ᐅᐸᓓᑭᔅ ᒑᓐ 10:10 - ᐅᔅᑭ ᑎᔅᑌᒥᓐᑦ

¹⁰ ᑭᒧᑎᔉ ᓇᒪᐎᓚ ᐯᒋ ᐃᑐᑌᐤ ᐱᑯ ᐙ ᑭᒧᑎᒋ, ᓀᔥᑕ ᐙ ᓂᐹᔨᐌᒋ, ᓀᔥᑕ ᐙ ᓂᔑᐗᓈᒋᐃᐌᒋ: ᓂᓚ ᓂ ᑮ ᐯᒋ ᐃᑐᑖᓐ ᑭᒋ ᐋᔮᒋᒃ ᐱᒫᑎᓯᐎᓂᓕᐤ, ᓀᔥᑕ ᐊᐙᓯᑌ ᑭᒋ ᐌᓗᒋᑖᒋᒃ᙮

ᐅᐸᓓᑭᔅ ᒑᓐ 10:10 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 18:10

ᔮᒀᒥᓰᒃ ᐁᑳ ᑭᒋ ᐋᑕᐌᓕᒣᒃ ᐯᔭᒃ ᐅᑯ ᑳ ᐋᐱᔅᑌᓕᑖᑯᓯᒋᒃ; ᐌᓴ ᑭᑦ ᐃᑎᓇᐗᐤ, ᑭᒋᑭᔑᑯᒃ ᐅᑦ ᐁᓐᒐᓕᒥᐙᐗ ᒧᔕᒃ ᑲᓇᐙᐸᒥᒣᓕᐗ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 18:11

ᐌᓴ ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᑭᒋ ᐱᒫᒋᑖᑦ ᐊᓂᐁᓕᐤ ᑳ ᐗᓂᑎᓂᓕᒃ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᑎᐤ 21:13

ᑮ ᐃᑌᐤ ᒫᑲ, ᐃᑕᓯᓇᐃᑳᑌᐤ, ᐋᔭᒥᐁᐎᑲᒥᒃ ᑲᑕ ᐃᔑᓂᑳᑌᐤ ᓂ ᐙᔅᑳᔨᑲᓂᒻ: ᑭᓚᐗᐤ ᒫᑲ ᑭᒧᑎᔅᑲᒃ ᐅ ᐙᑎᐗᐤ ᑭ ᑮ ᐃᔑᑖᓇᐗᐤ᙮

ᐅᐸᓓᑭᔅ ᒫᑎᐤ 23:13

ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐅᐸᓓᑭᔅ ᒫᕐᒃ 11:17

ᑮ ᑭᔅᑭᓄᐊᒫᑫᐤ ᒫᑲ; ᐁ ᐃᑖᑦ, ᓇᒪ ᓈ ᐃᑕᓯᓇᐃᑳᑌᐤ, ᓂ ᐙᔅᑳᔨᑯᓂᒻ ᐋᔭᒥᐁᐎᑲᒥᒃ ᑲᑕ ᐃᔑᓂᑳᑕᒶᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ? ᒫᑲ ᑭᓚᐗᐤ ᑭᒧᑎᔅᑲᒃ ᐅ ᐙᑎᐗᐤ ᑭ ᑮ ᐃᔑᑖᓂᐗᐤ᙮

ᐅᐸᓓᑭᔅ ᓘᒃ 19:10

ᐌᓴ ᐃᓕᓕᐎᑯᓯᓵᓐ ᐯᒋ ᑕᑯᔑᓐ ᑭᒋ ᓈᓇᑕᐙᐸᒫᑦ ᓀᔥᑕ ᑭᒋ ᐱᒫᒋᐋᑦ ᐊᓂᐃ ᑳ ᐗᓂᔑᓂᓕᒋ᙮

ᐅᐸᓓᑭᔅ ᒑᓐ 10:1

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᐁᑳ ᐃᔥᒀᑌᒥᒃ ᑳ ᐅᒋ ᐱᑐᑫᑦ ᒫᓂᔥᒑᓂᔑᑲᒥᑯᒃ, ᒫᑲ ᑳ ᐃᔅᒀᑕᐎᑦ ᐱᑐᔥ ᐃᔑ, ᐁᐗᑯ ᑭᒧᑎᔅᑭᐤ ᓀᔥᑕ ᒪᔅᑲᑗᔅᑭᐤ᙮

