ᐅᐸᓓᑭᔅ ᒑᓐ 1:14 - ᐅᔅᑭ ᑎᔅᑌᒥᓐᑦ

¹⁴ ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:16

ᒉᑲᑉ ᒫᑲ ᑮ ᓂᑖᐎᑭᐁᐤ ᒍᓯᐸ, ᒣᕆ ᐅ ᓈᐯᒪ, ᐊᓇ ᑳ ᑮ ᐅᒋ ᓂᑖᐎᑭᑦ ᒋᓴᔅ ᑳ ᐃᔑᓂᑳᓱᑦ ᙭᙮

ᐅᐸᓓᑭᔅ ᓘᒃ 2:11

ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮

ᐅᐸᓓᑭᔅ ᓘᒃ 2:7

ᑮ ᓂᑖᐎᑭᐁᐤ ᒫᑲ ᐅ ᓃᔥᑕᒧᔖᓇ, ᑮ ᐌᐌᑭᓀᐤ ᒫᑲ ᐌᐌᑭᓂᐎ ᐎᓛᒋᑲᓂᒃ, ᑮ ᐱᒥᔑᒣᐤ ᒫᑲ ᐊᐗᑳᓂᑲᒥᑯᒃ; ᐁᑳ ᐁ ᑮ ᑕᐙᓕᒃ ᑭᒋ ᐃᑖᒋᒃ ᐃᑖᐎᑲᒥᑯᒃ᙮

ᐅᐸᓓᑭᔅ ᓘᒃ 9:32

ᒫᑲ ᐱᑕᕐ, ᓀᔥᑕ ᐊᓂᐃ ᑳ ᐎᒉᐎᑯᑦ, ᑮ ᑯᓯᑾᔑᐗᒃ, ᐃᔅᐱ ᒫᑲ ᑴᔅᑯᓯᒋᒃ, ᑮ ᐙᐸᑕᒬᐗᒃ ᐅ ᒪᓂᑐᐙᔅᑌᐎᓂᓕᐤ, ᓀᔥᑕ ᐊᓂᐃ ᓂᔓ ᐃᓕᓕᐗ ᑳ ᐎᒋᑳᐸᐎᔅᑖᑯᓕᒋ᙮

ᐅᐸᓓᑭᔅ ᒑᓐ 1:1

ᒫᐗᒋ ᓃᔥᑕᒻ ᑮ ᐃᑖᐤ ᐋᔭᒥᐎᓐ, ᐋᔭᒥᐎᓐ ᒫᑲ ᑮ ᐎᒉᐌᐤ ᑭᒋᒪᓂᑐᐗ, ᓀᔥᑕ ᐋᔭᒥᐎᓐ ᑮ ᑭᒋᒪᓂᑐᐎᐤ᙮

ᐅᐸᓓᑭᔅ ᒑᓐ 11:40

ᒋᓴᔅ ᐃᑌᐤ, ᓇᒪ ᓈ ᑭ ᑮ ᐃᑎᑎᑖᔾ, ᑮᔥᐱᔥ ᑖᐺᑕᒪᓀ, ᑭ ᑳ ᐙᐸᑕᒸᓐ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ?

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 14:9

ᒋᓴᔅ ᐃᑌᐤ, ᑭ ᑮ ᐎᒉᐎᑎᓇᐗᐤ ᓈ ᐁᑯ ᐃᔥᐱᔥ ᑭᓉᔥ, ᐁᔥᑾ ᓈ ᒫᑲ ᓇᒪ ᑭ ᑭᔅᑫᓕᒥᓐ ᐱᓕᑉ? ᐊᓇ ᑳ ᑮ ᐙᐸᒥᑦ ᑮ ᐙᐸᒣᐤ ᐅᑖᐎᒪᐗ; ᑖᓐᑌ ᒫᑲ ᐌᒋ ᐃᑗᔭᓐ, ᐙᐸᑎᓕᓈᓐ ᐅᑖᐎᒪᐤ?

