ᐅᐸᓓᑭᔅ ᒑᓐ 13:14 - ᐅᔅᑭ ᑎᔅᑌᒥᓐᑦ

¹⁴ ᑮᔥᐱᓐ ᒫᑲ ᓂᓚ ᑭᑦ ᐅᑭᒫᒥᐗᐤ ᓀᔥᑕ ᑳ ᑭᔅᑭᓄᐊᒫᑕᑾᒃ ᑳ ᑭᒋᔅᑖᐸᐗᑖᐙᓀ ᑭᓯᑎᐗᐗ; ᑭᓚᐗᐤ ᓀᔥᑕ ᑭ ᑳ ᑭᒋᔅᑖᐸᐗᓯᑌᓂᑐᑖᐗᐤ᙮

ᐅᐸᓓᑭᔅ ᒑᓐ 13:14 ပူးပေါင်းရင်းမြစ်များ

ᐅᐸᓓᑭᔅ ᒑᓐ 11:2

(ᐁᐗᑯ ᐊᓇ ᒣᕆ ᑳ ᑮ ᑕᒪᔅᑯᓈᑦ ᑌᐯᓕᒋᑫᓕᒋ ᑕᒪᔅᑯᐎᓂᓕᐤ, ᓀᔥᑕ ᑳ ᑮ ᑳᓯᓯᑌᓈᑦ ᐅᔅᑎᒀᓂᐱᐗᔭ, ᐎᒋᔖᓇ ᓛᓴᕋᔅ ᑳ ᐋᑯᓯᓕᒋ᙮)

ᐊᐸᔅᑕᓚᒃ 20:35

ᒥᓯᐌ ᑫᒀᓇ ᑭ ᑮ ᐙᐸᑎᓕᑎᓈᐗᐤ, ᐊᓂᒪ ᐁ ᐋᐸᑎᓯᔦᒃ ᐅᒋ ᑭ ᑳ ᐅᑎᓇᒪᐗᑖᐙᐗᒃ ᐊᓂᑭ ᑳ ᓕᓚᒥᓯᒋᒃ, ᓀᔥᑕ ᑭᒋ ᑭᔅᑭᓯᑐᑕᒬᒃ ᐅᑦ ᐋᔭᒥᐎᓇ ᐅᑎᐯᓕᒋᑫᐤ ᒋᓴᔅ, ᑖᓂ ᑳ ᐃᔑ ᐃᑗᑦ, ᐊᐙᓯᑌ ᔕᐌᓕᑕᑯᓯᓇᓂᐗᓐ ᐁ ᒥᓕᐙᓂᐗᒃ ᐃᔥᐱᔥ ᐁ ᐅᑎᓂᑳᓂᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:10

ᑭᔐᐙᑐᑕᑑᒃ ᒣᒦᔅᑯᒡ ᐁ ᐎᒋᔖᓂᑐᐎ ᓵᑭᐃᑐᔦᒃ; ᑭᔅᑌᓕᒥᑐᐎᓂᒃ ᑕᑐ ᐁ ᐃᑕᔑᔦᒃ ᐊᐙᓯᑌ ᐁ ᑭᔅᑌᓕᒫᑦ ᑯᑕᑭᔭ ᐃᔥᐱᔥ ᐎᓚ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:16

ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮

ᓂᔥᑕᒻ ᑯᕆᓐᑎᐊᓇ 12:3

ᐁᐗᑯ ᐌᒋ ᑭᔅᑫᓕᑕᒥᐃᑕᑾᒃ, ᐁᑳ ᐊᐌᓇ ᐁ ᐅᒋ ᐋᔭᒥᑦ ᑭᒋᒪᓂᑐ ᐅᑦ ᐊᒑᑾ, ᒪᒋ ᐃᑌᓕᑖᑯᓯᐤ ᒋᓴᔅ, ᑭᒋ ᑮ ᐃᑗᑦ: ᐁᑳ ᓀᔥᑕ ᐊᐌᓇ ᑭᒋ ᑮ ᐃᑗᑦ, ᒋᓴᔅ ᐁᐗᑯ ᐅᑎᐯᓕᒋᑫᐤ, ᐱᑯ ᐸᓓᑭ ᐊᒑᑾ ᐅᒋ᙮

ᓂᔥᑕᒻ ᑯᕆᓐᑎᐊᓇ 8:13

ᐁᐗᑯ ᐅᒋ, ᑮᔥᐱᓐ ᒥᒋᒻ ᐅᒋ ᑐᑕᐗᑫ ᓂᒋᔖᓐ ᑭᒋ ᐗᓂᑐᑕᒃ, ᓇᒪᐎᓚ ᓂ ᑳ ᒥᒋᐤ ᐎᔮᔅ ᐃᓕᑯᒃ ᑫ ᐊᔅᑭᐗᒃ, ᐁᑳ ᑭᒋ ᑐᑕᐗᒃ ᓂᒋᔖᓐ ᑭᒋ ᐗᓂᑐᑕᒃ᙮

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 8:9

ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮

ᑲᓓᔕᐊᓇ 5:13

ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᐱᓕᐱᔭᓇ 2:11

ᓀᔥᑕ ᒥᓯᐌ ᑕᑐ ᒥᑌᓕᓕ ᑭᒋ ᐎᑕᒧᒪᑲᒃ ᐁ ᑎᐯᓕᒋᑫᑦ ᒋᓴᔅ ᙭, ᑫ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ ᐌᐅᑖᐎᒪᐎᑦ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 4:1

ᐁ ᑭᔅᑫᓕᑖᑾᒃ ᒫᑲ ᙭ ᐁ ᑮ ᐎᓴᑫᓕᑕᒫᑕᒃ ᐎᔮᓯᒃ, ᐁᑯᔑ ᐳᔅᑎᔥᑲᒧᒃ ᑭᓚᐗᐤ ᓀᔥᑕ ᐁᐗᑯ ᒥᑐᓀᓕᒋᑲᓐ: ᐌᓴ ᐊᓇ ᑳ ᑮ ᐎᓴᑫᓕᑕᒃ ᐎᔮᓯᒃ ᑮ ᐳᓂᑕᐤ ᒪᒋᑐᑕᒧᐎᓂᓕᐤ;

ᓂᔥᑕᒻ ᐱᑕᕐ 5:5

ᓀᔥᑕ ᒫᑲ ᑭᓚᐗᐤ ᑳ ᐅᔥᑳᑎᓯᔦᒃ ᓇᓇᐃᑖᑯᒃ ᑳ ᓂᑳᓀᓕᑖᑯᓯᒋᒃ᙮ ᐁᐁ, ᒥᓯᐌ ᐁ ᐃᑕᔑᔦᒃ ᒀᔭᔉ ᐊᑑᔅᑫᔅᑖᑐᒃ, ᓀᔥᑕ ᑭᑭᔥᑲᒧᒃ ᑕᐸᑌᓕᒧᐎᓐ: ᐌᓴ ᑭᒋᒪᓂᑐ ᓇᔅᑯᔅᑕᐌᐤ ᑳ ᑭᔅᑌᓕᒧᓕᒋ, ᒥᓓᐤ ᒫᑲ ᔕᐌᓕᒋᑫᐎᓂᓕᐤ ᑳ ᑕᐸᑌᓕᒧᓕᒋ᙮