ᐦᐃᑉᕉᐗ 9:14 - ᐅᔅᑭ ᑎᔅᑌᒥᓐᑦ

¹⁴ ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐦᐃᑉᕉᐗ 9:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:28

ᒫᑲ ᑮᔥᐱᓐ ᑭᒋᒪᓂᑐ ᐅᑦ ᐊᒑᑾ ᐅᒋ ᐗᓚᐎᐌᐱᓇᑭᒃ ᒪᒋ ᐊᒑᑾᒃ, ᐁᑯ ᐌᑎᑎᑯᐌᒃ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᑎᐤ 7:11

ᑮᔥᐱᓐ ᒫᑲ ᑭᓚᐗᐤ ᐁ ᐋᑕ ᒪᒋᑣᔦᒃ ᑫᔅᑫᓂᑕᒧᐌᑴ ᑭᒋ ᐃᔑ ᒥᓓᑾᒃ ᒥᓗ ᒥᓕᐌᐎᓇ ᑭᑦ ᐊᐙᔑᒥᔑᐙᐗᒃ, ᑖᓂ ᒫᑲ ᐃᔥᐱᔥ ᐊᐙᓯᑌ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᑫ ᐎ ᒥᓛᑦ ᒥᓗ ᑫᒀᓇ ᐊᓂᐃ ᑳ ᓇᑐᑕᒫᑯᑦ?

ᐅᐸᓓᑭᔅ ᓘᒃ 1:74

ᑭᒋ ᒥᓕᑕᒃ, ᑭᓚᓈᓇᐤ ᐁ ᐎᑾᒋᐃᑲᐎᔭᒃ ᐅᒋᒋᐙᒃ ᐅᒋ ᐊᓂᑭ ᑳ ᐎ ᒪᒋᑐᑖᑕᑯᒃ, ᑭᒋ ᐊᑐᔅᑫᔅᑕᐗᒃ ᐁᑳ ᐁ ᓭᑭᓯᔭᒃ,

ᐅᐸᓓᑭᔅ ᓘᒃ 12:24

ᒫᒥᑐᓀᓕᒥᑯᒃ ᑳᑳᑭᐗᒃ: ᐌᓴ ᓇᒪᐎᓚ ᐗᓭᓶᐱᓂᑫᐗᒃ, ᓇᒪ ᓀᔥᑕ ᒪᓂᔑᑫᐗᒃ; ᐁᑳ ᑳ ᐅᑦ ᐊᔅᑖᓱᐎᑲᒥᑯᒋᒃ, ᐁᑳ ᓀᔥᑕ ᑳ ᐅ ᑕᒀᐃᑫᐎᑲᒥᑯᒋᒃ; ᐊᔕᒥᑯᐗᒃ ᒫᑲ ᑭᒋᒪᓂᑐᐗ᙮ ᑖᓐ ᐁᔅᐱᒋ ᐊᐙᓯᑌ ᐁᑌᓕᑖᑯᓯᔦᒃ ᐃᔥᐱᔥ ᐱᓓᓯᐗᒃ?

ᐅᐸᓓᑭᔅ ᓘᒃ 12:28

ᑮᔥᐱᓐ ᒫᑲ ᑭᒋᒪᓂᑐ ᐅᒪ ᐃᔑ ᐁᑾᓇᐊᒧᑴ ᒪᔅᑯᔑᔭ, ᐊᓄᒡ ᐁ ᑭᔑᑳᒃ ᑳ ᐃᑕᑾᑭ ᓂᑖᐎᑭᒋᑲᓂᒃ, ᐙᐸᑫ ᒫᑲ ᐃᔥᑯᑌᐎᑲᒥᑯᒃ ᐃᔑᐌᐱᓂᑳᑌᒃ; ᑖᓐ ᐁᔅᐱᒋ ᐊᐙᓯᑌ ᑫ ᐎᓛᑕᐃᑖᒃ, ᐅ ᑭᓚᐗᐤ ᐋᐱᔑᔥ ᐱᑯ ᑎᐋᐺᔦᓕᑕᒣᒃ?

