ᐅᐸᓓᑭᔅ ᒑᓐ 14:26 - ᐅᔅᑭ ᑎᔅᑌᒥᓐᑦ

²⁶ ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 14:26 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:18

ᐅᒪ ᐃᔑ ᒫᑲ ᑮ ᐃᑭᓂᓕᐤ ᐅ ᓂᑖᐎᑭᐎᓐ ᒋᓴᔅ ᙭: ᐅᑳᐎᔭ ᒣᕆᔭ ᐋᔕᔾ ᐁ ᑮ ᑭᔅᑭᒫᓕᒋ ᒍᓯᐸ, ᐸᒧᔑ ᐎᑭᑐᒋᒃ, ᑮ ᑭᔅᑫᓕᒪᐤ ᐁ ᑲᓄᔥᑲᑖᐗᓱᑦ ᐸᓓᑭ ᐊᒑᑾ ᐅᒋ᙮

ᐅᐸᓓᑭᔅ ᒫᑎᐤ 1:20

ᒫᑲ ᒣᒀᒡ ᐁ ᒫᒥᑐᓀᓕᑕᒃ ᐅᐅ ᑫᒀᓇ, ᒫᑎᑲ, ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᑮ ᓄᑯᓰᔅᑖᑯᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᒍᓯᑉ, ᑌᐱᑦ ᐌᑯᓯᓯᒥᔉ, ᐁᑳᐎᓚ ᓭᑭᓯ ᑭᒋ ᐅᑎᓇᑦ ᒣᕆ ᑭᐗ: ᐌᓴ ᐊᓂᐁᓕᐤ ᑳ ᑲᓄᔥᑲᒃ ᐯᓓᑭᓯᑦ ᐊᒑᑯᒃ ᐅᒋᒪᑲᓂᓕᐤ᙮

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᑎᐤ 3:11

ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮

ᐅᐸᓓᑭᔅ ᒫᕐᒃ 12:36

ᐌᓴ ᑌᐱᑦ ᑫᒋᐙᒃ ᑮ ᐃᑌᐤ ᐸᓓᑭ ᐊᒑᑾ ᐅᒋ, ᐅᑎᐯᓕᒋᑫᐤ ᑮ ᐃᑌᐤ ᓂ ᑎᐯᓕᒋᑫᒪ, ᐊᐱ ᑭᓚ ᓂ ᑭᒋᓂᔅᑭᒃ, ᐹᑎᒫ ᑭ ᑐᑕᒫᓀ ᑭᒋ ᐅ ᑕᑯᔅᑳᒋᑲᓂᔭᓐ ᐊᓂᑭ ᑳ ᐸᒀᑎᔅᑭᒃ᙮

ᐅᐸᓓᑭᔅ ᒫᕐᒃ 13:11

ᒫᑲ ᐃᔅᐱ ᐃᑐᑕᐃᑖᑾᐌ, ᓀᔥᑕ ᐸᑭᑎᓂᑖᑾᐌ, ᐁᑳᐎᓚ ᓂᔮᑲᓇ ᒫᒥᑐᓀᓕᑕᒧᒃ ᑫᒀᓐ ᑫ ᐃᑗᔦᒃ, ᐁᑳᐎᓚ ᓀᔥᑕ ᐋᔦᔅᑲᐌᓕᑕᒧᒃ; ᐱᑯ ᑫᒀᓐ ᒫᑲ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑫ ᒥᓕᑲᐎᐌᑴ, ᐁᐗᑯ ᐃᑗᒃ: ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᔦᒃ, ᒫᑲ ᐸᓓᑭ ᐊᒑᒃ᙮

ᐅᐸᓓᑭᔅ ᓘᒃ 1:15

ᐌᓴ ᑲᑕ ᑭᔅᑌᓕᑖᑯᓯᐤ ᐅᔅᑭᔑᑯᓕᒃ ᐅᑎᐯᓕᒋᑫᐗ, ᓇᒪᐎᓚ ᓀᔥᑕ ᑲᑕ ᒥᓂᑴᐤ ᔓᒥᓈᐳᓕᐤ ᓇᒪ ᓀᔥᑕ ᑫᒀᓕᐤ ᐁ ᓱᑳᑲᒥᓂᓕᒃ, ᑲᑕ ᓵᑲᔅᑭᓀᔅᑳᑯ ᒫᑲ ᐸᓓᑭ ᐊᒑᑾ ᐙᐙᒡ ᐅᑳᐎᔭ ᐅᔅᐹᔮᓕᒃ ᐅᒋ᙮

ᐅᐸᓓᑭᔅ ᓘᒃ 1:35

ᐁᓐᒐᓪ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᐸᓓᑭ ᐊᒑᒃ ᑭ ᑳ ᐯᒋ ᐅᑎᑎᒃ, ᓀᔥᑕ ᒫᐗᒋ ᐁᔅᐯᓕᑖᑯᓯᑦ ᐅ ᑲᔥᑭᐅᐎᓐ ᑭ ᑳ ᐅᑲᐙᔅᑌᔅᑳᑯᐙᓐ: ᐁᐗᑯ ᐌᒋ ᐊᓂᒪ ᐸᓓᑭ ᑫᒀᓐ ᑫ ᓂᑖᐎᑭᑖᔭᓐ ᑭᒋᒪᓂᑐ ᐅᑯᓯᓴ ᑲᑕ ᐃᔑᓂᑳᑌᐤ᙮

ᐅᐸᓓᑭᔅ ᓘᒃ 1:41

ᑮ ᐃᑭᓐ ᒫᑲ, ᐃᔅᐱ ᐃᓕᓴᐱᑦ ᐱᐁᑕᒸᑦ ᒣᕆᔭ ᐅᑦ ᐊᑕᒥᔅᑲᑫᐎᓂᓕᐤ, ᐊᐙᔑᔕ ᑮ ᑳᔥᑯᑎᓕᐗ ᐅᔅᐹᔮᒃ: ᐃᓕᓴᐱᑦ ᒫᑲ ᑮ ᐊᑎ ᓵᑲᔅᑭᓀᔅᑳᑯ ᐸᓓᑭ ᐊᒑᑾ᙮

ᐅᐸᓓᑭᔅ ᓘᒃ 1:67

ᐅᑖᐎ ᒫᑲ, ᓵᑲᕌᔭᐗ ᑮ ᓵᑲᔅᑭᓀᔅᑳᑯᓕᐗ ᐸᓓᑭ ᐊᒑᑾ, ᑮ ᑭᔅᑭᐙᐃᑫᐎᐋᔭᒥᐤ ᒫᑲ, ᐁ ᐃᑗᑦ,

ᐅᐸᓓᑭᔅ ᓘᒃ 11:13

ᑮᔥᐱᓐ ᒫᑲ ᑭᓚᐗᐤ ᐁ ᐋᑕ ᒪᒋᑣᔦᒃ ᑫᔅᑫᓕᑕᒧᐌᑴ ᑭᒋ ᐃᔑ ᒥᓓᑾᒃ ᒥᓗ ᒥᓕᐌᐎᓇ ᑭᑦ ᐊᐙᔑᒥᔑᐙᐗᒃ, ᑖᓂ ᒫᑲ ᐊᐙᓯᑌ ᐃᔥᐱᔥ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐸᓓᑭ ᐊᒑᑾ ᑫ ᒥᓛᑦ ᐊᓂᐃ ᑳ ᓇᑐᑕᒫᑯᑦ?

ᐅᐸᓓᑭᔅ ᓘᒃ 2:25

ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒋᕉᓴᓚᒥᒃ, ᓯᒥᔭᓐ ᐁ ᐃᔑᓂᑳᓱᑦ: ᐁᐗᑯ ᐊᐗ ᑮ ᒀᔭᔅᑭᑎᐤ ᓀᔥᑕ ᑮ ᐋᔭᒥᐁᐋᑎᓯᐤ, ᑮ ᐁᔑᓇᐙᑕᐌᐤ ᒫᑲ ᐃᔅᕃᐃᓚ ᐅ ᑲᑮᒋᐃᑯᓯᐎᓂᓕᐤ: ᑮ ᑭᑭᔥᑳᑯ ᒫᑲ ᐸᓓᑭ ᐊᒑᑾ᙮

ᐅᐸᓓᑭᔅ ᓘᒃ 24:49

ᒫᑎᑲ, ᒫᑲ, ᑭᑦ ᐃᔑᑎᔕᒫᑎᓇᐗᐤ ᓄᑖᐎ ᐅᑦ ᐊᔓᑕᒫᑫᐎᓐ: ᒫᑲ ᑕᔑᑫᒃ ᒋᕉᓴᓚᒻ ᐃᑖᐎᓂᒃ, ᐹᑎᒪ ᑮ ᒥᓕᑲᐎᔦᑴ ᑲᔥᑭᐅᐎᓐ ᐃᔥᐱᒥᒃ ᐅᒋ᙮

ᐅᐸᓓᑭᔅ ᓘᒃ 3:22

ᑮ ᐯᒋ ᓛᔑᔅᑖᑯ ᒫᑲ ᐸᓓᑭ ᐊᒑᑾ, ᐁ ᐎᔭᐎᓕᒋ, ᑖᐱᔅᑯᒡ ᐅᒥᒦᒃ, ᐯᑖᑯᓯᐎᓐ ᒫᑲ ᑭᒋᑭᔑᑯᒃ ᑮ ᐅᒋᐸᓕᐤ, ᐁ ᐃᑗᒪᑲᒃ, ᑭᓚ ᓂᑯᓯᔅ ᑳ ᓵᑭᐃᑖᓐ, ᑭᓚ ᓈᔅᐱᒡ ᑭ ᓇᐃᓚᐌᐃᓐ᙮

ᐅᐸᓓᑭᔅ ᒑᓐ 1:33

ᓇᒪᐎᓚ ᒫᑲ ᓂ ᐅᒋ ᑭᔅᑫᓕᒪᐤ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑭᒋ ᓯᑲᐋᑕᑫᐙᑫᐗᒃ ᓂᐱᓕᐤ, ᐁᐗᑯ ᓂ ᑮ ᐃᑌᒃ, ᐊᓇ ᑫ ᐙᐸᒪᑦ ᐁ ᓛᔑᔅᑖᑯᑦ ᐊᒑᑾ, ᓀᔥᑕ ᐁ ᑗᐅᑖᑯᑦ, ᐁᐗᒀᓇ ᑫ ᓯᑲᐋᑕᑫᐙᑫᑦ ᑳ ᐸᓓᑭᓯᓕᒋ ᐊᒑᑾ᙮

ᐅᐸᓓᑭᔅ ᒑᓐ 12:16

ᐅᐅ ᑫᒀᓇ ᐱᑕᒫ ᓇᒪᐎᓚ ᐅᒋ ᓂᓯᑐᑕᒥᓕᐗ ᐅ ᑭᔅᑭᓄᐊᒪᐙᑲᓇ: ᒫᑲ ᐃᔅᐱ ᑳ ᑭᔅᑕᑭᒫᑲᓂᐎᑦ ᒋᓴᔅ, ᐁᑯ ᑫᔅᑭᓯᓕᒋ ᐅᐅ ᑫᒀᓇ ᐎᓚ ᐁ ᑮ ᐅᒋ ᒪᓯᓇᐃᑳᑌᓕᑭ, ᓀᔥᑕ ᐁ ᑮ ᑐᑕᐙᒋᒃ ᐅᐅ ᑫᒀᓇ᙮

