ᐅᐸᓓᑭᔅ ᒑᓐ 10:28 - ᐅᔅᑭ ᑎᔅᑌᒥᓐᑦ

²⁸ ᓀᔥᑕ ᓂ ᒥᓛᐗᒃ ᑳᑭᑫ ᐱᒫᑎᓯᐎᓂᓕᐤ; ᓇᒪᐎᔅᑳᑦ ᒫᑲ ᑲᑕ ᓂᔑᐗᓈᑎᓯᐗᒃ, ᓇᒪᐎᓚ ᓀᔥᑕ ᐊᐌᓇ ᓂ ᑳ ᑮ ᒪᔅᑲᒥᒃ ᓂᒌᒌᒃ ᐅᒋ᙮

ᐅᐸᓓᑭᔅ ᒑᓐ 10:28 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 13:22

ᐌᓴ ᓇᔅᐹᒡ ᙭ᑕᒃ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᓀᔥᑕ ᑲᑕ ᐙᐸᑎᓕᐌᐗᒃ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ, ᑫ ᐅᒋ ᐙᔦᔑᐋᒋᒃ ᐋᐳᒋᑲ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᓘᒃ 23:46

ᐃᔅᐱ ᒫᑲ ᒋᓴᔅ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐃᑗᐤ, ᓄᑖ, ᑭᒋᒌᒃ ᑭ ᑲᓇᐌᓕᑎᓕᓐ ᓂᑦ ᐊᒑᒃ: ᐅᒣᓕᐤ ᒫᑲ ᑳ ᑮ ᐃᑗᑦ, ᑮ ᐸᑭᑎᓀᐤ ᐅᑦ ᐊᒑᑾ᙮

ᐅᐸᓓᑭᔅ ᒑᓐ 10:29

ᓄᑖᐎ, ᑳ ᑮ ᒥᓕᑦ ᐊᐙᓯᑌ ᑭᔅᑌᓕᑖᑯᓯᐤ ᐃᔥᐱᔥ ᒥᓯᐌ; ᓀᔥᑕ ᓇᒪᐎᓚ ᐊᐌᓇ ᑲᑕ ᑮ ᒪᔅᑲᒣᐤ ᓄᑖᐎᔭ ᐅᒋᒋᓕᒃ ᐅᒋ᙮

ᐅᐸᓓᑭᔅ ᒑᓐ 11:25

ᒋᓴᔅ ᑮ ᐃᑌᐤ, ᓂᓚ ᐁᐗᑯ ᐅᐗᓂᔥᑳᓂᐌᐤ, ᓀᔥᑕ ᑳ ᐋᐎᔮᓐ ᐱᒫᑎᓯᐎᓐ: ᐊᓇ ᑳ ᑖᐺᔦᓕᒥᑦ, ᐋᑕ ᐁ ᓂᐱᑦ, ᐁᓕᐌᒃ ᒫᑲ ᑲᑕ ᐱᒫᑎᓯᐤ:

ᐅᐸᓓᑭᔅ ᒑᓐ 14:19

ᑫᔮᐸᒡ ᐎᓕᐱᔉ, ᐁᑯ ᐊᔅᑭ ᐁᑳ ᒥᓇ ᑫ ᐙᐸᒥᑯᔮᓐ; ᒫᑲ ᑭᓚᐗᐤ ᑭ ᑳ ᐙᐸᒥᓇᐗᐤ: ᐁ ᐱᒫᑎᓯᔮᓐ ᓂᓚ, ᐁᐗᑯ ᑭᓚᐗᐤ ᓀᔥᑕ ᑫ ᐅᒋ ᐱᒫᑎᓯᔦᒃ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᐅᐸᓓᑭᔅ ᒑᓐ 18:9

ᑭᒋ ᑎᐱᐸᓕᓕᒃ ᐊᓂᐁᓕᐤ ᐃᑗᐎᓂᓕᐤ ᑳ ᑮ ᐃᑗᑦ, ᐊᓂᑭ ᑳ ᑮ ᒥᓕᔭᓐ ᓇᒪᐎᓚ ᐙᐙᒡ ᐯᔭᒃ ᐁ ᐃᑕᓯᒋᒃ ᓂ ᑮ ᐗᓂᐊᐤ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐅᐸᓓᑭᔅ ᒑᓐ 6:37

ᒥᓯᐌ ᐊᓂᐃ ᑳ ᒥᓕᑦ ᐅᑖᐎᒪᐤ ᓂ ᑳ ᐯᒋ ᓈᑎᑾᒃ: ᐊᓇ ᓀᔥᑕ ᑳ ᐯᒋ ᓈᔑᑦ ᔮᓕᑌᓪ ᓇᒪᐎᓚ ᓂ ᑳ ᐗᓚᐎᐌᐱᓇᐤ᙮

ᐅᐸᓓᑭᔅ ᒑᓐ 6:47

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ ᐋᔭᐤ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:68

ᐁᑯ ᓀᔥᑴᐗᔑᐃᑯᑦ ᓵᐃᒪᓐ ᐱᑕᕋ, ᑌᐯᓕᒋᑫᔭᓐ, ᐊᐌᓇ ᑫ ᓈᑕᑭᑦ? ᑭᓚ ᑭᑦ ᐋᔮᓐ ᑳᑭᑫ ᐱᒫᑎᓯᐎᓂ ᐋᔭᒥᐎᓇ᙮

ᐊᐸᔅᑕᓚᒃ 7:59

ᑮ ᐱᒧᓯᓈᑕᐌᐗᒃ ᒫᑲ ᔅᑎᐱᓇ ᐁ ᒪᐎᒧᔅᑕᐙᓕᒋ ᑭᒋᒪᓂᑐᐗ, ᓀᔥᑕ ᐁ ᐃᑗᓕᒋ, ᑌᐯᓕᒋᑫᔭᓐ ᒋᓴᔅ, ᐅᑎᓐ ᓂᑦ ᐊᒑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:17

ᐌᓴ ᑮᔥᐱᓐ ᐯᔭᒃ ᐃᓕᓕᐤ ᐅ ᐗᓂᑐᑕᒧᐎᓐ ᐅᒋ ᓂᐱᐎᓐ ᑮ ᑎᐯᓕᒋᑫᒪᑲᒃ ᐊᓇ ᐯᔭᒃ ᐅᒋ; ᐋᓕᐙᒃ ᐊᐙᓯᑌ ᐊᓂᑭ ᑳ ᒥᓛᑲᓂᐎᒋᒃ ᒥᔅᑕᐃ ᔖᐌᓕᒋᑫᐎᓂᓕᐤ ᓀᔥᑕ ᐊᓂᐊᓕᐤ ᒥᓕᐌᐎᓂᓕᐤ ᒀᔭᔅᑭᑖᑎᓯᐎᓂᓕᐤ ᑲᑕ ᑎᐯᓕᒋᑫᐗᒃ ᐱᒫᑎᓯᐎᓂᒃ ᐯᔭᒃ ᐅᒋ, ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:21

ᑖᐱᔅᑯᒡ ᒫᑲ ᒪᒋᑣᐎᓐ ᑳ ᐃᔑ ᑎᐯᓕᒋᑫᒪᑲᒃ ᓂᐱᐎᓂᒃ ᐃᔑ, ᐁᑯ ᑖᐱᔅᑯᒡ ᔕᐌᓕᒋᑫᐎᓐ ᑫ ᑎᐯᓕᒋᑫᒪᑲᒃ ᒀᔭᔅᑭᑖᑎᓯᐎᓐ ᐅᒋ ᑳᑭᑫ ᐱᒫᑎᓯᐎᓂᒃ ᐃᔑ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:9

ᐊᐙᓯᑌ ᒫᑲ, ᐁᑯ ᐁ ᑮ ᒀᔭᔅᑭᑖᑎᓯᐃᑲᐎᔭᒃ ᐅᒥᑯᒻ ᐅᒋ, ᑭ ᑳ ᐱᒫᒋᐃᑲᐎᓈᓇᐤ ᐋᑯᓚᐌᓯᐎᓂᒃ ᐅᒋ ᐎᓚ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:29

ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮

ᐱᓕᐱᔭᓇ 1:6

ᐁ ᑫᒋᓇᐅᔮᓐ ᐅᒪ ᑫᒀᓐ, ᐊᓇ ᑳ ᑮ ᑭᒋᑖᑦ ᒥᓗ ᐊᑑᔅᑫᐎᓂᓕᐤ ᐁ ᐱᒋᔅᑳᑯᔦᒃ, ᑲᑕ ᑎᐱᑐᑕᒻ ᐱᓕᔥ ᐅᑎᒋᐸᓕᓕᑫ ᒋᓴᔅ ᙭ ᐅ ᑭᔑᑳᒻ:

ᓂᔓ ᑌᓴᓗᓂᔭᓇ 2:13

ᒫᑲ ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ, ᓂᒋᔖᓂᑐᒃ, ᑳ ᓵᑭᐃᑖᒃ ᐅᑎᐯᓕᒋᑫᐤ, ᐌᔅᑲᒡ ᐅᒋ ᐁ ᑮ ᐙᐌᓛᐸᒥᑖᒃ ᑭᒋᒪᓂᑐ ᑭᒋ ᐱᒫᒋᐃᑲᐎᔦᒃ, ᐁ ᐸᓓᑭᐃᑖᒃ ᐊᒑᒃ, ᓀᔥᑕ ᐁ ᑖᐺᑕᒣᒃ ᑖᐺᐎᓐ:

ᓂᔥᑕᒻ ᑎᒧᑎ 1:16

ᐁᓕᐌᒃ ᒫᑲ, ᐅᒪ ᐅᒋ ᓂ ᑮ ᒥᓕᑲᐎᓐ ᔕᐌᓕᒋᑫᐎᓐ, ᓂᓚ ᒪᐗᒋ ᓂᑳᓐ ᑭᒋ ᐅᒋ ᐙᐸᑎᓕᐌᑦ ᒥᓯᐌ ᔑᐱᓚᐌᓯᐎᓂᓕᐤ, ᑭᒋ ᑭᔅᑭᓄᐙᐸᑕᑭᒃ ᐊᓂᑭ ᐁᔥᑾ ᑫ ᑖᐺᔦᓕᒫᒋᒃ ᑳᑭᑫ ᐱᒫᑎᓯᐎᓂᒃ ᐃᔑ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᒑᓐ 1:2

(ᐌᓴ ᐊᓂᒪ ᐱᒫᑎᓯᐎᓐ ᑮ ᓄᑯᑖᑲᓂᐗᓐ, ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᑎᐹᑐᑌᓈᓐ, ᑭ ᐙᐸᑎᓕᑎᓈᓐ ᒫᑲ ᐊᓂᒪ ᑳᑭᑫ ᐱᒫᑎᓯᐎᓐ, ᑳ ᑮ ᐎᒋᑕᔑᑫᒥᑯᑦ ᐅᑖᐎᒪᐤ, ᓀᔥᑕ ᑳ ᑮ ᐙᐸᑎᓕᑲᐎᔮᒃ;)

ᓂᔥᑕᒻ ᒑᓐ 2:19

ᑭᓚᓇᓇᐤ ᐃᑕ ᐁ ᐃᑖᔭᒃ ᑮ ᐅᒋ ᐗᓚᐎᐗᒃ, ᒫᑲ ᓇᒪᐎᓚ ᑭ ᑮ ᐅᐎᒉᐙᑲᓂᓈᐤ: ᐌᓴ ᑮᔥᐱᓐ ᑮ ᐅᐎᒉᐙᑲᓂᔭᒃ, ᑫᔮᐸᒡ ᑭ ᑳ ᐎᒉᐎᑯᑖᓇᐗᒃ; ᒫᑲ ᑮ ᐗᓚᐎᐗᒃ ᑭᒋ ᑭᔅᑫᓕᑖᑯᓯᒋᒃ ᐁᑳ ᒥᓯᐌ ᐁ ᑮ ᐅᐎᒉᐙᑲᓂᔭᒃ᙮

ᓂᔥᑕᒻ ᒑᓐ 2:25

ᐁᐗᑯ ᒫᑲ ᐅᒪ ᐊᔓᑕᒫᑫᐎᓐ ᑳ ᑮ ᐊᔓᑕᒫᑕᒃ, ᑳᑭᑫ ᐱᒫᑎᓯᐎᓐ ᐅᑎ᙮

ᓂᔥᑕᒻ ᒑᓐ 5:11

ᐁᐗᑯ ᐅᒪ ᒫᑲ ᑎᐹᒋᒧᐎᓐ, ᐁ ᑮ ᒥᓕᑕᒃ ᑭᒋᒪᓂᑐ ᑳᑭᑫ ᐱᒫᑎᓯᐎᓂᓕᐤ; ᐅᒣᓕᐤ ᐱᒫᑎᓯᐎᓂᓕᐤ ᒫᑲ ᐱᒋᔅᑳᑯᓕᐗ ᐅᑯᓯᓴ᙮

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮

ᒎᑦ 1:21

ᑲᓇᐌᓕᒥᑎᓱᒃ ᑭᒋᒪᓂᑐ ᐅ ᓵᑭᐃᐌᐎᓂᒃ, ᐁ ᐊᔕᐙᐸᑕᒬᒃ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑳᑭᑫ ᐱᒫᑎᓯᐎᓂᒃ ᐃᔑ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,