ᐅᐸᓓᑭᔅ ᒑᓐ 1:29 - ᐅᔅᑭ ᑎᔅᑌᒥᓐᑦ

²⁹ ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 1:29 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:21

ᑲᑕ ᐅᑯᓯᓯᐤ ᒫᑲ, ᓀᔥᑕ ᒋᓴᔅ ᑭ ᑳ ᐃᔑᓂᑳᑎᒪᐗ: ᐌᓴ ᑲᑕ ᐱᒫᒋᐁᐤ ᐅᑦ ᐃᓕᓕᒪ ᐅ ᒪᒋᑣᐎᓂᓕᒃ ᐅᒋ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒑᓐ 1:35

ᒥᓇ ᐎᐋᐸᓂᓕᒃ ᒑᓐ ᑮ ᓂᐸᐎᐤ, ᓀᔥᑕ ᓂᔓ ᐅ ᑭᔅᑭᓄᐊᒪᐙᑲᓇ:

ᐅᐸᓓᑭᔅ ᒑᓐ 1:36

ᐁ ᑲᓇᐙᐸᒫᑦ ᒫᑲ ᒋᓴᓴ ᐁ ᐱᒧᑌᓕᒋ, ᐃᑌᐤ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ!

ᐅᐸᓓᑭᔅ ᒑᓐ 1:43

ᐎᐋᐸᓂᓕᒃ ᒋᓴᔅ ᐎ ᐃᑐᑌᐤ ᑳᓕᓖᒃ, ᒥᔅᑲᐌᐤ ᒫᑲ ᐱᓕᐸ, ᐃᑌᐤ ᒫᑲ, ᓄᔅᐱᓇᔑᓐ᙮

ᐅᐸᓓᑭᔅ ᒑᓐ 2:1

ᑳ ᓂᔅᑐ ᑫᔑᑳᒃ ᒫᑲ ᑮ ᐎᑭᑐᓈᓂᐗᓐ ᑫᓇᐃᒃ ᑳᓕᓖᒃ; ᓀᔥᑕ ᒋᓴᔅ ᐅᑳᐎᔭ ᐁᑯᑕ ᐁᑖᓕᒋ:

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 4:42

ᓀᔥᑕ ᑮ ᐃᑌᐗᒃ ᐃᔅᑴᐗ, ᐁᑯ ᑎᐋᐺᑕᒫᒃ, ᓇᒪᐎᓚ ᑭᓚ ᑭᑦ ᐃᑗᐎᓐ ᐅᒋ: ᐌᓴ ᓂᓚᓈᓐ ᑫᒋᐙᒃ ᓂ ᑮ ᐯᑕᐙᓈᓐ, ᓀᔥᑕ ᓂ ᑭᔅᑫᓕᑌᓈᓐ ᐊᐗ ᑖᐺ ᐁᐗᒀᓇ ᙭, ᑳ ᐱᒫᒋᑖᑦ ᐊᔅᑭᓕᐤ᙮

ᐅᐸᓓᑭᔅ ᒑᓐ 6:51

ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐊᐸᔅᑕᓚᒃ 13:39

ᓀᔥᑕ ᐎᓚ ᐅᒋ, ᒥᓯᐌ ᑳ ᑖᐺᑕᑭᒃ ᒥᓗᑡᐌᓕᒪᑲᓂᐎᐗᒃ ᒥᓯᐌ ᑫᒀᓂᒃ ᐃᔑ, ᐊᓂᒪ ᐁᑳ ᒧᓯᔅ ᐅᑦ ᐅᓚᔓᐌᐃᓐ ᑫ ᑮ ᐅᒋ ᒥᓗᑡᐌᓕᒥᑲᐎᔦᒃ᙮

