ᐅᐸᓓᑭᔅ ᒑᓐ 14:13 - ᐅᔅᑭ ᑎᔅᑌᒥᓐᑦ

¹³ ᓀᔥᑕ ᒫᑲ ᐱᑯ ᑫᒀᓐ ᑫ ᓇᑐᑕᒫᔦᒃ ᓂᑦ ᐃᔑᓂᑳᓱᐎᓂᒃ, ᐁᐗᑯ ᑫ ᑐᑕᒫᓐ, ᐅᑖᐎᒪᐤ ᑭᒋ ᑭᔅᑕᑭᒫᑲᓂᐎᑦ ᐅᑯᓯᓯᒫᐗ ᐅᒋ᙮

ᐅᐸᓓᑭᔅ ᒑᓐ 14:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:22

ᒥᓯᐌ ᑫᒀᓇ ᒫᑲ ᑳ ᓇᑐᑕᒫᔦᒃ ᐁ ᐋᔭᒥᐋᔦᒃ, ᐁ ᑖᐺᑕᒣᒃ, ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 7:7

ᓇᑐᑕᒫᑫᒃ, ᑭ ᑳ ᒥᓕᑲᐎᓈᐗᐤ ᒫᑲ; ᓈᓇᑕᐌᓕᑕᒧᒃ, ᑭ ᑳ ᒥᔅᑫᓇᐗᐤ ᒫᑲ ᐹᐸᐙᔨᑫᒃ, ᑭ ᑳ ᐹᔅᑭᑌᓇᒫᑲᐎᓇᐗᐤ ᒫᑲ᙮

ᐅᐸᓓᑭᔅ ᒫᕐᒃ 11:24

ᐁᐗᑯ ᐌᒋ ᐃᑎᑕᑾᒃ, ᐱᑯ ᑫᒀᓐ ᑫ ᓇᑕᐌᓕᑕᒧᐌᑴ ᐃᔅᐱ ᐁ ᐋᔭᒥᐋᔦᒃ, ᑖᐺᑕᒧᒃ ᐁ ᒥᓕᑳᐎᔦᒃ, ᐁᑯ ᒫᑲ ᑫ ᐋᔮᔦᒃ᙮

ᐅᐸᓓᑭᔅ ᓘᒃ 11:9

ᑭᑦ ᐃᑎᓇᐗᐤ ᒫᑲ, ᓇᑐᑕᒫᑫᒃ, ᑭ ᑳ ᒥᓕᑲᐎᓇᐗᐤ; ᓈᓇᑕᐌᓕᑕᒧᒃ, ᑭ ᑳ ᒥᔅᑫᓇᐗᐤ ᒫᑲ; ᐹᐹᐙᔨᑫᒃ, ᑭ ᑳ ᐹᔅᑭᑌᓇᒫᑲᐎᓇᐗᐤ ᒫᑲ᙮

ᐅᐸᓓᑭᔅ ᒑᓐ 10:30

ᓂᓚ ᓀᔥᑕ ᓄᑖᐎ ᓂ ᐯᔭᑯᓈᓐ᙮

ᐅᐸᓓᑭᔅ ᒑᓐ 12:44

ᒋᓴᔅ ᑮ ᑌᐺᐤ, ᐁ ᐃᑗᑦ, ᐊᓇ ᑳ ᑖᐺᔦᓕᒥᑦ, ᓇᒪᐎᓚ ᓂ ᑖᐺᔦᓕᒥᒃ ᓂᓚ, ᒫᑲ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 13:31

ᑳ ᐗᓚᐎᓕᒋ ᒫᑲ, ᒋᓴᔅ ᑮ ᐃᑗᐤ, ᐊᓄᒡ ᐃᓕᓕᐎᑯᓯᓵᓐ ᑭᔅᑕᑭᒫᑲᓂᐎᐤ, ᓀᔥᑕ ᑭᒋᒪᓂᑐ ᑭᔅᑕᑭᒫᑲᓂᐎᐤ ᐎᓚ ᐅᒋ᙮

ᐅᐸᓓᑭᔅ ᒑᓐ 14:14

ᑮᔥᐱᓐ ᓇᑐᑕᒫᔦᑴ ᑫᒀᓐ ᓂᑦ ᐃᔑᓂᑳᓱᐎᓂᒃ, ᓂ ᑳ ᑐᑌᓐ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 15:16

ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᐅᐸᓓᑭᔅ ᒑᓐ 15:7

ᑮᔥᐱᓐ ᐱᒋᔅᑲᐎᔦᑴ, ᓀᔥᑕ ᓂᑦ ᐋᔭᒥᐎᓐ ᐱᒋᔅᑳᑯᔦᑶ, ᑭ ᑳ ᓇᑐᑕᒫᓇᐗᐤ ᑫᒀᓐ ᐁ ᐃᔑ ᓇᑕᐌᓕᑕᒣᒃ, ᐁᑯ ᑫ ᑐᑕᒫᑲᐎᔦᒃ᙮

ᐅᐸᓓᑭᔅ ᒑᓐ 16:23

ᓀᔥᑕ ᐊᓂᒪ ᑫ ᑭᔑᑳᒃ ᓇᒪᐎᓚ ᑫᒀᓐ ᑭ ᑳ ᓇᑐᑕᒪᐎᓇᐗᐤ᙮ ᑖᐺ, ᑖᐺ, ᑭᑦ ᐃᑎᓇᐗᐤ, ᒥᓯᐌ ᑫᒀᓐ ᑫ ᓇᑐᑕᒪᐌᒃ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ, ᑭ ᑳ ᒥᓕᑯᐗᐤ᙮

ᐅᐸᓓᑭᔅ ᒑᓐ 16:26

ᐊᓂᒪ ᑫ ᑭᔑᑳᒃ ᑭ ᑳ ᓇᑐᑕᒫᓇᐗᐤ ᓂᑦ ᐃᔑᓂᑳᓱᐎᓂᒃ: ᓇᒪᐎᓚ ᒫᑲ ᑭᑦ ᐃᑎᓇᐗᐤ, ᓂ ᑳ ᐋᔭᒥᐁᔅᑕᐗᐤ ᐅᑖᐎᒪᐤ ᑭᓚᐗᐤ ᐅᒋ:

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 4:10

ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑮᔥᐱᓐ ᑭ ᑭᔅᑫᓕᑕᒧᐙᐸᓀ ᑭᒋᒪᓂᑐ ᐅ ᒥᓕᐌᐎᓐ, ᓀᔥᑕ ᐊᐌᓇ ᐊᓇ ᑳ ᐃᑎᔉ, ᒥᓇᐃᓐ; ᑭ ᑳ ᑮ ᓇᑐᑕᒪᐙᑖᔾ, ᑭ ᑳ ᑮ ᒥᓕᑯᑖᔾ ᒫᑲ ᐱᒪᑎᓯᐎ ᓂᐱᓕᐤ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 5:19

ᐁᑯ ᓀᔥᑴᐗᔑᐋᑦ ᒋᓴᔅ, ᓀᔥᑕ ᑮ ᐃᑌᐤ, ᑖᐺ, ᑖᐺ ᑭᑦ ᐃᑎᓇᐗᐤ, ᐅᑯᓯᓯᒫᐤ ᐁ ᐯᔭᑯᑦ ᓇᒪᐎᓚ ᑫᒀᓕᐤ ᑲᑕ ᑮ ᑐᑕᒻ, ᐱᑯ ᑫᒀᓕᐤ ᐁ ᐙᐸᒫᑦ ᐅᑖᐎᒫᐗ ᐁ ᑐᑕᒥᓕᒋ, ᐅᐅ ᓀᔥᑕ ᑐᑕᒻ ᐅᑯᓯᓯᒫᐤ᙮

ᐅᐸᓓᑭᔅ ᒑᓐ 7:37

ᒫᒋᒡ ᐁ ᑭᔑᑳᒃ, ᐊᓂᒪ ᑫᔅᑌᓕᑖᑾᒃ ᐁ ᑭᔑᑳᒃ ᒪᑯᔐᐎᓂᒃ, ᒋᓴᔅ ᐁ ᓂᐸᐎᑦ, ᑮ ᑌᐺᐤ, ᐁ ᐃᑗᑦ, ᑮᔥᐱᓐ ᐊᐌᓇ ᓄᑌᔮᐸᑴᑌ, ᐁᑯᔑ ᓂ ᑳ ᐯᒋ ᓈᑎᒃ, ᓀᔥᑕ ᑲᑕ ᒥᓂᑴᐤ᙮

ᓂᔥᑕᒻ ᑯᕆᓐᑎᐊᓇ 14:13

ᐁᑯᔑ ᒫᑲ ᐊᓇ ᑳ ᐋᔮᒥᑦ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ, ᑲᑕ ᐸᑯᓭᓕᑕᒻ ᑭᒋ ᐃᑗᔅᑕᒃ᙮

ᐃᐱᓯᔭᓇ 2:18

ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮

ᐃᐱᓯᔭᓇ 3:12

ᐁᐗᒀᓇ ᑳ ᐅᒋ ᓱᑭᑌᐁᔭᒃ ᓀᔥᑕ ᐁ ᑫᒋᓇᐅᔭᒃ ᐁ ᓈᒋᑫᔮᒃ, ᐁ ᑖᐺᔦᓕᒪᒃ᙮

ᐃᐱᓯᔭᓇ 3:14

ᐁᐗᑯ ᐌᒋ ᐱᑭᒋᑾᓀᔅᑖᒪᑭ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᐅᑖᐎᔭ,

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᐦᐃᑉᕉᐗ 13:15

ᐎᓚ ᐅᒋ ᒫᑲ ᐁᑯᔑ ᐸᑭᑎᓂᑫᔅᑖᑕᐤ ᑭᒋᒪᓂᑐ ᒫᒥᒋᒥᐌᐎ ᓵᓵᑭᐎᓕᐌᐎᓐ ᒧᔕᒃ, ᐁᐗᑯ, ᑳ ᐅᒋᐸᓕᒃ ᑭᑐᓂᓈᒃ, ᐁ ᓇᓈᔅᑯᑕᒶᒃ ᐅᑦ ᐃᔑᓂᑳᓱᐎᓐ᙮

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:5

ᑮᔥᐱᓐ ᒫᑲ ᐊᐌᓇ ᐁ ᐃᑕᔑᔦᒃ ᐁᑳ ᐁᔮᑴ ᑲᑫᑕᐌᓕᑕᒧᐎᓂᓕᐤ, ᐁᑯᔑ ᑲᑕ ᓇᑐᑕᒪᐌᐤ ᑭᒋᒪᓂᑐᐗ, ᐊᓇ ᑳ ᑭᔐᐙᑎᓯᐎ ᒥᓛᑦ ᒥᓯᐌ ᐃᓕᓕᐗ, ᐁᑳ ᓀᔥᑕ ᑳ ᑭᑐᑖᑦ; ᑲᑕ ᒥᓛᑲᓂᐎᐤ ᒫᑲ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:16

ᐙᐎᑕᒫᑐᒃ ᑭ ᐗᓂᐋᔨᑎᐎᓂᐗᐗ, ᓀᔥᑕ ᐋᔭᒥᐁᔅᑕᒫᑐᒃ, ᑭᒋ ᒥᓇᐙᒋᐃᑲᐎᔦᒃ᙮ ᐅ ᓇᑐᑕᒫᑫᐎᓐ ᑳ ᒀᔭᔅᑭᑖᑎᓰᑦ ᐃᓕᓕᐤ ᒥᔅᑕᐃ ᐃᑖᐸᑕᓂᓕᐤ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᒑᓐ 3:22

ᒥᓯᐌ ᑫᒀᓐ ᒫᑲ ᑳ ᓇᑐᑕᒪᐋᒃ ᑭ ᒥᓕᑯᓇᐤ, ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ, ᓀᔥᑕ ᐁ ᑐᑕᒪᒃ ᐊᓂᐃ ᑫᒀᓇ ᑳ ᒥᓗ ᑲᓇᐙᐸᑕᒃ:

ᓂᔥᑕᒻ ᒑᓐ 5:14

ᐁᐗᑯ ᒫᑲ ᐅᒪ ᐁ ᐃᔑ ᑫᒋᓇᐅᐎᐊᔅᐯᓕᒧᑐᑕᐗᒃ, ᑮᔥᐱᓐ ᓇᑐᑕᒫᔭᒃ ᑫᒀᓐ ᑳ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ, ᑭ ᓇᑐᑖᑯᓇᐤ: