ᐅᐸᓓᑭᔅ ᒑᓐ 10:36 - ᐅᔅᑭ ᑎᔅᑌᒥᓐᑦ

³⁶ ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 10:36 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:43

ᑮ ᒪᒥᔑᑐᑕᐌᐤ ᑭᒋᒪᓂᑐᐗ: ᐁᑯᔑ ᐊᓄᒡ ᑲᑕ ᐱᒫᒋᐃᑯ, ᑮᔥᐱᓐ ᓀᑕᐌᓕᒥᑯᑴ: ᐌᓴ ᑮ ᐃᑗᐤ, ᓂᓚ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒫᑎᐤ 27:54

ᐃᔅᐱ ᒫᑲ ᓇᑐᐸᓕᐎᑭᒪᐤ, ᓀᔥᑕ ᐊᓂᐃ ᑳ ᐎᒉᐎᑯᑦ, ᐁ ᓈᓈᑲᑕᐙᐸᒫᒋᒃ ᒋᓴᓴ, ᐎᐋᐸᑕᑭᒃ ᐁ ᑶᑾᓂᓕᒃ, ᓀᔥᑕ ᐊᓂᐃ ᑫᒀᓇ ᑳ ᑐᒋᑳᑌᓕᑭ, ᓈᔅᐱᒡ ᑮ ᓭᑭᓯᐗᒃ, ᐁ ᐃᑗᒋᒃ, ᑖᐺ ᐊᐗ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᓘᒃ 1:35

ᐁᓐᒐᓪ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᐸᓓᑭ ᐊᒑᒃ ᑭ ᑳ ᐯᒋ ᐅᑎᑎᒃ, ᓀᔥᑕ ᒫᐗᒋ ᐁᔅᐯᓕᑖᑯᓯᑦ ᐅ ᑲᔥᑭᐅᐎᓐ ᑭ ᑳ ᐅᑲᐙᔅᑌᔅᑳᑯᐙᓐ: ᐁᐗᑯ ᐌᒋ ᐊᓂᒪ ᐸᓓᑭ ᑫᒀᓐ ᑫ ᓂᑖᐎᑭᑖᔭᓐ ᑭᒋᒪᓂᑐ ᐅᑯᓯᓴ ᑲᑕ ᐃᔑᓂᑳᑌᐤ᙮

ᐅᐸᓓᑭᔅ ᒑᓐ 10:35

ᑮᔥᐱᓐ ᒪᓂᑐᐗᒃ ᑳ ᐃᔑᓂᑳᑖᑴ ᐊᓂᐃ ᑳ ᑮ ᐅᑎᑎᑯᓕᒋ ᑭᒋᒪᓂᑐᐗ ᐅᑦ ᐋᔭᒥᐎᓀᓕᐤ, ᑭᒋ ᒪᓯᓇᐃᑫᐎᓐ ᒫᑲ ᓇᒪᐎᓚ ᑲᑕ ᑮ ᐱᑯᐱᒋᑳᑌᐤ;

ᐅᐸᓓᑭᔅ ᒑᓐ 17:18

ᑖᐱᔅᑯᒡ ᐁ ᑮ ᐯᒋᑎᔕᐅᔭᓐ ᐊᔅᑮᒃ, ᐁᑯ ᓀᔥᑕ ᑖᐱᔅᑯᒡ ᑳ ᐃᑎᔕᐗᑭᒃ ᐊᔅᑮᒃ᙮

ᐅᐸᓓᑭᔅ ᒑᓐ 17:21

ᒥᓯᐌ ᑭᒋ ᐯᔭᑯᒋᒃ: ᑖᐱᔅᑯᒡ ᑭᓚ, ᐅᑖᐎᒪᐤ, ᐁ ᐱᒋᔅᑲᐎᔭᓐ, ᓀᔥᑕ ᓂᓚ ᐁ ᐱᒋᔅᑳᑖᓐ ᐎᓚᐗᐤ ᐊᓯᒋ ᑭᒋ ᐯᔭᑯᒋᒃ ᐁ ᐱᒋᔅᑳᑕᑯᒃ: ᐊᔅᑭ ᑭᒋ ᑖᐺᑕᒧᒪᑲᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 17:8

