ᐅᐸᓓᑭᔅ ᒑᓐ 15:10 - ᐅᔅᑭ ᑎᔅᑌᒥᓐᑦ

¹⁰ ᑮᔥᐱᓐ ᑲᓇᐎᑕᒣᑴ ᓂ ᑲᑫᔅᑴᐎᓇ, ᑭ ᑳ ᑕᔑᑳᓇᐗᐤ ᓂ ᓵᑭᐃᐌᐎᓂᒃ; ᑖᐱᔅᑯᒡ ᐁ ᑮ ᐃᔑ ᑲᓇᐎᑕᐗᒃ ᓄᑖᐎ ᐅ ᑲᑫᔅᑴᐎᓇ, ᓀᔥᑕ ᐁ ᐃᔑ ᑕᔑᑫᐗᒃ ᐅ ᓵᑭᐃᐌᐎᓂᒃ᙮

ᐅᐸᓓᑭᔅ ᒑᓐ 15:10 ပူးပေါင်းရင်းမြစ်များ

ᐅᐸᓓᑭᔅ ᒑᓐ 10:18

ᓇᒪᐎᓚ ᐊᐌᓇ ᓂ ᒪᔅᑲᒥᒃ, ᒫᑲ ᓂ ᐱᒥᑎᑖᓐ ᓂᓚ ᑫᒋᐙᒃ᙮ ᓂᑦ ᐋᔮᓐ ᑲᔥᑭᐅᐎᓐ ᑭᒋ ᐱᒥᑎᑖᔮᓐ, ᓀᔥᑕ ᓂᑦ ᐋᔮᓐ ᑲᔥᑭᐅᐎᓐ ᒥᓇ ᑭᒋ ᐅᑎᓇᒫᓐ᙮ ᐅᒪ ᐅᓚᔓᐌᐎᓐ ᓂ ᑮ ᒥᓕᒃ ᓄᑖᐎ᙮

ᐅᐸᓓᑭᔅ ᒑᓐ 12:49

ᐌᓴ ᓇᒪᐎᓚ ᓂ ᑮ ᐋᔭᒥᓐ ᓂᓚ ᑫᒋᐙᒃ: ᒫᑲ ᐅᑖᐎᒪᐤ ᑳ ᑮ ᐯᒋᑎᔕᐅᑦ, ᓂ ᑮ ᒥᓕᒃ ᐅᓚᔓᐌᐎᓂᓕᐤ, ᑫ ᐃᑗᐗᒃ, ᓀᔥᑕ ᑫ ᐃᔑ ᐋᔭᒥᐗᒃ᙮

ᐅᐸᓓᑭᔅ ᒑᓐ 14:15

ᑮᔥᐃᓐ ᓯᐋᑭᐃᐌᑴ, ᑲᓇᐎᑖᒃ ᓂ ᑲᑫᔅᑴᐎᓇ᙮

ᐅᐸᓓᑭᔅ ᒑᓐ 14:21

ᐊᓇ ᑳ ᐋᔭᑦ ᓂ ᑲᑫᔅᑴᐎᓇ, ᓀᔥᑕ ᑳ ᑲᓇᐎᑖᑦ ᐁᐗᒀᓇ ᑳ ᓴᑭᐃᑦ: ᐊᓇ ᓀᔥᑕ ᑳ ᓵᑭᐃᑦ ᑲᑕ ᓵᑭᐃᑯ ᓄᑖᐎᔭ, ᓀᔥᑕ ᓂᓚ ᓂ ᑳ ᓵᑭᐊᐤ, ᓂ ᑳ ᓄᑯᓰᔅᑕᐗᐤ ᒫᑲ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 14:31

ᒫᑲ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᓵᑭᐊᒃ ᐅᑖᐎᒪᐤ; ᓀᔥᑕ ᑖᐱᔅᑯᒡ ᐅᑖᐎᒪᐤ ᑳ ᐃᑕᔓᐙᔑᑦ, ᐁᑯ ᐃᔑ ᑐᑕᒫᓐ᙮ ᐸᓯᑯᒃ, ᑭᑐᑌᑕᐤ᙮

ᐅᐸᓓᑭᔅ ᒑᓐ 17:4

ᑭ ᑮ ᑭᔅᑌᓕᑖᑯᐃᑎᓐ ᐊᔅᑮᒃ: ᓂ ᑮ ᑭᔑᑖᓐ ᐊᓂᒪ ᐋᐸᑎᓯᐎᓐ ᑳ ᑮ ᒥᓕᔭᓐ ᑭᒋ ᑐᑕᒫᓐ᙮

ᐅᐸᓓᑭᔅ ᒑᓐ 4:34

ᒋᓴᔅ ᐃᑌᐤ, ᐁᐗᑯ ᓂ ᒥᒋᒥᒻ ᑭᒋ ᑐᑕᒶᒃ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᓀᔥᑕ ᑭᒋ ᑭᔑᑖᐗᒃ ᐅᑦ ᐊᑑᔅᑫᐎᓐ᙮