ᐅᐸᓓᑭᔅ ᒑᓐ 14:16

ᓀᔥᑕ ᓂ ᑳ ᐋᔭᒥᐁᔅᑕᐗᐤ ᐅᑖᐎᒪᐤ, ᑭ ᑳ ᒥᓕᑯᐗᐤ ᒫᑲ ᑯᑕᑭᔭ ᐅᒥᓜᓕᒧᐃᐌᐗ, ᑳᑭᑫ ᑭᒋ ᐎᒉᐎᑖᒃ᙮

ᐅᐸᓓᑭᔅ ᒑᓐ 14:25

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ, ᑫᔮᐸᒡ ᐁ ᐎᒉᐎᑕᑾᒃ᙮

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 2:22

ᐃᔅᐱ ᒫᑲ ᑳ ᐗᓂᔥᑳᑦ ᐅᓂᐱᐗ ᐅᒋ, ᐅ ᑭᔅᑭᓄᐊᒪᐙᑲᓇ ᑮ ᑭᔅᑭᓯᓕᐗ ᐅᒣᓕᐤ ᐁ ᑮ ᐃᑎᑯᒋᒃ; ᐁᑯ ᑎᐋᐺᑕᑭᒃ ᑭᒋᒪᓯᓇᐃᑫᐎᓂᓕᐤ, ᓀᔥᑕ ᐋᔭᒥᐎᓂᓕᐤ ᑳ ᑮ ᐃᑗᓕᒋ ᒋᓴᓴ᙮

ᐅᐸᓓᑭᔅ ᒑᓐ 20:22

ᐃᔅᐱ ᒫᑲ ᐅᒣᓕᐤ ᑳ ᑮ ᐃᑗᑦ, ᑮ ᓓᓓᑐᑕᐌᐤ, ᓀᔥᑕ ᐃᑌᐤ, ᐅᑎᓂᒃ ᐸᓓᑭ ᐊᒑᒃ:

ᐅᐸᓓᑭᔅ ᒑᓐ 6:45

ᒪᓯᓇᐃᑳᑌᐤ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ, ᒥᓯᐌ ᐁ ᐃᑕᓯᒋᒃ ᒫᑲ ᑲᑕ ᑭᔅᑭᓄᐊᒪᑯᐗᒃ ᑭᒋᒪᓂᑐᐗ᙮ ᐁᐗᑯ ᐅᒋ ᒥᓯᐌ ᑕᑐ ᐃᓕᓕᐤ ᑳ ᑮ ᐯᑕᐙᑦ, ᓀᔥᑕ ᑳ ᑮ ᑭᔅᑭᓄᐊᒫᑯᑦ ᐅᑖᐎᒪᐗ, ᓂ ᐯᒋ ᓈᑎᒃ᙮

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᐊᐸᔅᑕᓚᒃ 1:2

ᐱᓕᔥ ᐊᓂᒪ ᐁ ᑭᔑᑳᒃ ᑳ ᑮ ᐅᑎᓈᑲᓂᐎᑦ ᐃᔥᐱᒥᒃ, ᐹᑎᒪ ᐎᓚ ᐸᓓᑭ ᐊᒑᑾ ᐅᒋ ᑳ ᑮ ᒥᓛᑦ ᐅᓚᔓᐌᐎᓚ ᐊᓂᐃ ᐊᐸᔅᑕᓚ ᑳ ᑮ ᐙᐌᓛᐸᒫᑦ;

ᐊᐸᔅᑕᓚᒃ 1:4

ᓀᔥᑕ ᒫᑲ ᐁ ᒪᐗᒋᐃᑐᓕᒋ ᐎᓚ ᐊᓯᒋ, ᑮ ᐃᑕᔓᐙᑌᐤ ᐁᑳ ᑭᒋ ᑭᑐᑌᓕᒋ ᒋᕉᓴᓚᒥᒃ ᐅᒋ, ᒫᑲ ᑭᒋ ᐯᑖᒋᒃ ᐅᑦ ᐊᔓᑕᒫᑫᐎᓐ ᐌᐅᑖᐎᒪᐎᑦ, ᐊᓂᒪ, ᑳ ᐃᑗᑦ, ᑳ ᑮ ᐯᑕᒣᒃ ᓂᓚ ᐅᒋ᙮

