ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17 - ᐅᔅᑭ ᑎᔅᑌᒥᓐᑦ

¹⁷ ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:28

ᐁᑯ ᓀᔥᑕ ᑭᓚᐗᐤ ᐁᔑ ᒥᓦᑎᓯᑳᓱᔦᒃ ᐁ ᐙᐸᒥᑖᑾᒃ ᐃᓕᓕᐗᒃ, ᐊᑖᒥᒃ ᒫᑲ ᑭ ᓵᑲᔅᑭᓀᓇᐗᐤ ᐋᔭᒥᐁᑳᓱᐎᓐ ᓀᔥᑕ ᒪᒑᑎᓯᐎᓐ᙮

ᐅᐸᓓᑭᔅ ᒫᑎᐤ 5:8

ᔕᐌᓕᑖᑯᓯᐗᒃ ᑳ ᐸᓓᑭᓯᒋᒃ ᐅᑌᐃᐙᒃ; ᐌᓴ ᑲᑕ ᐙᐸᒣᐗᒃ ᑭᒋᒪᓂᑐᐗ᙮

ᐅᐸᓓᑭᔅ ᒫᑎᐤ 5:9

ᔕᐌᓕᑖᑯᓯᐗᒃ ᑳ ᐅᑐᑌᒥᐃᐌᒋᒃ; ᐌᓴ ᑭᒋᒪᓂᑐ ᐅᑦ ᐊᐙᔑᒥᔕ ᑲᑕ ᐃᔑᓂᑳᓱᐗᒃ᙮

ᐅᐸᓓᑭᔅ ᓘᒃ 21:15

ᐌᓴ ᓂᓚ ᑭ ᑳ ᒥᓕᑎᓇᐗᐤ ᒥᑐᓐ ᓀᔥᑕ ᑲᑫᑕᐌᓕᑕᒧᐎᓐ ᐁᑳ ᑫ ᑮ ᐋᓉᑕᑭᒃ ᐁᑳ ᓀᔥᑕ ᑫ ᑮ ᔖᑯᒋᑖᒋᒃ ᒥᓯᐌ ᐊᓂᑭ ᑳ ᐸᒀᑎᑖᑾᒃ᙮

ᐅᐸᓓᑭᔅ ᓘᒃ 6:36

ᐁᐗᑯ ᐅᒋ ᔕᐌᓕᒋᑫᒃ, ᑖᐱᔅᑯᒡ ᑯᑖᐎᐗᐤ ᐁ ᐃᔑ ᔖᐌᓕᒋᑫᑦ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:47

ᒋᓴᔅ ᑮ ᐙᐸᒣᐤ ᓇᑕᓂᔭᓚ ᐁ ᐯᒋ ᓈᑎᑯᑦ, ᐃᑌᐤ ᒫᑲ, ᐙᐸᒥᒃ ᐁ ᑖᐺᐎᓂᐎᑦ ᐃᔅᕃᐃᓚᐃᑦ, ᐁᑳ ᐁ ᐱᒋᔅᑳᑯᑦ ᐙᔦᔑᐃᐌᐎᓂᓕᐤ᙮

ᐊᐸᔅᑕᓚᒃ 11:24

ᐌᓴ ᑮ ᒥᓗ ᐃᓕᓕᐎᐤ, ᓀᔥᑕ ᑮ ᓵᑲᔅᑭᓀᔅᑳᑯ ᐸᓓᑭ ᐊᒑᑾ ᓀᔥᑕ ᑖᐺᔦᓕᑕᒧᐎᓂᓕᐤ: ᒥᒉᑦ ᒫᑲ ᐃᓕᓕᐗ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ᙮

ᐊᐸᔅᑕᓚᒃ 9:36

ᐁᑯ ᑳ ᐃᑖᑦ ᐊᓐᑕ ᒐᐸᐃᒃ ᐯᔭᒃ ᑭᔅᑭᓄᐊᒪᐙᑲᓐ ᑖᐱᑕ ᐁ ᐃᔑᓂᑳᓱᑦ, ᐊᓂᒪ ᐁ ᐃᑗᔅᒋᑳᑕᒃ ᑐᕐᑲᔅ ᑳ ᐃᑣᓂᐗᒃ: ᐊᐗ ᐃᔅᑴᐤ ᑮ ᓵᑲᔅᑭᓀᐤ ᒥᓗ ᐊᑐᔅᑭᐎᓇ ᓀᔥᑕ ᐅᒌᔅᑕᒫᑫᐎᓇ ᑳ ᑮ ᑐᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:18

ᑮᔥᐱᓐ ᑮ ᐃᔅᐸᓕᒃ, ᐃᔥᐱᔥ ᐁ ᑲᔥᑭᑖᔦᒃ, ᑳᔮᒣᓕᑕᒧᐎᓂᒃ ᐎᒋᐱᒫᑎᓯᒥᑯᒃ ᒥᓯᐌ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:9

ᐁᑯᔑ ᓵᑭᐃᐌᐎᓐ ᐁᑳᐎᓚ ᑲᑕ ᑭᓕᑳᐎᓂᑳᑌᐤ ᑲᑳᔦᓕᓯᐎᓂᒃ᙮ ᐸᒀᑕᒧᒃ ᐊᓂᒪ ᑳ ᒫᓛᑕᒃ; ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14

ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 6:6

ᐸᓓᑭᓯᐎᓂᒃ, ᑭᔅᑫᓕᑕᒧᐎᓂᒃ, ᓴᓯᐯᓕᑕᒧᐎᓂᒃ, ᑭᔐᐙᑎᓯᐎᓂᒃ, ᐸᓓᑭ ᐊᒑᒃ ᐅᒋ, ᑖᐺ ᓵᑭᐃᐌᐎᓂᒃ,

ᓂᔓ ᑯᕆᓐᑎᐊᓇ 7:11

ᐌᓴ ᒫᑎᑲ, ᐅᒪ ᑫᒀᓐ, ᐁ ᑮ ᒪᓂᑐᐎ ᒥᒋᓚᐌᓯᔦᒃ, ᑖᓂ ᑳ ᑮ ᐃᔑ ᔮᒀᒥᓯᐃᑯᔦᒃ, ᐁᐁ, ᑖᓂ ᑳ ᑮ ᐃᔑ ᒫᒥᓄᒥᑎᓱᔦᒃ, ᐁᐁ, ᑖᓂ ᑳ ᑮ ᐃᔑ ᐋᑯᓚᐌᓱᔦᒃ, ᐁᐁ, ᑖᓂ ᑳ ᑮ ᐃᔑ ᑯᔅᑖᒋᔦᒃ, ᐁᐁ, ᑖᓂ ᑳ ᑮ ᐃᔑ ᒪᔥᑲᐌᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᓱᑫᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᐋᔅᑯᒋᐃᐌᔦᒃ! ᒥᓯᐌ ᑫᒀᓇ ᑭ ᑮ ᐙᐸᑎᓕᐙᓇᐗᐤ ᐁᑳ ᐁ ᒪᒉᓕᑖᑯᓯᔦᒃ ᐅᒪ ᐅᒋ᙮

ᓂᔓ ᑯᕆᓐᑎᐊᓇ 9:10

ᐊᓇ ᒫᑲ ᑳ ᐅᑎᓇᒪᐙᑦ ᓯᒥᓇ ᐊᓂᐃ ᑳ ᐗᓴᓶᐱᓂᑫᓕᒋ, ᑭ ᑳ ᐎ ᐅᑎᓇᒫᑯᐗᐤ ᐊᓚᑯᓇᐗ ᑭᒋ ᒧᐎᒣᒃ, ᓀᔥᑕ ᑭ ᑳ ᐎ ᓚᑭᑭᑕᐤ ᑭ ᓯᒥᓂᒥᐗᐗ ᑳ ᐗᓴᓶᐱᓂᑳᑌᑭ, ᓀᔥᑕ ᑲᑕ ᐎ ᓚᑭᑭᑕᐤ ᐊᓂᐃ ᐁ ᐃᔑ ᒥᓂᔑᐗᒃ ᑭ ᒀᔭᔅᑭᑖᑎᓯᐎᓂᐗᐤ:

ᐃᐱᓯᔭᓇ 5:9

ᐌᓴ ᐊᓂᒪ ᑳ ᒥᓂᔑᐎᑦ ᐊᒑᒃ ᐃᑕᑾᒃ ᒥᓯᐌ ᒥᓨᑎᓯᐎᓂᒃ, ᓀᔥᑕ ᒀᔭᔅᑭᑖᑎᓯᐎᓂᒃ, ᓀᔥᑕ ᑖᐺᐎᓂᒃ;

