ᐅᐸᓓᑭᔅ ᒑᓐ 14:28 - ᐅᔅᑭ ᑎᔅᑌᒥᓐᑦ

²⁸ ᑭ ᑮ ᐯᑌᓇᐗᐤ ᑳ ᑮ ᐃᑎᑕᑾᒃ, ᓂ ᑭᑐᑖᓐ, ᓀᔥᑕ ᒥᓇ ᑭ ᑳ ᐯᒋ ᓈᑎᑎᓇᐗᐤ᙮ ᑮᔥᐱᓐ ᑮ ᓵᑭᐃᔦᒃ, ᑭ ᑳ ᒧᒋᑫᓕᑌᑕᐗᐤ, ᐁ ᑮ ᐃᑗᔮᓐ, ᓂ ᓈᑕᐤ ᐅᑖᐎᒪᐤ: ᐌᓴ ᓄᑖᐎ ᐊᐙᓯᑌ ᑭᔅᑌᓕᑖᑯᓯᐤ ᐃᔥᐱᔥ ᓂᓚ᙮

ᐅᐸᓓᑭᔅ ᒑᓐ 14:28 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:18

ᒫᑎᑲ ᐊᐗ ᓂᑦ ᐊᑑᔅᑫᓛᑲᓐ, ᑳ ᑮ ᐌᐌᓛᐸᒪᒃ; ᓂ ᓵᑭᐋᑲᓐ, ᑳ ᐅᒋ ᓈᔅᐱᒡ ᒥᓜᓕᑕᒃ ᓂᑦ ᐊᒑᒃ: ᓂ ᑳ ᑭᑭᔥᑲᒧᑎᓚᐤ ᓂᑦ ᐊᒑᑾ ᑎᐹᔅᑯᓂᑫᐎᓂᓕᐤ ᒫᑲ ᑲᑕ ᐙᐸᑎᓓᐤ ᒉᓐᑖᐃᓚ᙮

ᐅᐸᓓᑭᔅ ᒑᓐ 10:38

ᒫᑲ ᑮᔥᐱᓐ ᐁᑐᑕᒸᐗᑫ, ᐋᑕ ᐁᑳ ᐁ ᑖᐺᑕᐎᔦᒃ, ᑖᐺᑕᒧᒃ ᐋᔨᑎᐎᓇ: ᑭᒋ ᑭᔅᑫᓕᑕᒣᒃ ᓀᔥᑕ ᑭᒋ ᑖᐺᑕᒣᒃ ᐁ ᐱᒋᔅᑲᐎᑦ ᐅᑖᐎᒪᐤ, ᓂᓚ ᓀᔥᑕ ᐁ ᐱᒋᔅᑲᐗᒃ᙮

ᐅᐸᓓᑭᔅ ᒑᓐ 13:16

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᑐᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᐅᑦ ᐅᑭᒫᒪ; ᓇᒪ ᓀᔥᑕ ᐊᓇ ᑳ ᐃᔑᑎᔕᐙᑲᓂᐎᑦ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᐊᓂᐃ ᑳ ᐃᑎᔕᐅᑯᑦ᙮

ᐅᐸᓓᑭᔅ ᒑᓐ 14:12

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ, ᐋᔨᑎᐎᓇ ᑳ ᑐᑕᒶᒃ ᐎᓚ ᓀᔥᑕ ᑲᑕ ᑐᑐᒻ; ᓀᔥᑕ ᑲᑕ ᑐᑕᒻ ᐋᔨᑎᐎᓇ ᐊᐙᓯᑌ ᐁ ᐃᑌᓕᑖᑾᓂᓕᑭ ᐃᔥᐱᔥ ᐅᐅ; ᐁ ᓈᑕᒃ ᓄᑖᐎ᙮

ᐅᐸᓓᑭᔅ ᒑᓐ 14:18

ᓇᒪᐎᓚ ᑭ ᑳ ᓇᑲᑎᑎᓇᐗᐤ ᐁ ᑭᐗᔑᔖᓂᐎᔦᒃ: ᑭ ᑳ ᐯᒋ ᓇᑎᑎᓇᐗᐤ᙮

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅᐸᓓᑭᔅ ᒑᓐ 20:21

ᐁᑯ ᒋᓴᔅ ᒥᓇ ᐁᑖᑦ, ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ: ᑖᐱᔅᑯᒡ ᓄᑖᐎ ᐁ ᑮ ᐯᒋᑎᔕᐅᑦ, ᐁᑯ ᓀᔥᑕ ᐁ ᐃᔑᑎᔕᐅᑕᑾᒃ᙮

ᐅᐸᓓᑭᔅ ᒑᓐ 5:18

ᐁᐗᑯ ᐌᒋ ᒎᐗᒃ ᐊᐙᓯᑌ ᑮ ᐎ ᓂᐸᐁᐗᒃ, ᓇᒪᐎᓚ ᐱᑯ ᐁ ᑮ ᐱᑯᐱᑕᒥᓕᒋ ᐁ ᐋᔭᒥᐁᑭᔑᑳᓕᒃ, ᐊᓯᒋ ᒫᑲ, ᑭᒋᒪᓂᑐ ᓄᑖᐎ ᐁ ᑮ ᐎᑗᓕᒋ, ᐁ ᑭᒋᒪᓂᑐᑳᓱᓕᒋ᙮

ᐅᐸᓓᑭᔅ ᒑᓐ 7:33

ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐃᔉ ᑭ ᐎᒉᐎᑎᓇᐗᐤ, ᐁᑯ ᒫᑲ ᑫ ᓇᑕᐙᐸᒪᒃ ᐊᓇ ᑳ ᑮ ᐯᒋᑎᔕᐅᑦ᙮

ᓂᔥᑕᒻ ᑯᕆᓐᑎᐊᓇ 11:3

ᒫᑲ ᑭ ᓇᑕᐌᓕᒥᑎᓇᐗᐤ ᑭᒋ ᑭᔅᑫᓕᑕᒣᒃ, ᐅᔅᑎᒀᓐ ᒥᓯᐌ ᑕᑐ ᐃᓕᓕᐤ ᐁᐗᑯ ᙭: ᓀᔥᑕ ᐅᔅᑎᒀᓐ ᐃᔅᑴᐤ ᐁᐗᑯ ᓈᐯᐤ; ᓀᔥᑕ ᐅᔅᑎᒀᓐ ᙭ ᐁᐗᑯ ᑭᒋᒪᓂᑐ᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:

ᑭᔅᑫᓕᑖᑯᑖᑫᐎᓐ 1:11

ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