ᐅᐸᓓᑭᔅ ᓘᒃ 4:18

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ,

ᐅᐸᓓᑭᔅ ᒑᓐ 3:34

ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮

ᐊᐸᔅᑕᓚᒃ 1:2

ᐱᓕᔥ ᐊᓂᒪ ᐁ ᑭᔑᑳᒃ ᑳ ᑮ ᐅᑎᓈᑲᓂᐎᑦ ᐃᔥᐱᒥᒃ, ᐹᑎᒪ ᐎᓚ ᐸᓓᑭ ᐊᒑᑾ ᐅᒋ ᑳ ᑮ ᒥᓛᑦ ᐅᓚᔓᐌᐎᓚ ᐊᓂᐃ ᐊᐸᔅᑕᓚ ᑳ ᑮ ᐙᐌᓛᐸᒫᑦ;

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 14:15

ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;

ᐊᐸᔅᑕᓚᒃ 15:9

ᐁᑳ ᒫᑲ ᐱᑐᔥ ᐁ ᑐᑖᑕᒃ ᑭᓚᓈᓇᐤ ᓀᔥᑕ ᐎᓚᐙᐤ, ᐁ ᐸᓓᑭᑕᐙᑦ ᐅᑌᐃᓖᐗ ᑖᐺᔦᓕᑕᒨᐎᓂᓕᐤ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:20

ᐌᓴ ᐊᓂᐃ ᐁᑳ ᑳ ᓄᑾᓂᓕᑭ ᐅᑦ ᐋᔮᓇ ᐊᔅᐱᓐ ᑳ ᑮ ᐅᔑᑖᓂᐗᒃ ᐊᔅᑭ ᐅᒋ ᐹᔦᑌᓈᑾᓂᓕᐗ, ᐁ ᐅᒋ ᓂᓯᑐᒋᑳᑌᓕᑭ ᐊᓂᐃ ᑳ ᑮ ᐅᔑᑖᓂᐗᑭ, ᐅ ᑳᑭᑫ ᑲᔥᑭᐅᐎᓐ ᓀᔥᑕ ᐅ ᑭᒋᒪᓂᑐᐎᓐ; ᑳ ᐅᒋ ᐁᑳ ᑮ ᑶᑕᐎᐃᑗᒋᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:12

ᑮᔥᐱᓐ ᒫᑲ ᐅ ᐸᑭᔑᓂᐎᓂᐗᐤ ᐅᒋ ᐌᓗᑕᒃ ᐊᔅᑭ, ᓀᔥᑕ ᐅ ᐗᓂᔑᓄᐎᓂᐗᐤ ᐅᒋ ᐁᓗᑎᓯᓕᒋ ᒉᓐᑖᐃᓚ; ᑖᓐ ᐃᔥᐱᔥ ᐊᐙᓯᑌ ᐅ ᐌᓗᑎᓯᐎᓂᐗᐤ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:24

ᐌᓴ ᑮᔥᐱᓐ ᑭᓚ ᐱᑾᒋ ᐊᓕᑉ ᒥᔅᑎᑯᒃ ᑭ ᑮ ᐅᒋ ᒪᓂᑲᐅᑲᐎᔭᓐ ᐊᓂᒪ ᐅᒋᑕᐤ ᑳ ᐱᑾᑕᑎᑯᐗᒃ, ᓀᔥᑕ ᑮ ᑭᑲᒧᐃᑲᐎᔭᓐ ᐁ ᐃᔑ ᐁᑳ ᓇᐃᐸᓕᒃ ᒥᓗ ᐊᓕᑉ ᒥᔅᑎᑯᒃ: ᑖᓐ ᐁᔅᐱᒋ ᐊᐙᓯᑌ ᐊᓂᐃ ᐃᓚᑐ ᐗᑎᑾᓇ ᑭᒋ ᐃᔑ ᓇᐃᑭᑲᒧᑖᓂᐗᑭ ᑎᐱᓚᐌ ᐊᓕᑉ ᒥᔅᑎᑯᒃ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:22

