ᐅᐸᓓᑭᔅ ᒑᓐ 14:12 - ᐅᔅᑭ ᑎᔅᑌᒥᓐᑦ

¹² ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ, ᐋᔨᑎᐎᓇ ᑳ ᑐᑕᒶᒃ ᐎᓚ ᓀᔥᑕ ᑲᑕ ᑐᑐᒻ; ᓀᔥᑕ ᑲᑕ ᑐᑕᒻ ᐋᔨᑎᐎᓇ ᐊᐙᓯᑌ ᐁ ᐃᑌᓕᑖᑾᓂᓕᑭ ᐃᔥᐱᔥ ᐅᐅ; ᐁ ᓈᑕᒃ ᓄᑖᐎ᙮

ᐅᐸᓓᑭᔅ ᒑᓐ 14:12 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:21

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐋᔮᔦᒃ ᑖᐺᔦᓕᑕᒧᐎᓐ, ᓀᔥᑕ ᐁᑳ ᐹᔨᑕᐌᓕᑕᒣᒃ, ᓇᒪᐎᓚ ᐅᒪ ᐱᑯ ᑭ ᑳ ᑐᑌᓇᐗᐤ ᑳ ᑐᑕᐙᑲᓂᐎᑦ ᐸᑫᓵᓂᒥᓈᑎᒃ, ᑮᔥᐱᓐ ᓀᔥᑕ ᐃᑕᒣᒃ ᐅᒪ ᐗᒋ, ᐋᒋᐸᓕᐃᑎᓱ, ᐌᐱᓂᑎᓱ ᒫᑲ ᑭᒋᑲᒦᒃ, ᑲᑕ ᑐᒋᑳᑌᐤ᙮

ᐅᐸᓓᑭᔅ ᒫᕐᒃ 11:13

ᐙᓚᐤ ᒫᑲ ᐁ ᐅᒋ ᐙᐸᒫᑦ ᐸᑫᓵᓇᒥᓈᑎᑾ, ᐁ ᓂᐱᔑᐎᓕᒋ, ᑮ ᐯᒋ ᐃᑐᑌᐤ, ᑫᑲ ᒦᔅᑲᐤ ᐁᑯᑕ ᑫ ᒥᔅᑲᒧᑴ ᑫᒀᓕᐤ: ᐃᔅᐱ ᒫᑲ ᐱᐁᒋ ᓇᑖᑦ, ᓇᒪᐎᓚ ᑫᒀᓕᐤ ᑮ ᒥᔅᑲᒻ ᐱᔑᔑᒃ ᓃᐱᔕ: ᐌᓴ ᓇᒪᐎᓚ ᐁᔥᑾ ᐅᑎᒋᐸᓕᓕᐤ ᑭᒋ ᒥᓂᔑᐎᑦ᙮

ᐅᐸᓓᑭᔅ ᒫᕐᒃ 16:17

ᐅᐅ ᑭᒋᑭᓄᐙᒋ ᐙᐸᑎᓕᐌᐎᓇ ᒫᑲ ᑲᑕ ᐎᒉᐎᑯᐗᒃ ᐊᓂᑭ ᑫ ᑖᐺᑕᑭᒃ: ᓂᑦ ᐃᔑᓂᑳᓱᐎᓂᒃ ᑲᑕ ᐗᓕᐎᐌᐱᓀᐗᒃ ᒪᒋ ᐊᒑᑾ; ᐅᔥᑭ ᐃᔑ ᑭᔗᐎᓇ ᑲᑕ ᐋᔭᒥᐗᒃ;

ᐅᐸᓓᑭᔅ ᒑᓐ 14:28

ᑭ ᑮ ᐯᑌᓇᐗᐤ ᑳ ᑮ ᐃᑎᑕᑾᒃ, ᓂ ᑭᑐᑖᓐ, ᓀᔥᑕ ᒥᓇ ᑭ ᑳ ᐯᒋ ᓈᑎᑎᓇᐗᐤ᙮ ᑮᔥᐱᓐ ᑮ ᓵᑭᐃᔦᒃ, ᑭ ᑳ ᒧᒋᑫᓕᑌᑕᐗᐤ, ᐁ ᑮ ᐃᑗᔮᓐ, ᓂ ᓈᑕᐤ ᐅᑖᐎᒪᐤ: ᐌᓴ ᓄᑖᐎ ᐊᐙᓯᑌ ᑭᔅᑌᓕᑖᑯᓯᐤ ᐃᔥᐱᔥ ᓂᓚ᙮

