ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:19 - ᐅᔅᑭ ᑎᔅᑌᒥᓐᑦ

¹⁹ ᑭ ᑖᐺᑌᓐ ᐁ ᐃᑖᑦ ᐯᔭᒃ ᑭᒋᒪᓂᑐ; ᒀᔭᔉ ᑭ ᑐᑌᓐ: ᒪᒋᐊᒑᑾᒃ ᓀᔥᑕ ᑕᐺᑕᒶᒃ, ᓇᓇᒥᐸᓕᐗᒃ ᒫᑲ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 8:29

ᒫᑎᑲ, ᒫᑲ, ᑮ ᑌᐺᓕᐗ, ᐁ ᐃᑎᑯᑦ, ᑫᒀᓐ ᑫ ᑐᑖᑖᒃ, ᒋᓴᔅ, ᑭᒋᒪᓂᑐ ᐌᑯᓯᓯᒥᔉ? ᑭ ᑮ ᐯᒋ ᐃᑐᑖᓐ ᓈ ᑭᒋ ᑲᒀᑕᑭᐃᔮᒃ ᐸᒧᔑ ᐅᑎᒋᐸᓕᒃ?

ᐅᐸᓓᑭᔅ ᒫᕐᒃ 1:24

ᐁ ᐃᑗᑦ, ᐁᑳᐎᓚ ᐙᔦᔥ ᑐᑖᐎᓈᓐ; ᑖᓂ ᑫ ᐃᑖᐸᒋᐃᑖᒃ, ᑭᓚ ᒋᓴᔅ ᓈᓴᕆᑎᒃ ᐅᒋ? ᑭ ᐯᒋ ᐃᑐᑖᓐ ᓈ ᑭᒋ ᓂᔑᐗᓈᒋᐃᔮᒃ? ᑭ ᑭᔅᑫᓕᒥᑎᓐ ᐊᐌᓇ ᑭᓚ, ᐅ ᐸᓓᑭᓯᒪ ᑭᒋᒪᓂᑐ᙮

ᐅᐸᓓᑭᔅ ᒫᕐᒃ 12:29

ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐊᓂᒪ ᒫᐗᒋ ᓃᔥᑕᒻ ᑲᑫᔅᑴᐎᓐ ᐁᐗᑯ ᐅᒪ, ᓇᑐᑕ, ᐅ ᐃᔅᕃᐃᓪ, ᐅᑎᐯᓕᒋᑫᐤ ᑭ ᑭᒋᒪᓂᑐᒥᓇᐤ ᐯᔭᑯ ᐁ ᑎᐯᓕᒋᑫᑦ:

ᐅᐸᓓᑭᔅ ᒫᕐᒃ 5:7

ᑮ ᑌᐺᐤ ᒫᑲ ᐁ ᑭᔗᐌᑦ, ᓀᔥᑕ ᑮ ᐃᑗᐤ, ᑖᓂ ᑭᓚ ᑫ ᐃᑖᐸᒋᐃᑖᓐ, ᒋᓴᔅ ᑭᓚ ᐌᑯᓯᓯᒥᔉ ᒫᐗᒡ ᐁᔅᐯᓕᑖᑯᓯᑦ ᑭᒋᒪᓂᑐ? ᑭ ᑭᒋᐃᑗᐃᑎᓐ ᑭᒋᒪᓂᑐ ᐅᒋ, ᐁᑳ ᑭᒋ ᑲᒀᑕᑭᐃᔭᓐ᙮

ᐅᐸᓓᑭᔅ ᒫᕐᒃ 7:9

ᑮ ᐃᑌᐤ ᒫᑲ, ᒥᑐᓂ ᑭᑦ ᐋᑕᐌᓕᑕᒸᓇᐗᐤ ᐅ ᑲᑫᔅᑴᐎᓐ ᑭᒋᒪᓂᑐ, ᑭᒋ ᑮ ᑲᓇᐌᓕᑕᒣᒃ ᑎᐱᓚᐌ ᑮ ᑭᔅᑭᓄᐊᒫᑫᐎᓂᐗᐤ᙮

ᐅᐸᓓᑭᔅ ᓘᒃ 4:34

ᐁ ᐃᑗᑦ, ᐁᑳᐎᓚ ᐱᒣᓕᒥᓈᓐ: ᑖᓂ ᑭᓚ ᑫ ᐃᑖᐸᒋᐃᑖᒃ, ᑭᓚ ᒋᓴᔅ, ᓇᓴᕋᑎᒃ ᑳ ᐅᒋᔭᓐ? ᑭ ᐯᒋ ᓂᔑᐗᓈᒋᐃᓈᓐ ᓈ? ᑭ ᑭᔅᑫᓕᒥᑎᓐ ᐊᐌᓇ ᑭᓚ; ᐅ ᐸᓓᑭᓯᒪ ᑭᒋᒪᓂᑐ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐊᐸᔅᑕᓚᒃ 16:17