ᐅᐸᓓᑭᔅ ᒑᓐ 10:11

ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮

ᐅᐸᓓᑭᔅ ᒑᓐ 12:47

ᑮᔥᐱᓐ ᓀᔥᑕ ᐊᐌᓇ ᐱᐁᑕᒧᑴ ᓂᑦ ᐋᔭᒥᐎᓇ, ᓀᔥᑕ ᐁᑳ ᑎᐋᐺᑕᒧᑴ, ᓂᓚ ᓇᒪᐎᓚ ᓂ ᑎᐹᔅᑯᓇᐤ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᑎᐹᔅᑯᓇᒫᓐ ᐊᔅᑭ, ᒫᑲ ᑭᒋ ᐱᒫᒋᑖᔮᓐ ᐊᔅᑭ᙮

ᐅᐸᓓᑭᔅ ᒑᓐ 12:6

ᐅᒣᓕᐤ ᑮ ᐃᑗᐤ, ᓇᒪᐎᓚ ᐁ ᒥᑐᓀᓕᒫᑦ ᐊᓂᐃ ᑳ ᑭᑎᒫᑭᓯᓕᒋ; ᒫᑲ ᐁ ᑭᒧᑎᔅᑭᑦ, ᓀᔥᑕ ᐁ ᐋᔮᑦ ᒥᐗᑎᓕᐤ, ᓀᔥᑕ ᐁ ᐱᒥᐎᑖᑦ ᑫᒀᓕᐤ ᑳ ᐱᑕᐃᑳᑎᓕᒃ᙮

ᐅᐸᓓᑭᔅ ᒑᓐ 3:17

ᐌᓴ ᑭᒋᒪᓂᑐ ᓇᒪᐎᓚ ᐅᒋ ᐯᒋᑎᔕᐌᐤ ᐅᑯᓯᓴ ᑭᒋ ᓂᔑᐗᓈᒋᑕᒥᓕᒋ ᐊᔅᑭᓕᐤ; ᒫᑲ ᐎᓚ ᑭᒋ ᐅᒋ ᐱᒫᒋᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 5:40

ᓇᒪᐎᓚ ᓀᔥᑕ ᑭ ᐎ ᐯᒋ ᓈᔑᓇᐗᐤ, ᑭᒋ ᐋᔭᔦᒃ ᐱᒫᑎᓯᐎᓐ᙮

ᐅᐸᓓᑭᔅ ᒑᓐ 6:33

ᐌᓴ ᑭᒋᒪᓂᑐ ᐅᑦ ᐊᓚᑯᓈᒪ ᐁᐗᒀᓇ ᑳ ᐯᒋ ᓛᔑᑦ ᑭᒋᑭᔑᑯᒃ ᐅᒋ, ᓀᔥᑕ ᑳ ᒥᓕᐌᑦ ᐱᒫᑎᓯᐎᓂᓕᐤ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 6:51

ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:21

ᑭᓚ ᒫᑲ ᑳ ᑭᔅᑭᓄᐊᒪᐗᑦ ᑯᑕᒃ, ᓇᒪ ᓈ ᑭ ᑭᔅᑭᓄᐊᒪᓱᓐ? ᑭᓚ ᑳ ᑲᑫᔅᑭᒥᐌᔭᓐ ᐃᓕᓕᐤ ᐁᑳ ᑲᒋ ᑭᒧᑎᑦ, ᑭᓚ ᓈ ᑭ ᑭᒧᑎᓐ?

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᐦᐃᑉᕉᐗ 6:17

ᐃᑕ ᑭᒋᒪᓂᑐ, ᐁ ᓇᑕᐌᓕᑕᒃ ᐊᐙᓯᑌ ᑭᒋ ᐙᐸᑎᓛᑦ ᐊᓂᐃ ᑳ ᐊᑎ ᐋᔮᓕᒋ ᐊᓂᐁᓕᐤ ᐊᔓᑕᒫᑫᐎᓂᓕᐤ ᐁᑳ ᑭᒋ ᑴᔅᑭᐸᓕᓕᒃ ᐅᑦ ᐃᑌᓕᑕᒧᐎᓐ, ᑭᒋᐃᑗᐎᓂᒃ ᑮ ᐅᒋ ᐊᔨᒋᑕᐤ;

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔓ ᐱᑕᕐ 1:11

ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