ᐊᐸᔅᑕᓚᒃ 8:32

ᐃᑕ ᒫᑲ ᑳ ᐃᔑ ᐋᔭᒥᑖᑦ ᑭᒋᒪᓯᓇᐃᑫᐎᓂᓕᐤ ᐁᐗᑯᒪ, ᑮ ᐃᑐᑕᐋᑲᓕᐎᐤ ᑖᐱᔅᑯᒡ ᒫᓂᔅᒑᓂᔥ ᐁ ᐎ ᓂᐸᐃᑦ; ᓀᔥᑕ ᑖᐱᔅᑯᒡ ᒫᓂᔅᒑᓂᔑᔑᒃ ᐁᑳ ᑳ ᑭᑐᑦ ᐅᑎᔥᑲᐤ ᐊᓂᐃ ᑳ ᐸᔅᑯᔑᑯᑦ, ᐁᑯ ᑖᐱᔅᑯᒡ ᓇᒪᐎᓚ ᐅᒋ ᐸᔅᑭᑐᓀᓕᐤ:

ᓂᔥᑕᒻ ᑯᕆᓐᑎᐊᓇ 15:3

ᐌᓴ ᓃᔥᑕᒻ ᑭ ᑮ ᐸᑭᑎᓇᒫᑎᓇᐊᐤ ᐊᓂᒪ ᑳ ᑮ ᑭᔅᑫᓕᑕᒥᐃᑳᐎᔮᓐ, ᙭ ᐁ ᑮ ᓂᐱᑦ ᑭ ᒪᒋᑣᐎᓂᓇᐗ ᐅᒋ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 3:13

᙭ ᑭ ᑮ ᐱᒫᒋᐃᑯᓇᐤ ᐅᓚᔓᐌᐎᓂ ᒪᒐᑭᑖᑯᓯᐎᓂᒃ ᐅᒋ, ᐁ ᑮ ᒪᒐᑭᒫᑲᓂᐎᑦ ᑭᓚᓈᓇᐤ ᐅᒋ: ᐌᓴ ᐃᑕᓯᓇᐃᑳᑌᐤ, ᒪᒐᑭᑖᑯᓯᐤ ᒥᓯᐌ ᑕᑐ ᐊᐌᓇ ᒥᔅᑎᑯᒃ ᑳ ᐊᑯᓛᑲᓂᐎᑦ:

ᓂᔥᑕᒻ ᑎᒧᑎ 2:6

ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 1:19

ᒫᑲ ᑳ ᑭᔅᑕᑭᑖᑾᓂᓕᒃ ᐅᒥᑯ ᙭ ᐅᒋ, ᑖᐱᔅᑯᒡ ᒫᓂᔥᒑᓂᔑᔥ ᐁᑳ ᑳ ᒫᔅᑭᓯᑦ ᐁᑳ ᓀᔥᑕ ᑳ ᐎᓕᐱᓯᑦ:

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 14:1

ᓂ ᑮ ᐃᑖᐱᓐ ᒫᑲ, ᒫᑎᑲ ᒫᑲ, ᒫᓂᔥᒑᓂᔑᔥ ᑮ ᓂᐸᐎᐤ ᓵᐃᐊᓐ ᐗᒋᒃ, ᐁ ᐎᒋᑳᐸᐎᔅᑖᑯᑦ ᒫᑲ ᒥᑖᑐᒥᑕᓇᐗᐤ ᓀᔥᑕ ᓂᒥᑕᓇᐤ ᓀᐅᔖᑄᐤ ᑭᒋᒥᑖᑐᒥᑕᓇᐤ, ᐅᑖᐎᔭ ᐅᑦ ᐃᔑᓂᑳᓱᐎᓂᓕᐤ ᐅᔅᑳᑎᑯᓕᒃ ᐁ ᒪᓯᓇᐃᑳᑌᓕᒃ᙮

ᑭᔅᑫᓕᑖᑯᑖᑫᐎᓐ 14:10

ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ:

ᑭᔅᑫᓕᑖᑯᑖᑫᐎᓐ 14:4

ᐅᑯ ᐁᐗᒀᓂᑭ ᐁᑳ ᑳ ᑮ ᐎᓂᐃᑯᒋᒃ ᐃᔅᑴᐗ; ᐌᓴ ᐅᔥᑭᓂᑭᐗᒃ; ᐅᑯ ᐁᐗᒀᓂᑭ ᑳ ᓄᔅᐱᓇᑖᒋᒃ ᒫᓂᔥᒑᓂᔑᔕ ᐱᑯ ᐃᑌ ᐁᑐᑌᓕᒋ᙮ ᐅᑯ ᑮ ᐅᒋ ᐱᒫᒋᐋᐗᒃ ᐃᓕᓕᓍᒃ, ᐁ ᐋᐎᓕᒋ ᓂᔥᑕᒻ ᐅ ᓂᑕᐎᑭᑖᑲᓇ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 19:7

ᐁᑯᔑ ᓯᑭᓓᓯᑕᐤ ᓀᔥᑕ ᒧᒋᑫᓕᑖᑕᐤ, ᓀᔥᑕ ᑭᔅᑌᓕᒫᑕᐤ: ᐌᓴ ᐅ ᐎᑭᑐᐎᓐ ᒫᓂᔥᒑᓂᔑᔥ ᐅᑎᒋᐸᓕᓕᐤ, ᐎᐗ ᓀᔥᑕ ᐊᔕᔾ ᑭ ᐙᐌᔑᐅᓕᐗ᙮

ᑭᔅᑫᓕᑖᑯᑖᑫᐎᓐ 19:9

ᓂ ᑮ ᐃᑎᒃ ᒫᑲ, ᒪᓯᓇᐊ, ᔕᐌᓕᑖᑯᓯᐗᒃ ᐊᓂᑭ ᑳ ᐃᔑ ᓇᑐᒫᑲᓂᐎᒋᑳ ᐅ ᐎᑭᑑᐎ ᓂᐯᑴᐎᓂᒃ ᒫᓂᔥᒑᓂᔑᔥ᙮ ᓂ ᑮ ᐃᑎᒃ ᒫᑲ, ᐅᐅ ᐁᐗᒀᓂᐃ ᐅ ᑖᐺ ᐃᑗᐎᓇ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 21:14

ᐊᓂᒪ ᐃᑖᐎᓂ ᒣᓂᑲᓐ ᒫᑲ ᑮ ᐋᔮᒪᑲᓐ ᓂᔓᔖᑉ ᐅᓚᔅᑕᒋᑫᐎᓇ, ᐁᑯᑕ ᒫᑳ ᐁᑕᑾᓂᓕᑭ ᐅᑦ ᐃᔑᓂᑳᓱᐎᓂᐙᐗ ᓂᔓᔖᑉ ᐅᑦ ᐊᐸᔅᑕᓕᒪ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 21:9

ᓂ ᑮ ᐯᒋ ᓈᑎᒃ ᒫᑲ ᐯᔭᒃ ᐁ ᐃᑕᓯᒋᒃ ᐊᓂᑭ ᓂᔂᔅ ᐁᓐᒐᓚᒃ, ᑳ ᑮ ᐋᔮᒋᒃ ᐊᓂᐃ ᓂᔂᔅ ᐅᓛᑲᓂᔕ ᐁ ᓵᑲᔅᑭᓀᓕᑭ ᐊᓂᐃ ᓂᔂᔅ ᒫᒋᒡ ᐋᑯᐃᑖᔅᐱᓀᐎᓇ, ᐁ ᐃᑗᑦ, ᐅᑕ ᐯᒋ ᐃᑐᑌ, ᑭ ᑳ ᐙᐸᑎᓕᑎᓐ ᒫᑲ ᐅᔥᑭᔅᑴᐙᓐ, ᒫᓂᔥᒑᓂᔑᔥ ᐎᐗ᙮

ᑭᔅᑫᓕᑖᑯᑖᑫᐎᓐ 5:6

ᓂ ᑮ ᐃᑖᐱᓐ ᒫᑲ, ᒫᑎᑲ, ᒫᑲ, ᒣᑴᔭᔥ ᐅᑭᒪᐗᐱᐎᓐ, ᓀᔥᑕ ᐊᓂᑭ ᓀᐤ ᐅᐱᒫᑎᓴᒃ, ᒣᑴᔭᔥ ᒫᑲ ᐊᓂᑭ ᑳ ᓂᑳᓀᓕᑖᑯᓯᒋᒃ, ᑮ ᓂᐸᐎᐤ ᒫᓂᔥᒑᓂᔥ ᑖᐱᔅᑯᒡ ᐁ ᑮ ᓂᐸᐋᑲᓂᐎ ᓂᔂᔅ ᐁ ᐅᑦ ᐁᔥᑲᓄᑦ, ᓀᔥᑕ ᓂᔂᔅ ᐁ ᐅᔅᑭᔑᑯᑦ, ᐁᐗᒀᓂᐃ ᓃᔂᔅ ᐅᑦ ᐊᒑᑾ ᑭᒋᒪᓂᑐ ᐁ ᐃᔑᑎᔕᐙᑲᓂᐎᓕᒋ ᒥᓯᐌ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 5:8