ᐅᐸᓓᑭᔅ ᒑᓐ 17:22

ᓀᔥᑕ ᐊᓂᒪ ᑭᔅᑌᓕᑖᑯᓯᐎᓐ ᑳ ᑮ ᒥᓕᔭᓐ ᓂ ᑮ ᒥᓛᐗᒃ: ᑭᒋ ᐯᔭᑯᒋᒃ, ᑖᐱᔅᑯᒡ ᐁ ᐃᔑ ᐯᔭᑯᔭᒃ:

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐅᐸᓓᑭᔅ ᒑᓐ 18:37

ᐁᐗᑯ ᐌᒋ ᐹᐃᓚᑦ ᐃᑖᑦ, ᑭ ᑭᒋᐅᑭᒫᐎᓐ ᓈ? ᒋᓴᔅ ᑮ ᓇᔥᑴᐗᔑᐁᐤ, ᑭᑦ ᐃᑣᓐ ᐁ ᑭᒋᐅᑭᒫᐎᔮᓐ᙮ ᐁᐗᑯ ᐅᒪ ᐌᒋ ᑮ ᓂᑕᐎᑭᔮᓐ, ᓀᔥᑕ ᐁᐗᑯ ᐅᒪ ᐌᒋᑮ ᐯᒋ ᐃᑐᑌᔮᓐ ᐊᔅᑮᒃ, ᑭᒋ ᑎᐹᑐᑕᒫᓐ ᑖᐺᐎᓐ᙮ ᒥᓯᐌ ᑕᑐ ᐊᐌᓇ ᑖᐺᐎᓂᒃ ᑳ ᐃᑖᑦ ᐱᔑᒋᑕᒻ ᓂᑦ ᐋᔭᒥᐎᓇ᙮

ᐅᐸᓓᑭᔅ ᒑᓐ 2:11

ᐁᐗᑯ ᐅᒪ ᐁ ᑮ ᒫᒋ ᒫᒪᑖᐎᐃᔑᒋᑫᑦ ᒋᓴᔅ ᑫᓇᐃᒃ ᑳᓕᓖᒃ, ᓀᔥᑕ ᑮ ᐙᐸᑎᓕᐌᐤ ᐅ ᑭᔅᑌᓕᑖᑯᓯᐎᓐ; ᑮ ᑖᐺᔦᓕᒥᑯ ᒫᑲ ᐅ ᑭᔅᑭᓄᐊᒪᐙᑲᓇ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:18

ᐊᓇ ᑳ ᑖᐺᔦᓕᒫᑦ ᓇᒪᐎᓚ ᓂᔑᐗᓈᒋᒪᐤ: ᒫᑲ ᐊᓇ ᐁᑳ ᑳ ᑖᐺᔦᓕᒫᑦ ᐋᔕᔾ ᓂᔑᐗᓈᒋᒪᐤ, ᐁᑳ ᐁ ᐅᒋ ᑖᐺᔦᓕᑕᒸᑦ ᐅᑦ ᐃᔑᓂᑳᓱᐎᓂᓕᐤ ᑳ ᐯᔭᑯᓕᒋ ᐅᑯᓯᓴ ᑭᒋᒪᓂᑐ᙮

ᐅᐸᓓᑭᔅ ᒑᓐ 6:51

ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐅᐸᓓᑭᔅ ᒑᓐ 8:32

ᓀᔥᑕ ᑭ ᑳ ᑭᔅᑫᓕᑌᓇᐗᐤ ᑖᐺᐎᓐ, ᓀᔥᑕ ᑖᐺᐎᓐ ᑭ ᑳ ᐋᐱᑯᓂᑯᓇᐗᐤ᙮

ᐊᐸᔅᑕᓚᒃ 13:33

ᑭᒋᒪᓂᑐ ᐁ ᑮ ᑎᐱᐸᓕᑕᒫᑕᒃ ᐊᓂᒪ ᑭᓚᓈᓈᐤ ᐅᑦ ᐊᐙᔑᒥᔑᐙᐗ, ᒥᓇ ᐁ ᑮ ᐗᓂᔥᑲᓈᑦ ᒋᓴᓴ: ᒬᒋ ᓀᔥᑕ ᐁ ᐃᔑ ᒪᓯᓇᐃᑲᑌᓕᒃ ᓂᔓ ᓂᑲᒧᐎᓂᒃ, ᑭᓚ ᓂᑯᓯᔅ ᐊᓄᒡ ᐁ ᑭᔑᑳᒃ ᑭ ᑮ ᓂᑕᐎᑭᐃᑎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 15:47

