ᐅᐸᓓᑭᔅ ᒑᓐ 12:27 - ᐅᔅᑭ ᑎᔅᑌᒥᓐᑦ

²⁷ ᐊᓄᒡ ᓂᑦ ᐊᒑᒃ ᒥᑯᔥᑳᑌᓕᑕᒻ; ᑖᓂ ᒫᑲ ᑫ ᐃᑗᔮᓐ? ᓄᑖ, ᒥᑖᑴᓇᒪᐎᓐ ᐅᒪ ᑎᐹᔨᑲᓐ ᐱᓯᒧᑳᓂᒃ: ᒫᑲ ᐁᐗᑯ ᐅᒪ ᑳ ᐅᒋ ᐅᑎᑕᒫᓐ ᐅᒪ ᑎᐹᔨᑲᓐ ᐱᓯᒧᑳᓂᒃ᙮

ᐅᐸᓓᑭᔅ ᒑᓐ 12:27 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒫᑎᐤ 11:26

ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᒫᑎᐤ 26:42

ᒥᓇ ᒫᑲ ᑮ ᐃᑐᑌᐤ ᐁᑯ ᓂᔡᐤ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ, ᑮᔥᐱᓐ ᐅᒪ ᒥᓂᒀᑲᓐ ᐁᑳ ᑫ ᑮ ᒥᔮᔕᑳᑯᐙᓀ ᐹᑎᒫ ᑮ ᒥᓂᑴᔮᓀ, ᐁᑯᔑ ᑭᑦ ᐃᑌᓕᑕᒧᐎᓐ ᑲᑕ ᐃᑭᓐ᙮

ᐅᐸᓓᑭᔅ ᒫᑎᐤ 26:45

ᐁᑯ ᐱᐁᒋ ᓈᑖᑦ ᐅ ᑭᔅᑭᓄᐊᒪᐙᑲᓇ, ᐃᑌᐤ ᒫᑲ, ᐁᑯ ᓂᐹᒃ, ᐋᓜᔑᓄᒃ ᒫᑲ: ᒫᑎᑲ, ᐋᔕᔾ ᐯᔓᓈᑾᓐ ᐊᓂᒪ ᑎᐹᔨᑲᓐ ᐱᓯᒧᑳᓂᒃ, ᐃᓕᓕᐎᑯᓯᓵᓐ ᒫᑲ ᐙᔦᔑᐸᑭᑎᓇᐤ ᐅᒋᒋᓕᒃ ᐅᒪᒋᑣᐗ᙮

ᐅᐸᓓᑭᔅ ᓘᒃ 22:44

ᓈᔅᐱᒡ ᒫᑲ ᐁ ᒥᔕᒣᓕᑕᒃ ᐊᐙᓯᑌ ᓱᑲ ᑮ ᐋᔭᒥᐋᐤ: ᐅᑦ ᐋᐺᓯᐎᓐ ᒫᑲ ᑮ ᐃᔑᓈᑾᓂᓕᐤ ᑖᐱᔅᑯᒡ ᒥᑯ ᐁ ᒥᔑᐸᑭᑲᐗᒃ ᐊᔅᑮᒃ᙮

ᐅᐸᓓᑭᔅ ᓘᒃ 22:53

ᒣᒀᒡ ᑕᑡᐤ ᑲᔑᑲᑭ ᑳ ᐎᒉᐎᑕᑾᒃ ᑭᒋᐋᔭᒥᐁᐎᑲᒥᑯᒃ, ᓇᒪᐎᓚ ᑭ ᐅᒋ ᔓᐎᓂᔅᑫᓕᓇᐗᐤ ᑭᒋ ᐅᑎᓂᔦᒃ: ᒫᑲ ᐁᐗᑯ ᐅᒪ ᑭᓚᐗᐤ ᑭ ᑎᐹᔨᑲᓂᐗᐤ ᐱᓯᒧᑳᓂᒃ ᓀᔥᑕ ᐁ ᐃᔑ ᑲᔥᑭᐅᒪᑲᒃ ᐗᓂᑎᐱᔅᑭᓯᐎᓐ᙮