ᒫᑲ ᐊᓄᒡ ᐁ ᑮ ᐎᑾᒋᐃᑲᐎᔦᒃ ᒪᒋᑣᐎᓂᒃ ᐅᒋ, ᓀᔥᑕ ᐁ ᐅᑦᐊᑑᔅᑫᓛᑲᓂᒥᑖᒃ ᑭᒋᒪᓂᑐ, ᑭ ᒥᓂᔑᐎᓇᐗᐤ ᐸᓓᑭᓯᐎᓂᒃ ᐃᔑ ᑳ ᐃᑕᒧᒃ ᑳᑭᑫ ᐱᒫᑎᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 15:45

ᐁᑯ ᓀᔥᑕ ᐁᑕᓯᓇᐃᑳᑌᒃ, ᐊᓇ ᓃᔥᑕᒻ ᓈᐯᐤ, ᐋᑕᒻ, ᑮ ᐃᔑᐋᑲᓂᐎᐤ ᐁ ᐱᒫᑎᓯᓕᒋ ᐊᒑᑾ ᑭᒋ ᐋᔭᐙᑦ; ᐊᓇ ᒫᒋᒡ ᐋᑕᒻ ᑮ ᐃᔑᐋᑲᓂᐎᐤ ᑭᒋ ᐱᒫᑎᓯᐃᐌᑦ ᐊᒑᒃ᙮

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᑲᓓᔕᐊᓇ 2:19

ᐌᓴ ᓂᓚ ᐅᓚᔓᐌᐎᓂᒃ ᓂᑦ ᐅᒋ ᓂᐳᔅᑌᓐ ᐅᓚᔓᐌᐎᓐ, ᑭᒋ ᐱᒫᑎᓰᔅᑕᐗᒃ ᑭᒋᒪᓂᑐ᙮

ᐃᐱᓯᔭᓇ 2:5

ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᓂᔥᑕᒻ ᑌᓴᓗᓂᔭᓇ 1:9

ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ;

ᓂᔥᑕᒻ ᑎᒧᑎ 1:17

ᐁᑯ ᑭᒋᐅᑭᒪᐤ ᑳᑭᑫ ᑳ ᐃᑖᑦ, ᑳᑭᑫ ᑳ ᐱᒫᑎᓰᑦ, ᐁᑳ ᑳ ᓄᑯᓯᑦ, ᐎᓚ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ, ᑲᑕ ᐎ ᑭᔅᑌᓕᒪᐤ ᓀᔥᑕ ᑲᑕ ᐎ ᑭᔅᑌᓕᑖᑯᐊᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 10:10

ᐊᓂᒪ ᐃᑌᓕᑕᒧᐎᓂᒃ ᑭ ᐸᓓᑭᐃᑲᐎᓈᓇᐤ, ᐁ ᑮ ᐸᑭᑎᓂᑳᑌᓕᒃ ᒋᓴᔅ ᙭ ᐎᔭᐤ ᐯᔭᑾᐤ ᐱᑯ ᐁ ᑌᐱᐸᓕᓕᒃ᙮

ᐦᐃᑉᕉᐗ 10:12

ᒫᑲ ᐊᐗ ᐃᓕᓕᐤ ᐹᑎᒫ ᑳ ᑮ ᐸᑭᑎᓂᑫᑦ ᐯᔭᒃ ᓵᓵᑭᐎᓕᐌᐎᓂᓕᐤ ᒪᒋᑐᑕᒧᐎᓇ ᐅᒋ, ᑳᑭᑫ ᑮ ᓇᐊᐱᐌᐤ ᐅ ᑭᒋᓂᔅᑭᓕᒃ ᑭᒋᒪᓂᑐᐗ;

ᐦᐃᑉᕉᐗ 10:2

ᐌᓴ ᑮᔥᐱᓐ ᑮ ᑐᑕᒧᒪᑲᒃ, ᓇᒪ ᓈ ᑲᑕ ᑮ ᐳᓂ ᐸᑭᑎᓂᑳᑌᑯᐸᓐ? ᐌᓴ ᐅᑕᔭᒥᐊᐗᐤ, ᐯᔭᑾᐤ ᐁ ᐹᔦᑭᐋᑲᓂᐎᒋᒃ, ᓇᒪᐎᓚ ᑫᔮᐸᒡ ᑲᑕ ᑮ ᒥᑯᔥᑳᑌᓕᑕᒥᐃᑯᐸᓇᒃ ᒪᒋᑣᐎᓂᓕᐤ ᐅ ᒥᑐᓀᓕᒋᑲᓂᐙᒃ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 11:21