ᐊᓇ ᓃᔥᑕᒻ ᐃᓕᓕᐤ ᐊᔅᑮᒃ ᐁ ᐅᒌᑦ, ᐊᔅᑭᐎᐤ: ᐊᓇ ᑯᑕᒃ ᐃᓕᓕᐤ ᐁᐗᑯ ᐅᑎᐯᓕᒋᑫᐤ ᑭᒋᑭᔑᑯᒃ ᐅᒋ᙮

ᓂᔓ ᑯᕆᓐᑎᐊᓇ 12:9

ᓂ ᑮ ᐃᑎᒃ ᒫᑲ, ᓂ ᔕᐌᓕᒋᑫᐎᓐ ᑭ ᑳ ᑌᐱᐸᓕᐃᑯᓐ; ᐌᓴ ᓂ ᒪᔥᑲᐎᓯᐎᓐ ᑭᔑᑖᓂᐗᓐ ᓕᓚᒥᓯᐎᓂᒃ᙮ ᐁᐗᑯ ᐅᒋ ᒫᑲ ᓇᐗᒡ ᓂ ᑳᒫᒪᑖᑯᒧᓐ ᓂ ᓕᓚᒥᓯᐎᓂᒃ, ᐅ ᑲᔥᑭᐅᐎᓐ ᙭ ᑭᒋ ᑗᐅᑐᑕᑯᐗᒃ᙮

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᑯᓚᔑᔭᓇ 1:19

ᐌᓴ ᑮ ᒥᓜᓕᑕᒻ ᐌᐅᑖᐎᒪᐎᑦ ᒥᓯᐌ ᒥᑐᓂᐎᓯᐎᓂᓕᐤ ᑭᒋ ᐱᒋᔅᑳᑯᓕᒋ᙮

ᑯᓚᔑᔭᓇ 2:3

ᐊᓇ ᑳ ᐱᒋᔅᑳᑯᑦ ᒥᓯᐌ ᐌᓗᒋ ᑲᑫᑕᐌᓕᑕᒧᐎᓂᓕᐤ ᓀᔥᑕ ᑭᔅᑫᓕᑕᒧᐎᓂᓕᐤ᙮

ᑯᓚᔑᔭᓇ 2:9

ᐌᓴ ᐎᓚ ᐎᔭᐎᔥᑳᑯ ᐁ ᐃᔑ ᒫᒪᐌᓕᑖᑾᓂᓕᒃ ᑭᒋᒪᓂᑐ ᐅᑦ ᐃᑌᓕᑖᑯᓯᐎᓐ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 1:5

ᐌᓴ ᑫᑯ ᐁᓐᒐᓚ ᐎᔅᑳᑦ ᑳ ᐃᑖᑦ, ᑭᓚ, ᓂᑯᓯᔅ, ᐊᓄᒡ ᐁ ᑭᔑᑳᒃ ᑯᑯᓯᓯᒥᑎᓐ? ᒥᓇ ᒫᑲ, ᓂ ᑳ ᐅᑖᐎᒥᒃ, ᐎᓚ ᓀᔥᑕ ᓂ ᑳ ᐅᑯᓯᓯᒪᐤ?

ᐦᐃᑉᕉᐗ 10:5

ᐁᐗᑯ ᐌᒋ, ᐃᔅᐱ ᐊᔅᑮᒃ ᑌᑯᔑᒃ, ᐃᑗᐤ, ᓵᓵᑭᐎᓕᐌᐎᓐ ᓀᔥᑕ ᐸᑭᑎᓂᑫᐎᓐ ᓇᒪᐎᓚ ᑭ ᑮ ᓇᑕᐌᓕᑌᓐ, ᒫᑲ ᒥᔭᐤ ᑭ ᑮ ᐋᔦᔅᑲᐎᑕᒪᐎᓐ:

