ᐅᐸᓓᑭᔅ ᒑᓐ 14:16 - ᐅᔅᑭ ᑎᔅᑌᒥᓐᑦ

¹⁶ ᓀᔥᑕ ᓂ ᑳ ᐋᔭᒥᐁᔅᑕᐗᐤ ᐅᑖᐎᒪᐤ, ᑭ ᑳ ᒥᓕᑯᐗᐤ ᒫᑲ ᑯᑕᑭᔭ ᐅᒥᓜᓕᒧᐃᐌᐗ, ᑳᑭᑫ ᑭᒋ ᐎᒉᐎᑖᒃ᙮

ᐅᐸᓓᑭᔅ ᒑᓐ 14:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᒑᓐ 14:14

ᑮᔥᐱᓐ ᓇᑐᑕᒫᔦᑴ ᑫᒀᓐ ᓂᑦ ᐃᔑᓂᑳᓱᐎᓂᒃ, ᓂ ᑳ ᑐᑌᓐ᙮

ᐅᐸᓓᑭᔅ ᒑᓐ 14:18

ᓇᒪᐎᓚ ᑭ ᑳ ᓇᑲᑎᑎᓇᐗᐤ ᐁ ᑭᐗᔑᔖᓂᐎᔦᒃ: ᑭ ᑳ ᐯᒋ ᓇᑎᑎᓇᐗᐤ᙮

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 16:22

ᑭᓚᐗᐤ ᒫᑲ ᐊᓄᒡ ᑭᑦ ᐋᔮᓇᐗᐤ ᑯᐹᑌᓕᒧᐎᓐ: ᒫᑲ ᒥᓇ ᑭ ᑳ ᐙᐸᒥᑎᓇᐗᐤ, ᐁᑯ ᑭᑌᐃᐗᐤ ᑫ ᒥᓚᐙᑕᒧᒪᑲᒃ, ᓀᔥᑕ ᑭ ᒥᓚᐙᑕᒧᐎᓂᐗᐤ ᓇᒪᐎᓚ ᐊᐌᓇ ᑭ ᒪᔅᑲᒥᑯᐗᐤ᙮

ᐅᐸᓓᑭᔅ ᒑᓐ 17:15

ᓇᒪᐎᓚ ᓂᑦ ᐋᔭᒥᐋᓐ ᐊᔅᑮᒃ ᑭᒋ ᐅᒋ ᐅᑎᓇᒋᒃ, ᒫᑲ ᑭᒋ ᑲᓇᐌᓕᒪᒋᒃ ᑳ ᒫᓛᑕᓂᓕᒃ ᐅᒋ᙮

ᐅᐸᓓᑭᔅ ᒑᓐ 17:20

ᓇᒪᐎᓚ ᐅᑯ ᐱᑯ ᓂᑦ ᐋᔭᒥᐁᔅᑕᒪᐙᐗᒃ, ᒫᑲ ᐊᓂᐃ ᐊᓯᒋ ᑫ ᑖᐺᔦᓕᒥᓕᒋ ᐅᑦ ᐋᔭᒥᐎᓂᐗᐤ ᐅᒋ;

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᐊᐸᔅᑕᓚᒃ 1:4

ᓀᔥᑕ ᒫᑲ ᐁ ᒪᐗᒋᐃᑐᓕᒋ ᐎᓚ ᐊᓯᒋ, ᑮ ᐃᑕᔓᐙᑌᐤ ᐁᑳ ᑭᒋ ᑭᑐᑌᓕᒋ ᒋᕉᓴᓚᒥᒃ ᐅᒋ, ᒫᑲ ᑭᒋ ᐯᑖᒋᒃ ᐅᑦ ᐊᔓᑕᒫᑫᐎᓐ ᐌᐅᑖᐎᒪᐎᑦ, ᐊᓂᒪ, ᑳ ᐃᑗᑦ, ᑳ ᑮ ᐯᑕᒣᒃ ᓂᓚ ᐅᒋ᙮

ᐊᐸᔅᑕᓚᒃ 13:52

ᑭᔅᑭᓄᐊᒪᐗᑲᓇᒃ ᒫᑲ ᑭ ᓵᑲᔅᑭᓀᔅᑲᑯᐗᒃ ᓯᑭᓓᓯᐎᓂᓕᐤ, ᓀᔥᑕ ᑳ ᐸᓓᑭᓯᓕᒋ ᐊᒑᑾ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:5

ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:34

ᐊᐌᓇ ᐊᓇ ᑳ ᓂᔑᐗᓈᒋᒥᐌᑦ? ᙭ ᐁᐗᒀᓇ ᑳ ᑮ ᓂᐱᑦ, ᐁᐁ ᐊᐙᓯᑌ, ᒥᓇ ᑳ ᑮ ᐗᓂᔥᑲᑦ, ᐙᐙᒡ ᑭᒋᒪᓂᑐᐗ ᐅ ᑭᒋᓂᔅᑭᓕᒡ ᑳ ᐃᑖᑦ, ᐊᓇ ᓀᔥᑕ ᑳ ᐋᔭᒥᐁᔅᑕᒫᑕᒃ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐱᓕᐱᔭᓇ 2:1

ᑮᔥᐱᓐ ᒫᑲ ᐃᑕᑾᒃ ᑲᑭᒋᐃᐌᐎᓐ ᙭ᑎᒃ, ᑮᔥᐱᓐ ᐃᑕᑾᒃ ᒥᓜᓕᒧᐎᓐ ᓵᑭᐃᐌᐎᓂᒃ ᑮᔥᐱᓐ ᐃᑕᑾᒃ ᐅ ᐎᒉᐎᐌᐎᓐ ᐊᒑᒃ, ᑮᔥᐱᓐ ᐃᑕᑾᑭ ᒧᔑᑕᒧᐎᓇ ᓀᔥᑕ ᔕᐌᓕᒋᑫᐎᓇ,

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᒑᓐ 2:1

ᓂᑦ ᐊᐱᔅᑕᐙᔑᒥᔑᒥᑐᒃ, ᐅᐅ ᑫᒀᓇ ᑭ ᒪᓯᓇᐊᒫᑎᓇᐗᐤ, ᐁᑳ ᑭᒋ ᒪᒋᑐᑕᒣᒃ᙮ ᑮᔥᐱᓐ ᒫᑲ ᐊᐌᓇ ᑮ ᒪᒋᑐᑕᒃ, ᑭᑦ ᐋᔭᐙᓇᐤ ᐅᑖᔭᒥᐁᔅᑕᒫᑫᐤ ᑳ ᐋᔭᒥᐋᑦ ᐅᑖᐎᒪᐗ, ᒋᓴᔅ ᙭ ᐅᒀᔭᔅᑭᑖᑎᓯᐤ:

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᓂᔓ ᒑᓐ 1:2

ᑖᐺᐎᓐ ᐅᒋ ᑳ ᐱᒋᔅᑳᑯᔭᒃ, ᓀᔥᑕ ᑳᑭᑫ ᑫ ᐎᒉᐎᑯᔭᒃ᙮