53 ᐁᑯ ᐊᓂᐁᓕᐤ ᐁ ᑭᔑᑳᓕᒃ ᐅᒋ ᑮ ᓇᔅᑯᒥᑐᐗᒃ ᑭᒋ ᓂᐸᐋᒋᒃ᙮
ᐁᑯ ᐸᕋᓯᔭᒃ ᐌᓚᐎᒋᒃ, ᑮ ᐋᔭᔭᒥᐃᑐᐗᒃ ᒫᑲ, ᑖᓂ ᑫ ᐃᔑ ᓂᔑᐗᓈᒋᐋᒋᒃ᙮
ᐁᑯᔅᐱ ᐅᒋ ᒋᓴᔅ ᑮ ᒫᒋ ᐙᐸᑎᓓᐤ ᐅ ᑭᔅᑭᓄᐊᒪᐙᑲᓇ, ᒋᕉᓴᓚᒥᒃ ᑭᒋ ᐃᑐᑌᑦ, ᓀᔥᑕ ᑭᒋ ᐗᐎᓴᑫᓕᑕᒥᐃᑯᑦ ᒥᒉᑦ ᑫᒀᓇ ᐊᓂᐃ ᑳ ᓂᑳᓀᓕᑖᑯᓯᓕᒋ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ, ᒥᓇ ᒫᑲ ᑭᒋ ᐗᓂᔥᑳᓈᑲᓂᐎᑦ ᓂᔅᑐ ᑭᔑᑳᓕᑫ᙮
ᓇᒪᐎᓚ ᐊᐌᓇ ᒫᑲ ᑮ ᑲᔥᑭᑕᐤ ᐙᔦᔥ ᑭᒋ ᓇᔥᑴᐗᔑᐊᑦ, ᓇᒪᐎᓚ ᓀᔥᑕ ᐊᐌᓇ ᐊᓂᒪ ᐁ ᑭᔑᑳᒃ ᐅᒋ ᑮ ᐃᔅᐱᒋ ᓱᑭᑌᐁᐤ ᑫᒀᓕᐤ ᑭᒋ ᑲᑴᒋᒫᑦ᙮
ᑮ ᐋᔭᒥᒥᐃᑐᐗᒃ ᒫᑲ ᑭᒧᒡ ᑭᒋ ᐅᑎᓈᒋᒃ ᒋᓴᓴ, ᓀᔥᑕ ᑭᒋ ᓂᐸᐋᒋᒃ᙮
ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ, ᓀᔥᑕ ᑳ ᓂᑳᓀᓕᑖᑯᓯᒋᒃ, ᓀᔥᑕ ᒥᓯᐌ ᑳ ᐎᑕᐱᒥᑯᒋᒃ, ᑮ ᓈᓇᑕᐌᓕᑕᒶᒃ ᑭᒋ ᑭᓛᔅᑭ ᐃᑎᒥᒋ ᒋᓴᓴ, ᑭᒋ ᓂᐸᐋᒋᒃ;
ᑳ ᐳᓂᐸᓕᑭ ᓂᔓ ᑭᔑᑳᑭ ᑮ ᒥᔮᔥᑳᑫᐎᓂ ᒪᑯᔖᓂᐗᓐ, ᓀᔥᑕ ᐊᓚᑯᓇᐤ ᐁᑳ ᐁ ᐅᐱᓯᑦ: ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᓈᓇᑕᐌᓕᑕᒶᒃ ᑫ ᐃᔑ ᐙᔦᔑ ᐅᑎᓈᒋᒃ, ᓀᔥᑕ ᑭᒋ ᓂᐸᐋᒋᒃ᙮
ᐹᕋᓯᔭᒃ ᒫᑲ ᑮ ᑭᑐᑌᐗᒃ, ᑣᔦᒃ ᒫᑲ ᑮ ᐋᔭᔭᒥᐃᑐᐗᒃ ᐊᓯᒋ ᐦᐃᕈᑎᔭᓇᒃ, ᑖᓂ ᑫ ᐃᔑ ᓂᔑᐗᓈᒋᐋᒋᒃ᙮
ᐁᑯ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐸᕋᓯᔭᒃ ᒥᔭᐗᒋᐃᑐᒋᒃ ᐁ ᑲᑫᔅᑭᒥᑐᒋᒃ, ᑮ ᐃᑗᐗᒃ ᒫᑲ, ᑖᓐ ᐁᔨᑎᔭᒃ? ᐌᓴ ᐊᐗ ᐃᓕᓕᐤ ᑐᑕᒻ ᒥᒉᑦ ᒫᒪᔅᑳᒋ ᐃᓯᒋᑫᐎᓇ᙮
ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᑲᑫᔅᑭᒥᑐᐗᒃ ᑭᒋ ᓂᐸᐋᒋᒃ ᓛᓴᕋᓴ ᓀᔥᑕ;
ᑳ ᐳᓂᐸᓕᑭ ᐅᐅ ᒋᓴᔅ ᑮ ᐸᐸᒧᑌᐤ ᑳᓕᓕᒃ: ᐌᓴ ᓇᒪᐎᓚ ᑮ ᐎ ᐸᐹᒧᑌᐤ ᒎᕆᐃᒃ, ᐁ ᐎ ᓂᐹᔨᑯᑦ ᒎᐗ᙮
ᐃᔅᐱ ᒫᑲ ᐊᓂᒪ ᐱᐁᑕᑭᒃ, ᑮ ᐎᓴᑭᑌᐁᐗᒃ, ᑮ ᐊᔭᒥᐃᑐᐗᒃ ᒫᑲ ᑭᒋ ᓂᐸᐋᒋᒃ᙮
ᐹᑎᒪ ᒫᑲ ᒥᒉᑦ ᑭᔑᑳᐗ ᑳ ᑎᐱᐸᓕᑭ, ᒎᐗᒃ ᑮ ᐊᔭᔭᒥᐃᑐᐗᒃ ᑭᒋ ᓂᐸᐋᒋᒃ:
