ᐅᐸᓓᑭᔅ ᒑᓐ 15:15 - ᐅᔅᑭ ᑎᔅᑌᒥᓐᑦ

¹⁵ ᐊᓄᒡ ᐅᒋ ᓇᒪᐎᓚ ᐊᑑᔅᑫᓛᑲᓇᒃ ᑭᑦ ᐃᔑᓂᑳᑎᑎᓇᐗᐤ; ᐌᓴ ᐊᑑᔅᑫᓛᑲᓐ ᓇᒪᐎᓚ ᑭᔅᑫᓕᑕᒻ ᑫᒀᓕᐤ ᐅᑦ ᐅᑭᒫᒪ ᐁᑐᑕᒥᓕᒋ: ᒫᑲ ᓂᑐᑌᒪᐤ ᑭ ᑮ ᐃᔑᓂᑳᑎᑎᓇᐗᐤ, ᐌᓴ ᒥᓯᐌ ᑫᒀᓇ ᑳ ᑮ ᐯᑕᒫᓐ ᓄᑖᐎ ᐅᒋ, ᑭ ᑮ ᑭᔅᑫᓕᑕᒥᐃᑎᓇᐗᐤ᙮

ᐅᐸᓓᑭᔅ ᒑᓐ 15:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:11

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑌᐤ, ᐁ ᒥᓕᑲᐎᔦᒃ ᑭᓚᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᑭᔑᑳᐎ ᐅᑭᒫᐎᐎᓇᒃ, ᒫᑲ ᐎᓚᐗᐤ ᓇᒪᐎᓚ ᒥᓛᐗᒃ᙮

ᐅᐸᓓᑭᔅ ᓘᒃ 10:23

ᑮ ᑴᔅᑭᑳᐸᐎᔅᑕᐌᐤ ᒫᑲ ᐅ ᑭᔅᑭᓄᐊᒪᐙᑲᓇ, ᓀᔥᑕ ᑭᒧᒡ ᑮ ᐃᑗᐤ, ᔕᐌᓕᑖᑾᓋ ᐊᓂᐃ ᒥᔅᑭᔑᑾ ᑳ ᐙᐸᑕᒧᒪᑲᑭ ᐊᓂᐃ ᑫᒀᓇ ᑭᓚᐗᐤ ᑳ ᐙᐸᑕᒣᒃ:

ᐅᐸᓓᑭᔅ ᒑᓐ 12:26

ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮

ᐅᐸᓓᑭᔅ ᒑᓐ 13:16

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᑐᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᐅᑦ ᐅᑭᒫᒪ; ᓇᒪ ᓀᔥᑕ ᐊᓇ ᑳ ᐃᔑᑎᔕᐙᑲᓂᐎᑦ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᐊᓂᐃ ᑳ ᐃᑎᔕᐅᑯᑦ᙮

ᐅᐸᓓᑭᔅ ᒑᓐ 15:20

ᑭᔅᑭᓯᒃ ᐊᓂᒪ ᐋᔭᒥᐎᓐ ᑳ ᑮ ᐃᑎᑕᑾᒃ, ᐊᑑᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐁᑌᓕᑖᑯᓯᓕᒋ ᐅᑦ ᐅᑭᒫᒪ᙮ ᑮᔥᐱᓐ ᓂᓚ ᑳ ᓇᓀᑳᒋᐃᐙᑴ, ᑭᓚᐗᐤ ᓀᔥᑕ ᑭ ᑳ ᓇᓀᑳᒋᐃᑯᐙᐗᒃ; ᑮᔥᐱᓐ ᑳ ᑲᓇᐎᑕᐙᑴ ᓂᑦ ᐃᑗᐎᓂᓕᐤ, ᑭᑦ ᐃᑗᐎᓂᐗᐤ ᓀᔥᑕ ᑲᑕ ᑲᓇᐎᑖᐗᒃ᙮