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 4:37

ᐁᑯᑕ ᐅᑕ ᑌᐱᐸᓕᒃ ᐊᓂᒪ ᐃᑗᐎᓐ, ᐯᔭᒃ ᐸᑭᑎᓂᑫᐤ, ᑯᑕᒃ ᒫᑲ ᒪᓂᔑᑫᐤ᙮

ᐅᐸᓓᑭᔅ ᒑᓐ 5:20

ᐌᓴ ᐅᑖᐎᒪᐤ ᓵᑭᐁᐤ ᐅᑯᓯᓯᒫᐗ, ᓀᔥᑕ ᐙᐸᑎᓓᐤ ᒥᓯᐌ ᑫᒀᓇ ᐎᓚ ᑫᒋᐙᒃ ᑳ ᑐᑕᒃ: ᓀᔥᑕ ᑲᑕ ᐙᐸᑎᓓᐤ ᐊᐙᓯᑌ ᑭᒋ ᑫᒀᓇ ᐃᔥᐱᔥ ᐅᐅ, ᑭᒋ ᐅᒋ ᒫᒪᔅᑲᑕᒣᒃ᙮

ᐅᐸᓓᑭᔅ ᒑᓐ 7:33

ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐃᔉ ᑭ ᐎᒉᐎᑎᓇᐗᐤ, ᐁᑯ ᒫᑲ ᑫ ᓇᑕᐙᐸᒪᒃ ᐊᓇ ᑳ ᑮ ᐯᒋᑎᔕᐅᑦ᙮

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᐊᐸᔅᑕᓚᒃ 10:46

ᐌᓴ ᑮ ᐯᑕᐌᐗᒃ ᐁ ᐋᔭᒥᓕᒋ ᓇᓈᑲᐤ ᑭᔗᐎᓂᒃ, ᓀᔥᑕ ᐁ ᑭᔅᑖᒋᒫᒋᒃ ᑭᒋᒪᓂᑐᐗ᙮ ᐁᑯ ᓀᔥᑴᐗᔑᐃᐌᑦ ᐱᑕᕐ,

ᐊᐸᔅᑕᓚᒃ 16:18

ᐅᒣᓕᐤ ᒫᑲ ᑮ ᑐᑕᒻ ᒥᒉᑦ ᑭᔑᑳᐗ᙮ ᐹᓪ ᒫᑲ, ᐁ ᒪᒥᔕᒣᓕᑕᒃ, ᑮ ᑴᔅᑭᑳᐸᐎᐤ, ᓀᔥᑕ ᑮ ᐃᑌᐤ ᐊᓂᐃ ᐊᒑᑾ, ᑭᑦ ᐃᑕᔓᐙᑎᑎᓐ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐯᒋ ᐗᓚᐎᔭᓐ ᐎᔭᐎᒃ ᐅᒋ᙮ ᑮ ᐯᒋ ᐗᓚᐎᐤ ᒫᑲ ᐊᓂᒪ ᑎᐸᐃᑲᓐ ᐱᓯᒧᑳᓂᒃ᙮

ᐊᐸᔅᑕᓚᒃ 19:12

ᐁᐗᑯ ᐌᒋ ᐎᔭᐎᒃ ᐅᒋ ᑮ ᐯᑐᐙᑲᓂᐎᐗᒃ ᑳ ᐋᑯᓯᒋᒃ ᑖᐱᔅᑳᑲᓇ ᓀᔥᑕ ᐊᔅᐱᒋᑯᓀᐅᓇ, ᑮ ᓇᑲᑎᑯᐗᒃ ᒫᑲ ᐃᑖᔅᐱᓀᐎᓇ, ᓀᔥᑕ ᒪᒋ ᐊᒑᑾ ᑮ ᐗᓚᐎᐗ ᐎᔭᐎᐗᒃ ᐅᒋ᙮

ᐊᐸᔅᑕᓚᒃ 2:33

ᐁᐗᑯ ᐅᒋ ᐁ ᑮ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᓀᔥᑕ ᐅᑖᐎᒫᐗ ᐁ ᑮ ᐊᔓᑕᒫᑯᑦ ᑭᒋ ᒥᓕᑯᑦ ᐸᓓᑭ ᐊᒑᒃ, ᑮ ᓯᑭᓇᒻ ᐅᒪ, ᑭᓚᐗᐤ ᐊᓄᒡ ᑳ ᐙᐸᑕᒣᒃ ᓂᔥᑕ ᑳ ᐯᑕᒣᒃ᙮

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 4:16

ᐁ ᐃᑗᒋᒃ, ᑖᓂ ᑫ ᑐᑕᐗᑯᒃ ᐅᑯ ᐃᓕᓕᐗᒃ? ᐌᓴ ᑖᐺ ᒫᒪᑖᐎᐃᓯᒋᑫᐎᓂᓕᐤ ᐁ ᑮ ᑑᑕᑭᒃ ᐸᔭᑌ ᐙᐸᑕᒶᒃ ᒥᓯᐌ ᒋᕉᓴᓚᒥᒃ ᑳ ᑕᔑᑫᒋᒃ; ᓇᒪᐎᓚ ᒫᑲ ᑭ ᑮ ᐋᓉᑌᓇᓇᐤ᙮

ᐊᐸᔅᑕᓚᒃ 4:33

ᓀᔥᑕ ᑭᒋ ᓱᑳᑎᓯᐎᓇᒃ ᐊᐸᔅᑕᓚᒃ ᑮ ᑎᐹᑐᑕᒬᐗᒃ ᐅ ᐗᓂᔥᑳᐎᓂᓕᐤ ᑳ ᐅᑎᐯᓕᒋᑫᐗ ᒋᓴᓴ: ᑮ ᑭᒋ ᔕᐌᓕᑖᑯᓯᐗᒃ ᒫᑲ ᒥᓯᐌ ᐁ ᐃᑕᓯᒋᒃ᙮

