4 ᐃᑕ ᓀᔥᑕ ᐁ ᐃᑐᑌᔮᓐ ᑭ ᑭᔅᑫᓕᑌᓇᐗᐤ, ᓀᔥᑕ ᒣᔅᑲᓇᐤ ᑭ ᑭᔅᑫᓕᑌᓇᐗᐤ᙮
ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?
ᓂᓚ ᐁᐗᑯ ᐃᔥᒀᑌᒻ: ᑮᔥᐱᓐ ᐊᐌᓇ ᓂᓚ ᐅᒋ ᐱᑐᑫᑌ, ᑲᑕ ᐱᒫᒋᐋᑲᓂᐎᐤ, ᑲᑕ ᐱᑐᑫᐤ ᒫᑲ ᓀᔥᑕ ᑲᑕ ᐗᓚᐎᐤ, ᑲᑕ ᒥᔅᑲᒻ ᒫᑲ ᒥᒋᓱᐎᓂᓕᐤ᙮
ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮
ᒋᓴᔅ ᐁ ᑭᔅᑫᓕᑕᒃ ᐅᑖᐎᒪᐗ ᐁ ᑮ ᒥᓕᑯᑦ ᒥᓯᐌ ᑫᒀᓇ ᐅᒋᒌᒃ, ᓀᔥᑕ ᑭᒋᒪᓂᑐᒃ ᐁ ᐅᒌᑦ, ᓀᔥᑕ ᑭᒋᒪᓂᑐᐗ ᐁ ᓈᑖᑦ;
ᓄᑖᐎ ᐅ ᐋᔅᑳᔨᑲᓂᒥᒃ ᒥᒉᓋ ᑕᔑᑫᐎᓇ: ᑮᔥᐱᓐ ᒫᑲ ᐁᑳ, ᑭ ᑳ ᑮ ᐎᑕᒫᑎᑕᐗᐤ᙮ ᓂ ᑭᑐᑖᓐ ᑭᒋ ᐋᔦᔅᑲᐎᑕᒫᑕᑾᒃ ᐃᑕ ᑫ ᐃᑖᔦᒃ᙮
ᑭ ᑮ ᐯᑌᓇᐗᐤ ᑳ ᑮ ᐃᑎᑕᑾᒃ, ᓂ ᑭᑐᑖᓐ, ᓀᔥᑕ ᒥᓇ ᑭ ᑳ ᐯᒋ ᓈᑎᑎᓇᐗᐤ᙮ ᑮᔥᐱᓐ ᑮ ᓵᑭᐃᔦᒃ, ᑭ ᑳ ᒧᒋᑫᓕᑌᑕᐗᐤ, ᐁ ᑮ ᐃᑗᔮᓐ, ᓂ ᓈᑕᐤ ᐅᑖᐎᒪᐤ: ᐌᓴ ᓄᑖᐎ ᐊᐙᓯᑌ ᑭᔅᑌᓕᑖᑯᓯᐤ ᐃᔥᐱᔥ ᓂᓚ᙮
ᑮᔥᐱᓐ ᓀᔥᑕ ᓇᑕᐎ ᐋᔦᔅᑲᐎᑕᒫᑕᑾᑫ ᐃᑕ ᑫ ᐃᑖᔦᒃ, ᒥᓇ ᓂ ᑳ ᐯᒋ ᐃᑐᑖᓐ, ᓀᔥᑕ ᑭ ᑳ ᐅᑎᓂᑎᓇᐗᐤ; ᐁᑕ ᐁ ᐁᑖᔮᓐ ᓂᓚ, ᐁᑯᑕ ᓀᔥᑕ ᑭᓚᐗᐤ ᑭᒋ ᐃᑖᔦᒃ᙮
ᑕᒪᔅ ᐃᑌᐤ, ᑌᐯᓕᒋᑫᔭᓐ, ᓇᒪᐎᓚ ᓂ ᑫᔅᑫᓕᑌᓈᓐ ᐃᑕ ᐁ ᐃᑐᑌᔭᓐ, ᑖᓐᑌ ᒫᑲ ᑫ ᑮ ᐅᒋ ᑭᔅᑫᓕᑕᒫᒃ ᒣᔅᑲᓇᐤ?
ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮
ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮
ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮
