ᐅᐸᓓᑭᔅ ᒑᓐ 14:17 - ᐅᔅᑭ ᑎᔅᑌᒥᓐᑦ

¹⁷ ᑖᐺᐎᓂ ᐊᒑᒃ ᐅᑎ, ᐊᔅᑭᓕᐤ ᐁᑳ ᑳ ᑮ ᐅᑎᓂᑯᑦ, ᐁᑳ ᐁ ᐙᐸᒥᑯᑦ, ᐁᑳ ᓀᔥᑕ ᐁ ᑭᔅᑫᓕᒥᑯᑦ; ᒫᑲ ᑭᓚᐗᐤ ᑮ ᑭᔅᑫᓕᒪᐗᐤ, ᓀᔥᑕ ᑭ ᑳ ᐱᒋᔅᑳᑯᐗᐤ᙮

ᐅᐸᓓᑭᔅ ᒑᓐ 14:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:20

ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᐁᒃ, ᒫᑲ ᐅᑦ ᐊᒑᑾ ᑯᑖᐎᐗᐤ ᐁᐗᒀᓇ ᑳ ᐋᔭᒥᔅᑳᑖᒃ᙮

ᐅᐸᓓᑭᔅ ᒑᓐ 14:16

ᓀᔥᑕ ᓂ ᑳ ᐋᔭᒥᐁᔅᑕᐗᐤ ᐅᑖᐎᒪᐤ, ᑭ ᑳ ᒥᓕᑯᐗᐤ ᒫᑲ ᑯᑕᑭᔭ ᐅᒥᓜᓕᒧᐃᐌᐗ, ᑳᑭᑫ ᑭᒋ ᐎᒉᐎᑖᒃ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 16:13

ᐁᓕᐌᒃ ᒫᑲ, ᐃᔅᐱ ᐎᓚ ᑖᐺᐎᓂ ᐋᒐᒃ ᑕᑯᔑᑫ, ᑭ ᑳ ᑭᔅᑭᓄᑕᐃᑯᐗᐤ ᒥᓯᐌ ᑖᐺᐎᓂᒃ: ᐌᓴ ᓇᒪᐎᓚ ᐎᓚ ᑫᒋᐙᒃ ᑲᑕ ᐅᒋ ᐋᔭᒥᐤ; ᒫᑲ ᑕᑐ ᑫᒀᓕᐤ ᑫ ᐯᑕᒃ ᐁᐗᑴᓕᐤ ᑫ ᑎᐹᑐᑕᒃ: ᑫ ᑳ ᐙᐸᑎᓕᑯᐗᐤ ᓀᔥᑕ ᑫᒀᓇ ᑫ ᐃᑭᓂᓕᑭ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᓂᔥᑕᒻ ᑯᕆᓐᑎᐊᓇ 14:15

ᑫᒀᓐ ᒫᑲ, ᓂ ᑳ ᐋᔭᒥᐋᓐ ᐊᒑᑯᒃ, ᓂ ᑳ ᐋᔭᒥᐋᓐ ᓂᓯᑐᑕᒧᐎᓂᒃ ᓀᔥᑕ: ᓂ ᑳ ᓂᑲᒧᓐ ᐊᒑᑯᒃ, ᓂ ᑳ ᓂᑲᒧᓐ ᓂᓯᑐᑕᒧᐎᓂᒃ ᓀᔥᑕ᙮

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔥᑕᒻ ᑯᕆᓐᑎᐊᓇ 3:16

ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 13:5

ᓇᓇᑕᐎᑭᔅᑫᓕᒥᑎᓱᒃ, ᑮᔥᐱᓐ ᑖᐺ ᑖᐺᔦᓕᑕᒧᐎᓂᒃ ᐁᑖᐌᑴ; ᑲᑴᒋᐃᑎᓱᒃ᙮ ᓇᒪ ᓈ ᑭ ᑭᔅᑫᓕᑌᓇᐗᐤ ᑭᓚᐗᐤ ᑫᒋᐙᒃ ᐁ ᐱᒋᔅᑳᑖᒃ ᒋᓴᔅ ᙭, ᑮᔥᐱᓐ ᐁᑳ ᐎᐁᐱᓂᑲᓂᐎᐌᑴ?