ᐊᐸᔅᑕᓚᒃ 4:4

ᑫᔮᐸᒡ ᒫᑲ ᒥᒉᑦ ᐊᓂᑭ ᑳ ᐯᑕᑭᒃ ᐋᔭᒥᐎᓂᓕᐤ ᑭ ᑖᐺᑕᒶᒃ; ᓀᔥᑕ ᐊᓂᑭ ᐃᓕᓕᐗᒃ ᓈᓐᑕᐤ ᓂᔭᓚᐗᐤ ᑭᒋᒥᑖᑐᒥᑕᓇᐤ ᑮ ᐃᑕᔑᐗᒃ᙮

ᐊᐸᔅᑕᓚᒃ 5:15

ᑳ ᐅᒋ ᐯᒋ ᐗᓚᐎᑕᐋᒋᒃ ᑳ ᐋᑯᓯᓕᒋ ᐊᓐᑕ ᐱᒧᑌᔅᑲᓈᒃ, ᑮ ᐱᒥᔑᒣᐙᒃ ᒫᑲ ᓂᐯᐎᓂᒃ, ᓀᔥᑕ ᐋᔅᐱᔑᒨᐎᓂᒃ, ᒥᑰᒋᑲ ᐁ ᐋᑲᐙᔅᑌᔑᒃ ᐱᑕᕐ ᐁ ᐱᒧᑌᑦ ᑭᒋ ᑮ ᐋᑲᐙᔅᑌᔅᑳᑯᒋᒃ ᐋᑎᑦ ᐁ ᐃᑕᓯᒋᒃ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 8:7

ᐌᓴ ᒪᒋ ᐊᒑᑾᒃ, ᓲᑲ ᐁ ᑌᐺᒋᒃ, ᑮ ᐯᒋ ᐗᓚᐎᐗᒃ ᒥᒉᑦ ᐅᒋ ᑳ ᑮ ᐱᒋᔅᑲᐙᒋᒃ; ᓀᔥᑕ ᒥᒉᑦ ᑳ ᐅᑎᑎᑯᒋᒃ ᓇᓇᒫᔅᐱᓀᐎᓇ, ᓀᔥᑕ ᐊᓂᑭ ᑳ ᒫᔅᑭᑳᑌᒋᒃ, ᑮ ᒥᓇᐙᒋᐊᑲᓂᐎᐙᒃ᙮

ᐊᐸᔅᑕᓚᒃ 9:34

ᐱᑕᕐ ᒫᑲ ᑮ ᐃᑌᐤ, ᐃᓂᐊᔅ, ᒋᓴᔅ ᙭ ᑭ ᒥᓇᐙᒋᐃᒃ; ᐗᓂᔥᑲ, ᐅᔑᑕ ᒫᑲ ᑭ ᓂᐯᐎᓐ᙮ ᑖᔦᒃ ᒫᑲ ᑮ ᐗᓂᔥᑳᐤ᙮

ᐊᐸᔅᑕᓚᒃ 9:40

ᒫᑲ ᐱᑕᕐ ᒥᓯᐌ ᑮ ᐗᓚᐎᑎᔕᐌᐤ, ᐁ ᐅᒋᒋᑾᓇᐱᑦ ᒫᑲ, ᓀᔥᑕ ᐁ ᐋᔭᒥᐋᑦ; ᐁ ᑴᔅᑭᔅᑕᒃ ᒫᑲ ᒥᔮᐎᓕᐤ ᑮ ᐃᑗᐤ, ᑖᐱᑕ, ᐗᓂᔥᑳ, ᑮ ᐋᐸᐊᒻ ᒫᑲ ᐅᔅᑭᔑᑾ: ᐃᔅᐱ ᒫᑲ ᐎᐋᐸᒫᑦ ᐱᑕᕋ, ᑮ ᔑᒪᑕᐱᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:19

ᑭᒋ ᒫᒪᑖᐎ ᐃᓯᒋᑫᐎᓇ ᐅᒋ ᓀᔥᑕ ᒥᐋᒥᔅᑳᑌᓕᑖᑾᑭ, ᐅ ᑲᔥᑭᐅᐎᓂᓕᒃ ᐅᑦ ᐊᒑᑾ ᑭᒋᒪᓂᑐ; ᓀᔥᑕ ᒫᑲ ᒋᕉᓴᓚᒥᒃ ᐅᒋ, ᓀᔥᑕ ᒥᓯᐌ ᐙᔅᑲ ᐃᓕᕆᑲᒥᒃ ᐃᔅᑯ, ᒥᑐᓂ ᓂ ᑮ ᐙᐎᑕᒸᓐ ᐅ ᒥᓗᐋᒋᒧᐎᓐ ᙭᙮