ᐅᐸᓓᑭᔅ ᒑᓐ 10:15 - ᐅᔅᑭ ᑎᔅᑌᒥᓐᑦ

¹⁵ ᑖᐱᔅᑯᒡ ᐅᑖᐎᒪᐤ ᐁ ᐃᔑ ᑭᔅᑫᓕᒦᑦ, ᐁᑯ ᓀᔥᑕ ᐁᔑ ᑭᔅᑫᓕᒪᒃ ᐅᑖᐎᒪᐤ: ᓂ ᐱᒥᑎᑖᓐ ᒫᑲ ᓂ ᐱᒫᑎᓯᐎᓐ ᒫᓂᔥᒑᓂᔕᐤ ᐅᒋ᙮

ᐅᐸᓓᑭᔅ ᒑᓐ 10:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:27

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ, ᐎᓚ ᐱᑯ ᐅᑖᐎᒪᐤ; ᓇᒪ ᓀᔥᑕ ᐊᐌᓇ ᑭᔅᑫᓕᒣᐤ ᐅᑖᐎᒫᐗ, ᐎᓚ ᐱᑯ ᐅᑯᓯᓯᒪᐤ, ᐊᓂᐃ ᓀᔥᑕ ᐅᑯᓯᓯᒪᐤ ᑫ ᐙᐸᑎᓛᑴ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᓘᒃ 10:21

ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᒥᓚᐙᑕᒻ ᐅᑦ ᐊᒑᑯᒃ, ᑮ ᐃᑗᐤ ᒫᑲ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ ᑌᐯᓕᒋᑫᔭᓐ ᑭᒋᑭᔑᑯᒃ, ᓀᔥᑕ ᐊᔅᑭᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ: ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᓘᒃ 10:22

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ ᐊᐌᓕᐗ ᐃᐋᐎᓕᒋ, ᐱᑯ ᐅᑖᐎᒪᐤ; ᓀᔥᑕ ᐊᐌᓕᐗ ᐃᐋᐎᓕᒋ ᐅᑖᐎᒫᐗ ᐱᑯ ᐅᑯᓯᓯᒫᐤ, ᓀᔥᑕ ᐊᓇ ᑫ ᑭᔅᑫᓕᑕᒥᐃᑯᑦ ᐅᑯᓯᓯᒫᐗ᙮

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 10:11

ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮

ᐅᐸᓓᑭᔅ ᒑᓐ 15:13

ᓇᒪᐎᓚ ᐊᐌᓇ ᐋᔭᐤ ᓵᑭᐃᐌᐎᓂᓕᐤ ᐊᐙᓯᑌ ᐁ ᐃᑌᓕᑖᑾᓂᓕᒃ ᐃᔥᐱᔥ ᐅᒪ, ᐃᓕᓕᐤ ᑭᒋ ᐱᒥᑎᑖᑦ ᐅ ᐱᒫᑎᓯᐎᓐ ᐅᑐᑌᒪ ᐅᒋ᙮

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅᐸᓓᑭᔅ ᒑᓐ 6:46

ᓇᒪᐎᓚ ᐊᐌᓇ ᐁ ᑮ ᐙᐸᒫᑦ ᐅᑖᐎᒪᐗ, ᐱᑯ ᐊᓇ ᑭᒋᒪᓂᑐᒃ ᑳ ᐅᒌᑦ, ᐁᐗᑯ ᑳ ᑮ ᐙᐸᒫᑦ ᐅᑖᐎᒪᐗ᙮

ᐅᐸᓓᑭᔅ ᒑᓐ 8:55

ᐁᓕᐌᒃ ᒫᑲ ᓇᒪᐎᓚ ᑮ ᐅᒋ ᑭᔅᑫᓕᒪᐗᐤ; ᒫᑲ ᓂᓚ ᓂ ᑭᔅᑫᓕᒪᐤ: ᑮᔥᐱᓐ ᒫᑲ ᐃᑗᔮᓀ, ᓇᒪᐎᓚ ᓂ ᑭᔅᑫᓕᒪᐤ, ᓂ ᑳ ᑭᓛᔅᑭᔅᑭᓐ ᑖᐱᔅᑯᒡ ᑭᓚᐗᐤ: ᒫᑲ ᓂ ᑭᔅᑫᓕᒪᐤ, ᓀᔥᑕ ᓂ ᑲᓇᐎᑕᐙᓐ ᐅᑦ ᐃᑗᐎᓐ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 3:13

᙭ ᑭ ᑮ ᐱᒫᒋᐃᑯᓇᐤ ᐅᓚᔓᐌᐎᓂ ᒪᒐᑭᑖᑯᓯᐎᓂᒃ ᐅᒋ, ᐁ ᑮ ᒪᒐᑭᒫᑲᓂᐎᑦ ᑭᓚᓈᓇᐤ ᐅᒋ: ᐌᓴ ᐃᑕᓯᓇᐃᑳᑌᐤ, ᒪᒐᑭᑖᑯᓯᐤ ᒥᓯᐌ ᑕᑐ ᐊᐌᓇ ᒥᔅᑎᑯᒃ ᑳ ᐊᑯᓛᑲᓂᐎᑦ:

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