ᐅᐸᓓᑭᔅ ᒑᓐ 8:29

ᓀᔥᑕ ᐊᓇ ᑳ ᑮ ᐯᒋᑎᔕᐅᑦ ᓂ ᐎᒉᐎᒃ: ᐅᑖᐎᒪᐤ ᓇᒪᐎᓚ ᓂ ᐅᒋ ᓇᑲᑎᒃ ᑭᒋ ᐯᔭᑯᐗᒃ; ᐌᓴ ᒧᔕᒃ ᓂᑦ ᐃᑐᑕᒸᓐ ᐊᓂᐃ ᑫᒀᓇ ᑳ ᓇᐃᓚᐌᐃᑯᑦ᙮

ᐅᐸᓓᑭᔅ ᒑᓐ 8:55

ᐁᓕᐌᒃ ᒫᑲ ᓇᒪᐎᓚ ᑮ ᐅᒋ ᑭᔅᑫᓕᒪᐗᐤ; ᒫᑲ ᓂᓚ ᓂ ᑭᔅᑫᓕᒪᐤ: ᑮᔥᐱᓐ ᒫᑲ ᐃᑗᔮᓀ, ᓇᒪᐎᓚ ᓂ ᑭᔅᑫᓕᒪᐤ, ᓂ ᑳ ᑭᓛᔅᑭᔅᑭᓐ ᑖᐱᔅᑯᒡ ᑭᓚᐗᐤ: ᒫᑲ ᓂ ᑭᔅᑫᓕᒪᐤ, ᓀᔥᑕ ᓂ ᑲᓇᐎᑕᐙᓐ ᐅᑦ ᐃᑗᐎᓐ᙮

ᓂᔥᑕᒻ ᑯᕆᓐᑎᐊᓇ 7:19

ᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᓀᔥᑕ ᓇᒪᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᒫᑲ ᐁ ᑲᓇᐌᓕᒋᑳᑌᓕᑭ ᐅ ᑲᑫᔅᑴᐎᓇ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 4:1

ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮

ᐦᐃᑉᕉᐗ 7:26

ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᓂᔓ ᐱᑕᕐ 2:21

ᐌᓴ ᐊᐙᓯᑌ ᑲᑕ ᑮ ᒥᓦᔑᓂᓕᐸᓐ ᐁᑳ ᑭᒋ ᑮ ᑭᔅᑫᓂᑕᒧᐙᔅᐸᓐ ᑳᔭᔅᑭᑖᑎᓯᐎᓂ ᐃᔑᑡᐎᓂᓕᐤ, ᐃᔥᐱᔥ, ᐃᔅᐱ ᐁ ᑮ ᑭᔅᑫᓕᑕᑭᒃ ᑭᒋ ᓇᑲᑕᑭᒃ ᐊᓂᐁᓕᐤ ᐸᓓᑭ ᑲᑫᔅᑴᐎᓂᓕᐤ ᑳ ᑮ ᐸᑭᑎᓇᒫᒋᒃ᙮

ᓂᔥᑕᒻ ᒑᓐ 2:3

ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔥᑕᒻ ᒑᓐ 2:5

ᒫᑲ ᐊᐌᓇ ᑫᓇᐌᓕᑕᒫᑴ ᐅᑦ ᐋᔭᒥᐎᓂᓕᐤ, ᐎᓚ ᑖᐺ ᐁ ᐱᒋᔅᑳᑯᑦ ᑭᒋᒪᓂᑐ ᐅ ᓵᑭᐃᐌᐎᓐ ᑭ ᒥᑐᓂᐎᐃᑳᑌᓕᐤ: ᐅᒪ ᐅᒋ ᑭ ᑭᔅᑫᓕᑌᓈᓇᐤ ᐁ ᐱᒋᔅᑲᐗᒃ᙮

ᓂᔥᑕᒻ ᒑᓐ 2:6

ᐊᓇ ᓂ ᐱᒋᔅᑲᐗᐤ ᑳ ᐃᑗᑦ, ᐁᑯᔑ ᑲᑕ ᐃᔑ ᐱᒧᑌᐸᓐ, ᒬᒋᒃ ᑳ ᑮ ᐃᔑ ᐱᒧᑌᓕᒋ᙮

ᓂᔥᑕᒻ ᒑᓐ 5:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅ ᓵᑭᐃᑯᓯᐎᓐ, ᑭᒋ ᑲᓇᐌᓕᑕᒶᒃ ᐅ ᑲᑫᔅᑴᐎᓇ: ᐅ ᑲᑫᔅᑴᐎᓇ ᒫᑲ ᓇᒪᐎᓚ ᐋᓕᒪᓂᓕᐗ᙮

ᑭᔅᑫᓕᑖᑯᑖᑫᐎᓐ 22:14

ᔕᐌᓕᑖᑯᓯᐗᒃ ᐊᓂᑭ ᑳ ᑐᑕᒸᒋᒃ ᐅ ᑲᑫᔅᑴᐎᓂᓕᐗ, ᒀᔭᔉ ᑭᒋ ᑮ ᐋᔭᐙᒋᒃ ᐱᒫᑎᓯᐎᓂ ᒥᔅᑎᑾ, ᓀᔥᑕ ᔕᐳ ᑭᒋᐃᔥᒀᑌᒥᒃ ᑭᒋ ᐱᑐᑫᒋᒃ ᐃᑖᐎᓂᒃ᙮