ᐦᐃᑉᕉᐗ 2:11

ᐌᓴ ᐊᓇ ᑳ ᐸᓓᑭᐃᐌᑦ, ᐊᓂᑭ ᓀᔥᑕ ᑳ ᐸᓓᑭᐋᑲᓂᐎᒋᒃ ᐯᔭᑯᔭᑭᓯᐗᒃ: ᐁᐗᑯ ᐅᒋ ᓇᒪᐎᓚ ᓇᓀᐯᐎᓯᐤ ᓂᒋᔖᓇᒃ ᑭᒋ ᐃᔑᓂᑳᑖᑦ,

ᐦᐃᑉᕉᐗ 5:5

ᐁᑯ ᑖᐱᔅᑯᒡ ᓀᔥᑕ ᙭ ᓇᒪᐎᓚ ᑮ ᐅᒋ ᑭᔅᑌᓕᑖᑯᐃᑎᓱ ᑭᒋ ᑭᒋ ᓵᓴᑮᐎᓕᐌᐎᓕᓕᐋᑲᓂᐎᑦ; ᒫᑲ ᐊᓂᐃ ᑳ ᑮ ᐃᑎᑯᑦ, ᑭᓚ ᓂᑯᓯᔅ, ᐊᓄᒡ ᐁ ᑭᔑᑳᒃ ᑭᑐᑯᓯᓯᒥᑎᓐ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔥᑕᒻ ᒑᓐ 4:9

ᐅᑕ ᑳ ᐃᔑ ᓄᑯᑣᑯᔭᒃ ᑭᒋᒪᓂᑐ ᐅ ᓵᑭᐃᐌᐎᓐ, ᑭᒋᒪᓂᑐ ᐁ ᑮ ᐃᔑᑎᔕᐙᑦ ᑳ ᐯᔭᑯᓕᒋ ᐅᑯᓯᓴ ᐊᔅᑮᒃ, ᐎᓚ ᑭᒋ ᐅᒋ ᐱᒫᑎᓯᔭᒃ᙮

ᓂᔓ ᒑᓐ 1:7

ᐌᓴ ᒥᒉᑦ ᐅᑲᑳᔦᓕᓰᔅᑲᒃ ᑮ ᐯᒋ ᐃᑐᑌᐗᒃ ᐊᔅᑮᒃ, ᐁᑳ ᑳ ᐎᑕᑭᒃ ᒋᓴᔅ ᙭ᑕ ᐁ ᐯᒋ ᑕᑯᔑᓂᓕᒋ ᐎᔮᓯᒃ᙮ ᐊᐗ ᐁᐗᑯ ᐅᑲᑳᔦᓕᓯᐃᐌᔉ ᓀᔥᑕ ᓇᔅᐹᒡ ᙭᙮

ᑭᔅᑫᓕᑖᑯᑖᑫᐎᓐ 19:13

ᑭ ᑭᑭᔥᑲᒻ ᒫᑲ ᐊᑯᐅᓂᓕᐤ ᐁ ᑮ ᑭᑖᓂᑳᑌᓕᒃ ᒥᑯᒃ: ᐅᑦ ᐃᔑᓂᑳᓱᐎᓐ ᒫᑲ ᐃᔑᓂᑳᑌᓕᐤ, ᐅᑦ ᐋᔭᒥᐎᓐ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 21:3

ᓂ ᑮ ᐯᑌᓐ ᒫᑲ ᑭᒋ ᐯᑖᑯᓯᐎᓐ ᑭᒋᑭᔑᑯᒃ ᐅᒋ ᐁ ᐃᑗᒪᑲᒃ, ᒫᑎᑲ ᑭᒋᒪᓂᑐ ᐎᑭ ᐃᑕᑾᓂᓕᐤ ᐃᑕ ᐁ ᐃᑖᓕᒋ ᐃᓕᓕᐗ, ᑲᑕ ᐎᒋᑕᔑᑫᒣᐤ ᒫᑲ, ᑲᑕ ᐅᑦ ᐃᓕᓕᒥᐤ ᒫᑲ, ᑭᒋᒪᓂᑐ ᑫᒋᐙᒃ ᓀᔥᑕ ᑲᑕ ᐎᒉᐌᐤ, ᓀᔥᑕ ᑲᑕ ᐅ ᑭᒋᒪᓂᑐᒥᒥᑯᐗᒃ᙮