ᐃᔅᐱ ᒫᑲ ᐌᑎᓇᒃ ᒪᓯᓇᐃᑲᓂᓕᐤ, ᐊᓂᑭ ᓀᐤ ᐅᐱᒫᑎᓴᒃ ᓀᔥᑕ ᐊᓂᑭ ᓂᔑᑕᓇ ᓀᔥᑕ ᓀᐅᔖᑉ ᑳ ᓂᑲᓀᓕᑖᑯᓯᒋᒃ ᑮ ᐸᑭᔑᓂᔅᑕᐌᐗᒃ ᒫᓂᔥᒑᓂᔑᔕ, ᑕᑐ ᐁ ᐃᑕᓯᒋᒃ ᐁ ᐋᔭᐙᒋᒃ ᔖᑲᓈᐱᑭᑐᒋᑲᓇ, ᓀᔥᑕ ᐅᓴᐎᔔᓕᐋᓈᐱᔉ ᐊᓱᐗᒋᑲᓇ ᐁ ᓵᑲᔅᑭᓀᑭ ᐎᑭᒫᓯᑲᓐ, ᐁᐗᒀᓂᒪ ᐅᑦ ᐋᔭᒥᐋᐎᓂᐗᐗ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 6:1

ᓂ ᑮ ᐙᐸᑌᓐ ᒫᑲ ᐃᔅᐱ ᒫᓂᔥᒑᓂᔑᔥ ᐃᐋᐸᐊᒃ ᐯᔭᒃ ᐊᑯᔅᑭᐗᓯᑲᓂᓕᐤ, ᓂ ᑮ ᐯᑌᓐ ᒫᑲ ᑖᐱᔅᑯᒡ ᐁ ᐅᓂᒥᔅᑭᑦ ᐁ ᓄᑖᑯᓯᑦ, ᐯᔭᒃ ᐁ ᐃᑕᓯᑭᒃ ᐅᐱᒫᑎᓴᒃ ᐁ ᐃᑗᑦ, ᐯᒋ ᐙᐸᑕ᙮

ᑭᔅᑫᓕᑖᑯᑖᑫᐎᓐ 6:16

ᑮ ᐃᑕᒶᒃ ᓀᔥᑕ ᐙᒋᔭ ᓀᔥᑕ ᑭᔅᑖᐱᔅᑾ ᐸᑕᑯᔅᑲᐎᓈᓐ ᓀᔥᑕ ᓀᔑᓈᓐ ᐁᑳ ᑭᒋ ᐙᐸᒥᑕᒃ ᐊᓇ ᑳ ᐊᐱᑦ ᐅᑭᒪᐗᐱᐎᓂᒃ, ᓀᔥᑕ ᐅᑦ ᐊᑯᓚᐌᓯᐎᓂᒃ ᐅᒋ ᒫᓂᔥᒑᓂᔑᔥ:

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮

ᑭᔅᑫᓕᑖᑯᑖᑫᐎᓐ 7:17

ᐌᓴ ᒫᓂᔥᒑᓂᔑᔥ ᑌᑖᐎᒡ ᐅᑭᒪᐗᐱᐎᓂᒃ ᑳ ᐃᑖᑦ ᑲᑕ ᐊᔕᒣᐤ, ᑲᑕ ᐃᑐᑕᐁᐤ ᒫᑲ ᐱᒫᑎᓯᐎ ᒧᔅᑭᒋᐗᓂᐯᑯᒃ: ᑭᒋᒪᓂᑐ ᒫᑲ ᐅᔅᑭᔑᑯᓕᒃ ᑲᑕ ᐅᒋ ᑳᓯᐊᒬᐤ ᒥᓯᐌ ᑳ ᐅᒋᑲᐙᐱᓕᒋ᙮