ᐅᐸᓓᑭᔅ ᒑᓐ 16:12

ᓂᑦ ᐋᔮᓐ ᑫᔮᐸᒡ ᒥᒉᑦ ᑫᒀᓇ ᑭᒋ ᐎᑕᒫᑕᑾᒃ, ᒫᑲ ᐊᓄᒡ ᓇᒪᐎᓚ ᑭ ᑳ ᑮ ᐯᑌᓇᐗᐤ᙮

ᐅᐸᓓᑭᔅ ᒑᓐ 17:26

ᓂ ᑮ ᐎᑕᒪᐙᐗᒃ ᒫᑲ ᑭᑦ ᐃᔑᓂᑳᓱᐎᓂᓕᐤ, ᓀᔥᑕ ᓂ ᑳ ᐎᑌᓐ: ᐊᓂᒪ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᔭᓐ ᑭᒋ ᐱᒋᔅᑳᑯᒋᒃ, ᓂᓚ ᓀᔥᑕ ᑭᒋ ᐱᒋᔅᑲᐗᑭᒃ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅᐸᓓᑭᔅ ᒑᓐ 4:19

ᐃᔅᑴᐤ ᐃᑌᐤ, ᐅᑭᒪᐤ, ᓂ ᐙᐸᑌᓐ ᐁ ᐅᑭᔅᑭᐙᐃᑫᐎᔭᓐ᙮

ᐅᐸᓓᑭᔅ ᒑᓐ 8:26

ᓂᑦ ᐋᔮᓐ ᒥᒉᑦ ᑫᒀᓇ ᑭᓚᐗᐤ ᑭᒋ ᐅᒋ ᐃᑗᔮᓐ ᓀᔥᑕ ᑭᒋ ᑎᐹᔅᑯᓂᑫᔮᓐ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑖᐺᐎᓂᐎᐤ; ᓀᔥᑕ ᓂ ᐎᑌᓐ ᐅᑕ ᐊᔅᑮᒃ ᐊᓂᐃ ᑫᒀᓇ ᑳ ᑮ ᐎᑕᒫᐎᑦ᙮

ᐊᐸᔅᑕᓚᒃ 20:27

ᐌᓴ ᓇᒪᐎᓚ ᓂ ᑮ ᔖᑴᓕᒧᓐ ᑭᒋ ᐎᑕᒪᑕᑾᒃ ᒥᓯᐌ ᑭᒋᒪᓂᑐ ᐅᑦ ᐃᑌᓕᑕᒪᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:15

ᐌᓴ ᐊᓂᒪ ᑳ ᑐᑕᒫᓐ, ᓇᒪᐎᓚ ᓂ ᒥᓜᓕᑌᓐ: ᐌᓴ ᐊᓂᒪ ᐙ ᑐᑕᒫᓐ ᓇᒪ ᐎᓚ ᓂ ᑝᑌᓐ; ᒫᑲ ᐊᓂᒪ ᑳ ᐸᒀᑕᒫᓐ, ᐁᐗᑯ ᐁ ᑐᑕᒫᓐ᙮

ᓂᔥᑕᒻ ᑯᕆᓐᑎᐊᓇ 2:16

ᐌᓴ ᐊᐌᓇ ᑳ ᑮ ᑭᔅᑫᓕᑕᒸᑦ ᐅ ᒥᑐᓀᓕᒋᑲᓂᓕᐤ ᐅᑎᐯᓕᒋᑫᐗ, ᑭᒋ ᑭᔅᑭᓄᐊᒪᐙᔅᐸᓐ? ᒫᑲ ᑭᓚᓈᓇᐤ ᑭᑦ ᐋᔭᐗᓈᓇᐤ ᐅ ᒥᑐᓀᓕᒋᑲᓐ ᙭᙮

ᑲᓓᔕᐊᓇ 4:6

ᓀᔥᑕ ᒫᑲ ᐁ ᐅᑯᓯᓯᒪᐎᔦᒃ, ᑭᒋᒪᓂᑐ ᑮ ᐃᔑᑎᔕᐊᒬᐤ ᐅᑯᓯᓴ ᐅᑦ ᐊᒑᑯᓕᐗ ᑭᑌᐃᐙᒃ, ᐁ ᑌᐺᓕᒋ ᐋᐸ, ᓄᑖ᙮

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᐃᐱᓯᔭᓇ 3:5

ᐁᐗᒀᓂ ᐌᔅᑲᒡ ᐁᑳ ᑳ ᑮ ᑭᔅᑫᓕᑕᒥᐋᑲᓂᐎᒋᒃ ᐃᓕᓕᐎᑯᓯᓵᓇᒃ, ᑖᐱᔅᑯᒡ ᐊᓄᒡ ᐁ ᐃᔑ ᐙᐸᑎᓛᑲᓂᐎᓕᒋ ᐅ ᐸᓓᑭ ᐊᐸᔅᑕᓕᒪ ᓀᔥᑕ ᐅ ᑭᔅᑭᐙᐃᑫᒪ ᐊᒑᑾ ᐅᒋ;