ᐊᐗ ᒫᑲ ᑮ ᓄᓱᓀᐌᐤ ᐹᓚ ᓀᔥᑕ ᓂᓚᓈᓐ, ᐁ ᑌᐺᑦ ᒫᑲ, ᐁ ᐃᑗᑦ ᐅᑯ ᐃᓕᓕᐗᒃ ᐅᑦ ᐊᑐᔅᑫᓚᑲᓂᒥᑯᐗᒃ ᒫᐗᒡ ᑳ ᑭᔅᑎᓯᓕᒋ ᑭᒋᒪᓂᑐᐗ ᑳ ᐙᐸᑎᓕᑕᑾᒃ ᐱᒫᒋᐃᐌᐎᓂ ᒣᔅᑲᓇᐤ᙮

ᐊᐸᔅᑕᓚᒃ 19:15

ᒪᒋ ᐊᒑᒃ ᒫᑲ ᑮ ᓇᔥᑴᐗᔑᐃᐌᐤ, ᓀᔥᑕ ᑮ ᐃᑌᐤ, ᒋᓴᔅ ᓂ ᑭᔅᑫᓕᒫᐤ, ᓀᔥᑕ ᐹᓪ ᓂ ᑭᔅᑫᓕᒫᐤ; ᒫᑲ ᐊᐌᓂᑭ ᑭᓚᐗᐤ?

ᐊᐸᔅᑕᓚᒃ 24:25

ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:30

ᐁ ᓄᑾᒃ ᐁ ᐯᔭᑯᑦ ᑭᒋᒪᓂᑐ, ᑫ ᒀᔭᔅᑭᑖᑎᓯᐋᑦ ᑳ ᑭᔅᑭᓄᓅᐙᒋᔣᑲᓂᐎᓕᒋ ᑖᐺᔦᓕᑕᒧᐎᓂᒃ, ᓀᔥᑕ ᐁᑳ ᑳ ᑭᔅᑭᓄᐙᒋᔣᑲᓂᐎᓕᒋ ᑖᐺᔦᓕᑕᒧᐎᓂᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 8:4

ᒫᑲ ᐁ ᒥᒋᓈᓂᐗᒃ ᐊᓂᐃ ᑳ ᑮ ᐸᑭᑎᓇᒫᒋᒃ ᐁ ᓵᓴᑭᐎᓕᐌᔅᑕᐙᑲᓂᐎᒋᒃ ᒪᓂᑐᑳᓇᒃ ᑭ ᑭᔅᑫᓕᑌᓈᓇᐤ ᒫᓂᑐᑳᓐ ᐁᑳ ᐙᔦᔥ ᐁ ᐃᑌᓕᑖᑯᓯᑦ ᐅᑕ ᐊᔅᑮᒃ, ᓀᔥᑕ ᐁᑳ ᐙᐙᒡ ᐁ ᐃᑖᑦ ᑯᑕᑳ ᑭᒋᒪᓇᑐ, ᐱᑯ ᐯᔭᒃ᙮

ᓂᔥᑕᒻ ᑯᕆᓐᑎᐊᓇ 8:6

ᒫᑲ ᑭᓚᓈᓇᐤ ᐅᒋ ᐯᔭᑯ ᐱᑯ ᑭᒋᒪᓂᑐ, ᐊᓇ ᐌᐅᑖᐎᒫᐎᑦ, ᑳ ᐅᒋᐸᓕᑭ ᒥᓯᐌ ᑫᒀᓇ, ᓀᔥᑕ ᑭᓚᓈᓇᐤ ᐊᓇ ᑳ ᐅᒋ ᐃᑖᔭᒃ᙮

ᑲᓓᔕᐊᓇ 3:20

ᐅᑖᔭᒥᔅᑕᒫᑫᐤ ᒫᑲ ᓇᒪᐎᓚ ᐃᑖᐤ ᐃᑕ ᐁ ᐃᑖᓕᒋ ᐯᔭᒃ ᐊᐌᓕᐗ ᐱᑯ, ᒫᑲ ᑭᒋᒪᓂᑐ ᐯᔭᑯ᙮

ᓂᔥᑕᒻ ᑎᒧᑎ 2:5

ᐌᓴ ᐯᔭᑯ ᑭᒋᒪᓂᑐ, ᐯᔭᑯ ᓀᔥᑕ ᐅᑕᔭᒥᐁᔅᑕᒫᑫᐤ ᑕᔅᑕᐎᒡ ᑭᒋᒪᓂᑐᐗ ᓀᔥᑕ ᐃᓕᓕᐗ, ᐊᓇ ᐃᓕᓕᐤ ᙭ ᒋᓴᔅ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:8

ᑮᔥᐱᓐ ᑎᐱᑐᑕᒣᒃ ᐊᓂᒪ ᑭᒋᐅᑭᒪᐎ ᐅᓚᔓᐌᐎᓐ, ᐁ ᐃᑗᒪᑲᒃ ᒪᓯᓇᐃᑫᐎᓐ, ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ, ᑭ ᒥᓗ ᑐᑌᓇᐗᐤ:

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