ᐅᐸᓓᑭᔅ ᒑᓐ 11:41

ᐁᑯ ᑳ ᐃᑲᑌᓈᒋᒃ ᐊᓯᓂᔭ ᐊᓐᑕ ᐅᒋ ᐁ ᐱᒥᔑᒫᑲᓂᐎᓕᒋ ᐊᓂᐁᓕᐗ ᑳ ᓂᐱᓕᒋ᙮ ᒋᓴᔅ ᒫᑲ ᑮ ᑕᔅᑕᓵᐱᐤ, ᓀᔥᑕ ᑮ ᐃᑗᐤ, ᓄᑖ, ᑭ ᓈᓈᔅᑯᒥᑎᓐ ᐁ ᑮ ᓇᑐᑕᐎᔭᓐ᙮

ᐅᐸᓓᑭᔅ ᒑᓐ 12:23

ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐁ ᐃᑗᑦ, ᐋᔕᔾ ᐅᑎᒋᐸᓕᐤ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᐃᓕᓕᐎᑯᓯᓵᓐ ᑭᒋ ᑭᔅᑕᑭᒫᑲᓂᐎᑦ᙮

ᐅᐸᓓᑭᔅ ᒑᓐ 13:21

ᐃᔅᐱ ᒋᓴᔅ ᐅᒣᓕᐤ ᑳ ᑮ ᐃᑗᑦ, ᑮ ᒥᑯᔥᑳᑌᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᐎᑕᒫᑫᐤ, ᐁ ᐃᑗᑦ, ᑖᐺ, ᑖᐺ, ᑭᑦ ᐃᑎᓇᐗᐤ, ᐯᔭᒃ ᐁ ᐃᑕᔑᔦᒃ ᓂ ᑳ ᐙᔦᔑᐸᑭᑎᓂᒃ᙮

ᐅᐸᓓᑭᔅ ᒑᓐ 18:37

ᐁᐗᑯ ᐌᒋ ᐹᐃᓚᑦ ᐃᑖᑦ, ᑭ ᑭᒋᐅᑭᒫᐎᓐ ᓈ? ᒋᓴᔅ ᑮ ᓇᔥᑴᐗᔑᐁᐤ, ᑭᑦ ᐃᑣᓐ ᐁ ᑭᒋᐅᑭᒫᐎᔮᓐ᙮ ᐁᐗᑯ ᐅᒪ ᐌᒋ ᑮ ᓂᑕᐎᑭᔮᓐ, ᓀᔥᑕ ᐁᐗᑯ ᐅᒪ ᐌᒋᑮ ᐯᒋ ᐃᑐᑌᔮᓐ ᐊᔅᑮᒃ, ᑭᒋ ᑎᐹᑐᑕᒫᓐ ᑖᐺᐎᓐ᙮ ᒥᓯᐌ ᑕᑐ ᐊᐌᓇ ᑖᐺᐎᓂᒃ ᑳ ᐃᑖᑦ ᐱᔑᒋᑕᒻ ᓂᑦ ᐋᔭᒥᐎᓇ᙮

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᐦᐃᑉᕉᐗ 5:7

ᐊᓇ ᒣᒀᒡ ᑳ ᐎᔭᓯᐎᑦ, ᐃᔅᐱ ᑳ ᑮ ᐋᔭᒥᐁᔅᑕᐙᑦ ᓀᔥᑕ ᓇᑐᑕᒫᑫᔅᑕᐙᑦ, ᐊᓯᒋ ᓀᔥᑕ ᒪᐎᒧᔅᑕᐙᑦ ᓀᔥᑕ ᐅᒋᑲᐙᐱᔅᑕᐙᑦ ᐊᓂᐃ ᑳ ᑲᔥᑭᑖᓕᑭ ᑭᒋ ᐱᒫᒋᐃᑯᑦ ᓂᐱᐎᓂᒃ ᐅᒋ, ᓀᔥᑕ ᐁ ᑮ ᐯᑕᐙᑲᓂᐎᑦ ᐁ ᑮ ᓇᓂᒌᑦ;