ᑖᐺᔦᓕᑕᒧᐎᓐ ᐅᒋ ᒉᑲᑉ, ᐃᔅᐱ ᑫᑳᑦ ᓀᐱᑦ, ᑮ ᒥᓦᑭᐃᒣᐤ ᑳ ᓂᔑᓕᒋ ᐅᑯᓯᓴ ᒍᓯᑉ; ᓀᔥᑕ ᑮ ᐊᔭᒥᐁᔅᑖᑫᐤ, ᐁ ᐊᓱᔑᒃ ᑕᑯᒡ ᐅ ᓴᔅᑲᐅᓂᒃ᙮

ᐦᐃᑉᕉᐗ 13:12

ᐁᐗᑯ ᐌᒋ ᒋᓴᔅ ᓀᔥᑕ, ᑭᒋ ᑮ ᐸᓓᑭᐋᑦ ᐃᓕᓕᐗ ᑎᐱᓚᐌ ᐅᒥᑯ ᐅᒋ ᐗᓚᐎᑎᒥᒃ ᑭᒋᐃᔥᒀᑌᒥᒃ ᑮ ᐙᐎᓴᑫᓕᑕᒻ᙮

ᐦᐃᑉᕉᐗ 3:12

ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮

ᐦᐃᑉᕉᐗ 6:1

ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;

ᐦᐃᑉᕉᐗ 7:16

ᑳ ᐃᔑᐋᑲᓂᐎᑦ ᓇᒪᐎᓚ ᐁ ᐃᑕᔓᐌᒪᑲᒃ ᐎᔮᓯᐎ ᑲᑫᔅᑴᐎᓐ, ᒫᑲ ᐁ ᐃᔑ ᑲᔥᑭᐅᒪᑲᒃ ᐊᓂᒪ ᐁᑳ ᑫ ᐳᓂᐸᓕᒃ ᐱᒫᑎᓯᐎᓐ᙮

ᐦᐃᑉᕉᐗ 7:27

ᐁᑳ ᑳ ᓇᑕᐌᓕᑖᑯᓯᑦ ᒧᔕᒃ, ᑖᐱᔅᑯᒡ ᐁᑯ ᑭᒋ ᓵᓵᑭᐎᓕᐌᐎᓕᓕᐗᒃ, ᑭᒋ ᓵᓵᑭᐎᓕᐌᑦ, ᓃᔥᑕᒻ ᑎᐱᓚᐌ ᐅ ᒪᒋᑐᑕᒧᐎᓇ ᐅᒋ, ᐁᑯ ᒫᑲ ᐃᓕᓕᐗ ᐅ ᒪᒋᑐᑕᒧᐎᓂᓕᐗ ᐅᒋ; ᐌᓴ ᐅᒣᓕᐤ ᐯᔭᑾᐤ ᑮ ᑐᑕᒻ, ᐃᔅᐱ ᐯᑭᑎᓂᑎᓱᑦ᙮

ᐦᐃᑉᕉᐗ 9:12

ᐁᑳ ᓀᔥᑕ ᑯᑕ ᓀᔥᑕ ᒥᔅᑐᔑᔕ ᐅᒥᑯᓕᐤ ᐅᒋ, ᒫᑲ ᑎᐱᓚᐌ ᐅᒥᑯ, ᐯᔭᑾᐤ ᑮ ᐅᒋ ᐱᑐᑫᐤ ᐃᑕ ᐁ ᐸᓓᑲᓂᓕᒃ, ᐁ ᑮ ᑲᔥᑭᑕᒫᑕᒃ ᑳᑭᑫ ᑎᐸᐊᒫᑫᔅᑕᒫᑫᐎᓂᓕᐤ᙮