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 4:8

ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᓂᔥᑕᒻ ᑌᓴᓗᓂᔭᓇ 2:7

ᒫᑲ ᑭ ᑮ ᓗᔅᑳᑎᓯᔅᑖᑎᓈᓐ ᑖᐱᔅᑯᒡ ᐅᑲᓇᓇᐗᓱ ᐁ ᐃᔑ ᑲᓇᐌᓕᒫᑦ ᐅᑦ ᐊᐙᔑᒥᔕ᙮

ᓂᔥᑕᒻ ᑎᒧᑎ 5:21

ᑭ ᔮᒀᒥᒥᑎᓐ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᓀᔥᑕ ᑳ ᐙᐌᓛᐸ ᒫᑲᓂᐎᒋᒃ ᐁᓐᒐᓚᒃ, ᑭᒋ ᓈᑲᑕᐌᓕᑕᒪᓐ ᐅᐅ, ᐁᑳ ᐊᐙᓯᑌ ᐁ ᑭᔅᑌᓕᒪᑦ ᐯᔭᒃ ᐊᐌᓇ ᐃᔥᐱᔥ ᑯᑕᒃ, ᐁᑳ ᑫᒀᓐ ᐁ ᑐᑕᒪᓐ ᐁᑳ ᐁ ᐃᔑ ᒀᔭᔉ ᑎᐹᔅᑯᓀᓕᒋᑳᑌᒃ᙮

ᓂᔓ ᑎᒧᑎ 2:24

ᐊᓇ ᒫᑲ ᑳ ᐅᑦ ᐊᑑᔅᑫᓚᑲᓂᒥᑯᑦ ᐅᑎᐯᓕᒋᑫᐗ ᓇᒪᐎᓚ ᑳᑕ ᐋᔑᑌᒥᐌᐤ; ᒫᑲ ᑲᑕ ᓗᔅᑳᑎᓰᔅᑕᐌᐤ ᒥᓯᐌ ᐃᓕᓕᐗ, ᐁ ᐎ ᑭᔅᑭᓄᐊᒫᑫᑦ, ᐁ ᔑᐱᓚᐌᓯᑦ,

ᑕᐃᑕᔅ 1:15

ᐊᓂᑭ ᑳ ᐸᓓᑭᓯᒋᒃ ᒥᓯᐌ ᑫᒀᓐ ᐸᓓᑲᓂᓕᐤ: ᒫᑲ ᐊᓂᑭ ᑳ ᐎᓂᓯᒋᒃ ᓀᔥᑕ ᐁᑳ ᑳ ᑖᐺᑕᑭᒃ ᓇᒪᐎᓚ ᑫᒀᓐ ᐸᓓᑲᓂᓕᐤ; ᒫᑲ ᐙᐙᒡ ᐅ ᒥᑐᓀᓕᒋᑲᓂᐗᐤ ᓀᔥᑕ ᐅᑌᐃᐗᐤ ᐎᓕᐸᓕᓕᐤ᙮

ᑕᐃᑕᔅ 3:2

ᐁᑳᐎᓚ ᑭᒋ ᒪᒋ ᐋᓕᒧᒫᒋᒃ ᐊᐌᓕᐗ, ᐁᑳ ᑭᒋ ᒀᓗᑐᑕᑫᒋᒃ, ᒫᑲ ᑭᒋ ᑳᔮᒣᐎᓯᒋᒃ ᒥᑐᓂ ᐁ ᓗᔅᑳᑎᓰᔅᑕᐙᒋᒃ ᒥᓯᐌ ᐃᓕᓕᐗ᙮

ᐦᐃᑉᕉᐗ 12:11

ᐸᐸᓴᔅᑌᐅᐌᐎᓐ ᒫᑲ ᓇᒪᐎᓚ ᐊᓄᒡ ᒥᓗᐙᑎᑯᓈᑾᓐ, ᒫᑲ ᑯᓯᑴᓕᑖᑾᓐ: ᐌᓕᐌᒃ ᒫᑲ ᐹᑎᒪ ᓂᑖᐎᑭᑖᒪᑲᓐ ᑳᔮᒣᐎᓯᐎ ᒥᓂᔕ ᒀᔭᔅᑭᑖᑎᓯᐎᓂᒃ ᑳ ᐅᒋᐸᓕᑭ, ᐊᓂᑭ ᐅᒋ ᐁᑯᑕ ᑳ ᓄᒋᒋᑫᒋᒃ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:17