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 11:16

ᐁᑯ ᑫᔅᑭᓯᔮᓐ ᐅᑎᐯᓕᒋᑫᐤ ᐅᑦ ᐋᔭᒥᐎᓐ, ᑳ ᐃᔑ ᐃᑗᑦ, ᒑᓐ ᑖᐺ ᓂᐱ ᐅᒋ ᑮ ᓯᑲᐊᑖᑫᐤ; ᒫᑲ ᑭᓚᐗᐤ ᑳ ᐹᓓᑭᓯᑦ ᐊᒑᒃ ᑭ ᑳ ᐅᒋ ᓯᑲᐊᑖᑳᐎᓇᐗᐤ᙮

ᐊᐸᔅᑕᓚᒃ 13:2

ᒣᒀᒡ ᐁ ᐋᑐᔅᑫᔅᑕᐙᒋᒃ ᐅᑎᐯᓕᒋᑫᐗ, ᓀᔥᑕ ᐁ ᓂᑲᓱᒋᒃ, ᑳ ᐸᓓᑭᓯᑦ ᐊᒑᒃ ᑮ ᐃᑗᐤ, ᐹᑲᓇᒪᐎᒃ ᐹᕐᓇᐸᔅ ᓀᔥᑕ ᓵᓪ ᐊᓂᒪ ᐊᑐᔅᑫᐎᓐ ᐅᒋ ᑳ ᑮ ᐃᔑ ᓇᑐᒪᑭᒃ᙮

ᐊᐸᔅᑕᓚᒃ 13:4

ᐁᑯ ᒫᑲ ᐎᓚᐗᐤ, ᐁ ᑮ ᑭᒋᑎᔕᐅᑯᒋᒃ ᐸᓓᑭ ᐊᒑᑾ, ᑮ ᐃᑐᑌᐗᒃ ᓯᓘᓯᐊᐃᒃ; ᐊᓐᑕ ᒫᑲ ᐅᒋ ᑮ ᐃᑖᔑᐗᒃ ᓵᐃᑉᕋᓯᒃ᙮

ᐊᐸᔅᑕᓚᒃ 15:28

ᐌᓴ ᒥᓨᔑᓐ ᑮ ᐃᑌᓕᑕᒻ ᑳ ᐹᓓᑭᓯᑦ ᐊᒑᒃ, ᓀᔥᑕ ᓂᓚᓈᓐ, ᐁᑳ ᐊᐙᓯᑌ ᑭᒋ ᑌᑕᔅᑡᑖᒃ ᐁ ᑯᓯᑾᒃ ᐎᐙᔑᐎᓐ ᐃᔥᐱᔥ ᐅᐅ ᑳ ᓇᑕᐌᓕᑖᑾᑭ ᑫᒀᓇ;

ᐊᐸᔅᑕᓚᒃ 15:8

ᑭᒋᒪᓂᑐ ᒫᑲ ᑳ ᑭᔅᑫᓕᑕᒃ ᒥᑌᐊ, ᑮ ᑎᐹᒋᒣᐤ, ᐁ ᒥᓛᑦ ᑳ ᐸᓓᑭᓯᓕᒋ ᐊᒑᑾ ᑖᐱᔅᑯᒡ ᑭᓚᓈᓇᐤ ᑳ ᑮ ᑐᑖᑕᒃ:

ᐊᐸᔅᑕᓚᒃ 16:6

ᐁᑯ ᐃᔅᐱ ᑳ ᑮ ᐸᐹᐃᑐᑌᒋᒃ ᑉᕆᒋᐊᐃᒃ ᓀᔥᑕ ᒥᓯᐌ ᐙᔅᑲ ᑳᓓᔑᔭᐃᒃ, ᐁ ᑮ ᑭᑕᐊᒫᑯᒋᒃ ᒫᑲ ᐸᓓᑭ ᐊᒑᑾ ᑭᒋ ᐙᐎᑕᑭᒃ ᐋᔭᒥᐎᓂᓕᐤ ᐊᓐᑕ ᐁᔕᐃᒃ,