ᑯᓚᔑᔭᓇ 1:26

ᐊᓂᒪ ᐅᑎ ᑳ ᒫᒪᔅᑳᑌᓕᑖᑾᒃ ᑕᑭ ᑳ ᑮ ᑳᑖᓂᐗᒃ ᓀᔥᑕ ᑳ ᐊᑎ ᐋᔭᓂᔅᑫ ᐱᒫᑎᓯᓈᓂᐗᒃ, ᒫᑲ ᐊᓄᒡ ᑳ ᐸᔭᑌ ᐙᐸᑎᓛᒋᒃ ᐅ ᐸᓓᑭᓯᒪ;

ᐹᐃᓕᒪᓐ 1:16

ᓇᒪᐎᓚ ᐁᑯ ᑖᐱᔅᑯᒡ ᐊᑑᔅᑫᓛᑲᓐ, ᒫᑲ ᐊᐙᓯᑌ ᐃᔥᐱᔥ ᐊᑑᔅᑫᓛᑲᓐ, ᐎᒋᔖᓂᒪᐤ ᑳ ᓵᑭᐋᑲᓂᐎᑦ, ᐅᓵᒻ ᒫᑲ ᓂᓚ ᐅᒋ; ᒫᑲ ᐊᐙᓯᑌ ᒥᔅᑕᐃ ᑭᓚ ᐅᒋ, ᑖᐱᔅᑯᒡ ᐎᔮᓯᒃ ᓀᔥᑕ ᐅᑎᐯᓕᒋᑫᒃ!

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:1

ᒉᒻᔅ ᐅᑦ ᐊᑑᔅᑫᓛᑲᓇ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᐊᓂᐃ ᑳ ᓂᔓᔖᐳᑌᐎᓯᓕᑭ ᑳ ᓇᓈᓂᔅ ᐃᑖᓕᒋ, ᐊᑖᒥᔅᑲᐌᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:23

ᐊᓂᒪ ᒪᓯᓇᐃᑫᐎᓐ ᒫᑲ ᑮ ᑎᐱᐸᓕᐤ ᑳ ᐃᑗᒪᑲᒃ, ᐁᑉᕃᐋᒻ ᑮ ᑖᐺᔦᓕᒣᐤ ᑭᒋᒪᓂᑐᐗ, ᓀᔥᑕ ᒀᔭᔅᑭᑖᑎᓯᐎᓐ ᑮ ᐃᔑ ᐃᑕᑭᑕᒪᐗᐤ: ᑭᒋᒪᓂᑐ ᐅᑐᑌᒪ ᒫᑲ ᑮ ᐃᔑᓂᑳᑕᐤ᙮

ᓂᔥᑕᒻ ᐱᑕᕐ 1:11

ᐁ ᓈᓇᑕᐌᓕᑕᑭᒃ ᑫᒀᓐ, ᓀᔥᑕᐱᑯ ᑫᑯ ᐁ ᐃᔑᑭᔑᑳᑭ, ᐅᑦ ᐊᒑᑾ ᙭ ᑳ ᑮ ᐱᒋᔅᑳᑯᓕᒋ ᑫ ᐋᒋᒧᓕᒋ, ᐃᔅᐱ ᓂᑳᓐ ᑳ ᑮ ᐋᓕᒧᑕᒥᓕᑭ ᑫ ᐃᔑ ᐙᐎᓴᑫᓕᑕᒥᓕᔅᐸᓐ ᙭ᑕ, ᓀᔥᑕ ᐊᓂᐁᓕᐤ ᑭᔅᑌᓕᑖᑯᓯᐎᓂᓕᐤ ᑫ ᐹᐸᓕᓕᑭᐸᓐ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;