ᐌᓴ ᓂ ᑮ ᒥᓛᐗᒃ ᐊᓂᐃ ᐋᔭᒥᐎᓇ ᑳ ᑮ ᒥᓕᔭᓐ; ᑮ ᐅᑎᓇᒶᒃ ᒫᑲ, ᓀᔥᑕ ᑮ ᑖᐺᑕᒶᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 19:7

ᒎᐗᒃ ᑮ ᓇᔥᑴᐗᔑᐁᐗᒃ ᓂᑦ ᐋᔮᓈᓐ ᐅᓚᔓᐌᐎᓐ, ᓀᔥᑕ ᓂᑦ ᐅᓚᔓᐌᐎᓂᓈᓐ ᐅᒋ ᑲᑕ ᓂᐱᐸᓐ, ᐌᓴ ᑭᒋᒪᓂᑐ ᐅᑯᓯᓴ ᑮ ᐃᑌᓕᑖᑯᐃᑎᓱ᙮

ᐅᐸᓓᑭᔅ ᒑᓐ 20:28

ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 3:17

ᐌᓴ ᑭᒋᒪᓂᑐ ᓇᒪᐎᓚ ᐅᒋ ᐯᒋᑎᔕᐌᐤ ᐅᑯᓯᓴ ᑭᒋ ᓂᔑᐗᓈᒋᑕᒥᓕᒋ ᐊᔅᑭᓕᐤ; ᒫᑲ ᐎᓚ ᑭᒋ ᐅᒋ ᐱᒫᒋᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 3:34

ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮

ᐅᐸᓓᑭᔅ ᒑᓐ 5:30

ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑮ ᑐᑌᓐ: ᐁ ᐃᔑ ᐯᑕᒫᓐ ᓂᑦ ᐃᔑ ᑎᐹᔅᑯᓂᑳᓐ: ᓂ ᑎᐹᔅᑯᓂᑫᐎᓐ ᒫᑲ ᑳᔨᔅᑾᓐ: ᐁᑳ ᐁ ᐎ ᑐᑕᒫᓐ ᓂᓚ ᑎᐱᓚᐌ ᓃᑦ ᐃᑌᓕᑕᒧᐎᓐ, ᒫᑲ ᐅᑦ ᐃᑌᓕᑕᒧᐎᓐ ᐅᑖᐎᒪᐤ ᑳ ᑮ ᐯᒋᑎᔕᐅᑦ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐅᐸᓓᑭᔅ ᒑᓐ 6:38

ᐌᓴ ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ, ᓇᒪᐎᓚ ᑭᒋ ᑐᑕᒫᓐ ᓂᓚ ᑎᐱᓚᐌ ᓂᑦ ᐃᑌᓕᑕᒧᐎᓐ, ᒫᑲ ᐊᓇ ᑳ ᐯᒋᑎᔕᐅᑦ ᐅᑦ ᐃᑌᓕᑕᒧᐎᓐ᙮

ᐅᐸᓓᑭᔅ ᒑᓐ 6:57

ᑖᐱᔅᑯᒡ ᑳ ᐃᔑ ᐯᒋᑎᔕᐅᑦ ᐯᒫᑎᓰᑦ ᐅᑖᐎᒪᐤ, ᓀᔥᑕ ᐁ ᐱᒫᑎᓯᔮᓐ ᐅᑖᐎᒪᐤ ᐅᒋ ᐁᑯ ᑖᐱᔅᑯᒡ ᐊᓇ ᑳ ᒧᐎᑦ, ᐎᓚ ᓀᔥᑕ ᑲᑕ ᐱᒫᑎᓯᐤ ᓂᓚ ᐅᒋ᙮

ᐅᐸᓓᑭᔅ ᒑᓐ 6:69

ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒑᓐ 8:42

ᒋᓴᔅ ᑮ ᐃᑌᐤ, ᑮᔥᐱᓐ ᑭᒋᒪᓂᑐ ᐌᑖᐎᔦᑯ, ᑭ ᑳ ᓵᑭᐃᑕᐗᐤ: ᐌᓴ ᑭᒋᒪᓂᑐᒃ ᓂᑦ ᐅᒌᓐ ᓀᔥᑕ ᓂᑦ ᐅᑐᑖᓐ; ᓇᒪᐎᓚ ᓀᔥᑕ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂᑦ ᐅᒋ ᐯᒋ ᐃᑐᑖᓐ, ᒫᑲ ᓂ ᑮ ᐯᒋᑎᔕᐅᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;