ᐊᐸᔅᑕᓚᒃ 2:33

ᐁᐗᑯ ᐅᒋ ᐁ ᑮ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᓀᔥᑕ ᐅᑖᐎᒫᐗ ᐁ ᑮ ᐊᔓᑕᒫᑯᑦ ᑭᒋ ᒥᓕᑯᑦ ᐸᓓᑭ ᐊᒑᒃ, ᑮ ᓯᑭᓇᒻ ᐅᒪ, ᑭᓚᐗᐤ ᐊᓄᒡ ᑳ ᐙᐸᑕᒣᒃ ᓂᔥᑕ ᑳ ᐯᑕᒣᒃ᙮

ᐊᐸᔅᑕᓚᒃ 2:4

ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 20:35

ᒥᓯᐌ ᑫᒀᓇ ᑭ ᑮ ᐙᐸᑎᓕᑎᓈᐗᐤ, ᐊᓂᒪ ᐁ ᐋᐸᑎᓯᔦᒃ ᐅᒋ ᑭ ᑳ ᐅᑎᓇᒪᐗᑖᐙᐗᒃ ᐊᓂᑭ ᑳ ᓕᓚᒥᓯᒋᒃ, ᓀᔥᑕ ᑭᒋ ᑭᔅᑭᓯᑐᑕᒬᒃ ᐅᑦ ᐋᔭᒥᐎᓇ ᐅᑎᐯᓕᒋᑫᐤ ᒋᓴᔅ, ᑖᓂ ᑳ ᐃᔑ ᐃᑗᑦ, ᐊᐙᓯᑌ ᔕᐌᓕᑕᑯᓯᓇᓂᐗᓐ ᐁ ᒥᓕᐙᓂᐗᒃ ᐃᔥᐱᔥ ᐁ ᐅᑎᓂᑳᓂᐗᒃ᙮

ᐊᐸᔅᑕᓚᒃ 28:25

ᐃᔅᐱ ᒫᑲ ᐁᑳ ᑖᐱᔅᑯᒡ ᑳ ᐃᑌᓕᑕᑭᒃ, ᑮ ᑭᑐᑌᐗᒃ, ᐃᔅᐱ ᐹᓪ ᐯᔭᒃ ᐋᔭᒥᐎᓂᓕᐤ ᑳ ᑮ ᐃᑗᑦ, ᒀᔭᔉ ᑖᐺ ᐯᓓᑭᓯᑦ ᐊᒑᒃ ᑮ ᐋᔭᒥᐁᐤ ᑯᑖᐎᓈᐗ ᐊᓂᐃ ᐅᑭᔅᑭᐙᐃᑫᐗ ᐋᐃᓭᔭ ᐅᒋ,

ᐊᐸᔅᑕᓚᒃ 5:3

ᒫᑲ ᐱᑕᕐ ᑮ ᐃᑌᐤ ᐋᓇᓈᐃᐊᓴ, ᑕᓀᑭ ᐌᒋ ᓭᑕᓐ ᑮ ᓵᑲᔅᑭᓇᑖᑦ ᑭᑌᐃᓕᐤ ᑭᒋ ᑭᓛᔅᑭᒪ ᑳ ᐸᓓᑭᓯᑦ ᐊᒑᒃ, ᓀᔥᑕ ᑭᒋ ᓇᑳᓇᒪᓐ ᐸᔅᑭ ᐊᓂᒪ ᑳ ᐃᑕᑭᒋᑳᑌᒃ ᐊᔅᑭ?

ᐊᐸᔅᑕᓚᒃ 7:51

ᑭᓚᐗᐤ ᑳ ᓵᓯᐱᑕᒣᒃ ᓀᔥᑕ ᐁᑳ ᑳ ᑭᔅᑭᓄᐗᒋᔓᑳᐎᔦᒃ ᑭᑌᐃᐗᒃ ᓀᔥᑕ ᑭᑕᐗᑳᐗᒃ, ᒧᔕᒃ ᑮ ᓇᔅᑯᔅᑕᐙᐗᐤ ᑳ ᐸᓓᑭᓯᑦ ᐊᒑᒃ; ᑖᐱᔅᑯᒡ ᑯᑖᐎᐙᐗᒃ ᑳ ᑮ ᑑᑕᑭᒃ, ᐁᒀᓂ ᑭᓚᐗᐤ ᓀᔥᑕ ᐁ ᑑᑕᒣᒃ᙮