ᒥᓯᐌ ᑕᑐ ᒥᓗ ᒥᓕᐌᐎᓐ ᓀᔥᑕ ᑕᑐ ᒫᐗᒋ ᒥᓗ ᒥᓕᐌᐎᓐ ᐃᔥᐱᒥᒃ ᐅᒋᐸᓕᐤ ᐅᒋ ᓛᔑᐸᓕᐤ ᒫᑲ ᐊᓇ ᑳ ᐅᑖᐎᒥᑯᑦ ᐙᔅᑌᐎᓇ, ᐊᓇ ᒥᑐᓂ ᐁᑳ ᑳ ᑳᑭᐌᔦᓕᑕᒃ ᐁᑳ ᓀᔥᑕ ᒥᑐᓂ ᑳ ᑴᔅᑳᑎᓰᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:5

ᑮᔥᐱᓐ ᒫᑲ ᐊᐌᓇ ᐁ ᐃᑕᔑᔦᒃ ᐁᑳ ᐁᔮᑴ ᑲᑫᑕᐌᓕᑕᒧᐎᓂᓕᐤ, ᐁᑯᔑ ᑲᑕ ᓇᑐᑕᒪᐌᐤ ᑭᒋᒪᓂᑐᐗ, ᐊᓇ ᑳ ᑭᔐᐙᑎᓯᐎ ᒥᓛᑦ ᒥᓯᐌ ᐃᓕᓕᐗ, ᐁᑳ ᓀᔥᑕ ᑳ ᑭᑐᑖᑦ; ᑲᑕ ᒥᓛᑲᓂᐎᐤ ᒫᑲ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:13

ᐌᓴ ᐎᓚ ᑲᑕ ᐋᔭᐤ ᑎᐹᔅᑯᓂᑯᓯᐎᓂᓕᐤ ᐁᑳ ᐁ ᐊᓯᒋᐸᓕᓕᒃ ᔕᐌᓕᒋᑫᐎᓂᓕᐤ, ᐁᑳ ᑳ ᑮ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ; ᔕᐌᓕᒋᑫᐎᓐ ᒫᑲ ᒥᓚᐙᑕᒧᒪᑲᓐ ᐁ ᔖᑯᒋᑳᑌᒃ ᑎᐹᔅᑯᓂᑫᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:4

ᓇᒪ ᓈ ᓇᓈᑲᐤ ᑭᑦ ᐋᔨᑌᓕᑌᓇᐗᐤ ᑭ ᒥᑐᓀᓕᒋᑲᓂᐙᒃ, ᓀᔥᑕ ᑭ ᑎᐸᔅᑯᓀᓕᑌᓇᐗᐤ ᒪᒋ ᒥᑐᓀᓕᒋᑫᐎᓇ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:15

ᐅᒪ ᑲᑫᑕᐌᓕᑕᒧᐎᓐ ᓇᒪᐎᓚ ᐃᔥᐱᒥᒃ ᐅᒋ ᓛᔑᐸᓕᐤ, ᒫᑲ ᐊᔅᑭᐗᓐ, ᐎᔮᓯᐗᓐ, ᒪᒋᒪᓂᑐᐗᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:8

ᐯᔣᐸᒥᒃ ᑭᒋᒪᓂᑐ, ᐁᑯ ᒫᑲ ᑫ ᐯᔣᐸᒥᑖᒃ᙮ ᑭᒋᔅᑎᓇᒧᒃ ᑭᒋᒋᐗᐗ, ᒣᒋᑣᔦᒃ; ᐸᔦᑭᑖᒃ ᒫᑲ ᑭᑌᐃᐙᐗ ᑳ ᓂᔓ ᒥᑐᓀᓕᒋᑲᓂᔦᒃ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᐱᑕᕐ 2:18

ᐊᑑᔅᑫᓛᑲᓂᑐᒃ, ᓇᓇᐃᑖᑯᒃ ᑭᑦ ᐅᑭᒫᒥᐙᐗᒃ ᒥᓯᐌ ᓇᓂᒋᐎᓂᒃ: ᓇᒪᐎᓚ ᐊᓂᑭ ᐱᑯ ᑳ ᒥᓗᑣᒋᒃ ᓀᔥᑕ ᑳ ᓗᔅᑳᑎᓯᒋᒃ, ᒫᑲ ᐊᓯᒋᒃ ᐊᓂᑭ ᑳ ᐊᒀᑎᓯᒋᒃ᙮

ᓂᔥᑕᒻ ᒑᓐ 3:18

ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