ᐅᐸᓓᑭᔅ ᒑᓐ 10:16 - ᐅᔅᑭ ᑎᔅᑌᒥᓐᑦ

¹⁶ ᑯᑕᑭᔭᒃ ᓀᔥᑕ ᒫᓂᔥᒑᓂᔕᒃ ᓂᑦ ᐋᔭᐙᐗᒃ ᐁᑳ ᐅᒪ ᒫᓂᔥᒑᓂᔑᑲᒥᑯᒃ ᐁ ᐃᑖᒋᒃ ᐁᐗᒀᓂᑭ ᔮᓕᑌᓪ ᑫ ᐯᔑᐗᑭᒃ, ᑲᑕ ᓇᑐᑕᒶᒃ ᒫᑲ ᓂ ᐯᑖᑯᓯᐎᓂᓕᐤ; ᐁᑯ ᑫ ᐯᔭᑾᒃ ᒫᓂᔥᒑᓂᔑᑲᒥᒃ, ᓀᔥᑕ ᑫ ᐯᔭᑯᑦ ᒫᓂᔥᒑᓂᔑᐎᓕᓕᐤ᙮

ᐅᐸᓓᑭᔅ ᒑᓐ 10:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 17:5

ᒣᒀᒡ ᑫᔮᐸᒡ ᐁ ᐋᔭᒥᐤ, ᒫᑎᑲ, ᐁ ᐙᓭᔮᒃ ᐗᔅᑯ ᑮ ᐊᑳᐙᔅᑌᐅᑯᐗᒃ: ᒫᑎᑲ, ᒫᑲ, ᐯᑖᑯᓯᐎᓐ ᐗᔅᑯᒃ ᐅᒋ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ; ᓇᑐᑖᐎᒃ᙮

ᐅᐸᓓᑭᔅ ᓘᒃ 15:8

ᓀᔥᑕᐱᑯ ᑫᑯ ᐃᔅᑴᐤ ᐁ ᐋᔭᐙᑦ ᒥᑖᑦ ᐙᐱᓯ ᔔᓕᐊᓈᐱᔅᑾ, ᑮᔥᐱᓐ ᐗᓂᐋᑦ ᐯᔭᒃ, ᓇᒪ ᓈ ᓴᔅᑲᐊᒻ ᐙᔅᑌᓇᒫᑲᓂᓕᐤ, ᓀᔥᑕ ᐁ ᐌᐹᐃᑫᑦ ᐙᔅᑳᔨᑲᓂᒃ, ᓱᑲ ᓈᓇᑕᐙᐸᒣᐤ ᐹᑎᒫ ᒥᔅᑲᐙᑌ?

ᐅᐸᓓᑭᔅ ᒑᓐ 10:11

ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮

ᐅᐸᓓᑭᔅ ᒑᓐ 10:2

ᒫᑲ ᐊᓇ ᐃᔥᒀᑌᒥᒃ ᑳ ᐅᒋ ᐱᑐᑫᑦ, ᐁᐗᑯ ᒫᓂᔥᒑᓂᔕᒃ ᐅ ᒫᓂᔥᒑᓂᔑᐎᓕᓕᒥᐙᐗ᙮

ᐅᐸᓓᑭᔅ ᒑᓐ 10:27

ᓂ ᒫᓂᔥᒑᓂᔑᒪᒃ ᓇᑐᑕᒶᒃ ᓂ ᐯᑖᑯᓯᐎᓂᓕᐤ, ᓀᔥᑕ ᓂ ᑭᔅᑫᓕᒪᐗᒃ ᓂ ᓄᔅᐱᓈᑎᑾᒃ ᓀᔥᑕ᙮

ᐅᐸᓓᑭᔅ ᒑᓐ 10:3

ᐁᐗᑯ ᐃᐋᐸᐊᒫᑯᑦ ᐅᑲᓇᐎᔅᒀᑕᐎᐗ; ᓀᔥᑕ ᒫᓂᔥᒑᓂᔕ ᓇᑐᑕᒥᓕᐗ ᐅ ᐯᑖᑯᓯᐃᓐ: ᓀᔥᑕ ᓇᑐᒣᐤ ᐎᓚ ᑎᐱᓚᐌ ᐅ ᒫᓂᔥᒑᓂᔑᒪ ᐁ ᐎᓛᑦ, ᓀᔥᑕ ᐗᓚᐎᑭᔅᑭᓄᑕᐁᐤ᙮

ᐅᐸᓓᑭᔅ ᒑᓐ 10:4

ᐃᔅᐱ ᒫᑲ ᐌᓚᐎᑕᐋᒋ ᐎᓚ ᑎᐱᓚᐌ ᐅ ᒫᓂᔥᒑᓂᔑᒪ, ᓂᑳᓄᑕᐌᐤ, ᓄᔅᐱᓈᑎᑯ ᒫᑲ ᒫᓂᔥᒑᓂᔕ: ᐌᓴ ᓂᓯᑐᑕᒥᓕᐗ ᐅ ᐯᑖᑯᓯᐎᓐ᙮

ᐅᐸᓓᑭᔅ ᒑᓐ 10:5

ᒫᓐᑌᐗ ᒫᑲ ᓇᒪᐎᓚ ᑲᑕ ᓄᔅᐱᓇᑌᐗᒃ, ᒫᑲ ᑲᑕ ᐅᔑᒣᐗᒃ: ᐌᓴ ᓇᒪᐎᓚ ᓂᓯᑐᑕᒬᐗᒃ ᒫᓐᑌᐗ ᐅ ᐯᑖᑯᓯᐎᓂᓚᐤ᙮

ᐅᐸᓓᑭᔅ ᒑᓐ 11:52

ᓇᒪᐎᓚ ᒫᑲ ᐱᑯ ᐊᓂᐃ ᐃᓕᓕᐗ ᐅᒋ, ᒫᑲ ᐊᓯᒋ ᑭᒋ ᒪᐗᒋᐃᒫᓕᒋ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᑭᒋ ᐯᔭᑯᓕᒋ ᑳ ᓇᓈᓂᔅ ᐃᑖᓕᒋ᙮

ᐅᐸᓓᑭᔅ ᒑᓐ 17:20

ᓇᒪᐎᓚ ᐅᑯ ᐱᑯ ᓂᑦ ᐋᔭᒥᐁᔅᑕᒪᐙᐗᒃ, ᒫᑲ ᐊᓂᐃ ᐊᓯᒋ ᑫ ᑖᐺᔦᓕᒥᓕᒋ ᐅᑦ ᐋᔭᒥᐎᓂᐗᐤ ᐅᒋ;

ᐅᐸᓓᑭᔅ ᒑᓐ 6:37

ᒥᓯᐌ ᐊᓂᐃ ᑳ ᒥᓕᑦ ᐅᑖᐎᒪᐤ ᓂ ᑳ ᐯᒋ ᓈᑎᑾᒃ: ᐊᓇ ᓀᔥᑕ ᑳ ᐯᒋ ᓈᔑᑦ ᔮᓕᑌᓪ ᓇᒪᐎᓚ ᓂ ᑳ ᐗᓚᐎᐌᐱᓇᐤ᙮

ᐊᐸᔅᑕᓚᒃ 15:14

ᓯᒥᔭᓐ ᑮ ᐙᐎᑕᒪᒻ ᑭᒋᒪᓂᑐ ᓃᔥᑕᒻ ᑳ ᐃᔑ ᒫᐗᑎᑖᑦ ᐊᓂᐃ ᒉᓐᑖᐃᓚ, ᐁᐗᒀᓂᐃ ᑭᒋ ᐅᒋ ᐅᑎᓈᑦ ᐃᓕᓕᐗ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 18:10

ᐌᓴ ᑭ ᐎᒉᐎᑎᓐ, ᓇᒪᐎᓚ ᒫᑲ ᐊᐌᓇ ᐃᓕᓕᐤ ᐙᔦᔥ ᑭ ᑳ ᑐᑕᒃ ᑭᒋ ᐋᑯᐃᔉ: ᐌᓴ ᓂᑦ ᐋᔭᐙᐗᒃ ᒥᒉᑦ ᐃᓕᓕᐗᒃ ᐅᒪ ᐃᑖᐎᓂᒃ᙮

ᐊᐸᔅᑕᓚᒃ 22:14

ᑮ ᐃᑗᐤ ᒫᑲ, ᐊᓇ ᐅ ᑭᒋᒪᓂᑐᒥᐙᐗ ᑯᑖᐎᓈᐗᒃ ᑭ ᑮ ᐙᐌᓛᐸᒥᒃ, ᑭᒋ ᑭᔅᑫᓕᑕᒶᑦ ᐅᑦ ᐃᑌᓕᑕᒧᐎᓐ, ᓀᔥᑕ ᑭᒋ ᐙᐸᒪᑦ ᐊᓇ ᐅᒀᔭᔅᑭᑎᐤ, ᓀᔥᑕ ᑭᒋ ᐯᑕᒶᑦ ᐅ ᐯᑖᑯᓯᐎᓐ ᐅᑐᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᓂᔓ ᑌᓴᓗᓂᔭᓇ 2:13

ᒫᑲ ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ, ᓂᒋᔖᓂᑐᒃ, ᑳ ᓵᑭᐃᑖᒃ ᐅᑎᐯᓕᒋᑫᐤ, ᐌᔅᑲᒡ ᐅᒋ ᐁ ᑮ ᐙᐌᓛᐸᒥᑖᒃ ᑭᒋᒪᓂᑐ ᑭᒋ ᐱᒫᒋᐃᑲᐎᔦᒃ, ᐁ ᐸᓓᑭᐃᑖᒃ ᐊᒑᒃ, ᓀᔥᑕ ᐁ ᑖᐺᑕᒣᒃ ᑖᐺᐎᓐ:

ᐦᐃᑉᕉᐗ 13:20

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ, ᐊᓇ ᑳ ᑮ ᑭᐌ ᐯᔑᐙᑦ ᐅᓂᐱᐗ ᐅᒋ ᑭ ᑎᐯᓕᒋᑫᒥᓇᐗ ᒋᓴᓴ, ᐊᓇ ᐅ ᑭᒋ ᒫᓂᔥᒑᓂᔑᐎᓕᓕᒥᐗᐗ ᒫᓂᔥᒑᓂᔕᒃ, ᐊᓂᒪ ᑳᑭᑫ ᓇᑲᑕᒫᑫᐎ ᒪᓯᓇᐃᑲᓂ ᒥᑯ ᐅᒋ,

ᓂᔥᑕᒻ ᐱᑕᕐ 2:10

ᑭᓚᐗᐤ ᑳᔮᔥ ᐁᑳ ᑳ ᑮ ᐃᑕᔅᑳᓀᓯᔦᒃ ᐁ ᐃᓕᓕᐎᔦᒃ, ᒫᑲ ᐊᓄᒡ ᑯᑎᓕᓕᒥᒥᑯᐗᐤ ᑭᒋᒪᓂᑐ: ᐁᑳ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ, ᐊᓄᒡ ᒫᑲ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ᙮

ᓂᔥᑕᒻ ᐱᑕᕐ 2:25

ᐌᓴ ᑭ ᑮ ᓇᔅᐱᑕᐙᐗᐗᒃ ᒫᓂᔥᒑᓂᔕᒃ ᐁ ᐗᓂᔑᑭᒃ; ᒫᑲ ᐊᓄᒡ ᑮ ᑭᐌᑐᑕᐗᐗᐤ ᑭᑦ ᐊᒑᑯᐗᐗᒃ ᐅ ᒫᓂᔥᒑᓂᔑᐎᓕᓕᒥᐙᐗ ᓀᔥᑕ ᐅ ᑭᒋᐋᔭᒥᐁᐎᑭᒫᒥᐗᐗ᙮

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮

ᑭᔅᑫᓕᑖᑯᑖᑫᐎᓐ 3:20

ᒫᑎᑲ, ᓂ ᓂᐸᐎᓐ ᐃᔥᒀᑌᒥᒃ ᓂ ᐹᐸᐙᐃᑳᓐ ᒫᑲ: ᑮᔥᐱᓐ ᐊᐌᓇ ᐃᓕᓕᐤ ᐯᑕᑫ ᓂ ᐯᑖᑯᓯᐎᓐ, ᐹᔅᑭᑎᓇᑫ ᒫᑲ, ᓂ ᑳ ᐱᑐᑲᐗᐤ, ᓂ ᑳ ᐎᒋᒥᒋᓱᒪᐤ ᒫᑲ, ᐎᓚ ᓀᔥᑕ ᓂ ᑳ ᐎᒋᒥᒋᓱᒥᒃ᙮