ᐊᐸᔅᑕᓚᒃ 7:55

ᒫᑲ ᐎᓚ, ᐁ ᓵᑲᔅᑭᓀᔅᑳᑯᑦ ᐸᓓᑭ ᐊᒑᑾ, ᑭᒋᑭᔑᑯᒃ ᓲᑲ ᑮ ᐃᔑ ᑖᔅᑕᓵᐱᐤ, ᑮ ᐋᐸᑕᒬᐤ ᒫᑲ ᑭᒋᒪᓂᑐᐗ ᐅ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᒋᓴᓴ ᐁ ᓂᐸᐎᓕᒋ ᑭᒋᒪᓂᑐᐗ ᐅ ᑭᒋᓂᔅᑭᓕᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:5

ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 12:3

ᐁᐗᑯ ᐌᒋ ᑭᔅᑫᓕᑕᒥᐃᑕᑾᒃ, ᐁᑳ ᐊᐌᓇ ᐁ ᐅᒋ ᐋᔭᒥᑦ ᑭᒋᒪᓂᑐ ᐅᑦ ᐊᒑᑾ, ᒪᒋ ᐃᑌᓕᑖᑯᓯᐤ ᒋᓴᔅ, ᑭᒋ ᑮ ᐃᑗᑦ: ᐁᑳ ᓀᔥᑕ ᐊᐌᓇ ᑭᒋ ᑮ ᐃᑗᑦ, ᒋᓴᔅ ᐁᐗᑯ ᐅᑎᐯᓕᒋᑫᐤ, ᐱᑯ ᐸᓓᑭ ᐊᒑᑾ ᐅᒋ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 13:14

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐅ ᓵᑭᐃᐌᐎᓐ ᑭᒋᒪᓂᑐ, ᓀᔥᑕ ᐅ ᐎᒋᐃᐌᐎᓐ ᐯᓓᑭᓯᑦ ᐊᒑᒃ ᒥᓯᐌ ᑭ ᑳ ᐎ ᐎᒉᐎᑯᐗᓇᐗᐤ᙮ ᐁᒣᓐ᙮

ᓂᔓ ᑯᕆᓐᑎᐊᓇ 6:6

ᐸᓓᑭᓯᐎᓂᒃ, ᑭᔅᑫᓕᑕᒧᐎᓂᒃ, ᓴᓯᐯᓕᑕᒧᐎᓂᒃ, ᑭᔐᐙᑎᓯᐎᓂᒃ, ᐸᓓᑭ ᐊᒑᒃ ᐅᒋ, ᑖᐺ ᓵᑭᐃᐌᐎᓂᒃ,

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 1:17

ᐅ ᑭᒋᒪᓂᑐᒪ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᐅᑖᐎᒥᑯᑦ ᑭᔅᑌᓕᑖᑯᓯᐎᓂᓕᐤ, ᑭᒋ ᒥᓕᑕᒃ ᑲᑫᑕᐌᓕᑕᒧᐎᓂ ᓀᔥᑕ ᑭᔅᑌᓕᑖᑯᑖᑫᐎᓂ ᐊᒑᑾ ᑭᒋ ᑭᔅᑫᓕᒣᒃ:

ᐃᐱᓯᔭᓇ 4:30

ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮

ᓂᔥᑕᒻ ᑌᓴᓗᓂᔭᓇ 4:8

ᐁᐗᑯ ᐅᒋ ᐊᓇ ᑳ ᐋᑕᐌᓕᒋᑫᑦ, ᓇᒪᐎᓚ ᐋᑕᐌᓕᒣᐤ ᐃᓕᓕᐗ, ᒫᑲ ᑭᒋᒪᓂᑐᐗ ᑳ ᒥᓕᑕᒃ ᐊᓯᒋ ᐅ ᐸᓓᑭ ᐊᒑᑾ᙮

ᓂᔓ ᑎᒧᑎ 1:14

ᐊᓂᒪ ᒥᓗ ᑫᒀᓐ ᑳ ᑮ ᐸᑭᑎᓇᒫᑲᐎᔭᓐ, ᑲᓇᐌᓕᑕ ᐸᓓᑭ ᐊᒑᒃ ᐅᒋ ᑳ ᐱᒋᔅᑳᑕᒃ᙮

ᑕᐃᑕᔅ 3:5

ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᐦᐃᑉᕉᐗ 10:15

ᑳ ᐅᒋ ᐯᓓᑭᓯᑦ ᐊᒑᒃ ᓀᔥᑕ ᐋᓕᒧᑕᒫᑕᒃ: ᐌᓴ ᑭᐃᔥᑾ ᐊᓂᐁᓕᐤ ᓂᑳᓐ ᑳ ᑮ ᐃᑗᑦ,

ᐦᐃᑉᕉᐗ 2:4

ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?

ᐦᐃᑉᕉᐗ 3:7

ᐁᐗᑯ ᐌᒋ, ᑖᐱᔅᑯᒡ ᑳ ᐃᑗᑦ ᐯᓓᑭᓯᑦ ᐊᒑᒃ, ᐊᓄᒡ ᐁ ᑭᔑᑳᒃ ᑮᔥᐱᓐ ᐎ ᓇᑐᑕᒬᒃ ᑳ ᐃᑗᑦ,

ᐦᐃᑉᕉᐗ 9:8

ᐯᓓᑭᓯᑦ ᐊᒑᒃ ᐅᒪ ᐁ ᐃᔑ ᐙᐸᑎᓕᐌᑦ, ᐁ ᐃᔑ ᐱᑐᑳᓂᐗᒃ ᐃᑕ ᒥᔭᐗᒋ ᐸᓓᑲᒃ ᐁᑳ ᐁᔥᑾ ᐁ ᑮ ᐹᔭᑌ ᓄᑯᑖᓂᐗᒃ, ᒣᒀᒡ ᑫᔮᐸᒡ ᐊᓂᒪ ᓃᔥᑕᒻ ᐋᔭᒥᐋᐎ ᒥᑭᐙᒻ ᐁ ᑮ ᓂᐸᐎᒪᑲᒃ;

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔓ ᐱᑕᕐ 1:21

ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮

ᓂᔥᑕᒻ ᒑᓐ 2:20

ᒫᑲ ᑭᑦ ᐋᔮᓇᐗᐤ ᑐᒥᓂᑯᓯᐎᓐ ᐊᓇ ᐯᓓᑭᓯᑦ ᐅᒋ, ᒥᓯᐌ ᑫᒀᓇ ᒫᑲ ᑭ ᑭᔅᑫᓕᑌᓇᐗᐤ᙮

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᓂᔥᑕᒻ ᒑᓐ 5:7

ᐌᓴ ᐃᑖᐗᒃ ᓂᔅᑐ ᑳ ᑎᐹᑐᑕᑭᒃ ᑭᒋᑭᔑᑯᒃ, ᐌᐅᑖᐎᒪᐎᑦ, ᐋᔭᒥᐎᓐ, ᓀᔥᑕ, ᐯᓓᑭᓯᑦ ᐊᒑᒃ: ᐅᑯ ᒫᑲ ᑳ ᓂᔅᑎᒋᒃ ᐯᔭᑯᐗᒃ᙮

ᒎᑦ 1:20

ᒫᑲ ᑭᓚᐗᐤ, ᓯᐋᑭᐃᑕᑾᒃ ᐁ ᐋᔨᒋᑳᐸᐎᐃᑎᓱᔦᒃ ᑭ ᒪᐗᒋ ᐸᓓᑭ ᑖᐺᔦᓕᑕᒧᐎᓂᐙᒃ, ᐁ ᐋᔭᒥᐋᔦᑳ ᐸᓓᑭ ᐊᒑᑯᒃ,

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