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᑲᓓᔕᐊᓇ 4:6

ᓀᔥᑕ ᒫᑲ ᐁ ᐅᑯᓯᓯᒪᐎᔦᒃ, ᑭᒋᒪᓂᑐ ᑮ ᐃᔑᑎᔕᐊᒬᐤ ᐅᑯᓯᓴ ᐅᑦ ᐊᒑᑯᓕᐗ ᑭᑌᐃᐙᒃ, ᐁ ᑌᐺᓕᒋ ᐋᐸ, ᓄᑖ᙮

ᐃᐱᓯᔭᓇ 2:22

ᐊᓇ ᐃᑕ ᑭᓚᐗᐤ ᐊᓯᒋ ᑳ ᒫᒪᐎ ᒋᒪᓕᑲᐎᔦᒃ ᑭᒋ ᐋᐎᔦᒃ ᐃᑕ ᐁ ᐎᑭᑦ ᑭᒋᒪᓂᑐ ᐎᓚ ᐊᒑᒃ ᐅᒋ᙮

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᓂᔓ ᑎᒧᑎ 1:14

ᐊᓂᒪ ᒥᓗ ᑫᒀᓐ ᑳ ᑮ ᐸᑭᑎᓇᒫᑲᐎᔭᓐ, ᑲᓇᐌᓕᑕ ᐸᓓᑭ ᐊᒑᒃ ᐅᒋ ᑳ ᐱᒋᔅᑳᑕᒃ᙮

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᓂᔥᑕᒻ ᒑᓐ 3:24

ᐊᓇ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᐱᒋᔅᑲᐌᐤ, ᓀᔥᑕ ᐱᒋᔅᑳᑯ᙮ ᓀᔥᑕ ᐁᑯᑕ ᐌᒋ ᑭᔅᑫᓕᑕᒪᒃ ᑕᑭ ᐁ ᐱᒋᔅᑳᑕᒃ, ᐊᓂᐃ ᐊᒑᑾ ᐅᒋ ᑳ ᑮ ᒥᓕᑕᒃ᙮

ᓂᔥᑕᒻ ᒑᓐ 4:4

ᑭᓚᐗᐤ ᑭᒋᒪᓂᑐᒃ ᑭᑦ ᐅᒋᓇᐗᐤ, ᐊᐱᔅᑕᐙᔑᔑᑐᒃ, ᑭ ᑮ ᔖᑯᒋᐊᐗᐗᒃ ᒫᑲ: ᐌᓴ ᐊᐙᓯᑌ ᑭᔅᑎᓯᐤ ᐊᓇ ᑳ ᐱᒋᔅᑳᑖᒃ ᐃᔥᐱᔥ ᐊᓇ ᐊᔅᑮᒃ ᑳ ᐃᑖᑦ᙮

ᓂᔥᑕᒻ ᒑᓐ 4:6

ᑭᓚᓈᓇᐤ ᑭᒋᒪᓂᑐᒃ ᑭᑦ ᐅᒋᓈᓇᐤ; ᐊᓇ ᑳ ᑭᔅᑫᓕᒫᑦ ᑭᒋᒪᓂᑐᐗ ᓂ ᓇᑐᑖᑯᓈᓐ; ᐊᓇ ᐁᑳ ᑭᒋᒪᓂᑐᒃ ᑳ ᐅᒌᑦ ᓇᒪᐎᓚ ᓂ ᓇᑐᑖᑯᓈᓐ᙮ ᐁᐗᑯ ᑳ ᐅᒋ ᑭᔅᑫᓕᒪᒃ ᑖᐺᐎᓂ ᐊᒑᒃ, ᓀᔥᑕ ᐗᓂᔑᓄᐎ ᐊᒑᒃ᙮

ᓂᔥᑕᒻ ᒑᓐ 5:7

ᐌᓴ ᐃᑖᐗᒃ ᓂᔅᑐ ᑳ ᑎᐹᑐᑕᑭᒃ ᑭᒋᑭᔑᑯᒃ, ᐌᐅᑖᐎᒪᐎᑦ, ᐋᔭᒥᐎᓐ, ᓀᔥᑕ, ᐯᓓᑭᓯᑦ ᐊᒑᒃ: ᐅᑯ ᒫᑲ ᑳ ᓂᔅᑎᒋᒃ ᐯᔭᑯᐗᒃ᙮

ᑭᔅᑫᓕᑖᑯᑖᑫᐎᓐ 2:17

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