ᐦᐃᑉᕉᐗ 9:26

ᐌᓴ ᐅᒣᓕᐤ ᑮ ᑐᑕᒧᑯᐸᓀ ᒥᒉᑡᐤ ᑲᑕ ᑮ ᐎᓴᑫᓕᑕᒧᐸᓐ ᐃᔅᑯᓈᒃ ᑳ ᒫᒋ ᐊᔅᑭᐗᒃ: ᒫᑲ ᐊᓄᒡ ᐯᔭᑾᐤ ᐁ ᒫᒋᒡ ᑭᔑᑳᑭ ᑮ ᓄᑯᓯᐤ ᑭᒋ ᐃᑲᑌᓇᒃ ᒪᒋᑣᐎᓂᓕᐤ ᐁ ᓵᓵᑭᐎᓕᐌᐎ ᐸᑭᑎᓂᑎᓱᑦ᙮

ᐦᐃᑉᕉᐗ 9:7

ᒫᑲ ᐱᒋ ᐊᓂᒪ ᓂᔓ ᑮ ᐱᑐᑫᐤ ᑭᒋ ᓵᓵᑭᐎᓕᐌᐎᓕᓕᐤ ᐁ ᐯᔭᑯᑦ, ᐯᔭᑾᐤ ᒣᔕᑯᐱᐴᓐ, ᐁ ᐱᑐᑲᑖᑦ ᒥᑯᓕᐤ, ᑳ ᑮ ᐸᑭᑎᓂᑫᔅᑕᒫᓱᑦ, ᐊᓯᒋ ᓀᔥᑕ ᐅ ᐙᓂᐊᔨᑎᐎᓂᐙᐗ ᐃᓕᓕᐗᒃ ᐅᒋ:

ᐦᐃᑉᕉᐗ 9:9

ᐁᐗᑯ ᑭᔅᑭᓄᐙᒋᒋᑲᓐ ᐁᑯᔅᐱ ᑭᒋ ᐃᑕᑾᒃ, ᐁᑯᑕ ᑳ ᐃᔑ ᐸᑭᑎᓂᑳᓂᐗᑭ ᒥᓕᐌᐎᓇ ᓀᔥᑕ ᓵᓵᑭᐎᓕᐌᐎᓇ, ᐁᑳ ᑳ ᑲᔥᑭᐅᒪᑲᑭ ᑭᒋ ᒥᑐᓂᐎᐃᑯᑦ ᐊᓇ ᑳ ᐊᑐᔅᑫᔅᑕᒃ, ᒥᑐᓀᓕᒋᑲᓂᒃ ᐃᔑ;

ᓂᔥᑕᒻ ᐱᑕᕐ 1:19

ᒫᑲ ᑳ ᑭᔅᑕᑭᑖᑾᓂᓕᒃ ᐅᒥᑯ ᙭ ᐅᒋ, ᑖᐱᔅᑯᒡ ᒫᓂᔥᒑᓂᔑᔥ ᐁᑳ ᑳ ᒫᔅᑭᓯᑦ ᐁᑳ ᓀᔥᑕ ᑳ ᐎᓕᐱᓯᑦ:

ᓂᔥᑕᒻ ᐱᑕᕐ 2:22

ᐊᓇ ᐁᑳ ᑳ ᑮ ᒪᒋᑐᑕᒃ, ᐁᑳ ᓀᔥᑕ ᐙᔦᔑᐃᐌᐎᓐ ᑳ ᒥᔅᑭᑳᑌᓕᒃ ᐅᑐᓂᒃ:

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᐱᑕᕐ 4:2

ᐁᑳᐎᓚ ᑫᔮᐸᒡ ᑭᒋ ᐱᒫᑎᓯᑦ ᐃᔥᐱᔥ ᐁ ᐅ ᑭᔑᑳᒥᑦ ᐎᔮᓯᐎᓂᒃ ᐅ ᒪᒋᓇᑕᐌᓕᑕᒧᐎᓂᓕᒃ ᐃᓕᓕᐗ, ᒫᑲ ᐅᑦ ᐃᑌᓕᑕᒧᐎᓂᓕᒃ ᑭᒋᒪᓂᑐᐗ᙮

ᓂᔥᑕᒻ ᒑᓐ 1:7

ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,