᓇᐤ ᑭᒋ ᑭᔅᑫᓕᑕᒪᒃ, ᑭᓚᓈᓇᐤ ᔑᐱᓚᐌᓯᐎᓂᒃ ᐅᒋ, ᓀᔥᑕ ᐁ ᒥᓜᓕᒧᐃᑯᔭᒃ ᑭᒋ ᒪᓯᓇᐃᑫᐎᓇ, ᑭᒋ ᐅᒋ ᐋᔮᔭᒃ ᐊᔅᐯᓕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:21

ᓇᒪ ᓈ ᐅᓛᑲᓂᑫᐤ ᑎᐯᓕᑕᒻ ᐊᔑᔥᑭᓕᐤ, ᐊᓂᐁᓕᐤ ᑭᒋ ᐅᔑᑖᑦ ᐯᔭᒃ ᐊᓯᐗᒋᑲᓂᓕᐤ ᐁ ᑭᔅᑌᓕᑖᑾᓂᓕᒃ, ᓀᔥᑕ ᑯᑕᑭᓕᐤ ᐁ ᒪᒉᓕᑖᑾᓂᓕᒃ?

ᓂᔥᑕᒻ ᑯᕆᓐᑎᐊᓇ 10:11

ᒥᓯᐌ ᐅᐅ ᑫᒀᓇ ᒫᑲ ᑮ ᐃᑭᓂᓕᐗ ᑭᒋ ᑭᔅᑭᓄᐊᒫᑫᒪᑲᑭ: ᑮ ᒥᓯᓇᐃᑳᑌᐗ ᒫᑲ ᑭᒋ ᑲᑫᔅᑭᒥᑯᔭᒃ ᑳ ᐅᑎᑎᑯᔭᒃ ᒫᒋᒡ ᐁ ᑭᔑᑳᑭ᙮

ᑲᓓᔕᐊᓇ 1:15

ᒫᑲ ᐃᔅᐱ ᑳ ᑮ ᐃᔑ ᒥᓜᓕᑕᒃ ᑭᒋᒪᓂᑐ ᑳ ᑮ ᐸᑳᓂᐃᑦ ᓂᑳᐎ ᐅᔅᐹᔮᒃ ᐅᒋ, ᓀᔥᑕ ᑳ ᑮ ᓇᑐᒥᑦ ᐅ ᔕᐌᓕᒋᑫᐎᓐ ᐅᒋ,

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔓ ᑎᒧᑎ 1:11

ᐃᑕ ᑳ ᑮ ᐅᒋ ᐃᑕᔓᐙᑎᑲᐎᔮᓐ ᑭᒋ ᑲᑫᔅᑭᒥᐌᔮᓐ, ᓀᔥᑕ ᑭᒋ ᐊᐸᔅᑕᓕᐎᔮᓐ, ᓀᔥᑕ ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ᙮

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᑕᐃᑕᔅ 1:5

ᐁᐗᑯ ᒫᑲ ᐅᒋ ᑳ ᑮ ᓇᑲᑎᑖᓐ ᐊᓐᑕ ᒃᕆᑎᒃ, ᑭᒋ ᒀᔭᔉ ᐊᔅᑖᔭᓐ ᐊᓂᐃ ᐁᑳ ᑳ ᑮ ᑐᒋᑳᑌᑭ, ᓀᔥᑕ ᑭᒋ ᐹᑳᓂᐊᒋᒃ ᐅᓂᑳᓀᓕᑖᑯᓯᐗᒃ ᒥᓯᐌ ᑕᑐ ᐃᑖᐎᓂᒃ, ᑳ ᑮ ᐃᔑ ᐅᓚᑭᒥᑖᓐ;

ᐦᐃᑉᕉᐗ 11:4

ᑖᐺᔦᓕᑕᒧᐎᓐ ᐅᒋ ᐁᐱᓪ ᑮ ᐸᑭᑎᓇᒪᐌᐤ ᑭᒋᒪᓂᑐᐗ ᐊᐙᓯᑌ ᒣᓨᔑᓂᓕᒃ ᓵᓵᑭᐎᓕᐌᐎᓂᓕᐤ ᐃᔥᐱᔥ ᑫᓐ, ᑳ ᑮ ᐅᒋ ᑲᔥᑭᑖᑦ ᑭᒋ ᐃᑖᒋᒫᑲᓂᐎᑦ ᐁ ᒀᔭᔅᑭᑖᑎᓰᑦ, ᑭᒋᒪᓂᑐᐗ ᐁ ᐋᓕᒧᑕᒥᓕᒋ ᐅ ᒥᓕᐌᐎᓇ: ᐁᐗᑴᓕᐤ ᐅᒋ ᐋᑕ ᐁ ᓂᐱᑦ ᑫᔮᐸᒡ ᐋᔭᒥᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:18

ᓀᔥᑕ ᐁ ᐃᔑ ᒥᓂᔑᐗᒃ ᒀᔭᔅᑭᑖᑎᓯᐎᓐ ᓂᑕᐎᑭᑕᒪᐗᐗᒃ ᑳᔮᒣᓕᑕᒧᐎᓂᒡ ᐊᓂᑭ ᑳ ᑳᔮᒣᓕᑕᒧᐎᓂᑫᒋᒃ᙮

ᓂᔥᑕᒻ ᐱᑕᕐ 3:15

ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ:

ᓂᔥᑕᒻ ᐱᑕᕐ 3:2

ᐃᔅᐱ ᐙᐸᑕᑾᐌ ᑭ ᐸᓓᑭ ᐃᔑᐱᒫᑎᓯᐎᓂᐗᐤ ᐁ ᐊᓯᒋᐸᓕᒃ ᑭ ᓇᓂᒋᐎᓂᐗᐤ᙮

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